شي جينپيڭ جولداستىڭ «پارتيانىڭ جاستار قىزمەتى جونىندە» اتتى كىتابى باسپادان شىعىپ تاراتىلدى
2022.06.22 16:42 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 21 - كۇنى، بەيجيڭ. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان شي جينپيڭ جولداستىڭ «پارتيانىڭ جاستار قىزمەتى جونىندە» اتتى كىتابى تاياۋدا ورتالىق قۇجات باسپاسىنان باسپادان شىعىپ، بۇكىل ەل كولەمىندە تاراتىلدى.
وسى ارناۋلى ماقالالار جيناعىنا شي جينپيڭ جولداستىڭ پارتيانىڭ جاستار قىزمەتى جونىندەگى 60 ماڭىزدى ماقالاسى ەنگىزىلدى، مۇنىڭ ىشىندە ءبىر ءبولىم ماقالا تۇڭعىش رەت اشىق جاريالانىپ وتىر.
جاستار − وتاننىڭ بولاشاعى، ۇلتتىڭ ءۇمىتى، سونداي - اق پارتيانىڭ بولاشاعى جانە ءۇمىتى. قالىڭ جاستارعا ۋاكىلدىك ەتۋ، قالىڭ جاستاردىڭ قۇپتاۋىنا قول جەتكىزۋ، قالىڭ جاستارعا سۇيەنۋ − پارتيامىزدىڭ جەڭىستەن جەڭىسكە ۇزدىكسىز جەتۋىنىڭ ماڭىزدى كەپىلى. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيا ىستەرىنىڭ ۇرپاقتان - ۇرپاققا جالعاسۋىنا جانە جۇڭحۋا ۇلتىنىڭ باياندى دامۋىنا كەپىلدىك ەتۋ ستراتەگيالىق تۇرعىسىنان، جاڭا داۋىردەگى جۇڭگو جاستار قوزعالىسىنىڭ زاڭدىلىعىن ىشكەرىلەي يگەرىپ، پارتيانىڭ جاستار قىزمەتىنە باسشىلىعىن كۇشەيتىپ، پارتيا تاريحىندا 1 - رەت ورتالىق كوميتەتتىڭ پارتيانىڭ بۇقارالىق ۇيىمدار قىزمەتى ءماجىلىسىن اشىپ، جاڭا جۇڭگو تاريحىنداعى جاستاردىڭ دامۋى جونىندەگى 1 - جوبانى شىعارىپ، پارتيا تاريحىندا پارتيا ورتالىق كوميتەتى اتىنان جاريالانعان تۇڭعىش پيونەرلەر وتريادى قىزمەتى قۇجاتىن باسىپ تاراتىپ، كوممۋنيستىك جاستار وداعى رەفورماسىن ورنالاستىرىپ، جاستار قىزمەتىنىڭ تاريحي جەتىستىكتەرگە قول جەتكىزۋىن ىلگەرىلەتتى. شي جينپيڭ جولداستىڭ پارتيانىڭ جاستار قىزمەتى توڭىرەگىندە جاريالاعان ءبىرقىدىرۋ ماڭىزدى پايىمداۋىندا پارتيانىڭ جاستار قىزمەتىنىڭ ورنى مەن رولى، نىسانالى مىندەتى، قىزمەت جاۋاپكەرلىگى مەن بورىشى، امالياتتىق تالابى تەرەڭ باياندالىپ، جاڭا داۋىردە قانداي جاستاردى تاربيەلەۋ، جاستاردى قالاي تاربيەلەۋ، قانداي كوممۋنيستىك جاستار وداعىن قۇرۋ، كوممۋنيستىك جاستار وداعىن قالاي قۇرۋ سياقتى باعىتتىق، جالپى جاعدايلىق، ستراتەگيالىق كەلەلى تاقىرىپتارعا جونىندە ىشكەرىلەي جاۋاپ بەرىلىپ، پارتيامىزدىڭ جاستار قىزمەتىنىڭ زاڭدىلىعى جونىندەگى تانىمى تىڭ ورەگە كوتەرىلىپ، جاڭا داۋىردەگى پارتيانىڭ جاستار قىزمەتىن جاقسى ىستەۋگە العا باسۋ بەتالىسى كورسەتىلىپ، ءتۇبىرلى تياناق ازىرلەندى، بۇل قالىڭ جاستاردى ەكىنشى 100 جىلدىق كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەسۋگە اناعۇرلىم ويداعىداي ىنتىماقتاستىرىپ، ۇيىمداستىرىپ، جۇمىلدىرۋدا توتەنشە ماڭىزدى جەتەكشىلىك مانگە يە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
