مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى مىنانى تالاپ ەتتى
ديزەنفەكسيالاۋدى دالمە – ءدال، جۇيەلى ورىستەتۋ كەرەك (ىندەتتەن ساقتانۋعا قاتىستى ءتۇرلى قىزمەتتەردى مۇقيات، تىڭعىلىقتى ىستەۋ)
2022.06.01 15:04 كەلۋ قاينارى : حالىق تورابى
حالىق گازەتىنىڭ ءتىلشىسى باي جيانفىڭ 5 – ايدىڭ 31 – كۇنى بەيجيڭنەن حابارلايدى. مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى 5 – ايدىڭ 31 – كۇنى «جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ بارىسىندا ديزەنفەكسيالاۋ قىزمەتىن اناعۇرلىم دالمە – ءدال، جۇيەلى ورىستەتۋ جونىندەگى ۇقتىرۋدى» تاراتىپ، ىندەتتەن ساقتانۋ – تىزگىندەۋ بارىسىندا وتباسىلارعا كىرىپ ديزەنفەكسيالاۋ تەحنيكاسىنىڭ جۇيەلى بولماۋى، جۇمىستى قارا ءدۇرسىن ىستەۋ، اتقارۋدا اۋساي كەتۋ قاتارلى ماسەلەلەردىڭ تۋىلۋىن باتىل تيۋدى تالاپ ەتكەن. ديزەنفەكسيالاۋ تەحنيكاسىنىڭ ولشەمى مەن تارتىبىنە قاتاڭ تالاپ قويۋعا اناعۇرلىم ءمان بەرۋ، ديزەنفەكسيالاۋدىڭ الدىندا، ديزەنفەكسيالاۋ بارىسىندا، ديزەنفەكسيالاعاننان كەيىن جاعداي ۇعىسۋدى كۇشەيتۋگە اناعۇرلىم ءمان بەرۋ، كاسىپتىك قىزمەتكەرلەردى تاربيەلەۋ مەن قىزمەت ىستەۋ بارىسىن باقىلاۋعا اناعۇرلىم ءمان بەرۋ، بۇقاراعا ديزەنفەكسيالاۋ بىلىمدەرى مەن قاتىستى بەلگىلەمەلەر جونىندەگى ۇگىت جۇرگىزۋگە، تۇسىنىك جاساۋعا اناعۇرلىم ءمان بەرۋ، ديزەنفەكسيالاۋدى دالمە – ءدال ورىستەتىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىن بارىنشا قورعاۋ كەرەك.
ۇقتىرۋدا كاسىپتىك قىزمەتكەرلەر پايدالاناتىن «ىندەت قاينارى سانالاتىن جەرلەردى سوڭعى رەت ديزەنفەكسيالاۋ قىزمەتى تۋرالى ەگجەي – تەگجەيلى ەرەجەنى»، بۇقارا اراسىنا عىلىمدى جالپىلاستىرۋ جانە الەۋمەتتىك ورىنداردا پايدالانۋ بارىسىندا قولدانىلاتىن «بۇقارانىڭ ساقتانۋ سيپاتىنداعى ديزەنفەكسيالاۋ جەتەكشىسى» قۇجاتتارى جەكە – جەكە جاسالعان. مۇندا «ىندەت قاينارى سانالاتىن جەرلەردى سوڭعى رەت ديزەنفەكسيالاۋ قىزمەتى جونىندەگى ەگجەي – تەگجەيلى ەرەجەدە» سوڭعى رەت ديزەنفەكسيالاۋدىڭ كولەمى مەن وبيەكتىلەرى، ديزەنفەكسيالاۋ ءتاسىلى اناعۇرلىم ناقتىلاندىرىلعان، وتباسىلارعا بارىپ سوڭعى رەت ديزەنفەكسيالاۋ تەحنيكاسىن اتقارۋدىڭ ءتارتىبى جاقسارتىلعان، ءتۇرلى لاستانعان زاتتاردى، قورشاعان ورتانى زالالسىزداندىرىپ ءبىرجاقتى ەتۋ فورمالارى مەن ادىستەرى قاتارلى مازمۇندار ارتتىرىلعان؛ «بۇقارانىڭ ساقتانۋ سيپاتىنداعى ديزەنفەكسيالاۋ جەتەكشىسىندە» وتباسى مەن الەۋمەتتىك ورىنداردا كۇندەلىكتى سيپاتتى تازالاۋ، ديزەنفەكسيالاۋ ورىستەتۋدەگى جەتەكشى مازمۇندار ءتۇيىندى تۇردە كورنەكتىلەندىرىلگەن، وسى ارقىلى «ديزەنفەكسيالاۋعا ءمان بەرمەۋ» مەن «شەكتەن اسىرا ديزەنفەكسيالاۋ» سىندى ەكى ءتۇرلى نىسايدىڭ تۋىلۋىنان ساقتانىپ، بۇقارانى عىلىمي تۇردە تازالىق ىستەۋگە، ديزەنفەكسيالاۋعا جانە ءوزىن – ءوزى قورعاۋعا جەتەلەۋ ويلاستىرىلعان.
ۇقتىرۋدا وتباسىلارعا بارىپ سوڭعى رەت ديزەنفەكسيالاۋ تەحنيكاسىن اتقارۋ ءتارتىبىن جاقسارتۋ تالاپ ەتىلگەن. ديزەنفەكسيالاۋدان بۇرىن، تۇرعىنداردىڭ پىكىرىن تولىق تىڭداپ، ءۇي ىشىندەگى جاعداي مەن زاتتاردىڭ سيپاتىن ۇعىنۋ، ديزەنفەكسيالاۋ قىزمەتىنىڭ قاجەتتىلىگى مەن كوڭىل بولۋگە ءتيىستى تۇيىندەردى ايتۋ، تۇسىنىستىككە جانە قولداۋعا يە بولۋعا تىرىسۋ قاجەت. ديزەنفەكسيالاۋ بارىسىندا، قورشاعان ورتاداعى حاۋىپ – قاتەر مەن زاتتاردىڭ سيپاتىنا نەگىزدەلە وتىرىپ، ديزەنفەكسيالاۋ ونىمدەرى مەن ديزەنفەكسيالاۋ تاسىلدەرىن دۇرىس تاڭداۋ كەرەك. لاستانۋ حاۋپى ءبىرشاما تومەن بولعان، وڭاي شىريتىن نەمەسە قازىر قولدانىپ جۇرگەن تاسىلدەرمەن ديزەنفەكسيالاۋعا بولمايتىن زاتتاردى پارىقتاۋدى كۇشەيتىپ، جاعدايعا قاراي وتىرىپ، ساڭلاۋسىز پەشەتتەۋ، ۇزاق ۋاقىت بويى قوزعاماۋ قاتارلى زالالسىزداندىرىپ ءبىرجاقتى ەتۋ تاسىلدەرىن قولدانۋ، زاتتاردىڭ بۇلىنۋىنەن جانە قورشاعان ورتانىڭ لاستانۋىنان بارىنشا ساقتانۋ كەرەك. ديزەنفەكسيالاپ بولعان سوڭ، الەۋمەتتىك اۋماقتا اشىق حابارلاندىرۋ قىزمەتىن دەر كەزىندە، ويداعىداي ىستەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
