شاياردا سۋ ۇنەمدەۋدىڭ ”التىنى ءبىر تۇلعالاندىرۋ“ باياندى مەحانيزمى −
ءاربىر تامشى سۋدى زايا ەتپەدى
انار بۇلت \ شينجياڭ گازەتىنىڭ ءتىلشىسى ءرايدا
2022.06.21 16:53 كەلۋ قاينارى : شينجياڭ گازەتى
”ماقتا ەككەنىمە 15 جىل بولدى، ەگىس جۇمىستارى ىستەگەن سايىن جەڭىلدەپ بارادى“. 6 - ايدىڭ 2 - كۇنى حالىق ايسا وتباسىنىڭ ماقتا اتىزى بيىل 2 - رەت سۋارىلدى. اتىز باسىندا تۇرىپ، جاپ - جاسىل ماقتا اتىزىنىڭ سۋعا قانعانىن كورگەندە، حالىقتىڭ توتىققان ءجۇزى كۇلكى ءۇيىرىلىپ قاتپارلاندى. بيىل 42 جاستاعى حالىق شايار اۋدانى قايلور قالاشىعى چاڭگاتەرەك قىستاعىنداعى ماقتا ەگەتىن ءىرى وتباسى. ماقتا ەگۋدەن سىرت، ول جەرگىلىكتى ورىنداعى شارۋالاردىڭ سۋ كاسىپتىك سەلبەستىك كووپەراتيۆى مەن اۋىل شارۋاشىلىعىنا قىزمەت وتەۋ كاسىپتىك سەلبەستىك كووپەراتيۆىنىڭ القا باستىعى مىندەتىن دە وتەيدى.
”ەگىنشىلىكپەن اينالىسقاننىڭ ۇستىنە 2 سەلبەستىك كووپەراتيۆىن باسقارامىن، دەسەدە جۇمىس جەڭىل“، - دەدى حالىق، - بۇل جەڭىلدىك شايار اۋدانىنىڭ جوعارى ءونىمدى سۋ ۇنەمدەپ، كىرىستى ارتتىرۋ سىناق ءتۇيىنى نىسانىن اتقارۋىنىڭ ارقاسىندا ىسكە اسىپ وتىر.
شايار اۋدانى تاكلاماكان ءشولىنىڭ سولتۇستىك جيەگىنە ورنالاسقان، كليماتى قۇرعاق، جاۋىن - شاشىن از بولعاندىقتان، اۋىل شارۋاشىلىعىنا پايدالانىلاتىن جالپى سۋ مولشەرى مەن سۋارۋ نورماسى جوعارى بولىپ كەلدى. سوڭعى جىلدارى شايار اۋدانى ”سۋ ۇنەمدەۋدى الدىڭعى ورىنعا قويۋ، كەڭىستىك جاعىندا تەڭگەرۋ، جۇيەلى باسقارۋ، ەكى جاقتان بىردەي كۇش سالۋ“ سىندى سۋ باسقارۋ وي جەلىسى بويىنشا اۋىل شارۋاشىلىعىنا پايدالانىلاتىن سۋ باعاسىنا جالپىلىق رەفورما جۇرگىزۋدى زور كۇشپەن ىلگەرىلەتتى.
”بۇرىن ءبىز ماقتا ەككەندە كوپ سۋمەن جايىپ سۋاراتىنبىز، ونىڭ ۇستىنە جەر بەتى تەگىس بولماعاندىقتان، بىركەلكى سۋارىلمايتىن، سۋارۋ مولشەرىن كوزبەن شامالاي الماي، اياماي سۋاراتىنبىز. سۋدى از ىستەتپەگەنىمىزبەن ءار مۋ جەردەن 250 كيلوگرامداي عانا ماقتا ءونىم الاتىنبىز“، - دەدى حالىق.
2017 - جىلى شايار اۋدانى وڭتۇستىك شينجياڭداعى 500 مىڭ مۋلىق جوعارى ءونىمدى سۋ ۇنەمدەپ، كىرىستى ارتتىرۋ سىناق ءتۇيىنى نىسانى ينجەنەرياسىن ۇستىنە الىپ، وسى نىساندى قامال الۋ ءتۇيىنى ەتىپ، اۋىل - قىستاق جەرىن رەتتەۋ - جونگە سالۋدى جانە جوعارى ولشەمدى ەگىس اتىزى قۇرىلىسىن زور كولەمدە ىلگەرىلەتتى. قازىر شايار اۋدانىنداعى جوعارى ولشەمدى ەگىس اتىزىنىڭ اۋدانى ءبىر ميلليون 250 مىڭ مۋ، بيىل تاعى 180 مىڭ مۋ كوبەيتۋدى جوسپارعا الىپ وتىر.
”كەزىندە ساياساتتىڭ ىلگەرىلەتۋىندە، مەن 91 وتباسىنداعى قىستاق تۇرعىنىنىڭ 939 مۋ جەرىن وتكەرىپ الىپ، سەلبەستىك كووپەراتيۆى ۇلگىسىندە تيجارات جۇرگىزدىم. سونىمەن قاتار اۋداننىڭ سۋ ۇنەمدەۋ مەحانيزمى بويىنشا سۋ ىستەتۋ سەلبەستىك كووپەراتيۆىن قۇردىم. سودان باستاپ ەگىن سالۋ مەن سۋ ىستەتۋ دەرلىك اناعۇرلىم ارناعا ءتۇستى“، - دەدى حالىق.
