شينجياڭدا سۋ ونىمدەرىن زاڭسىز اۋلاۋعا قاتىستى قىلمىستىق ىستەر ءارى ازاماتتىق ىستەر بويىنشا الەۋمەتتىك سيپاتتاعى ارىز - شاعىم ايتۋ دەلوسىنا تۇڭعىش رەت ۇكىم جاريالاندى
زاڭسىز تۇردە بالىق اۋلاپ ساتۋ ارقىلى 130 مىڭ يۋاننان استام پايدا تاپقان 4 ايىپكەر جازاعا تارتىلدى
2022.06.16 16:59 كەلۋ قاينارى : حالىق تورابى
حالىق سوتى گازەتىنىڭ ءتىلشىسى ۋاڭ شۋلين، ەرىكتى تىلشىلەرى گاۋ شيانۋەي، جاڭ تيڭ حابارلايدى. جۋىردا ءۇرىمجى تەمىر جول تاسىمالى سوتى قورشاعان ورتا بايلىعىنا قاتىستى كوشپەلى سوتى شينجياڭ ۇيعۇر اۆتونوميالى رايونى كوكتوعاي اۋدانىنا بارىپ، شينجياڭ بويىنشا تۇڭعىش رەت سۋ ونىمدەرىن زاڭسىز اۋلاۋعا قاتىستى قىلمىستىق ىستەر ءارى ازاماتتىق ىستەر بويىنشا پروكۋراتۋرا ورگانى الەۋمەتتىك ايىپتاما كوتەرگەن ارىز - شاعىم دەلوسىنا بايلانىستى تەرگەۋ جۇرگىزدى. سوت بارىسىندا، سۋ ونىمدەرىن زاڭسىز اۋلاۋ قىلمىسى بويىنشا 4 ايىپكەر جەكە - جەكە مەرزىمدى قاماق جازاسىنا جانە قىلمىستىق ىستەر بويىنشا قولدا ىستەتۋ جازاسىنا ۇكىم ەتىلدى؛ 2 ايىپكەردىڭ جازاسىن كەشەۋىلدەتىپ اتقارىپ سىناپ كورۋ مەرزىمىندە تابيعي سۋ الاپتارىنا بارىپ، سۋ ونىمدەرىن اۋلاۋ جۇمىسىمەن ءوز بەتىمەن شۇعىلدانۋىنا تيىم سالدى؛ ايىپكەرلەر اۋلاعان ونىمدەردى تەكسەرىپ قولعا تۇسىرگەن سوڭ، كوبەيتىپ قايتا قويا بەرۋ سىندى زالالسىز تاسىلمەن ءبىرجاقتى ەتتى.
سوت مەكەمەسى تەرگەۋ ارقىلى مىنانى انىقتاعان: 2020 - جىلى 4 - ايدان 2021 - جىلى 7 - ايعا دەيىنگى ارالىقتا، ۋاڭ X، ما X، جاۋ X، ۋەي X قاتارلى 4 ايىپكەر زاڭسىز تۇردە پايداعا كەنەلۋ ماقساتىمەن، بالىق اۋلاۋ شەكتەلەتىن وڭىردە، بالىق اۋلاۋ شەكتەلەتىن مەرزىمدە اۋ سالۋ، تور قۇرۋ قاتارلى ءتۇرلى تاسىلدەرمەن الابۇعا، تابان بالىق قاتارلى بالىقتاردى كوپ رەت زاڭسىز تۇردە اۋلاعان، ولار ساتقان سۋ ونىمدەرىنىڭ قۇنى 130 مىڭ يۋاننان اسقان، ەكولوگيالىق ورتاعا اۋىر زيان جەتكىزگەن.
دەلونى تەكسەرۋ مەزگىلىندە، دەلونى ءبىتىرۋ مىندەتىن ارقالاعان سۋديا سۋ ونىمدەرىن زەرتتەۋ، قورشاعان ورتانى قورعاۋ قاتارلى قاتىستى تاراۋلارعا بارىپ، سۋ ونىمدەرى جاعىنداعى ماماندار مەن قورشاعان ورتانى قورعاۋ جاعىنداعى اكىمشىلىك زاڭ اتقارۋ تاراۋلارىنان ەكولوگيالىق ورتانى قالپىنا كەلتىرۋ جونىندە ۇسىنىس - پىكىر الىپ، ارىز - شاعىم ايتۋشى مەن ايىپكەردى سانىن كوبەيتىپ قايتا قويا بەرۋ، اشىق تولەم بەرىپ، كەشىرىم سۇراۋ قاتارلى مازمۇنداعى جاراستىرۋ كەلىسىمشارتىنا قول قويۋعا قۋزاعان.
ايىپكەرلەردىڭ قىلمىس زاردابى مەن قىلمىس وتكىزگەنىنە وكىنگەن پوزيتسياسىن تولىق ويلاستىرۋ نەگىزىندە، سوت مەكەمەسى 4 ايىپكەردى سۋ ونىمدەرىن زاڭسىز اۋلاۋ قىلمىسى بويىنشا جازالاپ، ايىپكەر ۋاڭ X تى ءبىر جىل سەگىز ايلىق مەرزىمدى قاماق جازاسىنا ۇكىم ەتكەن؛ ايىپكەر ما X تى ءبىر جىل ءتورت ايلىق مەرزىمدى قاماق جازاسىنا ۇكىم ەتكەن؛ ايىپكەر جاۋ X تى ءبىر جىل ەكى ايلىق مەرزىمدى قاماق جازاسىنا ۇكىم ەتىپ، ەكى جىل كەشىكتىرىپ اتقاراتىن بولعان؛ ايىپكەر ۋەي X تى قىلمىستىق ىستەر بويىنشا ەكى اي قولدا ىستەتۋ جازاسىنا ۇكىم ەتىپ، 4 اي كەشەۋىلدەتىپ اتقاراتىن بولعان. جاۋ X، ۋەي X تەردىڭ جازانى كەشەۋىلدەتىپ اتقارىپ سىناپ كورۋ كەزەڭىندە كوكتوعاي اۋدانىنداعى تابيعي سۋ الاپتارىندا سۋ ونىمدەرىن اۋلاۋ جۇمىسىمەن شۇعىلدانۋىنا تيىم سالعان، ايىپكەرلەر اۋلاعان ونىمدەردى تەكسەرىپ قولعا تۇسىرگەن سوڭ، كوبەيتىپ قايتا قويا بەرۋ سىندى زالالسىز تاسىلمەن ءبىرجاقتى ەتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
