يران ا ق ش – تى يران يادرو كەلىسىمى كەلىسسوزىنە قايتا كەلۋگە قۋزادى
2022.06.21 16:53 كەلۋ قاينارى : حالىق تورابى
شينحۋا اگەنتتىگىنىڭ 6 ـ ايدىڭ 20 ـ كۇنى تەھراننان بەرگەن حابارى. يران سىرتقى ىستەر مينيسترلىگىنىڭ مالىمدەمەشىسى حاتيب جاد 6 ـ ايدىڭ 20 ـ كۇنى ا ق ش ـ تى يراننىڭ يادرو ماسەلەسى جونىندەگى جالپى بەتتىك كەلىسىمدى اتقارۋ كەلىسسوزىن قالپىنا كەلتىرۋ جولىنا دەرەۋ قايتۋعا قۋزادى، سونداي ـ اق يراننىڭ «تاماشا، باياندى جانە ءونىمدى» كەلىسىمگە كەلۋگە دايىندالىپ بولعاندىعىن ءبىلدىردى.
حاتيب سول كۇنى كەزەكتى تىلشىلەر جينالىسىندا بىلاي دەدى: يران ءالى دە ديپلوماتيالىق ءتاسىل ارقىلى يران يادرو كەلىسىمى كەلىسسوزىن ىلگەرىلەتۋدە. ا ق ش اتقارعان قوس ولشەمدى ساياسات ايدان انىق. ا ق ش بۇرىنعى پرەزيدەنتى ترامپ داۋىرىندەگى قاتە ساياساتتى وزگەرتەتىندىگىن بىلدىرگەنىمەن، ا ق ش ۇكىمەتىنىڭ ىستەگەن ىستەرى ترامپ داۋىرىندەگى يرانعا قاراتىلعان جەڭىلىس ساياساتىنا ۇزدىكسىز بويسۇندى.
حاتيب بىلاي دەدى: يراننىڭ يادرولىق جالپى بەتتىك كەلىسىمىنىڭ قازىرگى جاعدايىن ا ق ش – تىڭ بۇل كەلىسىمنەن شەگىنىپ شىعۋى ءارى يرانعا «ەڭ زور قىسىم جاساۋ» ساياساتىن قولدانۋى تۋدىرعان. ەگەر ا ق ش يراننىڭ يادرو كەلىسىمىندەگى ۋادەسىن ورىنداسا ءارى يرانعا قاراتىلعان جازانى كۇشىنەن قالدىرسا، كەلىسىمگە كەلۋگە بولادى.
2015 – جىلى 7 – ايدا، يران ا ق ش، انگليا، فرانسيا، رەسەي، جۇڭگو جانە گەرمانيامەن يراننىڭ يادرو ماسەلەسى جونىندە جالپى بەتتىك كەلىسىمگە كەلدى. كەلىسىم بويىنشا يران يادرو جوسپارىن شەكتەۋ جونىندە ۋادە بەردى، حالىقارالىق قوعام يراندى جازالاۋدى كۇشىنەن قالدىردى. 2018 ـ جىلى 5 ـ ايدا ا ق ش ءوز بەتىمەن كەلىسىمنەن شەگىنىپ شىقتى، ىلە ـ شالا يراندى جازالاۋ شارالارىن قايتا باستادى ءارى جاڭادان جازالاۋ شارالارىن قوستى. 2019 ـ جىلى 5 ـ ايدان بەرى يران كەلىسىمنىڭ ءىشىنارا تارماقتارىن اتقارۋدى بىرتىندەپ توقتاتتى، ءبىراق قولدانعان شارادان «كەرى قايتۋعا» ۋادە بەردى.
يران يادرو كەلىسىمىنە قاتىستى تاراپتار 2021 - جىلى 4 - ايدان باستاپ اۆستريانىڭ استاناسى ۆەنادا كەلىسسوز وتكىزىپ، ا ق ش - يران ەلدەرىنىڭ كەلىسىمدى اتقارۋدى قالپىنا كەلتىرۋ ماسەلەسىن تالقىلادى، ا ق ش كەلىسسوز وتكىزۋگە جانامالاي قاتىناستى. 8 - رەتكى كەلىسسوز 2021 - جىلى 12 - ايدىڭ 27 - كۇنى ۆەنادا باستالدى. بيىل 3 - ايدا ەۆروپا وداعىنىڭ سىرتقى ىستەر جانە حاۋىپسىزدىك ساياساتىنىڭ جوعارى دارەجەلى ۋاكىلى بورەلي كەلىسسوزدىڭ «سىرتقى فاكتور» سەبەبىنەن توقتاپ قالعاندىعىن جاريالادى. 5 ـ ايدىڭ 13 ـ كۇنى بورەلي بىلاي دەدى: ەۆروپا وداعىنىڭ سايكەستىرۋشىسى مورانىڭ جۋىقتا يرانداعى ساپارىنىڭ ناتيجەسى مەجەدەگىدەن جاقسى بولدى، يران يادرو كەلىسسوزى قايتادان باستالدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
