بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى

ءدال بۇگىن ىسكە قوسىلادى! دۇنيە ءجۇزى بويىنشا تۇڭعىش رەت ىسكە اسىرىلدى

2022.06.16 16:49   كەلۋ قاينارى : حالىق تورابى



  سۋرەتتە: قوزعالىستاعى كۇيدە تەكسەرۋ جۇرگىزۋگە ارنالعان پويەز رۋحيات كوپىرىنەن ءوتىپ بارادى. (تەمىر جول توبى بەرگەن سۋرەت)

  دۇنيە جۇزىندەگى شولدەگى تەمىر جول اينالما جەلىسىن قالىپتاستىرادى

  ءتىلشىنىڭ 6 - ايدىڭ 15 - كۇنى جۇڭگو مەملەكەتتىك تەمىر جول توبى شەكتى سەرىكتەستىگىنەن ۇعىسۋىنشا، حوتان - چارقىلىق تەمىر جولى 6 - ايدىڭ 16 - كۇنى ىسكە قوسىلادى. سونىمەن، شينجياڭ تەمىر جول تورابى اناعۇرلىم كەمەلدەنىپ، دۇنيە ءجۇزى بويىنشا تۇڭعىش رەت شولدەگى تەمىر جول اينالما جەلىسىن — ۇزىندىعى 2712 كيلومەتر كەلەتىن تاكلاماكان شولىندەگى تەمىر جول اينالما جەلىسىن قالىپتاستىرادى.

  حوتان - چارقىلىق تەمىر جولىنىڭ باتىس بولەگى شينجياڭ حوتان ايماعى حوتان قالاسىنان باستالىپ، شىعىس بولەگى بايىنعولىن موڭعۇل اۆتونوميالى وبلىسىنىڭ چارقىلىق اۋدانىنا بارادى، جالپى ۇزىندىعى 825 كيلومەتر، پويەزدىڭ ساعاتتىق جىلدامدىعى 120 كيلومەتر بولادى دەپ جوبالانعان، مەملەكەتتىك I - دارەجەلى دارا جەلىلى تەمىر جول بولىپ، ەلەكترلەندىرۋگە شارت - جاعداي ازىرلەنگەن. تەمىر جول دۇنيە ءجۇزى بويىنشا 2 - ورىنداعى اقپا ءشولدىڭ — تاكلاماكان ءشولىنىڭ جيەگىن باسىپ وتەدى، 534 كيلومەترلىك بولەگى قۇمدى بوران سوعاتىن وڭىردەن وتەدى، بۇل ارالىق جالپى ۇزىندىعىنىڭ %65 ىن ۇستايدى، تيپتىك ءشولدى وڭىردەگى تەمىر جول سانالادى.

  حوتان - چارقىلىق تەمىر جولى ىسكە قوسىلعان سوڭ، حوتاننان چارقىلىققا، كورلاعا، ۇرىمجىگە ەڭ تەز بولعاندا جەكە - جەكە 11 ساعات 26 مينۋتتا، 17 ساعات 50 مينۋتتا، 24 ساعات 23 مينۋتتا جەتەدى. سونىمەن بىرگە، قولايلى زات اينالىمى ارناسى رولىن اتقاراتىن حوتان - چارقىلىق تەمىر جولىندا جۇك پويەزىنەن 8 پويەز ىسكە قوسىلىپ، تەمىر جول بويىنداعى ماقتا، جاڭعاق، شىلان، كەن ونىمدەرى قاتارلىلاردى تەمىر جول ارقىلى شينجياڭنان سىرت جەرلەرگە قاراي تاسىمالداۋعا مۇمكىندىك بەرەدى.

  حوتان - چارقىلىق تەمىر جولى مەن گولمۋد - كورلا تەمىر جولىنىڭ چارقىلىق - كورلا بولەگى، وڭتۇستىك شينجياڭ تەمىر جولىنىڭ كورلا - قاشقار بولەگى، قاشقار - حوتان بولەگى تاكلاماكان شولىندەگى ۇزىندىعى 2712 كيلومەتر كەلەتىن اينالما تەمىر جولدى قالىپتاستىرادى. بۇل تەمىر جولدار سالىنىپ بولىپ، ىسكە قوسىلعان سوڭ، حوتان ايماعىنداعى لوب اۋدانى، شەريا اۋدانى، كەريا اۋدانى، نيا اۋدانى قاتارلى اۋداندار مەن بايىنعولىن موڭعۇل اۆتونوميالى وبلىسىنىڭ چەرشەن اۋدانى قاتارلى جەرلەرگە پويەز قاتىناماعان تاريحتى اياقتاتىپ، شينجياڭ تەمىر جول تورابىنىڭ قۇرىلىمىن اناعۇرلىم كەمەلدەندىرىپ، باتىس بولەكتەگى شەكارا وڭىردەگى تەمىر جول تورابى قۇرىلىسىن جەدەلدەتىپ، تەمىر جول بويىنداعى ءار ۇلت بۇقاراسىنىڭ ءجۇرىس - تۇرىسى مەن زات تاسىمالداۋىنا بارىنشا قولايلىلىق تۋدىرىپ، تەمىر جول بويىنداعى بايلىق قاينارىن اشۋدى جەبەپ، ۇلتتار ىنتىماعىن قورعاۋ، شەكاراداعى مەملەكەت قورعانىسىن بەكەمدەۋ، اۋىل - قىستاقتى گۇلدەندىرۋ جاقتارىندا توتەنشە ماڭىزدى ءمان الادى.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 الۋان ارنا

·جۇڭگو كاسىپورنى مىندەتىنە الىپ سالعان مالديۆ حالىقارالىق اۋەجايىنىڭ تەرمينالى پايدالانۋعا…
·جاڭجياجيە: جۇڭگوشا ءدارى – دارمەكتەردىڭ پايدالانىلۋى ىندەتتەن ساقتانۋ – تىزگىندەۋگە دەم ب…
·12 جاستان 17 جاسقا دەيىنگىلەرگە جاڭا تيپتى ايدارشا ۆيرۋس ۆاكسيناسىن ەگۋ جۇمىسى تارتىپپەن …
·گايتيدىڭ باتىس سولتۇستىگىندە جەر سىلكىنىسىنەن قازا بولعانداردىڭ سانى 724 ادامعا جەتتى
·جۇڭگو – اراب ەلدەرى 5 – رەتكى كورمەسى اشىلۋ الدىندا
·ۋحان داشۋەسى جۇڭنان ەمحاناسى اۆتوموبيلگە ورناتىلعان جىلجىمالى CT اسپابىن حىبەيعا كومەككە …
·شىنياڭداعى كولەمى ەڭ زور ءتۇيىندى باسقارۋ – مەڭگەرۋ رايونىندا تۇيىقتاپ باسقارۋ – مەڭگەرۋ …
·حىبەي نانگۇڭ: اۋاشالاۋ ورنى قۇرىلىسىن بار كۇشپەن ىلگەرىلەتتى
·ونەركاسىپ وندىرىسشىلەردىڭ زاۆودتان شىعارۋ باعا كورسەتكىشى 2019– جىلداعىدان %1.8 تومەندەدى
·حىبەي ولكەسى شىجياجۋاڭ قالاسى: نۋكلەين قىشقىلىن تەكسەرۋ جۇمىسى ورىستەتىلۋدە(4)