شينجياڭ 2022 ـ جىلعى ورمان، جايىلىم، سازدىقتى تەكسەرۋ، باقىلاۋ ـ ولشەۋ قىزمەتىن باستادى
2022.05.28 20:39 كەلۋ قاينارى : حالىق تورابى
انار بۇلتى - شينجياڭ گازەتى حابارى (ءتىلشى ساۋ حۋا حابارلايدى). شينجياڭداعى ورماندار، جايىلىمدار، سازدىقتار قايدا ورنالاسقان؟ ولاردا قانداي جاڭا وزگەرىستەر بولدى؟ تاياۋدا شينجياڭ ۇيعۇر اۆتونوميالى رايوندىق ورمان شارۋاشىلىعى جانە جايىلىم مەكەمەسى 2022 ـ جىلى تۇتاس شينجياڭنىڭ ورمان، جايىلىم، سازدىق بايلىقتارىنىڭ «جاي ـ جاپسارىن ءبىلۋ» قىزمەتىن ورنالاستىرىپ، 10 ـ ايدىڭ سوڭىنا دەيىن شينجياڭنىڭ ورمان، جايىلىم، سازدىق سياقتى جەرلەردى تەكسەرۋ جانە سۋرەتكە بەلگى سالىپ باقىلاۋ ـ ولشەۋ قىزمەتىن ورىندايدى.
وسى رەتكى تەكسەرۋ، باقىلاۋ ـ ولشەۋ قىزمەتى بۇكىل شينجياڭ كولەمىندە سۋرەتكە بەلگى سالىپ باقىلاۋ ـ ولشەۋ، ۇلگى الىپ تەكسەرۋ، ساپانى باسقارۋ ـ مەڭگەرۋ، ساناققا الىپ تالداۋ جاساۋ سياقتى قىزمەتتەردى ورىستەتىپ، شينجياڭنىڭ ورمان، جايىلىم، سازدىعىنىڭ ءتۇرى، قازىرگى تارالۋ جاعدايى، سونداي ـ اق ونىڭ وزگەرىس ساندى مالىمەتتەرىنە يە بولادى، سونداي ـ اق تەكسەرۋ ـ ولشەۋ تىرەكتىك ساندى مالىمەت قويماسىن قۇرىپ، ورمان كولەمى، ورمانمەن كومكەرىلۋ مولشەرى، ورماننىڭ ساقتالۋ مولشەرى، جايىلىمنىڭ جالپىلىق وسىمدىك جامىلعىسىنىڭ كومكەرىلۋ مولشەرى سياقتى جالپى ساندى مالىمەتتەردى ساناققا الىپ، تەكسەرۋ ـ ولشەۋ جەتىستىكتەرىن جاسايدى، ت. ب. جوسپار بويىنشا، 6 - ايدان 8 - ايعا دەيىن العاشقى تەكسەرۋ، باقىلاۋ - ولشەۋ ناتيجەسى قالىپتاسىپ، 7 - ايدان 9 - ايعا دەيىن ساندى مالىمەت قويماسى قۇرىلىسى ورىندالىپ، 10 - ايدىڭ سوڭىنان بۇرىن وسى رەتكى باقىلاۋ - ولشەۋ ناتيجەسىن تەكسەرىپ وتكىزىپ الۋ قىزمەتى ورىندالادى.
ورمان، جايىلىم، سازدىق ‐ ادامزاتتىڭ تىرشىلىك ەتۋىندەگى ماڭىزدى ەكولوگيالىق جۇيە جانە ەكولوگيالىق بايلىق، 2021 ـ جىلى ەلىمىز تۇڭعىش رەت ورمان، جايىلىم، سازدىقتى تەكسەرۋ، باقىلاۋ ـ ولشەۋدى ورىستەتىپ، بۇكىل ەلدىڭ ورمان، جايىلىم بايلىعىنىڭ جاي - جاپسارىن جانە ەكولوگيالىق جاعدايىن جاپپاي انىقتادى. وسىدان كەيىن ورمان، جايىلىم، سازدى جەرلەردى تەكسەرۋ، باقىلاۋ – ولشەۋ ءار جىلى ءبىر رەت جۇرگىزىلدى ءارى 3 - رەتكى بۇكىل ەل بويىنشا مەملەكەت جەرىن تەكسەرۋ جانە وتكەن جىلعى مەملەكەت جەرىنىڭ وزگەرىسىن تەكسەرۋدە قالىپتاسقان ورمان، جايىلىم، سازدىق تۇرىندەگى سۋرەتكە بەلگى سالۋ قىزمەت كولەمى ەتىلدى.
بۇرىنعى ءتۇرلى «جاي - جاپساردى ءبىلۋ» قىزمەتىمەن سالىستىرعاندا، ورمان، جايىلىم، سازدىقتى تەكسەرۋ، باقىلاۋ ـ ولشەۋدە «ءتورت ءبىرتۇتاس بولۋدى»، ياعني ءبىرتۇتاس ورنالاستىرۋدى، ءبىرتۇتاس تۇرگە ايىرۋ ولشەمىن، ءبىرتۇتاس تەكسەرۋ كارتاسىن، ءبىرتۇتاس جەتىستىكتەردى جاريالاۋدى جۇزەگە اسىرىپ، ورمان، جايىلىم، سازدىق بايلىعىنىڭ قازىرگى جاعدايى مەن وزگەرىس جاعدايىن اناعۇرلىم دالمە ـ ءدال يگەرۋمەن بىرگە، ەكولوگيالىق جۇيەنى قورعاۋ، قالپىنا كەلتىرۋ، باقىلاۋ ـ باسقارۋ، ورمان باستىعى ءتۇزىمىن باقىلاۋ ـ تەكسەرۋ، كومىرتەگىن ىعىستىرۋدىڭ ەڭ جوعارعى شەگىنە جەتۋ مەن كومىرتەگىن بەيتاراپتاندىرۋ ستراتەگياسىن اتقارۋ سياقتىلارعا شەشىم جاسايتىن نەگىز ازىرلەپ، ەكولوگيالىق وركەنيەت قۇرىلىسىن عىلىمي باعالاۋ نەگىزىمەن قامدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
