«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالادى
ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى قۇلشىنا ىسكە اسىرايىق
2022.06.01 15:29 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 31 - كۇنى، بەيجيڭ. 6 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 11 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى قۇلشىنا ىسكە اسىرايىق» اتتى ماڭىزدى ماقالاسى جاريالانادى.
ماقالادا بىلاي دەپ دارىپتەلدى: پارتيانىڭ 18 - قۇرىلتايىنان بەرى ءبىز پارتيانىڭ ەكولوگيالىق وركەنيەت قۇرىلىسىنا جاپپاي باسشىلىق ەتۋىن كۇشەيتىپ، ەكولوگيالىق وركەنيەت قۇرىلىسىن جالپى جاعداي قىزمەتىندەگى كورنەكتى ورىنعا قويىپ، ءبىرسىپىرا كەلەلى ستراتەگيالىق ورنالاستىرۋ جاساپ، ءبىرقىدىرۋ ءتۇبىرلى، جاسامپاز، ۇزاق بولاشاقتىق قىزمەت ورىستەتتىك، بەكىمنىڭ كۇشتىلىگى، سەرپىننىڭ ۇلكەندىگى، ناتيجەنىڭ ۇلكەندىگى بۇرىن – سوڭدى بولماعان، ەكولوگيالىق وركەنيەت قۇرىلىسىندا تانىمنان امالياتقا دەيىن تاريحي، بۇرىلىستىق، جالپى جاعدايلىق وزگەرىستەر جارىققا شىقتى.
ماقالادا بىلاي دەپ اتاپ كورسەتىلدى: ەكولوگيالىق ورتانى قورعاۋ مەن ەكونوميكالىق دامۋ ديالەكتيكالىق بىرلىك، ءبىرىن - ءبىرى تولىقتاۋ قاتىناسىندا بولادى، ەكولوگيالىق وركەنيەت قۇرىپ، جاسىل، تومەن كومىرتەكتى اينالمالى دامۋدى ىلگەرىلەتۋ حالىقتىڭ كۇن سايىن ارتىپ وتىرعان تاماشا ەكولوگيالىق ورتا قاجەتىن قاناعاتتاندىرۋمەن بىرگە، اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرۋدى ىلگەرىلەتىپ، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىمەن جۇرە الامىز.
ماقالادا بىلاي دەپ اتاپ كورسەتىلدى: ەلىمىزدىڭ سوتسياليستىك وسىزامانداندىرۋ قۇرىلىسىندا كوپتەگەن ماڭىزدى ەرەكشەلىك بار، مۇنىڭ ءبىرى − ەلىمىزدىڭ وسىزاماندانۋى ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، زاتتىق وركەنيەت قۇرىلىسى مەن ەكولوگيالىق وركەنيەت قۇرىلىسىن قاتار ىلگەرىلەتۋگە باسا ءمان بەرۋ كەرەك. جاڭا دامۋ ۇستانىمىن تولىق، دۇرىس، جاپپاي دايەكتىلەندىرىپ، ستراتەگيالىق تۇراقتىلىقتى ساقتاپ، ادام مەن تابيعاتتىڭ جاراسىمدى قاتار ءومىر ءسۇرۋ تۇرعىسىنان ەكونوميكالىق، قوعامدىق دامۋدى جوبالاپ، بايلىقتى ۇنەمدەۋ جانە قورشاعان ورتانى قورعاۋ سىندى نەگىزگى مەملەكەت ساياساتىندا، ۇنەمشىلدىكتى، قورعاۋدى، تابيعاتتى قالپىنا كەلتىرۋدى نەگىز ەتۋ باعىتىندا تاباندى بولىپ، بايلىقتى ۇنەمدەيتىن جانە قورشاعان ورتانى قورعايتىن كەڭىستىك جۇيەسىن، كاسىپ قۇرىلىمىن، ءوندىرىس ءتاسىلىن، تۇرمىس ءتاسىلىن قالىپتاستىرىپ، لاستانۋدى جونگە سالۋدى، ەكولوگيانى قورعاۋدى، كليمات وزگەرىسىنە توتەپ بەرۋدى ءبىر تۇتاس جوسپارلاپ، ەكولوگيالىق ورتانىڭ ۇزدىكسىز جاقسارۋىن جەبەپ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى ىسكە اسىرۋعا قۇلشىنۋ كەرەك.
