تاكلاماكان ”سەنترلەس شەڭبەر“ سىزدى
□ يۋە يانيۇن
2022.06.20 17:03 كەلۋ قاينارى : شينجياڭ گازەتى
6 - ايدىڭ 16 - كۇنى حوتاننان چارقىلىققا دەيىنگى تەمىر جول رەسمي اشىلىپ ىسكە قوسىلدى. وسى جالپى ۇزىندىعى 825 كيلومەترلىك تەمىر جول تاكلاماكان ءشولىن اينالعان تەمىر جولدىڭ ەڭ سوڭعى ءبىر بولەك ”دوعاشا سىزىعىن“ تولىقتىرىپ، سالىنىپ بولعان وڭتۇستىك شينجياڭ تەمىر جولىمەن، قاشقار − حوتان تەمىر جولىمەن، سونداي - اق گولمۋد − كورلا تەمىر جولىمەن قوسىلىپ دۇنيە جۇزىندەگى تۇڭعىش قۇمدى ءشولدى اينالعان تەمىر جول جەلىسىن قالىپتاستىردى. وسىناۋ ”بولات - تەمىر الىپ ايداعارىنىڭ“ قورشاۋىنان قالىپتاسقان اينالما جەلى تاكلاماكان قۇمدى شولىنە سىزىلعان ”سەنترلەس شەڭبەر“، ول قاتىناستى قولايلىلاندىرۋمەن بىرگە، جۇرت تىلەگىن ءتىپتى دە ۇيىستىردى.
تالاي جىلداردان بەرى ەسىكتەرىنىڭ الدىنان عانا پويەزعا وتىرىپ جولاۋشىلاۋ ءشول دالاداعى حوتان − چارقىلىق تەمىر جولىنىڭ بويىندا قونىستانىپ كەلە جاتقان ءار ۇلت بۇقاراسىنىڭ ارمانى بولاتىن. دەگەنمەن، دۇنيە جۇزىندەگى ەكىنشى ۇلكەن كوشپەلى قۇمدى ءشول − تاكلاماكان قۇمدى شولىنە تەمىر جول سالۋ وڭاي - وسپاق ءىس ەمەس ەدى.
تاكلاماكان، ۇيعۇر تىلىندە ”بارسا كەلمەس“ دەگەن ماعىنا بەرەدى، ”ءولىم تەڭىزى“ اتالعان، جىل بويى قۇتىرىنعان بوران ازىناپ، كورۋ ارالىعى 10 مەترگە دە جەتپەيتىن قۇمدى بوران ۇنەمى تۋىلادى، ءبىر جىلدىڭ ىشىندەگى 7 اي جەلدى بولادى. حوتان − چارقىلىق تەمىر جولى تۇتاس جەلىسىنىڭ 500 كيلومەتردەن استامى قۇمدى بوران سوعاتىن وڭىرگە ورنالاسقان، تەمىر جول جەلىسى جالپى ۇزىندىعىنىڭ ％60تەن استامىن يەلەيدى. قۇرىلىس جۇرگىزۋ بارىسىندا، ينجەنەريانىڭ ءوزى جەلى بويىنداعى كوشپەلى قۇم توبەلەر، جوعارى تەمپەراتۋرا، قۇرعاقشىلىق سياقتى ءتيىمسىز فاكتورلاردىڭ ىقپالىن جەڭىپ عانا قالماستان، تاعى قايدا بولسادا تولىپ الاتىن ۇساق قۇمداردان، جەر اپشىسىن قۋىرىپ تۇرعان جوعارى تەمپەراتۋراعا قاقتالۋدان، ءتىپتى ماشينا جابدىقتاردىڭ ءوزى دە، ءسوزسىز، قۇمنان، ىستىقتان ساقتانۋى كەرەك بولدى. تەحنيكا جاسامپازدىعى بولماسا، قۇرىلىسشىلاردىڭ ەرلىگى مەن قايسارلىعى بولماسا، بۇل تەمىر جولدى جاساۋ مۇلدە مۇمكىن ەمەستىگى ايتپاسا دا تۇسىنىكتىەدى.
2018 - جىلى مەملەكەتتىڭ ءتۇيىندى تەمىر جول قۇرىلىسى نىسانى حوتان − چارقىلىق تەمىر جولى قۇرىلىس باستادى، 3 جىلدان استام ۋاقىتتا ءتۇرلى قيىنشىلىقتاردى جەڭە وتىرىپ ۋاعىندا سالىنىپ ءبىتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا نازار اۋدارعاندىعىن، ءار ۇلت حالقىنا دەگەن ىقىلاستى قامقورلىعىن تولىق ايگىلەدى. حوتان − چارقىلىق تەمىر جولى، ءدال پارتيامىزدىڭ ”حالىقتى وزەك ەتكەن“ بيلىك جۇرگىزۋ ۇستانىمىنىڭ شينجياڭنىڭ كەڭ - بايتاق دالاسىنداعى شىنايى دالەلى بولدى.
