بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ديڭ گۇيياڭ:

ۇلان - قايىر ءشول دالادا جاستاردىڭ كۇشىن ۇيىستىردى

□ انار بۇلت \ شينجياڭ گازەتىنىڭ ءتىلشىسى ءجازيرا نەسىپبەك

2022.06.07 16:34     كەلۋ قاينارى : شينجياڭ گازەتى

  5 - ايدىڭ 23 - كۇنى ديڭ گۇيياڭ دەمالىسىن اياقتاتىپ، قىزمەت ورنىنا ورالدى. اۆتوكولىك شەكسىز - شەتسىز قۇبا تۇزگە كىرگەندە ول بارعان سايىن ويعا باتتى. ”مۇناي - تابيعي گاز اشۋ قىزمەتىمەن اينالىسقان ەكەنسىڭ، جالعىزسىراۋعا توزە ءبىلۋىڭ كەرەك، ءبىرىنشى شەپتەن قول ءۇزىپ، قالاعا بارۋعا قازىرشە ۇيلەسە المايتىن سياقتىمىن“، - دەدى 24 جاستاعى ديڭ گۇيياڭ كۇلىمسىرەپ.

  ديڭ گۇيياڭنىڭ ءۇيى شاندۇڭ ولكەسىنىڭ چيڭداۋ قالاسىندا، ول تەڭىز سامالى ەسكەن كوركەم قالا. 2020 - جىلى جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسقان كەزدە ديڭ گۇيياڭ تەڭىزدەن ەڭ شالعاي شينجياڭدا قالۋدى تاڭدادى: ”مەنىڭ وقىعانىم بايلىق بارلاۋ ينجەنەريا كاسىبى، شينجياڭ − مەملەكەتتىڭ ماڭىزدى ەنەرگيا بازاسى، مەن مۇندا قالسام، ءوزىمنىڭ ومىرلىك قۇنىمدى ءتىپتى دە جۇزەگە اسىرا الامىن“.

  سول جىلى ديڭ گۇيياڭدى قامتىعان جۇڭگو مۇناي داشۋەسى (بەيجيڭ) قارامايلى مەكتەپ رايونىنان وقۋ تاۋىسىپ، شەكارا وڭىرگە تامىر تارتىپ، ناتيجە جاراتىپ، ۇلەس قوسۋعا بەكىگەن 118 وقۋشى باس شۋجي شي جينپيڭگە ءبىر پارشا حات جازادى ءارى باس شۋجيدىڭ ىقىلاستى جاۋاپ حاتىن تاپسىرىپ الادى.

  ”حاتتا باس شۋجي ءبىزدىڭ تالعامىمىزدى تۇراقتاندىردى، بۇل ءبىزدى ايرىقشا جىگەرلەندىردى. جاۋاپ حاتتى تاپسىرىپ العان كۇنى كەشتە ءبىز ءبىر اراعا باس قوسىپ كوپكە دەيىن تاراعىمىز كەلمەدى“، - دەدى ديڭ گۇيياڭ.

  2020 - جىلى 9 - ايدا ديڭ گۇيياڭ پوسكام اۋدانى كۇيباق قالاشىعىنداعى جۇڭگو مۇنايى تارىم مۇناي الابى بولىمشە سەرىكتەستىگى باتىس وڭتۇستىك تارىم بارلاۋ، اشۋ سەرىكتەستىگى بودا مۇناي - تابيعي گاز اشۋ بولىمىنە بارىپ تىزىمدەلەدى، ونىڭ قىزمەت جانە جاتىن ورنى اقسۋ ايماعى باي اۋدانى داچياۋ اۋىلىنداعى شەكسىز - شەتسىز قۇبا ءتۇز بولدى.

  ”ءبىزدىڭ تۇرعان جەر اۋىلدىق ۇكىمەتكە 10 نەشە كيلومەتر، ءارقايسى مۇناي - تابيعي گاز ۇڭعىماسىمەن بولعان ورتاشا ارا قاشىقتىعى 40 − 50 كيلومەتر كەلەتىن“، - دەدى ديڭ گۇيياڭ. قىزمەت ىستەگەن 2 جىلعا تاياۋ ۋاقىتتا ديڭ گۇيياڭ ءبىرىنشى شەپتە قاجىرلىلىقپەن قابىلەتىن جەتىلدىردى ءارى تۇتاس بارىستا قىس مەزگىلىندە تابيعي گازبەن قامداۋدى قامتاماسىز ەتۋ، جاڭا ۇڭعىمالاردى وندىرىسكە قوسۋ، قۇرىلعىلاردى تەكسەرۋ، رەمونتتاۋ سياقتى قىزمەتتەرگە قاتىناستى.

  ديڭ گۇيياڭ تاعى ”جاستار تالقى مىنبەرىن“ قۇردى. ”ۇقساس ءبىر توپتا مەكتەپ بىتىرگەن جالپى 16 وقۋشى بودا مۇناي - تابيعي گاز اشۋ بولىمىنە كەلىپ، تۇرلىشە ورىندا قىزمەت ىستەدىك. ەگەر ءوزارا ۇيرەنىپ، اۋىس - كۇيىس جاسايتىن ءبىر تۇعىر بولسا، قۇلازىعان قۇمدا قىزمەت ىستەۋدى تاڭداعان جاستار ءۇشىن الىپ ايتقاندا، جۇرت تىلەگىن ۇيىستىرىپ، مۇراتتى بەكەمدەۋ رولىن اتقاراتىنى داۋسىز ەدى“، - دەدى ديڭ گۇيياڭ.

  اشۋ بولىمىندەگى باسشىلاردىڭ زور كۇشپەن قولداۋىندا، اپتاسىنا ءبىر رەتكى ”جاستار تالقى مىنبەرى“ وسىلايشا جارىققا شىعادى. باستالعان كەزدە كوپشىلىك ءبىر اراعا باس قوسىپ، وزدەرىنىڭ قىزمەت بارىسىنداعى جەتىستىكتەرى مەن جولىققان ماسەلەلەرىن تالقىلاپ، پىكىر الماستىرادى، كەيىن كەلە تالقى مىنبەرىن ءار كەزەكتە ءبىر تەحنيكا نەمەسە بارىستى ۇيرەنۋگە وزگەرتەدى ءارى قاتىستى تاراۋلارداعى تەحنيك مامانداردى ساباق وتۋگە ۇسىنىس ەتىپ، جاڭادان كەلگەن قىزمەتكەرلەردىڭ مۇناي - تابيعي گاز اشۋدىڭ تۇتاس بارىسىنا تەز قانىق بولۋىنا دەم بەرەدى.

  ”مەن مۇناي - تابيعي گاز ۇڭعىماسىنىڭ جۇمىس باسىندا ىستەپ، تابيعي گازدى تازارتۋ جانە سۋدى ءبىر جايلى ەتۋ جاقتارداعى شەبەرلىكتى قاتار يگەردىم. وزگە قىزمەت ورنىنداعى قىزمەتتەستەرىم دە ءبىر ءوندىرىس ۇڭعىماسىن بارلاۋدان اشۋعا دەيىنگى تەحنيكا مەن بارىستى ءبىرشاما يگەردى“، - دەدى ديڭ گۇيياڭ. جان - جاقتىلى دامۋ كوپشىلىكتى ەرتەرەك اۋىر مىندەت ارقالاۋ سەنىمىنە يە ەتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار