ساۋدا مينيسترلىگى قاتارلى 11 تاراۋ التى جاقتان سۇيەمەلدەۋ ساياساتىن تياناقتاندىرىپ، اس – سۋ كاسىبىنىڭ قالپىنا كەلۋى مەن دامۋىن ىلگەرىلەتەدى
2022.06.22 15:46 كەلۋ قاينارى : حالىق تورابى
جۋىردا، ساۋدا مينيسترلىگى، مەملەكەتتىك دامۋ – رەفورما كوميتەتى قاتارلى 11 تاراۋدىڭ كەڭسە مەڭگەرمەسى «اس – سۋ كاسىبىنىڭ قالپىنا كەلۋى مەن دامۋىن ىلگەرىلەتەتىن سۇيەمەلدەۋ ساياساتىن دايەكتى تياناقتاندىرۋ قىزمەتىن ويداعىداي ىستەۋ جونىندەگى ۇقتىرۋدى» بىرگە جاريالاپ، اس – سۋ كاسىبىنىڭ قالپىنا كەلۋى مەن دامۋىن ىلگەرىلەتەتىن سۇيەمەلدەۋ ساياساتىن دايەكتى تياناقتاندىرۋ قىزمەتىن التى ءتۇرلى جاقتان ويداعىداي ىستەۋدى ايقىن تالاپ ەتتى.
قاتىستى قوسىمشا قاراجات تاراتۋ شاراسى جاعىندا، شارت – جاعدايى بار جەرلەردەگى ساۋدا ىستەرىن باسقارۋشى تاراۋلار مەن قازىنا تاراۋلارىن اس – سۋ سالاسىنداعى كاسىپورىندارعا ىندەتتەن ساقتانۋعا، ديزەنفەكسيالاۋعا ارنالعان قوسىمشا قاراجات بەرۋ جونىندەگى ناقتى شارالاردى بەلگىلەۋگە شابىتتاندىرادى.
قوعامدىق قامسىزداندىرۋ ارقىلى كاسىپورىنداردىڭ قيىنشىلىقتان ارىلۋىنا كومەكتەسۋ ساياساتى جاعىندا، 2022 – جىلى اس – سۋ سالاسىنداعى كاسىپورىندارعا باعىتتالعان كاسىپسىز قالۋدان قامسىزداندىرۋ قاراجاتىن، جۇمىس ۇستىندە جارالانۋدان قامسىزداندىرۋ قاراجاتىن تولەۋ مولشەرىن كەزەڭدىك سيپاتتى تومەندەتۋ ساياساتىن اتقارۋدى جالعاستىرادى؛ قىزمەتكەر قىسقارتپاعان نەمەسە از قىسقارتقان اس – سۋ سالاسىنداعى كاسىپورىندارعا باعىتتاي وتىرىپ، جۇمىس ورنىن ورنىقتىرعاندارعا جۇمىسسىز قالۋدان قامسىزداندىرۋ قاراجاتىن قايتارىپ بەرۋ ساياساتىن ۇزدىكسىز اتقارادى؛ زەينەتكەرلىك قامسىزداندىرۋى، كاسىپسىز قالۋدان قامسىزداندىرۋ، جۇمىس ۇستىندە جارالانۋدان قامسىزداندىرۋ قاراجاتتارىن كەزەڭدىك سيپاتتى كەشەۋىلدەتىپ تاپسىرۋ ساياساتى مەن جۇمىسشىلاردى الىپ قالىپ، كۋرسكە قاتىناستىرعاندارعا قوسىمشا قاراجات بەرۋ ساياساتىن ناقتى اتقارۋ ءادىسىن بەلگىلەۋدى ىلگەرىلەتەدى.
كاسىپورىنداردىڭ قارجى ەنگىزۋ ارناسىن كەڭەيتۋ جاعىندا، دەرەك حاۋىپسىزدىگى مەن سەنىمدىلىگىن تەكسەرۋدى باسقارۋ جاعىنداعى تالاپتارعا كەپىلدىك ەتۋ نەگىزىندە، دەرەكتەردى ورتاق پايدالانۋدى، ورتاق باسقارۋدى زاڭ – تۇزىمگە ساي كۇشەيتىپ، فينانس قۇرىلىمدارىن اناعۇرلىم كوپ نەسيە تاراتۋعا شابىتتاندىرادى. شارتقا ساي كەلەتىن اس – سۋ سالاسىنداعى كاسىپورىنداردىڭ سەرىكتەستىكتىڭ نەسيە تۇرىندەگى زايومىن تاراتۋىنا قولداۋ كورسەتىپ، كوپ نەگىزدەنگەن قارجى ەنگىزۋ ارناسىن كەڭەيتەدى.