ءىس جۇزىندە، شينجياڭ ۇزىندىعى 2712 كيلومەترلىك تاكلاماكان ءشولىن اينالعان تەمىر جول جەلىسىن سالىپ عانا قالماستان، تاعى تاكلاماكان ءشولىنىڭ قويناۋىنان جانە جيەگىنەن 500 نەشە كيلومەترگە كوسىلىپ جاتقان قۇمدى ءشول تاس جولىن سالدى، ۇزىندىعى 57 كيلومەترلىك، كەڭدىگى 46 كيلومەترلىك جاسىل قورعان − كوكياردى قۇردى ءارى سورتاڭعا شىدامدى كۇرىش ەگىپ ءوسىردى... ءاربىر ”مۇمكىن ەمەستەردىڭ“ ”مۇمكىندىككە“ اينالۋىنىڭ شەشۋشى سەبەبى، اۆتونوميالى رايوندىق پارتكومنىڭ باستان - اياق ەڭ كەڭ حالىقتىڭ ءتۇبىرلى مۇددەسىن جۇرەكتەرىنە ۇيالاتىپ، ءار ۇلت كادر - بۇقاراسىن ىنتىماقتاستىرىپ، باستاپ، ءىستىڭ سالماعىن بىلەتىن، اۋىرىن ارقالايتىن، قامال الىپ قيىنشىلىقتى جەڭەتىن ءىس جۇزىندىك ارەكەتىندە، حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋ ءۇشىن قاجىماي - تالماي كۇرەس جۇرگىزۋىندە جاتىر.
قاتىناس − دامۋدىڭ جان تامىرى. حوتان − چارقىلىق تەمىر جولىنىڭ سالىنىپ بولىپ پويەز قاتىناۋى لوپ اۋدانى، شەريا اۋدانى، كەريا اۋدانى، نيە اۋدانى، چەرشەن اۋدانى سياقتى جەرلەرگە پويەز قاتىناماۋ تاريحىن اياقتاتىپ، جەلى بويىنداعى ءار ۇلت بۇقاراسىن حاۋىپسىز، جايلى، قولايلى قاتىناس شارت - جاعدايىمەن قامداپ عانا قالماستان، تاعى اۋدان ءوڭىرىنىڭ ەكونوميكالىق، قوعامدىق دامۋ ورتاسىن وزگەرتىپ، اۋىل - قىستاقتى گۇلدەندىرۋ، جەلى بويىنداعى بايلىقتى اشۋ، ساياحاتتى، زات تاسىمالىن جەبەۋ سياقتى كاسىپ سالاسىنىڭ دامۋىندا ماڭىزدى مانگە يە. بۇدان بولاشاقتا تولاستامايتىن ادام اينالىمى، زات اينالىمى، قارجى اينالىمى، ينفورماتسيا اينالىمى وڭتۇستىك شينجياڭنىڭ ءتىپتى دە جاندانعان ءوندىرىس قۋاتىن تۋىنداتاتىندىعىن، ءار ۇلت حالقىنىڭ تابىس سەزىمى، باقىت سەزىمى، حاۋىپسىزدىك سەزىمى بارىنشا جوعارىلاپ، پارتيامىزدىڭ باۋراعىشتىق كۇشى مەن ۇيىسۋ كۇشى ۇزدىكسىز كۇشەيەتىندىگىن بولجاۋعا بولادى.
باس شۋجي شي جينپيڭ بىلاي دەپ باسا دارىپتەگەن: ”بارلىق رەفورما مەن دامۋعا جۇڭحۋا ۇلتى ورتاق تۇلعا تانىمىن ايگىلەيتىن ءمان، ءبىر تۇتاستىقتى قورعايتىن، بولشەكتەۋشىلىككە قارسى تۇراتىن ءمان، حالىق تۇرمىسىن جاقسارتاتىن، جۇرت تىلەگىن ۇيىستىراتىن ءمان ۇستەۋ كەرەك“. حوتان − چارقىلىق تەمىر جولى ءدال وسىنداي رولىن ساۋلەلەندىردى.
”جۇرت تىلەگى − ەڭ ۇلكەن ساياسي، ورتاق تانىم − ەكپىندەي ىلگەرىلەۋدىڭ قوزعاۋشى كۇشى“. ”حالىقتى وزەك ەتكەن“ ”سەنترلەس شەڭبەردى“ ويداعىداي سىزساق، تيانشان الابىندا ءار ۇلت حالقى ويدى ءبىر اراعا شوعىرلاندىرىپ، كۇشتى ءبىر اراعا جۇمسايتىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ شينجياڭ تاراۋىن ويداعىداي جازۋ ءۇشىن قاجىماي - تالماي كۇرەس جۇرگىزەتىن جارقىن جاعداي اناعۇرلىم ىشكەرىلەي قالىپتاساتىندىعى ءسوزسىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
