حالىق ىستەرى مينيسترلىگى «حالىقتىق قونالقىنى باسقارۋشى» قاتارلى 18 ءتۇرلى جاڭا كاسىپ ءتۇرىن جاريالادى
2022.06.15 16:29 كەلۋ قاينارى : حالىق تورابى
شينحۋا اگەنتتىگىنىڭ 6 - ايدىڭ 14 - كۇنى بەيجيڭنەن بەرگەن حابارى (جياڭ لين، شۇي حاۋبيڭ) ادام كۇشى بايلىعى جانە قوعامدىق قامتاماسىزداندىرۋ مينيسترلىگى 6 - ايدىڭ 14 - كۇنى «حالىقتىق قونالقىنى باسقارۋشى»، «وتباسىلىق ءتالىم - تاربيە جەتەكشىسى»، «ىزدەنىس سيپاتىندىق ۇيرەنۋ ساپارىنا جەتەكشىلىك ەتۋشى»، «روبوت ينجەنەرياسى تەحنيگى» قاتارلى 18 ءتۇرلى جاڭا كاسىپ ءتۇرىن جاريالادى. جاريالاپ پىكىر الۋ، وزگەرتىپ كەمەلدەندىرۋ باسقىشىنان سوڭ، بۇل جاڭا كاسىپ تۇرلەرى جاڭادان شىعارىلاتىن كاسىپ تۇرلەرى تىزىمدىگىنە قوسىلادى.
ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتىسىنىڭ تانىستىرۋىنشا، كاسىپتى تۇرلەرگە ءبولۋ كاسىپ ولشەمىن بەلگىلەۋدىڭ نەگىزى بولىپ، ول كاسىپتىك جاقتاعى ءتالىم – تاربيە كۋرسى جانە دارىندىلارعا باعا بەرۋ جاقتارىندا ماڭىزدى نەگىزدىك سيپاتتى قىزمەت سانالادى. وسى جولى جاريالانعان جاڭا كاسىپ تۇرلەرىنىڭ تومەندەگىدەي بىرنەشە ءتۇرلى ەرەكشەلىگى بار:
بىرىنشىدەن، سيفرلى ەكونوميكانىڭ دامۋىنىڭ قاجەتىن بەينەلەيدى. وسى رەت جاريالانعان «روبوت ينجەنەرياسى تەحنيگى»، «قوسپا ماتەريالداردى ءوندىرۋ ينجەنەرياسىنىڭ تەحنيگى»، «دەرەك حاۋىپسىزدىگى ينجەنەرياسىنىڭ تەحنيگى»، «سيفرلى جولمەن شەشىم ەتۋ جوباسىن جوبالاۋشى»، «دەرەك قويماسىن ىسكە قوسۋدى باسقارۋشى»، «ينفورماتسيا جۇيەسىنىڭ سايكەسىمدىلىگىن كۋالاندىرۋشى»، «سيفرلى ەگىزدەر قولدانىلمالى تەحنيكاسى تەحنيگى»، «ساۋدالىق دەرەكتەردى ساراپتاۋشى»، «اۋىل شارۋاشىلىعىن سيفرلاندىرۋ تەحنيگى» قاتارلىلار، سيفرلى ەرەكشەلىگى كورنەكتى بولعان جاڭا كاسىپ تۇرلەرىن ايىرىم توپ بويىنشا بەلگىلەدى.
ەكىنشىدەن، كومىر قىشقىل گازىن ءبولۋدى شەگىنە جەتكىزۋ مەن كومىر قىشقىل گازىن بەيتاراپتاندىرۋ بەتالىسىنا بەيىمدەلدى. ەنەرگيا مەن ەكونوميكا قۇرىلىمىندا وزگەرىستەر تۋىلۋىنا بايلانىستى، «كومىر قىشقىل گازىن ءسىمىرتۋ مولشەرىن ەسەپتەۋشى جانە باعالاۋشى»، «امبەباپ ەنەرگيا قىزمەتكەرى»، «قۇرىلىستاردىڭ ەنەرگيانى ۇنەمدەپ، زياندى گازداردى ىعىستىرۋى جاعىندا كەڭەس بەرۋشى»، «كومىردىڭ ساپاسىن جوعارىلاتۋشى جۇمىسشى» قاتارلى كاسىپتەر اۋقىمعا قاراي تۋىندادى.
ۇشىنشىدەن، حالىقتىڭ تاماشا تۇرمىسقا دەگەن قاجەتىن قاناعاتتاندىردى، مىسالى، جاڭادان شىققان «حالىقتىق قونالقىنى باسقارۋشى»، «قالاداعى رەلستى قاتىناس قۇرالدارىن تەكسەرۋشى – جوندەۋشى قىزمەتكەر»، «قوسىننان قايتقان اسكەريلەر ىستەرى سالاسىنداعى قىزمەتكەر»، «وتباسىلىق ءتالىم - تاربيە جەتەكشىسى»، «ىزدەنىس سيپاتىنداعى ۇيرەنۋ ساپارىنا جەتەكشىلىك ەتۋشى» قاتارلى كاسىپتەر وسىعان جاتادى. مۇندا حالىقتىق قونالقى كاسىپ سالاسى قارىشتاي دامىپ، قىسقا عانا بىرنەشە جىل ىشىندە «حالىقتىق قونالقىنى باسقارۋشى» كاسىبىمەن شۇعىلداناتىنداردىڭ سانى نولدەن ارتىپ، ميلليون ادامدىق دەڭگەيگە كوتەرىلدى.
كەلەسى قادامدا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتىستى تاراۋلارمەن بىرگە، جاڭا كاسىپ تۇرلەرىنىڭ ولشەمىن بەلگىلەيدى ءارى كۋرس قۇرىلىمدارىنىڭ مەملەكەتتىك كاسىپ ولشەمى بويىنشا كۋرس ورىستەتۋىنە جەتەكشىلىك ەتەدى. سونىمەن بىرگە، قوعامداعىلار باعا بەرەتىن جاعدايدى بەلسەندى دە ورنىقتى ىلگەرىلەتىپ، باعالاۋدا تولىمدى بولعاندارعا، باعالاۋشى قۇرىلىمدار قاتىستى بەلگىلەمەلەرگە ساي كۋالىك تاراتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