ماقالادا مىنالار اتاپ كورسەتىلدى: ءبىرىنشى، جاسىل، تومەن كومىرتەكتى دامۋدى تاباندىلىقپەن ىلگەرىلەتۋ كەرەك. ەكولوگيالىق ورتا ماسەلەسى، سايىپ كەلگەندە، دامۋ ءتاسىلى مەن تۇرمىس ءتاسىلى ماسەلەسى سانالادى. جاسىل، تومەن كومىرتەكتى اينالمالى ەكونوميكانى دامىتۋ جۇيەسىن ورناتۋ جانە كەمەلدەندىرۋ، ەكونوميكالىق، قوعامدىق دامۋدى جەبەۋ − ەلىمىزدىڭ ەكولوگيالىق ورتا ماسەلەسىن شەشۋدىڭ نەگىزدىك شاراسى. ەكىنشى، لاستانۋدان ساقتانۋ - جونگە سالۋدان قامال الۋ شايقاسىن ىشكەرىلەي ويداعىداي جۇرگىزۋ كەرەك. بۇقارانىڭ ماڭايىنداعى كورنەكتى ەكولوگيالىق ورتا ماسەلەسىن شوعىرلى تۇردە جەڭىپ، بۇقاراعا ەكولوگيالىق ورتا ساپاسىنىڭ جاقسارۋىن شىنايى سەزىندىرۋ كەرەك. ءۇشىنشى، ەكولوگيالىق جۇيەنىڭ ساپاسى مەن ورنىقتىلىعىن جوعارىلاتۋ كەرەك. بۇل − ساپالى ەكولوگيالىق ونىمدەرمەن قامداۋدى ارتتىرۋدىڭ تابيعي تالابى ءارى كليمات وزگەرىسىنىڭ ءتيىمسىز ىقپالىن باسەڭدەتۋدىڭ جانە وعان ۇيلەسۋدىڭ ماڭىزدى ءتاسىلى. ءتورتىنشى، دۇنيە ءجۇزىنىڭ باياندى دامۋىن بەلسەنە ىلگەرىلەتۋ كەرەك. ءبىز ادامزاتتىڭ تاعدىرلاس ورتاق تۇلعاسى ۇستانىمىن ۇستانىپ، دۇنيە جۇزىلىك قورشاعان ورتانى جونگە سالۋعا بەلسەنە ات سالىسىپ، كليمات وزگەرىسىنە توتەپ بەرۋ، تەڭىز - مۇحيتتىڭ لاستانۋىن جونگە سالۋ، ورگانيزمدەردىڭ الۋان تۇرلىلىگىن قورعاۋ سياقتى سالالارداعى حالىقارالىق سەلبەستىكتى كۇشەيتىپ، ەلىمىزدىڭ جاۋاپتى ءىرى ەلدىك وبرازىن ايگىلەۋىمىز كەرەك. بەسىنشى، ەكولوگيالىق ورتا سالاسىنداعى مەملەكەتتى جونگە سالۋ جۇيەسى مەن جونگە سالۋ قۋاتىن وسىزامانداندىرۋ دەڭگەيىن جوعارىلاتۋ كەرەك. پارتكوم باسشىلىق ەتەتىن، ۇكىمەت جەتەكشىلىك ەتەتىن، كاسىپورىن نەگىزگى تۇلعا بولعاتىن، قوعام ۇيىمداستىراتىن جانە بۇقارا بىرگە ات سالىساتىن وسى زامانعى قورشاعان ورتانى جونگە سالۋ جۇيەسىن اقاۋسىزداندىرىپ، ءبىر تۇتاس جوسپارلايتىن، ءبىر تۇتاس ورنالاستىراتىن، ءبىر تۇتاس ىلگەرىلەتەتىن، ءبىر تۇتاس باعالايتىن ءتۇزىم - مەحانيزم ورناتۋ كەرەك.
ماقالادا بىلاي دەپ دارىپتەلدى: ءار دارەجەلى پارتكومدار مەن ۇكىمەتتەر ساياسي تۇجىرىم جاساۋ قابىلەتىن، ساياسي اڭعارۋ قابىلەتىن، ساياسي اتقارۋ قابىلەتىن جوعارىلاتىپ، مەملەكەتتىڭ ءىرى ىستەرىن كوكەيىندە ساقتاپ، ەكولوگيالىق وركەنيەت قۇرىلىسىنىڭ ساياسي جاۋاپكەرلىگىن ارقالاپ، بۇيرىقتى بۇلجىتپاي اتقارىپ، پارتيا ورتالىق كوميتەتىنىڭ ەكولوگيالىق وركەنيەت قۇرىلىسى جونىندەگى شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىنە كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
