بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ەلەكترلى ۆەلوسيپەتتىڭ ساقتاعىش باتەرياسىن بولمە ىشىندە زاريادتاۋ بارىسىندا 5 ادام قازا بولعان، ەلەكترولى ۆەلوسيپەتتىڭ يەسى قىلمىستىق ىستەر بويىنشا 6 جىلدىق مەرزىمدى قاماق جازاسىنا ۇكىم ەتىلگەن

2022.06.16 16:52     كەلۋ قاينارى : حالىق تورابى

  2022 - جىلى 6 - ايدىڭ 15 - كۇنى، بەيجيڭ قالاسى تۇڭجوۋ رايوندىق سوت ايىپكەر جاڭ چيڭباۋدىڭ ءورت كەتىرۋى دەلوسىنا قاتىستى سوت ۇكىمىن زاڭ بويىنشا اشىق جاريالاپ، ءورت كەتىرۋ قىلمىسى بويىنشا ايىپكەر جاڭ چيڭباۋدى 6 جىلدىق مەرزىمدى قاماق جازاسىنا ۇكىم ەتكەن.

  تۇڭجوۋ سوت مەكەمەسى تەكسەرۋ، تەرگەۋ ارقىلى مىنالاردى انىقتاعان: ايىپكەر جاڭ چيڭباۋ 2021 - جىلى 7 - ايدان باستاپ بەيجيڭ قالاسى تۇڭجوۋ رايونىنداعى X شاعىن اۋماعىنان ءۇي مايلاعان، كوپ رەت بولمە ىشىندە نەمەسە بولمە سىرتىنان توك جالعاۋ ارقىلى ەلەكترلى ۆەلوسيپەتىنىڭ توك ساقتاۋ باتەرياسىن زاريادتاعان. سول جىلى 9 - ايدىڭ 20 - كۇنى ساعات نولدەن 30 مينۋت وتكەندە، ايىپكەر جاڭ چيڭباۋ بولمەنىڭ وڭتۇستىك جاعىنداعى سامالدىقتا توك ساقتاعىش باتەريانى زاريادتاعان، ساعات 3 تە، توك ساقتاعىش باتەريا پارتىلاپ، ءورت اپاتىن تۋدىرعان، وسىنىڭ سالدارىنان، ايىپكەر جاڭ چيڭباۋدىڭ ءۇيىنىڭ ۇستىڭگى قاباتىنداعى لي XX قاتارلى 5 ادام كۇيىپ ولگەن نەمەسە ازوت شالا توتىعىنا ۋلانىپ ولگەن، قابات ءۇيدىڭ ءدالىزى، سىرتقى قابىرعاسى جانە بولمە ىشىنە ورنالاستىرىلعان اشەكەي بۇيىمدارعا ءورت كەتىپ، حالىق اقشاسى بويىنشا 98174 يۋان زيان تۋدىرعان. ايىپكەر جاڭ چيڭباۋ ءورتتى وشىرە الماعان سوڭ، ساقشىعا مالىمدەگەن، سوڭىنان حالىق ساقشىلارىنىڭ شاقىرتۋىمەن قوعام حاۋىپسىزدىگى مەكەمەسىنە بارىپ، تەكسەرۋدى قابىلداعان.

  تۇڭجوۋ سوت مەكەمەسى بىلاي دەپ قارادى: ايىپكەر جاڭ چيڭباۋدىڭ كۇندەلىكتى قىزمەت پەن تۇرمىس بارىسىنداعى حاۋىپسىزدىك تانىمى ءالسىز، قاتىستى باسقارۋ بەلگىلەمەلەرىنە نەمقۇرايدى قاراپ، بولمە ىشىندە ەلەكترلى ۆەلوسيپەتتىڭ توك ساقتاعىش باتەرياسىن زاريادتاپ، حاۋىپسىزدىككە كوڭىل ءبولۋ بورىشىن تولىق اتقارماعان، وسىنىڭ سالدارىنان ءورت كەتىپ، 5 ادام قازا بولعان، الەۋمەتتىك حاۋىپسىزدىككە اۋىر زيان جەتكىزگەن، ونىڭ ارەكەتى ءورت كەتىرۋ قىلمىسىن قالىپتاستىرعان، زاڭ بويىنشا جازالاۋ كەرەك. ايىپكەر جاڭ چيڭباۋدىڭ قىلمىستىق ارەكەتىنەن تۋىنداعان زياننىڭ اۋىر بولعانى جانە ونىڭ قىلمىس وتكىزگەننەن كەيىن ءوزىن - ءوزى مالىمدەۋى، قىلمىسىن تانىپ، جازاعا مويىنسال بولۋى قاتارلى جاعدايلار وعان جازا كەسۋ بارىسىندا تولىق ويلاستىرىلعان. ايىپكەر جاڭ چيڭباۋدىڭ قىلمىس فاكتى، سيپاتى، بارىسى جانە قوعامعا جەتكىزگەن زالالى قاتارلىلارعا نەگىزدەلە وتىرىپ، جوعارىداعىداي ۇكىم جاريالانعان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار