شينجياڭدا كاسىپسىز قالعاندارعا قوسىمشا قاراجات بەرۋ كولەمى كەڭەيتىلەدى
2022.05.30 16:07 كەلۋ قاينارى : حالىق تورابى
شينجياڭ گازەتىنىڭ 5 – ايدىڭ 27 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى لي لين اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى 5 – ايدىڭ 27 – كۇنى اشقان قىزمەت ورىندى ورنىقتىرىپ، تەحنيكالىق ونەردى جەتىلدىرىپ، كاسىپسىز قالۋدان ساقتانۋ قىزمەتى جونىندەگى اقپار جاريالاۋ ماجىلىسىنەن ۇعىسۋىنشا، بيىل مەملەكەت پەن اۆتونوميالى رايوننىڭ ءبىرتۇتاس ورنالاستىرۋىنداعى تالابىنا ساي، شينجياڭ كاسىپسىز قالۋدان قامسىزداندىرۋدىڭ قامتيتىن كولەمىن كەڭەيتۋ ساياساتىن اتقارىپ، كاسىپسىز قالۋدان قامسىزداندىرۋ قاراجاتىن بەرۋدىڭ ۋاقىتى تولسا دا، ءالى كاسىپتەنە الماعاندارعا، كاسىپسىز قالۋدان قامسىزداندىرۋ قاراجاتىن الۋ شارتىنا سايكەس كەلمەيتىن، قامسىزداندىرۋعا قاتىناسقان كاسىپسىز قالۋشىلارعا قوسىمشا قاراجات تاراتادى.
قامتاماسىزداندىرۋ كولەمى 2022 – جىلى 1 – ايدىڭ 1 – كۇنىنەن 12 – ايدىڭ 31 – كۇنىنە دەيىن تىڭنان كاسىپسىز قالعان قامسىزداندىرۋعا قاتىناسۋشىلار. قامسىزداندىرۋ قورىنا قاراجات تاپسىرعانىنا ءبىر جىل تولعاندارعا، 2020 – جىلعى سول جەردەگى كاسىپسىز قالۋدان قامسىزداندىرۋ قاراجاتىن تاراتۋ ولشەمىنىڭ %80 ى بويىنشا قوسىمشا قاراجات تاراتادى؛ قامسىزداندىرۋ قورىنا قاراجات تاپسىرعانىنا ءبىر جىل تولماعاندارعا، 2020 – جىلعى سول جەردەگى كاسىپسىز قالۋدان قامسىزداندىرۋ قاراجاتىن تاراتۋ ولشەمىنىڭ %50 ى بويىنشا قوسىمشا قاراجات تاراتادى. قازىرگە دەيىن، شينجياڭدا كاسىپسىز قالعانداردان 50 مىڭنان استام ادامعا كاسىپسىز قالۋ قوسىمشا قاراجاتىنان 58 ميلليون يۋان قاراجات تاراتىلعان.
بيىل شينجياڭدا كاسىپسىز قالۋدان قامسىزداندىرۋ قاراجاتىن الۋ مەزگىلىندە كاسىپتىك تولىمدىلىق كۋالىگىن العان نەمەسە كاسىپتىك ونەر دارەجەلىك كۋالىگىن العان كاسىپسىز قالۋشىلار تەحنيكالىق ونەرىن جەتىلدىرۋشىلەرگە قوسىمشا قاراجات بەرۋ ساياساتىنان يگىلىكتەندىرۋ كولەمىنە ەنگىزىلەدى. كۋالىكتى العاننان كەيىن ءبىر جىل ىشىندە باستاپقى دارەجە (5 – دارەجە) 1000 يۋان، ورتاشا دارەجە (4 – دارەجە) 1500 يۋان، جوعارى دارەجە (3 – دارەجە) 2000 يۋان ولشەم بويىنشا تەحنيكالىق ونەرىن جەتىلدىرۋشىلەرگە بەرىلەتىن قوسىمشا قاراجاتتان يگىلىكتەنۋگە ءوتىنىش بەرۋىنە بولادى. تەحنيكالىق ونەرىن جەتىلدىرۋشىلەرگە بەرىلەتىن قوسىمشا قاراجاتتان ءبىر ادام جىلىنا ەڭ كوپ بولعاندا 3 رەت يگىلىكتەنە الادى، ساياساتتى اتقارۋ شەكتى مەرزىمى 2022 – جىلى 12 – ايدىڭ 31 – كۇنىنە دەيىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved