بالالارعا قاتىستى سالالارعا باعىتتالعان ءبىر توپ مەملەكەتتىك ولشەم جاريالاندى
مەكتەپ اۋلاسىنداعى قورعاۋ، سيفرلى وقۋلىق، بالالارعا ارنالعان بۇيىمدار قاتارلىلاردى قامتيدى
2022.06.01 14:58 كەلۋ قاينارى : حالىق تورابى
جۇمىسشىلار گازەتىنىڭ ءتىلشىسى جياڭ حان 5 – ايدىڭ 31 – كۇنى بەيجيڭنەن حابارلايدى. ءتىلشىنىڭ بۇگىن بازاردى باقىلاۋ – باسقارۋ باس مەكەمەسىنەن ۇعىسۋىنشا، «1 – ماۋسىم» بالالار مەرەكەسى كەلۋ قارساڭىندا، بازاردى باقىلاۋ – باسقارۋ باس مەكەمەسى (ولشەم كوميتەتى) بالالارعا قاتىستى سالالارعا باعىتتالعان ءبىر توپ مەملەكەتتىك ولشەمدى جاريالاعان، بۇل ولشەمدەر مەكتەپ اۋلاسىنداعى قورعاۋ، سيفرلى وقۋلىق، بالالارعا ارنالعان بۇيىمدار قاتارلى جاقتاردى قامتىعان.
تىنىش مەكتەپ اۋلاسىن قۇرۋ جاعىندا، «ورتا، باستاۋىش مەكتەپتەردىڭ، بالالار باقشالارىنىڭ حاۋىپسىزدىگى، ساقتىعى جونىندەگى تالاپتىڭ» مەملەكەتتىك ولشەمىندە، ورتا، باستاۋىش مەكتەپتەر مەن بالالار باقشالارىنداعى حاۋىپسىزدىك، ساقتىق قۇرىلىسىنىڭ جالپى بەتتىك تالابى ورتاعا قويىلىپ، حاۋىپسىزدىككە، ساقتىققا ساياتىن 16 ماڭىزدى ءتۇيىن مەن اۋماقتى ايقىنداعان ءارى سايكەستى ساقتىق شارالارى مەن جۇيەلى تەحنيكالىق تالاپتاردى ەگجەي – تەگجەيلى بەلگىلەگەن. بۇل ولشەمنىڭ اتقارىلۋى مەكتەپ اۋلاسىنداعى حاۋىپسىزدىك، ساقتىق قۋاتىن كۇشەيتۋگە ءتيىمدى بولىپ، زاڭسىز ەلەمەنتتەردىڭ سۇعاناقتىق جاساۋىنا ءونىمدى توتەپ بەرىپ، «تىنىش مەكتەپ اۋلاسى» قۇرىلىسىن اناعۇرلىم ويداعىداي ىلگەرىلەتەدى.
سيفرلى وقۋلىق جاعىندا، «سيفرلى وقۋلىق — ورتا، باستاۋىش مەكتەپ سيفرلى وقۋلىقتارىن باسپادان شىعارۋدىڭ نەگىزگى ءتارتىبى» قاتارلى 3 ءتۇرلى مەملەكەتتىك ولشەمدە، ورتا، باستاۋىش مەكتەپتەرگە ارنالعان سيفرلى وقۋلىقتاردى باسپادان شىعارۋدىڭ نەگىزگى تارتىپتەرى بەلگىلەنگەن، ورتا، باستاۋىش مەكتەپ وقۋلىقتارىنىڭ ساپاسىنا قويىلاتىن تالاپتاردى ورتاعا قويعان، تەكسەرۋ ءتارتىبى مەن تەكسەرۋ ادىستەرى بەلگىلەنگەن ءارى وقۋ – اعارتۋ سالاسى مەن باسپا ءسوز سالاسى قامتىلعان جالپى تۇلعالىق جوبانى ورتاعا قويعان.
بالالارعا ارنالعان بۇيىمدار جاعىندا، «بالالارعا ارنالعان قوبديشالار مەن سومكەلەرگە ءبىرتۇتاس قولدانىلاتىن تەحنيكالار ولشەمى»، «بالالار ساعاتى»، «بالالارعا ارنالعان بيىك ورىندىقتىڭ حاۋىپسىزدىگىن سىناقتان وتكىزۋ ءادىسى» سىندى 3 ءتۇرلى مەملەكەتتىك ولشەمدە، بالالارعا ارنالعان قوبديشالار مەن سومكەلەردىڭ، بالالارعا ارنالعان ساعاتتاردىڭ جانە بالالارعا ارنالعان بيىك ورىندىقتاردىڭ ساپاسىنا قويىلاتىن تالاپتاردى جانە ونى سىناقتان وتكىزۋ ءادىسىن ورتاعا قويعان، بۇل ونىمدەردىڭ حاۋىپسىزدىگىن جوعارىلاتۋعا، بالالاردىڭ زاڭدى ۇقىق – مۇددەسىنە اناعۇرلىم ويداعىداي كەپىلدىك ەتۋگە، قاتىستى كاسىپ سالالارىنىڭ ساپالى دامۋىن جۇيەگە تۇسىرۋگە جانە ونى جەبەۋگە ءتيىمدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
