شينجياڭدا ەل ىشىندەگى تۇڭعىش كومىر قىشقىل گازىنان بەيتاراپ قۇمدى ءشول تاس جولى جارىققا شىقتى
2022.06.06 16:03 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى شوۋ جيشياڭ 6 - ايدىڭ 3 - كۇنى ۇرىمجىدەن حابارلايدى. 6 - ايدىڭ 2 - كۇنى، جۇڭگو مۇنايى تارىم مۇناي الابى قۇمدى ءشول تاس جولىنىڭ كومىر قىشقىل گازىنان بەيتاراپ بولۋدان ۇلگى كورسەتۋ ينجەنەرياسى سالىنىپ بولىپ، وندىرىسكە قوسىلدى، جاڭادان سالىنعان 86 فوتوۆولتتىق ەلەكتر ستانسياسى ەكولوگيالىق ىقتاسىن ورمان بەلدەۋىنىڭ اراسىنا بىتىراي ورنالاسىپ، وزگەشە ”جارقىراعان“ كورىنىس كورسەتتى. وسىلايشا، تارىم قۇمدى ءشول تاس جولىنىڭ بويىنداعى وسىمدىك جامىعىلارى ديزەل موتورمەن ەلەكتر شىعارۋ ارقىلى سۋارىلاتىن تاريحقا ءۇزىلدى - كەسىلدى قوش ايتىپ، تاس جولدىڭ تۇتاس جەلىسىندە كومىر قىشقىل گازىنان بەيتاراپ بولۋ جۇزەگە اسىپ، ەلىمىز بويىنشا تۇڭعىش كومىر قىشىل گازىنان بەيتاراپ قۇمدى ءشول تاس جول مارتەبەسىنە يە بولدى.
”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ“ نىساناسىنا نازاردى شوعىرلاندىرىپ، مەملەكەتتىڭ ”قۇمدى ءشول، قۇبا ءتۇز، يەن دالا وڭىرلەردە ءىرى كولەمدى جەل ەلەكتر، فوتوۆولتتىق ەلەكتر بازالارىن جەدەل جوسپارلاۋ، قۇرۋ نىسانىنىڭ“ ۇندەۋىنە بەلسەنە ءۇن قوسقان تارىم مۇناي الابى الدىڭعى مەرزىمدە 23 سۋ كوزى قۇدىعىن وزگەرتۋ نەگىزىندە، بيىل ديزەل موتورمەن ەلەكتر شىعاراتىن قالعان 86 سۋ كوزى قۇدىعىن فوتوۆولتتىق تاسىلمەن ەلەكتر شىعاراتىن ەتىپ وزگەرتىپ، سۋ تارتىپ شىعارىپ ەكولوگيالىق ىقتاسىن ورماندى سۋارۋ ءىسىن ”ديزەلدى ەلەكترگە وزگەرتۋ“ ارقىلى كومىر قىشقىل گازىن مۇلدە شىعارماۋدى جۇزەگە اسىردى. ءسويتىپ، ديزەل موتورمەن ەلەكتر شىعارۋعا سالىستىرعاندا، جىلىنا 3410 توننا كومىر قىشقىل گازىن از شىعاراتىن بولىپ، قۇمدى تىزگىندەۋدىڭ فوتوۆولتتىق جولىمەن ءجۇرىپ، ”ءولىم تەڭىزى“ اتانعان تاكلاماكان قۇمدى ءشولىنىڭ ”جاسىل ەلەكتردىڭ قۇتتى مەكەنى“ بولۋعا قادام تاستاۋىنا مۇمكىندىك جاسادى.
تارىم قۇمدى ءشول تاس جولىنداعى فوتوۆولتتىق ەلەكتر شىعارۋ ستانسياسىنىڭ جالپى اگراگات كولەمى 3540 كيلوۆات، جىلىنا 3 ميلليون 620 مىڭ كيلوۆات ساعات ەلەكتر شىعارادى، شىعارىلعان ەلەكتردىڭ بۇل مولشەرى 436 كيلومەتر ەكولوگيالىق ىقتاسىن ورمانىنىڭ ءار كۇنگى سۋارۋ قاجەتتىلىگىن وتەي الادى. ەسەپتەۋگە نەگىزدەلگەندە، ەكولوگيالىق ىقتاسىن ورمانى جىلىنا مولشەرمەن 20 مىڭ توننا كومىر قىشقىل گازىن سىمىرە الادى ەكەن، كومىر قىشقىل گازىن شىعارۋ مەن ءسىمىرۋدىڭ تەرىس بالانىسى ارلى - بەرلى وتكەن اۆتوموبيلدەر شىعارعان كومىر قىشقىل گازىن بەيتاراپتاندىرىپ، ەلىمىزدىڭ قۇمدى ءشولدى جونگە سالۋ مەن قۇمدى ءشول تاس جولىن پايدالانۋ - كۇتىمدەۋى ءۇشىن ”تارىم جوباسىن“ ۇسىندى.
1995 - جىلى سالىنىپ بىتكەن، جالپى ۇزىندىعى 566 كيلومەتر تارىم قۇمدى ءشول تاس جولى كوشپەلى قۇمدى شولدە سالىنعان دۇنيە ءجۇزى بويىنشا ەڭ ۇزىن تاس جول. قۇم مەن بوراننىڭ شابۋىلىنا توتەپ بەرۋ ءۇشىن، 2006 - جىلى تارىم مۇناي الابى تاس جول بويىنان 436 كيلومەترگە سوزىلعان ەكولوگيالىق ىقتاسىن ورمانى ينجەنەرياسىن سالعان بولاتىن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