قارجى ەنگىزۋگە كەپىل بولۋدىڭ سەنىمدىلىكتى ارتتىرۋداعى رولىن كۇشەيتۋ جاعىندا، ساياساتتى ۇگىتتەۋ مەن قارجى ەنگىزۋگە نۇسقاۋشىلىق ەتۋدى كۇشەيتىپ، ۇكىمەت سيپاتىنداعى قارجى ەنگىزۋگە كەپىل بولۋ قۇرىلىمدارىنىڭ شارتقا ساي كەلەتىن اس – سۋ سالاسىنداعى كاسىپورىنداردىڭ قارجى ەنگىزۋىنە، سەنىمدىلىگىن ارتتىرۋىنا قولداۋ كورسەتۋىنە جەتەكشىلىك ەتەدى. شارت – جاعدايى بار جەرگىلىكتى قازىنا تاراۋلارىنىڭ ۇكىمەت سيپاتىنداعى قارجى ەنگىزۋگە كەپىل بولۋ قۇرىلىمدارىنا قارجىمەن قامداۋ، كەپىل بولۋ قاراجاتىنا بايلانىستى قوسىمشا قاراجات بەرۋ قاتارلى جاقتاردان قولداۋ كورسەتۋىنە بولادى.
ساۋدالىق قامسىزداندىرۋدىڭ تىرەكتىك رولىن ويداعىداي ساۋلەلەندىرۋ جاعىندا، شارت – جاعدايى بار جەرگىلىكتى قازىنا تاراۋلارىنىڭ اس – سۋ سالاسىنداعى كاسىپورىنداردىڭ تيجاراتىنىڭ توقتاپ قالۋىنا بايلانىستى قامسىزداندىرۋ تۇرلەرىن ساتىپ الۋىنا ۇيلەسىمدى مولشەردە قوسىمشا قاراجات بەرۋىنە بولادى. قامسىزداندىرۋ سەرىكتەستىكتەرىنىڭ قامتاماسىزداندىرۋ جوباسى يكەمدى، تولەم بەرۋى اناعۇرلىم قولايلى بولعان قامسىزداندىرۋ قىزمەتىمەن قامداۋىنا قولداۋ كورسەتەدى.
قارتتاردىڭ تاماقتانۋىنا كومەكتەسۋ سيپاتىنداعى تۇتىنۋعا قولداۋ كورسەتۋ جاعىندا، قىزمەت وتەۋ ءتۇرىن ۇكىمەت ساتىپ الۋ فورماسى ارقىلى، تيجارات كۋالىگى بار ءارى اس – سۋ سالاسىندا قىزمەت وتەۋ مەن ازىق – تۇلىك حاۋىپسىزدىگىن ولشەمدەندىرۋ دارەجەسىنە يە قوعامداعى اس – سۋ جەتكىزىپ بەرۋ كۇشتەرىنە قولداۋ كورسەتىپ، قارتتاردىڭ تاماقتانۋىنا كومەكتەسۋ، قارتتارعا ارناۋلى ولشەم بويىنشا تاعام دايىنداپ بەرۋ جاعىندا قىزمەت وتەيدى. اس – سۋ سالاسىنداعى كاسىپورىنداردى قارتتاردى كۇتىمدەۋ قۇرىلىمدارىمەن، الەۋمەتتىك اۋماقتاعى قارتتارعا قىزمەت وتەۋ قۇرىلىمدارىمەن قارتتاردىڭ تاماقتانۋىنا كومەكتەسۋ جاعىندا سەلبەستىك ورىستەتۋگە ىرىقتىلىقپەن بايلانىس جاساۋعا جەبەپ، قارتتاردى كۇتىمدەۋ ورىندارىن اس – سۋمەن قامدايتىن ارناۋلىلانعان كاسىپورىنداردى جەتىلدىرەدى. (باس ستانسيا ورتالىق تەلەۆيزيا ءتىلشىسى شۇي نيڭنيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
