«بۇقارانى جاقسى تۇرمىسقا كەنەلتۋ − شي جينپيڭنىڭ جىڭديڭداعى ىزدەرى» قاتارلى شي جينپيڭ جولداستىڭ جەرگىلىكتى ورىندارداعى قىزمەت كەشىرمەسىن جۇيەلى باياندايتىن 4 كىتاپ باسپادان شىعىپ تاراتىلدى
2022.06.06 16:24 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 5 - كۇنى، بەيجيڭ. ورتالىق ۇگىت ءبولىمىنىڭ ءبىر تۇتاس جەتەكشىلىك ەتۋىمەن حىبەي، فۋجيان، جىجياڭ، شاڭحاي سىندى 4 ولكەنىڭ (قالا) پارتكوم ۇگىت بولىمدەرى ۇيىمداستىرىپ قۇراستىرعان «بۇقارانى جاقسى تۇرمىسقا كەنەلتۋ − شي جينپيڭنىڭ جىڭديڭداعى ىزدەرى»، «فۋجياننىڭ تاۋ - وزەنىن قۇلپىرتۋ − شي جينپيڭنىڭ فۋجيانداعى ىزدەرى»، «ناقتى ىستەپ، ءداۋىردىڭ الدىڭعى لەگىندە ءجۇرۋ − شي جينپيڭنىڭنىڭ جىجياڭداعى ىزدەرى»، «رەفورما جاساپ، ەسىك اشۋدىڭ سەركەسى − شي جينپيڭنىڭ شاڭحايداعى ىزدەرى» اتتى شي جينپيڭ جولداستىڭ جەرگىلىكتى ورىندارداعى قىزمەت كەشىرمەسىن جۇيەلى باياندايتىن 4 كىتاپ تاياۋدا حالىق باسپاسىنىڭ حىبي، فۋجيان، جىجياڭ، شاڭحاي حالىق باسپالارىمەن سەلبەسۋىمەن باسپادان شىعىپ تاراتىلدى.
1982 - جىلى 3 - ايدان 1985 - جىلى 5 - ايعا دەيىن شي جينپيڭ جولداس ىلگەرىندى - كەيىندى حىبەي ولكەسى جىڭديڭ اۋداندىق پارتكوم شۋجيىنىڭ ورىنباسارى، اۋداندىق پارتكومنىڭ شۋجيى بولدى. «بۇقارانى جاقسى تۇرمىسقا كەنەلتۋ − شي جينپيڭنىڭ جىڭديڭداعى ىزدەرى» اتتى كىتاپتا حالىق تۇرمىسىنا كوڭىل ءبولۋ، ناقتى ءىس ىستەۋ، اكىمشىلىك ىستەرگە بار ىنتامەن كىرىسۋ، رەفورما جاساپ، جاڭالىق اشۋ، ەسىكتى ايقارا اشۋ، دارىندىلارعا ءمان بەرۋ، پارتيا قۇرىلىسىن كۇشەيتۋ، ءوزىن قاتاڭ تارتىپكە شاقىرۋ سياقتى جاقتاردا شي جينپيڭ جولداستىڭ جىڭديڭ حالقىمەن جاپا - ماشاقاتتا بىرگە بولىپ، بىرگە تۇرمىس كەشىرىپ، بىرگە ىستەپ، ولكە بويىنشا جاپپاي كوتەرمەگە بەرۋدى ەڭ الدىمەن اتقارىپ، «دارىندىلاردى الۋان جولمەن قابىلداۋ» ەرەجەسىن بەلگىلەپ، توڭىرەكتىڭ ءتورت بۇرىشىنداعى دارىندىلاردى كەڭىنەن قابىلداپ، جىڭديڭنىڭ «جوعارى ءونىمدى كەدەي اۋدان» قالپاعىن الىپ تاستاپ، «جارتىلاي قالا ماڭى تيبىندەگى» ەكونوميكالىق دامۋدىڭ جاڭا جولىن اشۋ حيكاياسى جۇيەلى پايىمدالىپ، شي جينپيڭ جولداستىڭ حىبەي ولكەسىنىڭ جىڭديڭ اۋدانىندا قىزمەت ىستەگەن كەزدەگى تولعانىس امالياتى، اكىمشىلىكپەن شۇعىلدانۋ ۇستانىمى جانە كىسىلىك قاسيەتى جاندى بەينەلەندى.
