«قارتتارعا مەيىر باعىشتاۋ ەرەنبازارى» دەگەن اتپەن 200 نەشە ادامنان ون ميلليون يۋاننان استام اقشانى الداپ اكەتكەن
ۇرىمجىدە ەكى ايىپكەر قارجى توپتاۋدى جەلەۋ ەتىپ الدامكوستىك ىستەگەندىكتەن قىلمىستىق ىستەر بويىنشا جازالاندى
2022.06.07 16:01 كەلۋ قاينارى : حالىق تورابى
حالىق سوتى گازەتىنىڭ ءتىلشىسى ۋاڭ شۋلين، ەرىكتى تىلشىلەرى جاڭ تيڭ، ۋەي شۋەلي حابارلايدى. جۋىردا شينجياڭ ۇيعۇر اۆتونوميالى رايونى ءۇرىمجى قالالىق ورتا دارەجەلى حالىق سوتى قارجى توپتاۋدى جەلەۋ ەتكەن الدامكوستىك دەلوسى جونىندە سوڭعى رەت تەرگەۋ جۇرگىزىپ، باستاپقى سوت ۇكىمىن وزگەرتپەي ساقتادى: قارجى توپتاۋ دەگەن جەلەۋمەن الدامكوستىك ىستەۋ قىلمىسى بويىنشا، ايىپكەر لي X تى 14 جىلدىق مەرزىمدى قاماق جازاسىنا ۇكىم ەتتى ءارى وعان قىلمىستىق ىستەر بويىنشا 300 مىڭ يۋان اقشالاي ايىپ سالدى؛ ايىپكەر ليۋ X تى 6 جىلدىق مەرزىمدى قاماق جازاسىنا ۇكىم ەتتى ءارى وعان قىلمىستىق ىستەر بويىنشا 100 مىڭ يۋان اقشالاي ايىپ سالدى؛ ايىپكەرلەر قىلمىس بارىسىندا قولعا كەلتىرگەن 10 ميلليون يۋاننان استام اقشانى قۋزاپ قايتارىپ الىپ، زياندالۋشىلارعا قايتارىپ بەرۋدى بۇيىردى.
2015 – جىلدان 2018 – جىلعا دەيىنگى ارالىقتا، ايىپكەر لي X، ليۋ X ىلگەرىندى – كەيىندى ءۇرىمجى قالاسى تۇڭيۋان جياحۇي بيولوگيالىق عىلىم – تەحنيكا شەكتى سەرىكتەستىگى مەن شينجياڭ تۇڭيۋان شينحاڭ ساۋدا شەكتى سەرىكتەستىگى دەگەن اتپەن، فينانس كاسىبىمەن شۇعىلدانۋ تولىمدىلىعىنا يە بولماي تۇرىپ، قىزمەتكەر ىستەتۋ ارقىلى قوعامداعى جۇرتشىلىقتان قارجى توپتاپ، جوعارى سومادا ءوسىم بەرەمىز دەگەندى شىرعا ەتىپ، لۋ XX قاتارلى 200 نەشە زياندالۋشىمەن «قارتتارعا مەيىر باعىشتاۋ ەرەنبازارىن قۇرۋ اتىنداعى توقتام قۇجاتى بويىنشا سەرىكتەستىكتىڭ جارنالىق ءتۇزىم اتقارۋى جونىندەگى توقتام كەلىسىمشارتىنا»، قارىز الۋ توقتامىنا جانە ساقتاۋ توقتامىنا قول قويىپ، زياندالعان 200 نەشە ادامنان قارجى توپتاعان. توپتاعان قارجىنىڭ باسىم كوپ بولەگىن ءوندىرىس پەن تيجاراتقا پايدالانباعان، ءوندىرىس، تيجارات قيمىلى مەن توپتاعان قارجىنىڭ سوماسى كورنەكتى تۇردە سايكەس كەلمەگەن، ناقتى تيجارات جۇرگىزگەن، باسقارعان نىسانى بولماعان، ءوندىرىس ارقىلى پايدا تاۋىپ، قارىمجى الۋ مۇمكىندىگى دە بولماعان، وسىنىڭ سالدارىنان قوماقتى سوماداعى توپتاعان قارجىنى قايتارۋعا شاراسىز قالعان.
دەلو تۋىلعان سوڭ، ايىپكەر توپتاعان قارجىنى قايدا پايدالانعانىن ايتۋدان باس تارتىپ، قارجىنى قايتارۋدان قاشقالاقتاعان.
2018 – جىلى 11 – ايدىڭ 30 – كۇنى، ءۇرىمجى قالالىق قوعام حاۋىپسىزدىگى مەكەمەسى سايباق رايوندىق بولىمشە مەكەمەسى بۇل ءىس جونىندە دەلو تۇرعىزىپ، تەكسەرۋ جۇرگىزگەن. ءۇرىمجى قالاسى سايباق رايوندىق حالىق پروكۋراتۋراسى 2019 – جىلى 3 – ايدىڭ 8 – كۇنى جانە 4 – ايدىڭ 23 – كۇنى ليۋ X پەن لي X تى جۇرتتىڭ اقشاسىن زاڭعا قايشى تۇردە ءسىڭىرىپ الۋ قىلمىسى بويىنشا قولعا الۋدى بەكىتكەن.
سايباق رايوندىق حالىق سوتى دەلو جونىندە تەرگەۋ جۇرگىزگەن سوڭ بىلاي دەپ قاراعان: ايىپكەر لي X پەن ليۋ X زاڭسىز تۇردە يەلەپ الۋدى ماقسات ەتىپ، الدامكوستىك تاسىلىنەن پايدالانىپ، زياندالعان 200 نەشە ادامنان زاڭسىز تۇردە قارجى توپتاعان، قارجى سوماسى 10 ميلليون يۋاننان اسقان، ولاردىڭ ارەكەتى تۇگەلدەي قارجى توپتاۋدى جەلەۋ ەتكەن الدامكوستىك قىلمىسىنا جاتادى، الەۋمەتتىك ايىپتامادا ايتىلعانداي، بۇل دەلودا قارجى توپتاۋدى جەلەۋ ەتكەن الدامكوستىك قىلمىسىنىڭ فاكتتەرى قالىپتاسقان ءارى وسى قىلمىسقا جاتادى. قارجى توپتاۋدى جەلەۋ ەتكەن الدامكوستىك قىلمىسى بويىنشا ايىپكەر لي X تى 14 جىلدىق مەرزىمدى قاماق جازاسىنا ۇكىم ەتۋ ءارى قىلمىستىق ىستەر بويىنشا 300 مىڭ يۋان اقشالاي ايىپ سالۋ كەرەك؛ ايىپكەر ليۋ X دى 6 جىلدىق مەرزىمدى قاماق جازاسىنا ۇكىم ەتۋ ءارى قىلمىستىق ىستەر بويىنشا 100 مىڭ يۋان اقشالاي ايىپ سالۋ كەرەك؛ ايىپكەرلەر قىلمىس بارىسىندا قولعا كەلتىرگەن 10 ميلليون يۋاننان استام قاراجاتتى قۋزاپ قايتارىپ الىپ، زياندالعاندارعا قايتارىپ بەرۋ كەرەك.
ايىپكەر لي X مەن ليۋ X جوعارىلاپ ارىزدانعان. ءۇرىمجى قالالىق ورتا دارەجەلى سوت سوڭعى سوتتا جوعارىلاپ ارىزدانۋشىلەردىڭ تالابىنا تويتارىس بەرىپ، بۇرىنعى ۇكىمدى وزگەرتپەي ساقتاعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
