شي جينپيڭ زامبيانىڭ زۇڭتۇڭى حيچيلەمامەن تەلەفوندا سويلەستى
2022.06.01 15:27 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 31 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 31 - كۇنى تۇستەن كەيىن زامبيانىڭ زۇڭتۇڭى حيچيلەمامەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن زامبيا ەكى ەل − ءداستۇرلى دوستىعى بار «بارلىق جاعدايدا بىردەي دوستار»، جۇڭگو -زامبيا دوستىعى مىزعىمايدى. وتكەن ءبىر جىلدا جۇڭگو - زامبيا قاتىناسى بەلسەندى دامۋ جاعدايىن ساقتاپ، ەكى جاقتى ساۋدا سوماسى تاريحتاعى ەڭ جوعارى دەڭگەيگە جەتىپ، زامبيا جۇڭگونى ەڭ كوپ قارجى قوسۋعا باۋراعان افريكا ەلىنە اينالدى. ەكى ەل سەلبەستىگىنىڭ كومەسكى كۇشى زور، بولاشاعى نۇرلى. جۇڭگو جۇڭگو - زامبيا قاتىناسىنا ايرىقشا ءمان بەرەدى، زامبيامەن بىرگە جۇڭگو - زامبيا دوستىعىن بەكەمدەپ جانە تەرەڭدەتىپ، ەكى ەل قاتىناسىنىڭ اناعۇرلىم جوعارى دەڭگەيگە، اناعۇرلىم كەڭ سالاعا قاراي دامۋىن ىلگەرىلەتۋگە پەيىل.
شي جينپيڭ بىلاي دەپ دارىپتەدى: ەكى جاق ەكى جاقتى قاتىناستى ستراتەگيالىق تۇرعىدان يگەرۋدە تاباندى بولىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى قولداپ، پارتيالار ارا اۋىس - كۇيىستى كۇشەيتىپ، ەل باسقارۋ تاجىريبەلەرىنەن تەڭ يگىلىكتەنۋى كەرەك. ستراتەگيالىق پىكىرلەسۋدى جانە ساياساتتاردى ۇشتاستىرۋدى كۇشەيتىپ، جۇڭگو - افريكا سەلبەستىك تالقى مىنبەرىنىڭ «9 ءتۇرلى ينجەنەرياسىن» جاپپاي تياناقتاندىرىپ، ءار سالاداعى ءوزارا ءتيىمدى سەلبەستىكتى تەرەڭدەتىپ، زامبيا تاۋارلارىنىڭ، اسىرەسە، ساپالى اۋىل شارۋاشىلىق ونىمدەرىنىڭ جۇڭگو بازارىنا كىرۋىن ىلگەرىلەتىپ، ىندەتكە قارسى اتتانۋ سەلبەستىگىن كۇشەيتۋ كەرەك. تانزانيا – زامبيا تەمىر جولى رۋحىنا مۇراگەرلىك ەتىپ، وعان جاڭا داۋىرلىك ءمان بەرىپ، تانزانيا – زامبيا تەمىر جولىن وڭىرلىك ماڭىزدى قاتىناس ارناسىنا اينالدىرۋ كەرەك.
شي جينپيڭ بىلاي دەپ دارىپتەدى: جۇڭگو مەن زامبيا دا وركەندەپ كەلە جاتقان ەلدەر، زامبيا سياقتى افريكا ەلدەرىمەن ىنتىماقتى، سەلبەستىكتى دامىتۋ −جۇڭگونىڭ ۇزاق ۋاقىتتىق، بەرىك ستراتەگيالىق تالعامى. ەكى جاق دەربەس، ءوز - وزىنە قوجا بولۋ ديپلوماتيالىق ساياساتىن اتقارۋدا تاباندى بولىپ، حالىقارالىق ادىلدىكتى، تۋراشىلدىقتى باتىل قورعاپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاۋى كەرەك. جۇڭگو افريكامەن بىرگە «ءبىر بەلدەۋ، ءبىر جولدى» جوعارى ساپامەن بىرگە قۇرۋدى ىلگەرىلەتىپ، دەنساۋلىق ساقتاۋ، سالاماتتىق، كەدەيلەردى ازايتۋ، شارۋالارعا تيىمدىلىك جاساۋ، ساۋداعا قارجى قوسۋ، جاسىل دامۋ، سيفرلى ەكونوميكا سياقتى سالالارداعى سەلبەستىكتى تەرەڭدەتىپ، افريكانىڭ ەكونوميكانىڭ قالپىنا كەلۋى مەن باياندى دامۋدى جۇزەگە اسىرۋىنا دەم بەرىپ، جاڭا داۋىردەگى جۇڭگو - افريكا تاعدىرلاس ورتاق تۇلعاسىن قۇرۋدى ىلگەرىلەتۋگە پەيىل.
حيچيلەما مىنانى ءبىلدىردى: ءتوراعا شي جينپيڭنىڭ ەرەن باسشىلىعىندا، جۇڭگو حالقى گۇلدەنىپ - كوركەيۋدى، دامۋدى جۇزەگە اسىردى، زامبيا جۇڭگونىڭ قول جەتكىزگەن تابىستارىنا ەرەكشە سۇيىنەدى. جۇڭگونىڭ ۇزاق ۋاقىتتان بەرى زامبيا ەلىنىڭ قۇرىلىسىنا، دامۋىنا ماڭىزدى كومەك كورسەتكەنىنە ءارى زامبيانىڭ ىندەتپەن كۇرەسۋى ءۇشىن ۆاكسينا سياقتى جاقتاردان كومەكتەسكەنىنە العىس ايتامىن. زامبيا جۇڭگو كوممۋنيستىك پارتياسىمەن اۋىس - كۇيىستى، ۇلگى الۋدى كۇشەيتىپ، زامبيا مەن جۇڭگونىڭ اعا بۋىن باسشىلارى ورناتقان ءداستۇرلى دوستىقتى بەكەمدەپ جانە تەرەڭدەتىپ، وسكەلەڭ ءوزارا سەنىم جانە سەلبەستىك رۋحى بويىنشا، زامبيا - جۇڭگو قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتىپ، ەكى ەل حالىقتارىنا باقىت جاراتۋعا پەيىل. زامبيا ءبىر جۇڭگو ساياساتىن باتىل اتقارادى، جۇڭگو العا قويعان «ءبىر بەلدەۋ، ءبىر جول» باستاماسىن، دۇنيە جۇزىلىك دامۋ باستاماسىن جانە دۇنيە جۇزىلىك حاۋىپسىزدىك باستاماسىن قولدايدى، جۇڭگومەن بىرگە تياناقتاندىرۋدى بەلسەنە ىلگەرىلەتىپ، جۇڭگو - افريكا سەلبەستىك تالقى مىنبەرى جۇلگەسىندەگى جان - جاقتى سەلبەستىكتى تەرەڭدەتۋگە پەيىل. جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنىڭ تابىستى بولۋىن تىلەيمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
