شينجياڭنىڭ مەرەكەلىك تۇتىنۋ بۇيىمدارى بازارىنىڭ اينالىمى جاقسى بولدى
2022.06.07 16:32 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى حي حۇڭۋي 6 - ايدىڭ 5 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، بيىل دۋان - ۋ دەمالىسى كەزىندە رايونىمىزدا تۇرمىستىق قاجەتتى بۇيىمدارمەن قامداۋ جەتكىلىكتى، زات اينالىم ارناسى ىركىلىسسىز، تاۋاردىڭ ءتۇرى مول، باعاسى تۇراقتى بولىپ، تۇتىنۋ بۇيىمدارى بازارىندا جالپى تۇلعالىق جاقتان مولشەر جەتكىلىكتى، باعا تۇراقتى، اينالىم تاماشا بولۋداي جاعداي جارىققا شىققان. مۇنىڭ ىشىندە ساۋدا ىستەرى تاراۋلارى ءتۇيىندى تۇردە باقىلاۋ جۇرگىزگەن 100 بولشەك ساتۋ، اس - سۋ كاسىپورىندارىنىڭ تاۋار ساتۋ سوماسى 94 ميلليون 313 مىڭ 100 يۋان بولعان.
ساۋدا ىستەرى مينيسترلىگىنىڭ تۇرمىستىق قاجەتتى بۇيىمدار تۇعىرىن باقىلاۋ - ولشەۋ ساندى مالىمەتىنە نەگىزدەلگەندە، دۋان - ۋ دەمالىسى كەزىندە رايونىمىزدىڭ نەگىزگى اۋىل شارۋاشىلىق قوسىمشا ونىمدەرىنىڭ باعاسى جالپى جاقتان ورنىقتى بولعان. تۇتاس رايوننىڭ تۇتىنۋ بۇيىمدارى بازارىنداعى كۇرىش، ۇن، ماي، ەت، جۇمىرتقا، ءسۇت، كوكونىس، جەمىس - جيدەك، سۋ ونىمدەرىنىڭ باعاسى تۇراقتى، سانى جەتكىلىكتى بولعان.
مەرەكە كەزىندە، تۇتاس شينجياڭداعى ساۋدا ىستەرى جۇيەسى ”ورنىقتىلىقتى ساقتاۋ، ىركىلىسسىز بولۋدى جەبەۋ، ارتۋدى ورنىقتىرۋ“ قىزمەت تالابىن قاتاڭ تياناقتاندىرىپ، بازار اينالىمىنا تالداۋ جاساۋ، مالىمدەۋ ءتۇزىمىن ىسكە قوسىپ، ىندەتتەن ساقتانۋ - تىزگىندەۋ جانە ءوندىرىس حاۋىپسىزدىگى شارالارىن ويداعىداي تياناقتاندىردى. ءارقايسى قامداۋدى قامتاماسىز ەتۋ كاسىپورىندارى ىندەتتەن ساقتانۋ - تىزگىندەۋ جانە ءوندىرىس حاۋىپسىزدىگىن ويداعىداي يگەرۋ شارتى استىندا، قاراستى جەرگە سايكەسىپ قامداۋدى قامتاماسىز ەتۋ جاۋاپكەرشىلىگىن ويداعىداي اتقارىپ، بازار اينالىمىنىڭ ورنىقتىلىعىنا شىنايى كەپىلدىك ەتتى. سونداي - اق رايونىمىز كوپ شارالاردى قاتار اتقارۋ ارقىلى مەرەكەلىك تۇتىنۋدى جەبەپ، تۇتىنۋ بازارىن جانداندىردى. اۆتونوميالى رايوندىق ساۋدا ىستەرى مەڭگەرمەسى ”شينجياڭ ءۇي ەلەكتر جابدىقتارىن اۋىلدارعا جەتكىزۋ، حالىققا تيىمدىلىك جەتكىزۋ تۇتىنۋ مەرەكەسى“، ”جازدا تيىمدىلىك جەتكىزۋ، يگىلىككە كەنەلتۋ· باقىتقا باستاۋ“ 2022 ءۇي جيھازدارى قوسىمشا قاراجاتى ارقىلى حالىققا تيىمدىلىك جەتكىزۋ مەرەكەسى سياقتى تۇتىنۋدى جەبەۋ قيمىلدارىن ۇيىمداستىرىپ ورىستەتتى. جەر - جەر الۋان فورماداعى تاۋاردىڭ ساتىلۋىن جەبەۋ، اس - سۋ ءدامدى تاعام، مادەنيەت، دەنە تاربيە، سەيىل - سەرۋەن سياقتى قيمىلداردى ۇيىمداستىرىپ وتكىزىپ، تۇتىنۋدىڭ ۇزدىكسىز قالپىنا كەلۋىن بار كۇشپەن جەبەدى. ساندى مالىمەتتە كورسەتىلۋىنشە، دۋان - ۋ دەمالىسى كەزىندە وڭدەلگەن ماي، جۇڭگوشا، باتىسشا ءدارى - دارمەك، سۋسىندىق، ءۇي مۇلكى، تۇرمىستىق بۇيىمدار، وتباسىندا پايدالانىلاتىن ەلەكتر جابدىقتارى جانە دىبىس - كەسكىن اسپاپتارى، اس - سۋ تۇرلەرىنىڭ ساتىلۋ سوماسى سايكەس مەزگىلدەگىدەن تۇگەلدەي ۇقساماعان دەڭگەيدە ارتۋدى جۇزەگە اسىرعان.
كەلەسى قادامدا، اۆتونوميالى رايوندىق ساۋدا ىستەرى مەڭگەرمەسى ەگجەي - تەگجەيلى قىزمەت شاراسىن شىعارىپ، رايونىمىزدىڭ تۇتىنۋ ومىرشەڭدىك كۇشىن اناعۇرلىم تاسقىنداتىپ، تۇتىنۋ سەنىمىن كۇشەيتىپ، تۇتىنۋدىڭ ۇزدىكسىز قالپىنا كەلۋىن جەبەپ، اۆتونوميالى رايون ەكونوميكاسىنىڭ ورنىقتى، اقاۋسىز دامۋىنا شىنايى كەپىلدىك ەتەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
