ج ك پ ورتالىق كوميتەتىنىڭ، مەملەكەتتىك كەڭەستىڭ، ورتالىق اسكەري ىستەر كوميتەتىنىڭ
جاي جىگاڭعا، ۋاڭ ياپيڭگە «2 - دارەجەلى عارىش ۇلەسكەرى مەدالىن» بەرۋ، يە گۋاڭفۋعا «قاھارمان عارىشكەر» داڭق اتاعىن بەرۋ جانە «3 - دارەجەلى عارىش ۇلەسكەرى مەدالىن» بەرۋ جونىندەگى قارارى
(2022 – جىلى 6 - ايدىڭ 21 - كۇنى)
2022.06.22 16:50 كەلۋ قاينارى : حالىق تورابى
2021 - جىلى 10 - ايدىڭ 16 - كۇنى شىنجوۋ 13 - ءنومىرلى عارىشكەرلى الەم كەمەسى ءساتتى ۇشىرىلدى، عارىشكەرلەر جاي جىگاڭ، ۋاڭ ياپيڭ، يە گۋاڭفۋ الەم كەمەسى تيانحى وزەكتى بولمەسىنە ءساتتى كىرىپ، 2 رەت كابينادان شىعۋ قيمىلىن، 2 رەت عارىشتا ساباق ءوتۋدى ۋاكىل ەتكەن ءبىرقىدىرۋ جاڭالىق اشۋ سيپاتتى، قامال الۋ سيپاتتى عىلمي سىناق پەن كەڭىستىك قولدانىسى مىندەتىن تابىسپەن ورىنداپ، وربيتادا 6 اي تۇرىپ، 2022 - جىلى 4 - ايدىڭ 16 - كۇنى امان - ەسەن ورالدى. شىنجوۋ 13 - ءنومىرلى ادام الىپ ۇشۋ مىندەتى − عارىش ستانسياسىنىڭ شەشۋشى تەحنيكاسىن دالەلدەۋ كەزەڭىنىڭ شەشۋشى جەڭىسىنە قول جەتكىزۋ شايقاسى، مۇندا عارىشكەرلى الەم كەمەسى تۇڭعىش رەت عارىش ستانسياسىندا ايالداپ، جۇڭگو عارىشكەرلەرىنىڭ وربيتادا ءۇرتىس ۇشۋ ۋاقىتىنىڭ جاڭا رەكوردىن جاراتىپ، كوپتەگەن شەشۋشى، وزەكتى تەحنيكادا كەلەلى تابىستارعا قول جەتكىزىپ، كەڭىستىك ستانسياسىنىڭ كەيىنگى سالىنۋىنا جانە ىسكە قوسىلۋىنا بەرىك نەگىز قالادى، بۇل جۇڭگونىڭ عارىش ىستەرىنىڭ جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدە تىڭ قادام تاستاعانىنان دەرەك بەرىپ، عارىش ىستەرىندەگى قۇدىرەتتى ەل قۇرۋدى تەزدەتىپ، تىڭ قامال الۋدى ىسكە اسىردى، ەلىمىزدىڭ جالپىلىق مەملەكەت قۋاتى مەن ۇلتتىڭ ۇيىسقىشتىعىن جوعارىلاتۋدا، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ءبىر نيەتپەن ىنتىماقتاسىپ، ۇدەرە العا تارتىپ، قول ۇستاسا قۇلشىنىپ، بولاشاقتى بىرگە جاراتىپ، جاڭا داۋىردەگى جۇڭگوشا سوتسياليزمنىڭ تىڭ جەڭىسىنە ۇزدىكسىز قول جەتكىزۋگە شابىتتاندىرۋدا كەلەلى ماڭىز الادى.
