دەنساۋلىقتى كۇتۋ جاعىنداعى الدامكوستىكتە 127 قارت الدانىپ قالعان
4 ايىپكەر قىلمىستىق ىستەر بويىنشا جازالاندى
2022.05.31 15:26 كەلۋ قاينارى : حالىق تورابى
5 – ايدىڭ 30 – كۇنى، گۋاڭدۇڭ ولكەسى فوشان قالاسى نانحاي رايوندىق حالىق سوتى دەنساۋلىقتى كۇتۋگە قاتىستى قارجى توپتاۋ الدامكوستىك دەلوسىنا سوت ۇكىمىن اشىق جاريالادى، 4 ايىپكەر 3 جىلدان 9 جىلعا دەيىنگى ارالىقتا مەرزىمدى قاماق جازاسىنا ۇكىم ەتىلدى ءارى ولارعا اقشالاي ايىپ سالىندى، سوت مەكەمەسى ولاردى الدامكوستىكپەن قولعا كەلتىرگەن بارلىق مال – مۇلىكتەرىن قايتارۋعا بۇيىردى.
سوت مەكەمەسى تەرگەۋ ارقىلى مىنانى انىقتادى: 2020 – جىلى 7 – ايدا، گان X قاتارلى 4 ادام «دەنساۋلىقتى كۇتۋشىلەردىڭ جانۇياسى» اتتى سەرىكتەستىك قۇرىپ، قارتتارعا باعىتتاي وتىرىپ، ماڭايداعى بازار، باقشا قاتارلى ورىندارعا بارىپ ۇگىت قاعازىن، بولماشى تارتۋلاردى تاراتقان، وسى ارقىلى قارتتاردى «دەنساۋلىقتى كۇتۋگە قاتىستى ساباقتى» تىڭداۋعا ۇسىنىس ەتكەن. ساباق بارىسىندا قۋاتتىق ونىمدەردى تارتۋ ەتۋ، ساياحاتتاۋ بەلەتىن تارتۋ ەتۋ، كارتۋچكاعا اقشا تولەسە، قارىمجى قايتارۋ، ادام ۇسىنىس ەتسە سيلىق بەرۋ قاتارلى شىرعالاردان پايدالانىپ، ءبىر توپ قارتتى مۇشە بولۋعا شاقىرعان. قارىمجىسى مول، حاۋىپ جوق دەگەندى جەلەۋ ەتىپ، جالعان قارجى قۇراۋ ونىمدەرىن ساتقان. دەلو انىقتالعانعا دەيىن، 127 قارت الدانىپ، ولاردان الداپ العان اقشا ءبىر ميلليون 920 مىڭ يۋاننان اسقان، ۇكىم شىعارىلعان كۇنگە دەيىن، ءبىر ميلليون 790 مىڭ يۋان اقشا ءالى قايتارىلماعان.
سوت مەكەمەسى بىلاي دەپ قارادى: گان X قاتارلى 4 ايىپكەر زاڭسىز تۇردە يەلەپ الۋدى ماقسات ەتىپ، الدامكوستىك تاسىلىمەن زاڭسىز تۇردە قارجى توپتاعان، توپتاعان قارجىسىنىڭ سوماسى قوماقتى بولعان، ولار «جۇڭحۋا حالىق رەسپۋبليكاسىنىڭ قىلمىستىق ىستەر زاڭىنىڭ» 192 – تارماعىنا قايشىلىق جاساپ، بارلىعى قارجى توپتاۋ الدامكوستىك قىلمىسىن قالىپتاستىرعان. بۇل دەلودا زياندالعاندار نەگىزىنەن قارتتار بولعاندىقتان، جاعدايعا قاراي ايىپكەرلەردى قاتاڭ جازالاعان.
سوت مەكەمەسى مىنانى ەسكەرتەدى: زاڭسىز ەلەمەنتتەر ۇنەمى تەگىن لەكسيا، تەگىن تارتۋ، تەگىن ساياحاتتاۋ قاتارلى فورمالار ارقىلى قارتتاردىڭ سەنىمىنە يە بولىپ، قات – قابات تۇزاق قۇرىپ، قارتتاردى بىرتىندەپ شىرعالاۋ ارقىلى جىنتىكتەي ورنالاستىرعان تۇزاعىنا ءتۇسىرىپ، الدامكوستىك قىلمىسىن وتكىزەدى. وسى جونىندە قارتتار وزدەرىنىڭ الدامكوستىكتەن ساقتانۋ تانىمىن جوعارىلاتۋى، بولماشى پايداعا بولا الدانىپ قالۋدان ساق بولۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
