«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
جۇڭگونىڭ ادامدىق ۇقىقتى دامىتۋ جولىنان اۋىتقىماي، ەلىمىزدىڭ ادامدىق ۇقىق ىستەرىنىڭ دامۋىن ءتىپتى دە ويداعىداي ىلگەرىلەتەيىك
2022.06.16 16:43 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 15 - كۇنى، بەيجيڭ. 6 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 12 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جۇڭگونىڭ ادامدىق ۇقىقتى دامىتۋ جولىنان اۋىتقىماي، ەلىمىزدىڭ ادامدىق ۇقىق ىستەرىنىڭ دامۋىن ءتىپتى دە ويداعىداي ىلگەرىلەتەيىك» اتتى ماڭىزدى ماقالاسىن جاريالايدى.
ماقالادا بىلاي دەپ دارىپتەلدى: ادامنىڭ ءومىرىن، قۇنىن، ار - نامىسىن قورعاپ، بارلىق ادامنىڭ ادامدىق ۇقىقتان يگىلىكتەنۋىن جۇزەگە اسىرۋ −ادامزات قوعامىنىڭ ورتاق تالپىنىسى. ادامدىق ۇقىققا قۇرمەت ەتۋ جانە ونى قامتاماسىز ەتۋ − جۇڭگو كوممۋنيستەرىنىڭ تالىقپايتىن تالپىنىسى. پارتيانىڭ 100 جىلدىق كۇرەس تاريحىنا پارتيانىڭ حالىقتى ىنتىماقتاستىرىپ جانە باستاپ، ادامدىق ۇقىققا قول جەتكىزۋ، ادامدىق ۇقىققا قۇرمەت ەتۋ، ادامدىق ۇقىقتى قامتاماسىز ەتۋ، ادامدىق ۇقىقتى دامىتۋ جولىندا جۇرگىزگەن قاجىماس قۇلشىنىسى سىڭىرىلگەن. پارتيا 18 - قۇرىلتايىنان بەرى ءبىز ادامدىق ۇقىققا قۇرمەت ەتۋدى جانە ونى قامتاماسىز ەتۋدى ەل باسقارۋداعى ماڭىزدى قىزمەت ەتۋدەن جازباي، ەلىمىزدىڭ ادامدىق ۇقىق ىستەرىندە تاريحي جەتىستىكتەرگە قول جەتكىزۋدى ىلگەرىلەتتىك.
ماقالادا بىلاي دەپ اتاپ كورسەتىلدى: ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتۋ امالياتى بارىسىندا ءبىز ماركسيزمدىك ادامدىق ۇقىق كوزقاراسىن جۇڭگونىڭ ناقتى ءىس جۇزىندىگىمەن بىرلەستىرىپ جانە جۇڭحۋانىڭ تاڭداۋلى ءداستۇرلى مادەنيەتىمەن بىرلەستىرىپ، پارتيامىزدىڭ حالىقتى ىنتىماقتاستىرىپ جانە باستاپ، ادامدىق ۇقىققا قۇرمەت ەتۋدەگى جانە ونى قامتاماسىز ەتۋدەگى تابىستى تاجىريبەلەرىن قورىتىندىلاپ، ادامزاتتىڭ تاڭداۋلى وركەنيەت جەتىستىكتەرىنەن ۇلگى الىپ، ادامدىق ۇقىقتى دامىتۋدىڭ ءداۋىر اعىمىنا ۇيلەسەتىن، ءوز ەلىمىزدىڭ مەملەكەت جاعدايىنا ساي كەلەتىن جولىن تاپتىق. ءبىرىنشى، جۇڭگو كوممۋنيستىك پارتياسىنىڭ باسشىلىعىندا تاباندى بولدىق. جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمى ەلىمىز ادامدىق ۇقىق ىستەرىنىڭ سوتسياليستىك سيپاتىن بەلگىلەگەن. ەكىنشى، حالىقتىڭ تۇلعالىق ورنىنا قۇرمەت ەتۋدە تاباندى بولدىق. حالىقتىق سيپات − جۇڭگونىڭ ادامدىق ۇقىقتى دامىتۋ جولىنىڭ ەڭ كورنەكتى ەرەكشەلىگى. ءۇشىنشى، ەلىمىزدىڭ ءىس جۇزىندىگىن نەگىزگە الۋدا تاباندى بولدىق. ءار ەلدىڭ ادامدىق ۇقىقتى دامىتۋ جولىن، ءسوز جوق، ءوز ەلىنىڭ جاعدايىنا جانە ءوز ەلى حالقىنىڭ تىلەگىنە ساي بەلگىلەۋ كەرەك. ءتورتىنشى، ءومىر ءسۇرۋ ۇقىعىن، دامۋ ۇقىعىن ماڭداي الدى ورىنعا قوياتىن نەگىزگى ادامدىق ۇقىقتا تاباندى بولدىق. ءومىر ءسۇرۋ − بارلىق ادامدىق ۇقىقتان يگىلىكتەنۋدىڭ نەگىزى، حالىقتىڭ باقىتتى تۇرمىسى − ەڭ ۇلكەن ادامدىق ۇقىق. بەسىنشى، ادامدىق ۇقىقتى زاڭ بويىنشا قامتاماسىز ەتۋدە تاباندى بولدىق. زاڭمەن باسقارۋ − ادامدىق ۇقىقتىڭ ەڭ ءونىمدى كەپىلى. التىنشى، دۇنيە جۇزىلىك ادامدىق ۇقىق ىستەرىن باسقارۋعا بەلسەنە ات سالىسۋدا تاباندى بولدىق. ادامدىق ۇقىقتى دامىتۋ _ بۇكىل ادامزاتتىڭ ورتاق ءىسى. ءار ەل ادامدىق ۇقىقتى دامىتۋ جولىن دەربەس تاڭداۋعا ۇقىقتى، تۇرلىشە وركەنيەتتەر، تۇرلىشە ەلدەر ءبىرىن - ءبىرى قۇرمەتتەۋى، ءوزارا كەشىرىمشىل بولۋى، ءوزارا اۋىس - كۇيىس جاساۋى، ءوزارا ۇلگى الۋى كەرەك.
