جەل مەن ەلەكتردىڭ توعىسپالى كۇيىن شىعانداتتى
− شينجياڭداعى ەڭ ارداقتى عىلىم - تەحنيكا قىزمەتكەرى ۋاڭ ۋيچيڭ جونىندە
انار بۇلت \ شينجياڭ گازەتىنىڭ ءتىلشىسى جاۋ شييا
2022.06.21 16:54 كەلۋ قاينارى : شينجياڭ گازەتى
ءۇرىمجى قالاسى دابانچىڭ رايونى، جەل ەلەكتر اگراگاتتارى جەل مەن ەلەكتردىڭ توعىسپالى كۇيىن ورىنداپ تۇرعانداي سەزىلەدى، ال شينجياڭ داشۋەسى ەلەكتر ينجەنەريا شۋەيۋانىنىڭ پروفەسسورى ۋاڭ ۋيچيڭ مەن ۇجىم مۇشەلەرىن باس ديريجەرلەر دەۋگە ابدەن بولادى.
ۋاڭ ۋيچيڭ ەلىمىزدەگى جەل ەلەكتر اگراگاتتارىن زەرتتەپ اشۋمەن ەڭ ەرتە اينالىسقان مامانداردىڭ ءبىرى، ول ەل ىشىندەگى العاشقى دەربەس ءبىلىم مەنشىگى ۇقىعىنا يە ءىرى تۇرپاتتى باسەڭ جىلدامدىقتاعى جەل كۇشى ەلەكترى اگراگاتى ەلەكترلىك تىزگىندەۋ جۇيەسىن ءساتتى زەرتتەپ جاساپ، ەل ىشىندەگى اقتاڭداقتى تولتىردى ءارى كاسىپ سالالاندىرۋدى جۇزەگە اسىردى.
”جەل ەلەكترى اگراگاتى ەلەكترلىك تىزگىندەۋ جۇيەسى ادامنىڭ ۇلكەن ميى سياقتى، بارلىق جابدىققا قولباسشىلىق ەتۋ، تىزگىندەۋ يقۋاتىنا يە“. 6 - ايدىڭ 8 - كۇنى 63 جاستاعى ۋاڭ ۋيچيڭ ءوزىنىڭ زەرتتەۋ سالاسىن تىلگە العاندا، كوزى وتتاي جاينادى.
1989 - جىلى ۋاڭ ۋيچيڭ جىجياڭ داشۋەسى ەلەكتر ماشينالارى فاكۋلتەتىنەن ماگيستر اسپيرانتتىق وقۋىن تاۋىسقاننان كەيىن، سول كەزدەگى شينجياڭ ونەركاسىپ شۋەيۋانىنا قايتىپ كەلىپ وقىتۋشىلىقپەن شۇعىلداندى. ونى گۇلدەنگەن جەردەن شينجياڭعا قايتىپ كەلۋگە باۋراعان كۇش، ونىڭ قاراۋىنشا، شينجياڭنىڭ شەكسىز قۋاتقا يە، زور ءىس تىندىرۋعا بولاتىن جەل ەنەرگيا بايلىعى ەكەن.
ءبىر جولى ۋاڭ ۋيچيڭ دابانچىڭ جەل ەلەكترى الاڭىنا بارىپ جەل ەلەكتر اگراگاتتارىن ناقتى كوزدەن كەشىرگەندە، جەل ەلەكترى الاڭى پايدالانىپ وتىرعان جەل ەلەكتر اگراگاتتارىنىڭ بارلىعى شەتەلدەن ساتىپ الىنعاندىعىن، باعاسى وتە قىمبات ەكەندىگىن بايقايدى. ۋاڭ ۋيچيڭ باتىستاعى دامىعان ەلدەردىڭ جەل ەلەكترى اگراگاتى كاسىپ سالاسىنىڭ شەشۋشى تەحنيكاسىنداعى مونوپوليالاۋىن بۇزىپ، ءسوز جوق، ”جۇڭگو جاساعاندى“ جۇزەگە اسىرعاندا عانا، جۇڭگونىڭ جەل ەلەكترى كاسىپ سالاسىنىڭ وزەكتى باسەكەلىك كۇشكە يە بولاتىندىعىن تەرەڭ ءتۇسىندى.
”مەملەكەت ءۇشىن شايقاسۋداي“ قاستەرلى بورىش سەزىمىنىڭ اسەرىندە، ۋاڭ ۋيچيڭ ۇجىم ۇيىمداستىرىپ جەل ەلەكترى اگراگاتىن تىزگىندەۋ جۇيەسى سىندى جوعارى، سارا، وزىق تەحنيكا ”جولباسارىنا“ قامال الۋ شايقاسىن جۇرگىزدى.
