جەر سىلكىنىسىندە 4 ادام قازا بولىپ، 14 ادام جارالاندى
يا – انداعى جەر سىلكىنىسىنەن ەڭ جاڭا مالىمەت
2022.06.02 15:26 كەلۋ قاينارى : حالىق تورابى
6 – ايدىڭ 1 – كۇنى ساعات 17 دە، سىچۋان ولكەسى يا – ان قالاسى لۋشان اۋدانىندا 6.1 بال جەر سىلكىنگەن، 17 دەن 3 مينۋت وتكەندە، يا – ان قالاسى باۋشيڭ اۋدانىندا 4.5 بال جەر سىلكىنگەن.
جەر سىلكىنىسىندە قازىرگە دەيىن 4 ادام قازا بولىپ، 14 ادام جارالانعان، ولاردىڭ بارلىعى باۋشيڭ اۋدانىندا
يا – ان قالالىق جەر سىلكىنىسىندە توتەپ بەرىپ، اپاتتان قۇتقارۋعا جەتەكشىلىك ەتۋ كەڭسەسىنىڭ حابارلاۋىنشا، 6 – ايدىڭ 1 – كۇنى ساعات 17 دەن 40 مينۋت وتكەنگە دەيىن، جەر سىلكىنىسىندە لۋشان اۋدانى مەن باۋشيڭ اۋدانىنداعى كەيبىر اۋىل – قالاشىقتار اپاتقا ۇشىراعان، يا – ان قالاسى كولەمىندە 4 ادام قازا بولىپ، 14 ادام جارالانعان (بارلىعى باۋشيڭ اۋدانىندا)، جارالانعانداردىڭ بارلىعى قالاداعى، اۋدانداعى ەمحاناعا جوتكەلىپ ەمدەلگەن.
جەر سىلكىنىسىندە لۋشان اۋدانى مەن باۋشيڭ اۋدانىنداعى ءىشىنارا جەرلەردە جول مەن حابارلاسۋ تورابى ۇزىلگەن، قازىرگە دەيىن، شۇعىل جوندەۋ ارقىلى لۋشان اۋدانى مەن باۋشيڭ اۋدانىنداعى نەگىزگى كابەلدەر تولىق قالپىنا كەلتىرىلگەن، باسقا ۇزىلگەن كابەل جەلىلەرى قازىر جوندەلۋ ۇستىندە.
قازىر يا – ان قالاسىنداعى جەر سىلكىنىسىنە توتەپ بەرىپ، اپاتتان قۇتقارۋعا جەتەكشىلىك ەتۋ كەڭسەسى شۇعىل جاعدايلارعا توتەپ بەرۋ، قۇتقارۋعا قارۋلى ساقشى، ءورت ءوشىرۋ، ەمدەۋ، قوعام حاۋىپسىزدىگى سالاسىنداعى قىزمەتكەرلەر مەن حالىق جاساقتارىنان 4500 دەن استام ادامدى ۇيىمداستىرىپ، جەر سىلكىنىسى اپاتى تۋىلعان جەرگە بارىپ، ادامداردى قۇتقارۋ، جارالانعانداردى ەمدەۋ، جولداردى ىركىلىسسىزدەندىرۋ جانە بۇقارانى كوشىرىپ ورنالاستىرۋ قاتارلى قىزمەتتەردى ورىستەتۋگە جونەلتكەن.
لۋشاندا تۋىلعان 6.1 بال جەر سىلكىنىسى 2013 – جىلعى 7.0 بال جەر سىلكىنىسىنىڭ اسەرىنەن بولعان
سىچۋان ولكەلىك جەر سىلكىنىسى مەكەمەسىنىڭ ماماندارىنىڭ تانىستىرۋىنشا، لۋشاندا تۋىلعان 6.1 بال جەر سىلكىنىسى 2013 – جىلى لۋشاندا تۋىلعان 7.0 بال جەر سىلكىنىسىنىڭ اسەرىنە ۇشىرايتىن اۋماققا جاتادى، لۋشانداعى 7.0 بال جەر سىلكىنىسىنىڭ اسەرىنەن بولعان سىلكىنىسكە جاتادى، لۋشانداعى 7.0 بال جەر سىلكىنىسى تۋىلعان جەردەن شامامەن 9 كيلومەتر قاشىقتىقتا. وسى رەتكى جەر سىلكىنىسى لۇڭشان وپىرىلمالى وڭىرىنە تۋىلعان، ەڭ جاقىن جەردەگى وپىرىلمالى ءوڭىر — شۋاڭشى – داچۋان وپىرىلمالى وڭىرىنەن شامامەن 2 كيلومەتر جەردە.
