لي كىچياڭ حىبەيدە قىزمەت تەكسەرگەندە مىنانى دارىپتەدى
استىق جانە ەنەرگيا حاۋىپسىزدىگى جاۋاپكەرلىگىن ورنىقتى قامتاماسىزداندىرىپ، ەكونوميكانىڭ زات باعاسىن ورنىقتىرۋعا بەرىك تىرەك ازىرلەۋ كەرەك
2022.06.22 16:53 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 21 – كۇنى، شىجياجۋاڭ. 6 - ايدىڭ 21 - كۇنى ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ حىبەي ولكەلىك پارتكومنىڭ شۋجيى ني يۋەفىڭ مەن ولكە باستىعى ۋاڭ جىڭپۋدىڭ سەرىك بولۋىندا بيىك گاۋبيدياندا، جوجوۋدا قىزمەت تەكسەردى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ەكونوميكانى ورنىقتىرۋدىڭ ءتۇرلى ساياساتتارىن ويداعىداي اتقارىپ، رەفورما ءادىسى ارقىلى قيىن ماسەلەلەردى شەشىپ، ومىرشەڭدىك كۇشتى تاسقىنداتۋعا ءمان بەرىپ، ەگىس ۋاقىتىن مىقتى يگەرىپ، جازعى جيىن - تەرىندى، جازعى تۇقىم ءسىڭىرۋدى ويداعىداي ىستەپ، جاز مەزگىلىندەگى ەنەرگيامەن قامداۋدىڭ قاۋىر مەزگىلىن قامتاماسىز ەتىپ، زات باعاسىن ورنىقتىرىپ، حالىق تۇرمىسىن قامتاماسىز ەتۋگە، ەكونوميكانى ورنىقتىرۋعا بەرىك تىرەك ازىرلەۋ كەرەك.
لي كىچياڭ فاڭگۋان قالاشىعىنىڭ ءبيداي اتىزىندا استىق ەگەتىن ەگىنشىلەرمەن، باسقا ولكەلەردەن كەلگەن كومباينشىلارمەن، استىق ساۋداگەرلەرىمەن اڭگىمەلەستى. كوپشىلىك بيىل ءبيدايدىڭ ءونىمى جاقسى ەكەنىن، ءدانى تولىق بولعانىن اڭىس ەتتى، لي كىچياڭ توتەنشە قۋاندى. ول بىلاي دەدى: قازىر مول ءونىم اتىزدا تۇر، مول ءونىمدى جيناپ الۋدى مىقتى يگەرۋ، سونداي - اق مول ءونىمدى قامباعا كىرگىزۋدى جاقسى ىستەۋ كەرەك. ءبيداي − جۇڭگولىقتاردىڭ نەگىزگى ىشەر استىعىنىڭ ءبىرى، قازىر تۇرعان بۇل جەر نەگىزىنەن حۋاڭحى، حۋايحى، حايحى وڭىرىندەگى ءبيداي وندىرەتىن نەگىزگى رايوننىڭ ەڭ سوڭعى جيناپ الۋ بەكەتى، جالپى العاندا، بيىل بۇكىل ەل بويىنشا ءبيداي بىلتىرعىدان ارتىپ، مول ءونىم الۋ جاعدايى تۇراقتاندى. بۇل ادامداردىڭ كوڭىلىن ورنىقتىرىپ، تۇتاس جىلدا استىق ءونىمىن ورنىقتىرۋعا نەگىز قالادى، جۇڭگونىڭ استىقپەن قامداۋى جەتكىلىكتى، بۇل زات باعاسىن ورنىقتىرۋ جونىنەن توتەنشە ماڭىزدى. ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋداعى ەكى ماڭىزدى كورسەتكىش − جۇمىسقا ورنالاستىرۋدى ورنىقتىرۋ، زات باعاسىن ورنىقتىرۋ، استىق پەن ەنەرگيا − زات باعاسىن ورنىقتىرۋدىڭ نەگىزگى تىرەگى. تاياۋ جىلداردان بەرى ءبىز ورنىقتى اقشا ساياساتىن اتقارىپ كەلەمىز، اقشانى مەجەدەگىدەن ارتىق تاراتپادىق، قازىر اقشا ساياساتىنىڭ نەگىزگى كورسەتكىشى قالىپتى ارالىقتا تۇر، مۇنداعى ەڭ ماڭىزدىسى اقشانىڭ قۇنسىزدانۋىنان ساقتانۋ، جاڭا سايىستارعا توتەپ بەرۋ ءۇشىن اقشا ساياساتىن يكەمدى اتقارۋعا كەڭىستىك قالدىرعان ءجون. بيىل ءبيدايدان مول ءونىم الۋ جۇڭگونىڭ وزىندىك قاجەتىن، جۇڭگونىڭ استىق بازارىنىڭ ورنىقتىلىعىن قامتاماسىز ەتتى، بەلگىلى ماعىنادان العاندا، بۇل دۇنيە ءجۇزى استىق بازارىنىڭ ورنىقتىلىعىنا ۇلەس قوسۋ بولىپ تابىلادى. لي كىچياڭ ەگىنشىلەردىڭ ماشينامەن جۇگەرى ەككەنىن كورىپ، دىمقىلدىقتى مۇقيات تەكسەردى. ول بىلاي دەدى: جازعى جۇمىستىڭ ءبىر كۇنى كۇزگى جۇمىستىڭ ون كۇنىنە بارابار كەلەدى، جازعى ەگىس كولەمىن تياناقتاندىرىپ، ەگۋگە تيىستىلەرىن مۇمكىندىگىنشە ەگىپ، كۇزگى استىقتان مول ءونىم الۋعا كەپىلدىك ەتىپ، مەملەكەتتىڭ استىق حاۋىپسىزدىگىنە ۇلەس قوسۋ كەرەك.
