بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ اراب بىرىككەن امىرلىگىنىڭ زۇڭتۇڭى مۇحاممەدپەن تەلەفوندا سويلەستى

2022.06.01 15:28     كەلۋ قاينارى : حالىق تورابى

  شينحۋا اگەنتتىگى، 5 - ايدىڭ 31 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 31 - كۇنى تۇستەن كەيىن اراب بىرىككەن امىرلىگىنىڭ زۇڭتۇڭى مۇحاممەدپەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: ەكى جاقتىڭ بىرگە قۇلشىنۋىندا جۇڭگو مەن اراب بىرىككەن امىرلىگىنىڭ جان - جاقتى ستراتەگيالىق سەرىكتەستىك قاتىناسى ۇزدىكسىز بەكەمدەلىپ، جوعارىلاپ، ءار سالاداعى دوستىق سەلبەستىگى تاريحتاعى ەڭ جاقسى دەڭگەيگە جەتتى. جاڭا تيپتى ايدارشا ۆيرۋس وكپە قابىنۋ ىندەتى الدىندا ەكى جاق ءبىر - بىرىنە قارايلاسىپ، ىندەتكە قارسى اتتانۋ سەلبەستىگىن ىشكەرىلەي ورىستەتىپ، ءار سالاداعى ناقتى سەلبەستىكتى ورنىقتى ىلگەرىلەتىپ، جۇڭگو - اراب بىرىككەن امىرلىگى قاتىناسىنىڭ سەرپىمدىلىگى مەن كەڭ بولاشاعىن ايگىلەدى. بيىل 2 – ايدا ءسىز جۇڭگوعا كەلىپ بەيجيڭ قىسقى وليمپيادا سپورت جارىسىنىڭ اشىلۋ سالتىنا قاتىناستىڭىز، ءبىز ەكى جاقتى قاتىناستىڭ دامۋى جونىندە كەڭ كولەمدى ورتاق تانىمعا كەلدىك، قاتىستى سەلبەستىكتە بەلسەندى ىلگەرىلەۋشىلىككە قول جەتكىزدىك. جۇڭگو اراب بىرىككەن امىرلىگىمەن بىرگە دوستىقتى بەكەمدەپ، ءوزارا سەنىمدىلىكتى بەكەمدەپ، سەلبەستىكتى تەرەڭدەتىپ، جۇڭگو مەن اراب بىرىككەن امىرلىگىنىڭ جالپى بەتتىك ستراتەگيالىق سەرىكتەستىك قاتىناسىنىڭ مازمۇنىن ۇزدىكسىز بايىتىپ، ەكى ەل حالىقتارىنا ءتىپتى دە زور باقىت جاراتۋعا پەيىل.

  شي جينپيڭ بىلاي دەپ دارىپتەدى: جۇڭگو اراب بىرىككەن امىرلىگىنىڭ مەملەكەتتىڭ يەلىك ۇقىعىن، حاۋىپسىزدىگىن، ورنىقتىلىعىن قورعاۋىن باتىل قولدايدى، اراب بىرىككەن امىرلىگىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن دەربەس قاراستىرۋىن قولدايدى، اراب بىرىككەن امىرلىگىمەن ءوزارا وزەكتى مۇددەنى باتىل قولداپ، حالىقارالىق قاتىناستىڭ نەگىزگى ولشەمىن قورعاپ، قالىڭ وركەندەپ كەلە جاتقان ەلدەردىڭ ورتاق مۇددەسىن قورعاۋعا پەيىل. جۇڭگو جاق اراب بىرىككەن امىرلىگى جاقپەن ىندەتكە قارسى اتتانۋ سەلبەستىگىن تەرەڭدەتىپ، «ءبىر بەلدەۋ، ءبىر جولدى» بىرگە قۇرۋ باستاماسىن اراب بىرىككەن امىرلىگىنىڭ دامۋ ستراتەگياسىمەن ۇشتاستىرۋدى كۇشەيتىپ، ەكى جاقتى سەلبەستىكتىڭ ىشكەرىلەي دامۋىن ىلگەرىلەتۋگە پەيىل. ەكى جاق تاعى گۋمانيتارلىق اۋىس - كۇيىستى جيىلەتىپ، حالىق تىلەگىنىڭ توعىسۋىن جەبەۋى كەرەك. جۇڭگو اراب بىرىككەن امىرلىگىمەن حالىقارالىق جانە وڭىرلىك ىستەر جونىندە ءجيى پىكىرلەسىپ، دۇنيە جۇزىلىك دامۋ باستاماسى مەن دۇنيە جۇزىلىك حاۋىپسىزدىك باستاماسى جونىندە سەلبەستىكتى كۇشەيتىپ، ورتا شىعىس ءوڭىرىنىڭ بەيبىتشىلىگى مەن ورنىقتىلىعىن قورعاپ، عالامدىق جونگە سالۋ جۇيەسىنىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتىپ، دۇنيە ءجۇزىنىڭ باياندى بەيبىتشىلىگى مەن ۇزاق بولاشاقتىق دامۋىن جەبەۋگە بەلسەندى ۇلەس قوسۋعا پەيىل.

  مۇحاممەد مىنانى ءبىلدىردى: بيىل 2 – ايدا جۇڭگوعا بارىپ بەيجيڭ قىسقى وليمپيادا سپورت جارىسىنىڭ اشىلۋ سالتىنا قاتىناسىپ، ءتوراعا شي جينپيڭمەن تاماشا كەڭەس وتكىزدىم. اراب بىرىككەن امىرلىگى مەن جۇڭگو ىندەتكە قارسى اتتانۋ سياقتى كوپتەگەن سالادا تابىستى سەلبەستىك جاسادى. مەن ءتوراعا شي جينپيڭمەن تەرەڭ ەتەنە دوستىقتى قاستەرلەيمىن، اراب بىرىككەن امىرلىگىنىڭ ۇلى جۇڭگومەن قارىم - قاتىناسىنىڭ ۇزدىكسىز دامۋىن بار كۇشىممەن ىلگەرىلەتەمىن. مەن اراب بىرىككەن امىرلىگىنىڭ قازىر جانە بولاشاقتا جۇڭگومەن باتىل بىرگە بولاتىنىن قايتالاي دارىپتەيمىن، بۇرىن دا سولاي بولعان. ەكى جاقتىڭ بىرگە قۇلشىنۋىندا، اراب بىرىككەن امىرلىگى مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنىڭ، ءسوز جوق، اناعۇرلىم كوركەم بولاشاقتى قارسى الىپ، ەكى ەل حالىقتارىنا ءتىپتى دە زور باقىت جاراتاتىنىنا سەنەمىن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار