بۇقارانىڭ قيىنشىلىعىن دەن قويا، سۇيىسپەنشىلىكپەن، كۇش سالا شەشتى
− ارىز - ارمان جۇيەسىندەگى مەملەكەتتىك وزات كوللەكتيۆ − شينجياڭ ءوندىرىس - قۇرىلىس بيڭتۋانى 3 - شى تۇمشۇق قالالىق ارىز - ارمان مەكەمەسى جونىندە
□ انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر
2022.06.07 16:35 كەلۋ قاينارى : شينجياڭ گازەتى
”سەندەر جۇگىرىپ ءجۇرىپ ماسەلەنى شەشۋگە كومەكتەستىڭدەر، شىن جۇرەكتەن راقىمەت ايتامىن“. 5 - ايدىڭ 25 - كۇنى قازىر چىڭدۋ قالاسىندا تۇراتىن لي مىرزا تەلەفون شالىپ، شينجياڭ ءوندىرىس - قۇرىلىس بيڭتۋانى 3 - شى تۇمشۇق قالالىق ارىز - ارمان مەكەمەسىنە العىس ايتتى.
لي مىرزا وتكەن عاسىردىڭ 80 - جىلدارى بيڭتۋاننان كەتىپ چىڭدۋعا بارادى، زەينەتكە شىققان كەزىندە قىزمەت الماستىرۋ راسمياتى تولىق بولماعاندىقتان، زەينەت اقىسىن الا المايتىندىعىن بىلەدى. 3 - شى تۇمشۇق قالالىق ارىز - ارمان مەكەمەسى ونىڭ اڭىس ەتكەن ماسەلەسىن قابىلداعان سوڭ، قاتىستى تاراۋلارمەن سايكەسىپ ماسەلەنى شەشەدى.
ارىز - ارمان قىزمەتى − پارتيانىڭ بۇقارالىق قىزمەتىنىڭ ماڭىزدى قۇرامداس ءبولىمى، قوعامدىق جاعدايدى، حالىق رايىن ءبىلۋدىڭ ماڭىزدى تەرەزەسى. جۋىق جىلداردان بەرى، 3 - شى تۇمشۇق قالالىق ارىز - ارمان مەكەمەسى ارىز - ارمان قىزمەتىن حالىقتىڭ جاعدايىن ۇعىسۋداعى، حالىقتىڭ پاراساتىن شوعىرلاندىرۋداعى، حالىقتىڭ مۇددەسىن قورعاۋداعى، حالىقتىڭ تىلەگىن ۇيىستىرۋداعى ماڭىزدى قىزمەت رەتىندە قاراپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا، سۇيىسپەنشىلىكپەن، كۇش سالا شەشتى.
بۇقارانى ”مازالاعان ىستەردى“ شەشۋ سۇيىسپەنشىلىكتى، سابىرلىلىقتى جانە جاۋاپكەرشىلىكتى قاجەت ەتەدى. 3 - شى تۇمشۇق قالالىق ارىز - ارمان مەكەمەسى قاشاندا ادامدى نەگىز ەتۋگە تاباندى بولىپ، ارىز - ارمان قىزمەتىن ءار دارەجەلى باسشىلىق القالارىنىڭ جانە باسشى كادرلاردىڭ جىلدىق جالپىلىق باعالاۋىنا ەنگىزىپ، ءبىر تۇتاس باسشىلىق ەتەتىن، تاراۋلار سايكەستىرەتىن، ءبىر تۇتاس جوسپارلاپ، تەگىس ءمان بەرەتىن، ۇستىنەن وڭاۋ مەن تۇبىرىنەن وڭاۋدى تەڭ جۇرگىزەتىن، اركىم ءوز مىندەتىنە جاۋاپتى بولاتىن، تەڭ يگەرىپ، بىرگە باسقاراتىن ۇلكەن ارىز - ارمان قىزمەتى ارناسىن قالىپتاستىردى.
”ءبىر مەكەمە - ورىن مەنىڭ قۇرىلىس قاراجاتىمدى كەشەۋىلدەتتى، كوپ تاراۋعا ساياتىندىقتان، قايتا - قايتا سوزباقتاتىپ بەرمەي قويدى، ءبىر ءتاۋىرى، ارىز - ارمان تاراۋىنىڭ سايكەستىرۋىندە اقىرىندا اقشامدى الدىم“، - دەدى 3 - شى تۇمشۇق قالاسىندا جۇمىس ىستەيتىن شى مىرزا قۋانىشتى تۇردە.
شى مىرزانىڭ ماسەلەسىن شەشۋ ءۇشىن، 3 - شى تۇمشۇق قالالىق ارىز - ارمان مەكەمەسى قاتىستى تاراۋلارمەن جانە ىسكە قاتىستى ورىندارمەن كەڭەسۋ ارقىلى اقىرىندا زاڭ بويىنشا، ەرەجە بويىنشا ماسەلەنى ۇيلەسىمدى ءبىر جايلى ەتتى.