شي جينپيڭ جولداس 1985 - جىلى 6 - ايدان 2002 - جىلى 10 - ايعا دەيىن ىلگەرىندى - كەيىندى فۋجياننىڭ شيامىن، نيڭدى، فۋجوۋ قالالارىندا جانە ولكەلىك پارتكومدا، ولكەلىك ۇكىمەتتە ماڭىزدى مىندەت وتەدى. «فۋجياننىڭ تاۋ - وزەنىن قۇلپىرتۋ − شي جينپيڭنىڭ فۋجيانداعى ىزدەرى» اتتى كىتاپتا شي جينپيڭ جولداستىڭ فۋجيان ولكەسىنىڭ قىزمەت ىستەگەن كەزىندە شياداڭعا 3 رەت ءتۇسۋى، جينجياڭعا 7 رەت بارۋى، نەگىزگى ساتىعا ىشكەرىلەي ارالاسۋى، بۇقارانىڭ ىشەر اسىنا، قونىس ورتاسىنا كوڭىل ءبولۋى، بۇقارانىڭ كەدەيلىكتەن ارىلىپ، كەدەيلىكتىڭ تامىرىنا بالتا شابۋىنا كومەكتەسۋى، تاۋلى كەدەي وڭىرلەر مەن تەڭىز جاعالاۋىنداعى دامىعان رايونداردىڭ سەلبەستىگىن جەبەۋى، سيفرلى فۋجيان جوباسىن جاساۋى، مەملەكەت مەنشىگىندەگى كاسىپورىندار رەفورماسىن ىلگەرىلەتۋى، سۋ - توپىراقتىڭ زايا بولۋىن جونگە سالۋى، ءۇش بازار، جەتى كوشە تاريحي - مادەنيەت كوشە اۋماعىن قورعاۋى، ەكى جاعالاۋدىڭ اۋىس - كۇيىسىن، سەلبەستىگىن ىلگەرىلەتۋى سياقتى اڭگىمەلەر ىشكەرىلەي بايىمدالىپ، شي جينپيڭ جولداستىڭ فۋجيان ولكەسىنىڭ رەفورما جاساپ، ەسىك اشۋ جانە وسىزامانداندىرۋ قۇرىلىسى ىستەرى ءۇشىن جاساعان ءبىرقىدىرۋ كورەگەندىك، جاسامپازدىق، ستراتەگيالىق ۇستانىم جاسامپازدىعى مەن امالياتتىق ىزدەنىسى جاندى تۇردە ايگىلەندى.
2002 - جىلى 10 - ايدان 2007 - جىلى 3 - ايعا دەيىن شي جينپيڭ جولداس ىلگەرىندى - كەيىندى جىجياڭ ولكەلىك پارتكوم شۋجيىنىڭ ورىنباسارى، ۋاقىتتىق ولكە باستىعى جانە ولكەلىك پارتكومنىڭ شۋجيى بولدى. «ناقتى ىستەپ، ءداۋىردىڭ الدىڭعى لەگىندە ءجۇرۋ − شي جينپيڭنىڭنىڭ جىجياڭداعى ىزدەرى» اتتى كىتاپتا شي جينپيڭ جولداستىڭ جىجياڭدا قىزمەت ىستەگەن كەزىندە جىجياڭ ولكەسىنىڭ وڭىرلىك جونگە سالۋ باس باعدارلاماسى جانە جالپى جوباسى بولعان «سەگىز سەگىز ستراتەگياسىن» بەلگىلەپ، ەكولوگيالىق ولكە قۇرۋ اتقارۋ جوباسىن جاساپ، «تىنىش جىجياڭ»، «زاڭمەن باسقارىلاتىن جىجياڭ» قۇرىپ، مادەنيەتتەگى ءىرى ولكە قۇرۋدى جەدەلدەتىپ، پارتيا قۇرىلىسىن كۇشەيتىپ جانە جاقسارتىپ، جىجياڭنىڭ رەفورماسى مەن دامۋىنا بەرىك نەگىز قالاۋ حيكاياسى ەگجەي - تەگجەيلى باياندالىپ، شي جينپيڭ جولداستىڭ جىجياڭداعى قالىڭ كادر - جۇرتشىلىقتى باستاپ ناقتى ىستەپ، ءداۋىردىڭ الدىڭعى لەگىندە ءجۇرىپ، جىجياڭنىڭ ەكونوميكالىق، قوعامدىق تيبىندە بۇرىلىس جاساپ، دارەجەسىن جوعارىلاتۋدى، عىلمي دامۋدى الدىمەن ىلگەرىلەتىپ، وڭىرلىك وسىزامانداندىرۋ قۇرىلىسىنىڭ ورنالاستىرۋىندا قول جەتكىزىلگەن ءبىرقىدىرۋ كەلەلى تىڭ تابىس وبرازدى بەينەلەندى.