بۇل رەتكى جەر سىلكىنىسى بايانقارا كەسەگىنىڭ شىعىس جيەگىندە تۋىلعان، بۇل جەر تاريحتا جەر سىلكىنىسى ءبىرشاما كۇشتى بولعان جەر. 1900 – جىلدان بەرى، سىلكىنىس قاينارىنان 200 كيلومەتر كولەم ىشىندە تۋىلعان M≥6.0 جەر سىلكىنىسىنىڭ سانى 21 رەت بولعان.
ماماندار ءوڭىردىڭ قۇرىلىم ەرەكشەلىگىنە، تاريحتاعى جەر سىلكىنىسىنىڭ جاعدايىنا، تيپىنىڭ ەرەكشەلىگىنە جان – جاقتى تالداۋ جاساۋ ارقىلى وسى سىلكىنىس قاينارى اۋماعىندا جۋىردا مۇنان دا زور جەر سىلكىنىسى تۋىلۋىنىڭ ىقتيمالدىعى زور ەمەس دەپ قاراعان.
جەر سىلكىنىسىنە توتەپ بەرۋدىڭ مەملەكەتتىك 3 – دارەجەلى شاراسى ىسكە قوسىلدى
مالىمدەۋدى تاپسىرىپ العاننان كەيىن، مەملەكەتتىك جەر سىلكىنىسىنەن ساقتانىپ، اپاتتان قۇتقارۋعا جەتەكشىلىك ەتۋ كەڭسەسى، شۇعىل جاعدايلارعا توتەپ بەرۋدى باسقارۋ مينيسترلىگى جەر سىلكىنىسىنە توتەپ بەرۋدىڭ مەملەكەتتىك 3 – دارەجەلى شاراسىن دەرەۋ ىسكە قوسقان. مەملەكەتتىك جەر سىلكىنىسىنە توتەپ بەرىپ، اپاتتان قۇتقارۋ قىزمەتىنە جەتەكشىلىك ەتۋ كەڭسەسى دەرەۋ ورنالاستىرۋ جاساپ، كۇشتەردى ۇيىمداستىرىپ، شارلاپ تەكسەرۋدى، قۇتقارۋ – كومەكتەسۋ قىزمەتىن ورىستەتۋدى، بۇقارانى الاڭسىزداندىرىپ، ورنالاستىرىپ، جاعدايدىڭ بەتالىسىن تۇجىرىمداۋدى كۇشەيتىپ، قوسالقى اپاتتىڭ تۋىلۋىنان ساقتانۋدى تالاپ ەتكەن ءارى جۇڭگو جەر سىلكىنىسى مەكەمەسىنىڭ قاتىستى جاۋاپتىلارى باستاعان قىزمەت اترەتىن ناق مايدانعا بارىپ جەتەكشىلىك ەتۋگە، ءبىرجاقتى ەتۋگە جىبەرگەن.
ساقتىق دابىلىن قاعۋ جۇيەسى الدىن الا ساقتىق دابىلىن قاققان
سول كۇنى سىچۋان ولكەلىك جەر سىلكىنىسى مەكەمەسى جەر – جەرگە ورنالاستىرعان ساقتىق دابىلىن قاعۋ تەرمينالدارى ءساتتى تۇردە ساقتىق دابىلىن قاققان. چىڭدۋ قالاسىنداعى تۇرعىندار جەر سىلكىنىسىنە قاتىستى ساقتىق دابىلىن الدىن الا قابىلداعان.
يا – ان قالالىق وقۋ – اعارتۋ مەكەمەسى ساقتىق دابىلىن بەرگەن سوڭ، مەكتەپتەر وقۋشىلاردى كلاستان جوتكەلۋگە شۇعىل ورنالاستىرعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