لي كىچياڭ داپۋ قىستاعىنا كەلىپ، كەپتىرىلگەن ءبيدايدى كورىپ، قىستاق تۇرعىندارىمەن اڭگىمەلەسىپ، استىق ەگۋدىڭ وزىندىك قۇنى مەن كىرىس ەسەبىن ەسەپتەپ شىقتى. كوپشىلىك مىنانى اڭىس ەتتى: بيىل اۋىل شارۋاشىلىق ءوندىرىس قۇرال - جابدىقتارىنىڭ باعاسى ءوستى، ءبىراق مەملەكەت كوپ رەت قوسىمشا قاراجات بەردى، بازارداعى استىق باعاسى دا جوعارىلادى، ەسەپتەپ كورسەك، كىرىسىمىز بۇرىنعى جىلدارداعىدان كوپ بولعان. لي كىچياڭ بىلاي دەدى: اس − ادامنىڭ ارقاۋى، استىق جەتكىلىكتى بولسا، دۇنيە تىنىش بولادى. سىزدەر استىق ەگىپ كىرىستەرىڭىزدى ارتتىردىڭىزدار، ءتىپتى دە كوپ ادامدى استىقپەن قامتاماسىزداندىردىڭىزدار. كوپشىلىك، بىرگە قۇلشىنىپ، ءبىر ميلليارد 400 ميلليوننان استام جۇڭگولىقتىڭ ىرزدىعىن ءوز قولىمىزدا مىقتاپ ۇستايىق.
لي كىچياڭ حىبەي ولكەسىنىڭ ەنەرگيامەن قامداۋ مالىمەتىن تىڭدادى. جوجوۋ جيڭيۋان جىلۋ ەلەكتر سەرىكتەستىگىندە ول گەنەراتور اگراگاتتارىنىڭ ەلەكتر تاراتۋداعى ۋاقىت سانى، كومىردىڭ سارىپ بولۋ دەڭگەيى، قيىنشىلىقتان ارىلتۋ ساياساتىنىڭ تياناقتانۋى سياقتى جاعدايلاردى ەگجەي - تەگجەيلى ۇعىسىپ، كومىر جيناۋ الاڭىن كوزدەن كەشىرىپ، كاسىپورىندى كۇش شىعارىپ، كوپ توك شىعارۋعا شابىتتاندىردى. لي كىچياڭ بىلاي دەدى: دامۋ ــ ەلىمىزدەگى بارلىق ماسەلەنى شەشۋدىڭ نەگىزى جانە تەتىگى. قازىر جازعى تۇتىنۋدىڭ قاۋىرت تا شەشۋشى مەزگىلى، كومىردىڭ وزىق ءوندىرىس قۋاتىن ىسكە قوسىپ، تولىق اشىپ، كومىرمەن قامداۋدى تياناقتاندىرىپ، ەلەكترمەن قامداۋدى ونان ارى كۇشەيتىپ، تيەكتى باسىپ، توك تاراتۋعا شەك قويۋدان باتىل ساقتانىپ، ەكونوميكالىق اينالىم پەن نەگىزگى حالىق تۇرمىسىن قامتاماسىزداندىرۋ كەرەك. كەڭەيتىپ سالۋ، وزگەرتۋ ارقىلى جوعارى ءونىمدى، تازا كومىر ەلەكتر ءوندىرىس قۋاتىن تارتىپپەن ارتتىرىپ، سۋ الۋ، ەنەرگيا ساقتاۋ نىساندارىن جەدەل قۇرىپ، ەلەكترمەن قامداۋ قۋاتىن ارتتىرۋمەن بىرگە، جەل، كۇن نۇرى ەنەرگياسى سياقتى جاڭا ەنەرگيانى دامىتۋعا، تۇتىنۋ - قابىلداۋ قۋاتىن جوعارىلاتۋعا تىرەك بولۋ كەرەك. ول مىنالاردى دارىپتەدى: ەلىمىز − دۇنيە ءجۇزى ساۋداسىنىڭ ۇلەس قوسۋشىسى، حالىقارالىق ەنەرگيا بازارىنىڭ ورنىقتىلىعى ءار ەلگە پايدالى، ەلىمىزدىڭ كومىردى نەگىز ەتكەن ەنەرگيا بايلىعىنان ويداعىداي پايدالانۋ ءوزىنىڭ ەنەرگيانى قامتاماسىزداندىرۋ قۋاتىن كۇشەيتۋگە ءتيىمدى بولۋمەن بىرگە، دۇنيە ءجۇزىنىڭ ەنەرگيا باعاسى مەن حالىقارالىق كاسىپ تىزبەگىنىڭ، قامداۋ تىزبەگىنىڭ ورنىقتىلىعىنا دا ءتيىمدى.
لي كىچياڭ حىبەي ولكەسىنىڭ ەكونوميكالىق، قوعامدىق دامۋ جەتىستىكتەرىن تولىق تۇراقتاندىردى، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ناقتى ىستەپ، جاڭالىق اشىپ، ەكونوميكالىق دامۋدىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، حالىق تۇرمىسىنىڭ ىرىس - قۇتىن ۇزدىكسىز ارتتىرۋدى ءۇمىت ەتتى. شياۋ جيە، حى ليفىڭ تەكسەرۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