2007 - جىلى 3 - ايدان 10 - ايعا دەيىن شي جينپيڭ جولداس شاڭحاي قالالىق پارتكومنىڭ شۋجيى بولدى. «رەفورما جاساپ، ەسىك اشۋدىڭ سەركەسى − شي جينپيڭنىڭ شاڭحايداعى ىزدەرى» اتتى كىتاپتا شي جينپيڭ جولداستىڭ رەفورما جاساۋدىڭ، دامۋدىڭ شەشۋشى كەزەڭىندە تۇرعان شاڭحايعا قاراتا، بۇكىل قالانىڭ سول جىلدارداعى 19 رايون، اۋدانىن ارالاپ، جالپى جاعدايدى كوزدەپ، تەتىكتى مىقتى ۇستاپ، پارتيا قۇرىلىسىن مىقتى يگەرىپ، ورتاق تانىمدى ۇيىستىرىپ، دامۋدى يگەرىپ، جۇرت تىلەگىن توعىستىرىپ، جاڭا قالا رۋحىن ورناتىپ، جاڭا بورىش، جاڭا مىندەت جۇكتەپ، شاڭحايدىڭ قاسيەتى مەن ءداستۇرىن بايىتىپ، قىسقا ۋاقىت ىشىندە كادرلار مەن بۇقارانىڭ رۋحىن سەرپىلتىپ، شاڭحايدى قارىشتاتىپ دامىتۋ اڭگىمەسى ەگجەي - تەگجەيلى باياندالىپ، شي جينپيڭ جولداستىڭ شاڭحايداعى كەزىندەگى شىندىققا جۇگىنىپ، ناقتى ءىس ىستەۋ قىزمەت ستيلى، قايسار جاۋاپكەرلىك رۋحى جانە پارتيانى قاتاڭ باسقارۋ، پارتيانى قاتاڭ جونگە سالۋ بەرىك پوزيتسياسى جاندى ايگىلەندى.
4 كىتاپتا نازار شي جينپيڭ جولداستىڭ جەرگىلىكتى ورىننىڭ رەفورما جاساپ، ەسىك اشۋ جانە وسىزامانداندىرۋ قۇرىلىسى ىستەرىنە باسشىلىق ەتۋىنە جانە ونى ىلگەرىلەتۋىنە شوعىرلاندىرىلىپ، شي جينپيڭ جولداستىڭ جالپى جاعدايدى كوكەيدە ساقتايتىن، ۇزاق بولاشاقتى كوزدەيتىن، حالىق تۇرمىسىمەن تىلەكتەس بولاتىن، شىندىققا جۇگىنىپ، ناقتى ءىس تىندىراتىن، باتىلدىقپەن جاڭالىق اشاتىن، باتىلدىقپەن جاۋاپكەرلىك ارقالايتىن بيلىك جۇرگىزۋ امالياتى ەسكە الىنىپ، شي جينپيڭ جولداستىڭ سەنىم تالپىنىسى، حالىق ءۇشىن قىزمەت ىستەۋ سۇيىسپەنشىلىگى، وي - تولعامى، مىنەز - قۇلقى جانە وزگەشە قىزمەت ناتيجەسى جان - جاقتى، جاندى بەينەلەندى. 4 كىتاپتىڭ باسپادان شىعىپ تاراتىلۋى قالىڭ كادر - جۇرتشىلىقتىڭ شي جينپيڭ جولداستىڭ نەگىزگى ساتىداعى باسشى كادردان پارتيانىڭ باس شۋجيى جانە حالىق كوسەمى بولىپ بىرتىندەپ جەتىلگەن كۇرەس بارىسىن ىشكەرىلەي تۇسىنۋىنە ءتيىمدى، شي جينپيڭ جولداستىڭ رەفورما مەن دامۋدى جوسپارلاعان جانە ىلگەرىلەتكەن ساياسي اقىل - پاراساتى مەن كورەگەندىگىن اناعۇرلىم جاقسى تۇسىنۋگە ءتيىمدى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ نازاريالىق لوگيكاسى، تاريحي لوگيكاسى، امالياتتىق لوگيكاسى جونىندەگى تانىم مەن تۇسىنىكتى تەرەڭدەتۋگە ءتيىمدى، ءار دارەجەلى باسشى كادرلاردىڭ، اسىرەسە، جاس كادرلاردىڭ جاڭا داۋىردەگى ۇلى اماليات بارىسىندا اناعۇرلىم جاقسى جاۋاپكەرلىك ارقالاپ، ىسكەرلىك كورسەتۋىنە جاندى ۇلگى جانە ۇيرەنۋ ۇلگىسىن ازىرلەدى، ماڭىزدى تاريحي قۇجات قۇنىنا جانە رەال جەتەكشىلىك مانگە يە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
