موڭعۇلياداعى تۇقىمى قۇرىپ بارا جاتقان ءشول ايۋىنىڭ سانى 50دەن استى
2022.06.03 13:19 كەلۋ قاينارى : حالىق تورابى
شينحۋا اگەنتتىگىنىڭ 6 ـ ايدىڭ 1 ـ كۇنى ۇلانباتىردان بەرگەن حابارى. موڭعۇليانىڭ جاراتىلىستىق ورتا جانە ساياحات مينيسترى باتەردەن تاياۋدا بىلاي دەدى: موڭعۇلياداعى تۇقىمى قۇرىپ بارا جاتقان حايۋانات ءشول ايۋىنىڭ ءتۇر توبىنىڭ سانى 50 دەن استى، بۇل جۇڭگونىڭ كومەگىنەن ايرىلا المايدى.
«جۇڭگو ۇكىمەتىنىڭ موڭعۇليانىڭ ءشول ايۋىن قورعاۋعا كومەكتەسۋ تەحنيكالىق نىسانىنىڭ كومەگىندە، تۇقىمى قۇرۋعا تاياعان ءشول ايۋ ءتۇر توپتارىنىڭ سانى 50 دەن اسىپ، 51 گە جەتتى». باتەردەن شينحۋا اگەنتتىگى ءتىلشىسىنىڭ سۇحباتىن قابىلداعاندا بۇل جاعدايدى تانىستىردى ءارى جۇڭگو جاققا العىسىن ءبىلدىردى.
2018 ـ جىلى 4 ـ ايدا، جۇڭگو ۇكىمەتىنىڭ موڭعۇليانىڭ ءشول ايۋدى قورعاۋعا كومەكتەسۋ تەحنيكالىق نىسانىن اتقارۋ كەلىسىمىنە موڭعۇليانىڭ استاناسى ۇلانباتىردا رەسمي قول قويىلدى. كەلىسىمگە ساي، جۇڭگو جاق موڭعۇليانىڭ تىرشىلىك مەكەنى ەكولوگيالىق ورتا ساپاسىن باعالاۋ ـ زەرتتەۋ، تىرشىلىك ورتاسى بار ازىقتىق وسىمدىكتەر شوعىرىن قوزعالىستى زەرتتەۋ، تىرشىلىك ورتاسى بار جەردەگى ورگانيزمدەردىڭ الۋان تۇرلىلىگىن باقىلاۋ ـ تەكسەرۋ، ءشول دالاداعى ايۋلار توبىنىڭ سانىن زەرتتەۋ سياقتىلاردى ورىستەتۋىنە كومەكتەستى، سونداي ـ اق قورىق رايونىنىڭ تەحنيكاسى مەن باسقارۋشىلارىن باۋلۋعا كومەكتەسىپ، ارناۋلى جابدىقتار بەردى، ت. ب.
موڭعۇليانىڭ عىلىم اكادەمياسى قامداعان ساندى مالىمەتكە نەگىزدەلگەندە، 2018 ـ جىلدىڭ سوڭىنا دەيىن، موڭعۇليانىڭ شەكاراسى ىشىندە 30داي عانا ءشول ايۋى قالعان. باتەردەن بىلاي دەدى: جۇڭگونىڭ تەحنيكالىق قولداۋى، موڭعۇليا مەن جۇڭگو ماماندارىنىڭ بىرگە قۇلشىنۋىندا، سونداي ـ اق جەرگىلىكتى ورىنداعى مالشىلار بۇقاراسىنىڭ بەلسەنە ات سالىسۋىندا، موڭعۇليانىڭ ءشول ايۋدى قورعاۋ جانە ءوسىرۋ قىزمەتىندە ەرەكشە كورنەكتى ونىمدىلىككە قول جەتتى. قازىرگى يگەرگەن ەڭ جاڭا جانە سەنىمدى ساندى مالىمەتتەرگە نەگىزدەلگەندە، موڭعۇليانىڭ ءشول ايۋىنىڭ ءتۇر توبىنىڭ سانى 51 گە جەتكەن.
ءشول ايۋى دۇنيە جۇزىندەگى بىردەن - ءبىر قۇمدى شولدە تىرشىلىك ەتەتىن ايۋ ءتۇرى، تىرشىلىك ورتاسى ناشارلاپ، قۇرىپ - جوعالۋعا بەت العان. موڭعۇليا ءشول ايۋدى «مەملەكەت ايۋى» دەپ قارايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