قولدانا قويارلىق دايىن ماتەريال بولماعاندىقتان، نولدەن باستاپ زەرتتەۋدىڭ جاپالى دا ۇزاق بولارى انىق. ۋاڭ ۋيچيڭ مەن ۇجىمى تەحنيكا بەتالىسىن جاساعاننان كەيىن، دەرەۋ دابانچىڭ جەل ەلەكتر الاڭىنا بارىپ زەرتتەۋ جۇرگىزدى. 50 مەتر مۇنارا 20 قابات عيماراتتىڭ بيىكتىگىمەن بارابار، وعان تالاي رەت ورمەلەپ شىعىپ -ءتۇسۋ دەنە قۋاتى مەن حاۋىپسىزدىك جونىنەن وراسان زور سىن - سايىس بولىپ تابىلادى. مۇنارا توبەسىنىڭ جەل كۇشىنىڭ اسەرىندە تەربەلۋ ارالىعى كەيدە ءبىر مەترگە جاقىندايدى، ءسال ابايلاماعاندا زاردابىن ويلاۋدىڭ ءوزى قيىن. ۋاڭ ۋيچيڭنىڭ باستاۋىندا ءار مۇشەنىڭ ارىنى اسقاقتاي ءتۇستى.
تالاپتىعا نۇر جاۋار دەگەندەي، 1999 - جىلى ۋاڭ ۋيچيڭ مەن ۇجىمى ەل ىشىندەگى دەربەس ءبىلىم مەنشىگى ۇقىعىنا يە العاشقى كولدەنەڭ ءوستى، تۇراقتى پالاق ارالىقتىق باسەڭ جىلدامدىقتاعى جەل ەلەكترى اگراگاتىنىڭ ەلەكترلىك تىزگىندەۋ جۇيەسىن ءساتتى زەرتتەپ جاسادى؛ ەل ىشىندەگى العاشقى ءىرى تۇرپاتتى جەل ەلەكترى الاڭىنىڭ تور بىرىكتىرۋىن، باقىلاۋ - تىزگىندەۋ جانە جۇمىس باسقارۋ جۇيەسىن باسقارىپ ورىندادى ءارى جينفىڭ عىلىم - تەحنيكاسىنىڭ 750kW/600kW وتاندىق جەل ەلەكتر اگراگاتىنا قولداندى.
2003 - جىلدان باستاپ، جۇڭگونىڭ جەل ەلەكتر كاسىپ سالاسى جوعارى قارقىندى دامۋ مەزگىلىنە ءوتىپ، ءىرى تۇرپاتتى جەل ەلەكتر اگراگاتى دامۋ بەتالىسىنا اينالدى. ۋاڭ ۋيچيڭ تاعى ەلىمىزدىڭ جەل ەلەكترى اگراگاتىن جوعارى سيىمدىلىقتى، جوعارى ساپالى ەتىپ دارەجەسىن جوعارىلاتۋعا تۇساۋ بولىپ كەلگەن قاتىستى نازاريالار مەن تەحنيكالارعا زەرتتەۋ جۇرگىزۋگە سەرپىلىس جاساپ، جەل ەلەكتر اگراگاتىنىڭ وزگەلەردىڭ مەڭگەرۋىندە بولاتىن جانە ورتاعا ۇيلەسۋ جاعىنداعى شەشۋشى تەحنيكالىق قيىن ماسەلەلەردى شەشىپ، كەمەلدى ءىرى تۇرپاتتى جەل ەلەكتر اگراگاتىن تىزگىندەۋ نازارياسىن جانە زور كولەمدى جەل ەلەكتر الاڭى شوعىرىندا تور بىرىكتىرۋ ينجەنەرياسى تەحنيكالىق جۇيەسىن تۇلعالادى.
سۇبەلى زەرتتەۋ جەتىستىگىنىڭ ارقاسىندا، ۋاڭ ۋيچيڭ تالاي رەت مەملەكەت دارەجەلى، اۆتونوميالى رايون دارەجەلى عىلىم - تەحنيكا العاباسارلىعى سيلىقتارىنا يە بولدى. ول تاعى جۇڭگو ينجەنەريا عىلىمدار اكادەمياسىنىڭ 2021 - جىلعى اكادەميكتەردى ارتتىرىپ سايلاۋىنىڭ ءونىمدى كانديداتتارى تىزىمىنە كىردى.
وقىتۋ جانە عىلمي زەرتتەۋمەن شۇعىلدانعان 30 نەشە جىلدا ۋاڭ ۋيچيڭ زەرتتەۋ ماقالاسىن كاسىپورىن ءوندىرىسىنىڭ ءبىرىنشى شەبىندەگى قيىن ماسەلەلەردى شەشۋ جاعىندا جازۋعا تاباندى بولدى. وقىتۋ جاعىندا ول ۇنەمى كەيبىر ناقتى مىسالدارمەن ۇشتاستىرىپ، وقۋشىلاردى نازاريالىق بىلىمدەردى امالياتقا اناعۇرلىم ويداعىداي قولدانىپ، ەڭ از وزىندىك قۇنمەن ءىس جۇزىندىك ماسەلەنى شەشۋگە جەتەكتەپ وتىردى.
مەملەكەت ”14 - بەسجىلدىقتا“ جاڭا ەنەرگيانى نەگىزگى تۇلعا ەتكەن جاڭاشا ەلەكتر جۇيەسىن تۇلعالاۋدى ورتاعا قويعاندا، ۋاڭ ۋيچيڭ ۇجىمىن باستاپ جەل ەلەكترىنىڭ ەلەكتر تورىنداعى ۇلەسىن جوعارىلاتىپ، جەل ەلەكترىن شينجياڭنىڭ تۇنىق سۋ، جاسىل تاۋىن قورعاۋداعى نەگىزگى كۇشكە اينالدىرۋ بەتالىسىنا قاراي قامال الدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