شىنجوۋ 13 - ءنومىرلى الەم كەمەسىنىڭ عارىشقا ادام الىپ ۇشۋ مىندەتىنىڭ تولىق تابىستى بولۋىنا قالىڭ عىلىم - تەحنيكا قىزمەتكەرلەرىنىڭ، عارىشكەرلەرىنىڭ، كادرلاردىڭ، جۇمىسشى - قىزمەتكەرلەردىڭ، ازاتتىق ارميا كوماندير - جاۋىنگەرلەرىنىڭ اقىل - پاراساتى مەن جۇرەك قانى سىڭگەن. جاي جىگاڭ، ۋاڭ ياپيڭ، يە گۋاڭفۋ جولداستار − سولاردىڭ كورنەكتى ۋاكىلدەرى، ولار وتان ءۇمىتىن اقتاۋدى، ىنتىماقتاسا سەلبەسۋدى مۇرات ەتىپ، دۇنيە جۇزىنە قۇدىرەتتى جۇڭگو رۋحىن، جۇڭگو كۇشىن ايگىلەدى. جاي جىگاڭ جولداس عارىشقا ادام الىپ ۇشۋ مىندەتىن 2 رەت اتقارىپ ءارى بۇيرىق بەرۋ باستىعى بولىپ، 3 رەت كابينادان شىعۋ قيمىلىن ورىنداپ، قازىر كابينادان شىعۋ قيمىلى ەڭ كوپ جۇڭگولىق عارىشكەرگە اينالدى. ۋاڭ ياپيڭ جولداس زەڭگىر كوكتە سامعاپ، «عارىش مىنبەسىنە» تاعى شىعىپ، جۇڭگونىڭ عارىش ستانسياسىنا كىرىپ، تۇڭعىش رەت كابينادان شىعىپ قيمىل جاساعان ايەل عارىشكەرىنە اينالدى. يە گۋاڭفۋ جولداس تىڭعىلىقتى جاتتىعۋ جاساپ، جاپالى شىڭدالىپ، داڭقپەن شىنجوۋ 13 - ءنومىرلى الەم كەمەسىنىڭ گرۋپپاسىنا تاڭدالىپ، مىندەتتى ءساتتى ورىندادى. ولاردىڭ ەلىمىزدىڭ عارىشقا ادام الىپ ۇشۋ ىستەرىنە قوسقان ەلەۋلى ەڭبەگىن ماداقتاۋ ءۇشىن، ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى جاي جىگاڭ، ۋاڭ ياپيڭ جولداستارعا «2 - دارەجەلى عارىش ۇلەسكەرى مەدالىن» بەرۋدى، يە گۋاڭفۋ جولداسقا «قاھارمان عارىشكەر» داڭق اتاعىن بەرۋدى جانە «3 - دارەجەلى عارىش ۇلەسكەرى مەدالىن» بەرۋدى ۇيعاردى.
جاي جىگاڭ، ۋاڭ ياپيڭ، يە گۋاڭفۋ جولداستار − اۋەلگى ماقساتتى ۇمىتپاي، بورىشتى ەستە بەرىك ساقتاپ، وسكەلەڭ ىسكە ءوزىن ارناعان ءداۋىر اتويشىلارى، الەمدى بارلاپ، ارماندى ىسكە اسىرىپ، عارىش ىستەرىندەگى قۇدىرەتتى ەل قۇرۋدىڭ ۇلگىلەرى. پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن جاپپاي دايەكتىلەندىرىپ، ماداقتالعان عارىشكەرلەردى ۇلگى ەتىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ەرلىكپەن العا ۇمتىلىپ، مويىماس تاباندىلىقپەن العا باسىپ، «ەكى بومبى، ءبىر جاساندى سەرىك» رۋحى مەن عارىشقا ادام الىپ ۇشۋ رۋحىن بارىنشا ساۋلەلەندىرىپ، پارتيا 20 - قۇرىلتايىنىڭ تابىسپەن اشىلۋىن ءىس جۇزىندىك ارەكەتپەن قارسى الىپ، ەكىنشى 100 جىلدىق كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋگە ۇندەيدى!
(شينحۋا اگەنتتىگى، 6 - ايدىڭ 21 - كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