ماقالادا مىنالار دارىپتەلدى: ەل ءىشى جانە حالىقارا سىندى ەكى جالپى جاعدايدى ءبىر تۇتاس جوسپارلاپ، ادامدىق ۇقىق قىزمەتىن ويداعىداي ىستەۋدىڭ ماڭىزدىلىعى مەن كوكەي تەستىلىگىن جەتە تانىپ، ادامدىق ۇقىققا قۇرمەت ەتۋگە جانە ونى قامتاماسىز ەتۋگە اناعۇرلىم ءمان بەرىپ، ەلىمىزدىڭ ادامدىق ۇقىق ىستەرىنىڭ اقاۋسىز دامۋىن ىلگەرىلەتىپ، مىنا بىرنەشە جاقتاعى قىزمەتتى ءتۇيىندى تۇردە ويداعىداي يگەرۋ كەرەك. ءبىرىنشى، ادامدىق ۇقىق ىستەرىنىڭ جاپپاي دامۋىن جەبەۋ. ەكىنشى، ادامدىق ۇقىقتى زاڭمەن جونگە سالۋدى قامتاماسىز ەتۋدى كۇشەيتۋ. ءۇشىنشى، دۇرىس ادامدىق ۇقىق كوزقاراسىن ساۋلەلەندىرۋ. ءتورتىنشى، دۇنيە جۇزىلىك ادامدىق ۇقىقتى جونگە سالۋدى بەلسەنە ىلگەرىلەتۋ. بەسىنشى، حالىقارالىق ادامدىق ۇقىق كۇرەسىن بەلسەنە ورىستەتۋ. ادامدىق ۇقىق تاريحي، ناقتى، رەال بولادى، تۇرلىشە ەلدەردىڭ قوعامدىق - ساياسي شارت - جاعدايىنان جانە تاريحي مادەنيەت داستۇرىنەن قول ءۇزىپ ادامدىق ۇقىق تۋرالى بوس ءسوز كوپىرتۋگە بولمايدى. ءبىر مەملەكەتتە ادامدىق ۇقىقتىڭ بار - جوقتىعىنا باعا بەرۋدە وزگە ەلدىڭ ولشەمىمەن ولشەۋگە بولمايدى، قوس ولشەم قولدانۋعا، اۋەلى، ادامدىق ۇقىقتى باسقا ەلدىڭ ىشكى ىسىنە كيلىگۋدىڭ ساياسي قۇرالى ەتۋگە ءتىپتى دە بولمايدى.
ماقالادا بىلاي دەپ اتاپ كورسەتىلدى: ءار دارەجەلى پارتكومدار (پارتگرۋپپالار) ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتۋدىڭ تاريحي جاۋاپكەرلىگىن ارقالاپ، ءار دارەجەلى كادرلار، اسىرەسە، باسشى كادرلار ماركسيزمدىك ادامدىق ۇقىق كوزقاراسىن، زامانىمىزداعى جۇڭگونىڭ ادامدىق ۇقىق كوزقاراسىن سانالىلىقپەن ۇيرەنىپ، وڭىرلەر، تاراۋلار، سالالار ادامدىق ۇقىققا قۇرمەت ەتۋ جانە ونى قامتاماسىز ەتۋ تانىمىن كۇشەيتىپ، ەلىمىزدىڭ ادامدىق ۇقىق ىستەرىنىڭ دامۋىن ىلگەرىلەتەتىن بىرىككەن كۇش قالىپتاستىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