كەيبىر ماسەلەنى شەشۋ قيىنعا سوعادى، ويتكەنى ساياتىن تاراۋلار كوپ، ءارقايسى تاراۋلاردىڭ جاۋاپكەرشىلىگى ايقىن ەمەس، تاراۋلار اراسىندا بىرىككەن كۇش قالىپتاسپاعان. سول ءۇشىن 3 - شى تۇمشۇق قالالىق ارىز - ارمان مەكەمەسى ارىز - ارمان قىزمەتىنىڭ بىرىككەن ءماجىلىس ءتۇزىمىن بەلسەنە ساۋلەلەندىرىپ، كوپ تاراۋدىڭ قىزمەت جاۋاپكەرشىلىگىنە ساياتىن باسىلىپ قالعان دەلولارعا قاراتا نەگىزگى جاۋاپتى ورىنداردىڭ باس بولىپ قاتىستى تاراۋلارمەن سايكەسىپ، كەڭەسىپ ءبىر جاقتى ەتۋىن ايقىنداپ، ءبىر - بىرىنە سىلتەۋ جايتىنىڭ الدىن الدى.
3 - شى تۇمشۇق قالالىق ارىز - ارمان مەكەمەسى ”ينتەرنەت + ارىز - ارماندى“ بار كۇشپەن ىلگەرىلەتىپ، ”بيڭتۋان 3 - شى ارىز - ارمان“ الەۋمەتتىك تۇعىرىن، ”12345“ قالا تۇرعىندارىنا قىزمەت وتەۋ ىستىق لەنياسى سياقتىلاردى ساپالىلاندىرىپ بىرىكتىرىپ، توردا ارىز - ارمان تۇعىرىن اشىپ، كوپ ءتۇرلى ارىز ايتۋ ءتاسىلىن جاريالاپ، ارىز - ارمان دەلولارىن شەشۋدى ءتىپتى دە ”زەردەلىلەندىرىپ“، ساندى مالىمەتتى كوپ قولدانىمعا ءتۇسىرىپ، بۇقارانى كوپ سابىلتپاۋدى جۇزەگە اسىردى.
73 جاستاعى زەينەتكە شىققان قىزمەتكەر يان مىرزا ءوزى تۇرعان شاعىن اۋماقتىڭ جاسىلداندىرۋ اياق الىسى باياۋ بولىپ، ءجۇرىس - تۇرىسقا قولايسىزدىق اكەلگەندىگىن توردا اڭىس ەتەدى. ارىز - ارمان مەكەمەسى ءوتىنىشتى قابىلداعان سوڭ، دەرەۋ انىقتاپ، ءمالى، الەۋمەتتىك اۋماق جانە قۇرىلىس جۇرگىزۋشى ورىنمەن اقىلداسادى، تەز ارادا جۇمىس ىلگەرىلەۋشىلىككە قول جەتكىزەدى.
باسشىلاردىڭ ارىز - ارمان ىستەرىن ۇستىنە الىپ ىستەۋىن تياناقتاندىرىپ، ءارقايسى جاقتىڭ كۇشىن سايكەستىرىپ، حالىق ءۇشىن قيىن ماسەلەلەردى شەشتى؛ مەحانيزم ورناتىپ، كەمەلدەندىرىپ، تاراۋلاردىڭ جاۋاپكەرشىلىگىن ايقىن تۇراقتاندىرىپ، سايكەسە كۇش سالدى؛ قاينارىنان باستاپ وڭاۋدى كۇشەيتىپ، بۇقاراعا قىزمەت وتەۋدە، قايشىلىقتى اداقتاپ تەكسەرۋدە، شەشۋدە بۇقارانىڭ جانىنان تابىلۋدى جۇزەگە اسىردى...ءبىر قىدىرۋ شارالار ارقىلى 3 - شى تۇمشۇق قالالىق ارىز - ارمان مەكەمەسىنىڭ دەر كەزىندە قابىلداۋ سالىستىرماسى، ۋاعىندا ءبىتىرۋ سالىستىرماسى، بۇقارانىڭ رازى بولۋ سالىستىرماسى كورنەكتى جوعارىلادى. تاياۋدا وسى مەكەمە ارىز - ارمان جۇيەسىندەگى مەملەكەتتىك وزات كوللەكتيۆ اتاعىنا يە بولدى.
”اتاق - داڭق − شابىتتاندىرۋ، ونان دا ماڭىزدىسى، قامشىلاپ جىگەرلەندىرۋ. بۇقارانى ءوز وتباسىڭنىڭ ادامىنداي كورىپ، بۇقارانىڭ ىستەرىن ءوز شارۋاڭداي ىستەگەندە عانا، قىزمەتتى بۇقارانىڭ كوڭىلىنەن شىعاتىنداي ەتىپ ىستەي الاسىڭ“، - دەدى 3 - شى تۇمشۇق قالالىق پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى جاڭ جيڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