شايار اۋدانى رەفورما جۇرگىزىلەتىن اۋماقتى دالمە - ءدال تەكسەرىپ بەكىتىپ، تەرمينال سۋ باعاسى ءتۇزىمىن ورناتىپ جانە اتقارىپ، ”جالپى مولشەردى مەڭگەرۋ، نورمامەن باسقارۋ، سۋ باعاسىن قالىپتاستىرۋ، سۋ ۇنەمدەۋدى سيلاۋ، مال - مۇلىك ۇقىعى رەفورماسى، سۋ ۇقىعىن ۇلەستىرۋ“ سىندى مازمۇنداردى ارقاۋ ەتىپ، سۋ ۇنەمدەۋدىڭ ”التىنى ءبىر تۇلعالاندىرۋ“ باياندى مەحانيزمىن ورناتتى.
سونىمەن قاتار سۋارىلاتىن اۋماقتى سۋمەن قامداۋدى ولشەۋ جۇيەسىن ورناتىپ، توعان، تامشىلاتىپ سۋارۋ، ماشينا - ەلەكتر قۇدىعىنىڭ سۋ تەكسەرۋ قۇرىلعىلى قۇرىلىسىن ورىنداپ، سۋدى اۋىلعا، قىستاققا، سۋارۋ ولشەم بىرلىگىنە، نىسان رايونىنداعى ءارقايسى تامشىلاتىپ سۋارۋ جۇيەسىنە دەيىن تەكسەرۋدى جۇزەگە اسىردى.
”ءار جىلى ءبىز جوعارى دارەجەلى ورىنعا سۋ ىستەتۋ مولشەرىن ءوتىنىش ەتەمىز، سۋ ۇلەستىرىلگەننەن كەيىن، سۋ ىستەتۋ سەلبەستىك كووپەراتيۆى ءبىر تۇتاس باسقارادى، قاي ۋاقىتتا سۋارۋ، قانشالىق سۋارۋ سياقتىلاردىڭ ءبارى كۇنى بۇرىن ويداعىداي ۇلەستىرىلەدى“، - دەدى حالىق، بۇرىن ونىڭ ماقتا اتىزىنىڭ ءبىر مۋىنا 1250 تەكشە مەتردەي سۋ ىستەتىلەدى ەكەن، تامشىلاتىپ سۋارۋعا وزگەرتىلگەننەن كەيىن، سۋ ىستەتۋ مولشەرى 420 تەكشەمەتر مولشەرىندەي بولدى، ماقتانىڭ ءونىم مولشەرى ارتىپ، ءبىر مۋ جەردەن 400 كيلوگرام اينالاسىندا ماقتا جيىلاتىن بولدى.
حالىق تىلشىگە شايار اۋدانىنىڭ شاعىن تيپتەگى ەگىستىك سۋ يگىلىگى ينجەنەرياسىنىڭ مال - مۇلىك كۋالىگىن كورسەتتى، كۋالىكتە مۇنىڭ يەسى سۋ ىستەتۋ سەلبەستىك كووپەراتيۆى ەكەندىگى انىق جازىلىپتى. ”قىستاقتاعى شارۋالاردىڭ ءبارى سەلبەستىك كووپەراتيۆىنىڭ مۇشەسى، قىستاقتاعى 8110 مۋ ەگىس اتىزى مەن ورمان بەلدەۋىنە ىستەتىلەتىن سۋدىڭ ءبارىن سەلبەستىك كووپەراتيۆى باسقارادى“، - دەدى حالىق.
العاشىندا شارۋالار مۇنى تۇسىنبەدى، سۋ ىستەتەتىن بولعاندا، ءبارى حالىقتى ”قىسپاققا الاتىن“. قازىر ەگىس اتىزىن سۋاراتىن ۋاقىتقا تاياعاندا، بىرەۋى دە ىزدەپ كەلمەيتىن بولدى، اۋەلى، كەيدە ول قىستاق تۇرعىندارىن ءوزى ىزدەپ بارىپ سۋارۋعا قۋزايتىن بولدى. ”كوپشىلىكتىڭ سۋدىڭ تاۋار ەكەندىگى جونىندەگى تانىمى بارعان سايىن كۇشەيدى“، - دەدى حالىق.
بۇل عانا ەمەس، سۋ ىستەتۋ سەلبەستىك كووپەراتيۆىنىڭ قۇرىلۋى دا شارۋالاردى قوجايىن تانىمىنا يە ەتتى، ”بۇرىن كوپشىلىكتىڭ ءبارى ەگىس اتىزى سۋ ىستەرى جۇيەسى ۇكىمەتتىڭ نارسەسى، وزىممەن قاتىسسىز دەپ قارايتىن. قازىر بارلىق ادام مۇنى كوپشىلىكتىڭ مال - مۇلكى، جاقسى قورعاساق، پايدا دا كوپ بولادى دەپ قارايدى“، - دەدى چاڭگاتەرەك قىستاعىنىڭ تۇرعىنى ءامدۇل اۋۇل.
قازىر شايار اۋدانىندا 150 سۋ ىستەتۋ كاسىپتىك سەلبەستىك كووپەراتيۆى بار. ساناققا قاراعاندا، 2021 - جىلى شايار اۋدانىنداعى سىناق ءتۇيىنى نىسانى جۇرگىزىلگەن رايوننىڭ ءار مۋىنا ناقتى ىستەتىلگەن سۋ 2017 - جىلداعىدان 97 تەكشەمەتر ازايعان، وگەن وزەنىمەن سۋارىلاتىن وڭىرگە جەتكىزىلگەن جالپى سۋ مولشەرى 49 ميلليون تەكشەمەتر ازايىپ، سۋارىلاتىن سۋدىڭ ىستەتىلۋ كوەففيتسەنتى نىسان اتقارىلۋدان بۇرىنعى 0.49دان قازىرگى 0.68گە جەتكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
