«بايىرعى شيزاڭ رۋحىن» ويداعىداي ساۋلەلەندىرىپ، ءبىر جاعادان باس، ءبىر جەڭنەن قول شىعارىپ العا ۇمتىلدى (تاپسىرىقتى امالياتتا ايگىلەگەن 10 جىل)
«حالىق گازەتىنىڭ» تىلشىلەرى شىن لين، شۇي يۇيياۋ
2022.06.22 16:56 كەلۋ قاينارى : حالىق تورابى
«وتتەگىنىڭ تاپشىلىعى بولماسا، رۋحىمىز تاسقىنداپ تۇر». شيزاڭداعى ءار ۇلت كادر - جۇرتشىلىعى «بايىرعى شيزاڭ رۋحىن» بارىنشا ساۋلەلەندىرىپ، قارلى ءۇستىرتتىڭ ۇلتتار ىنتىماعىن بەكەمدەۋ جانە دامىتۋدىڭ اسەرلى اڭگىمەلەرىن جازدى.
2021 - جىلى 7 - ايدا باس شۋجي شي جينپيڭ شيزاڭعا كەلىپ قىزمەت تەكسەرىپ، تەكسەرۋ - زەرتتەۋ جۇرگىزىپ، لينجى قالاسى با - ي رايونى لينجى قالاشىعىنىڭ گارا قىستاعىنا باردى. نەگىزگى ساتىداعى ەكى قىستاق كادرى باس شۋجيدىڭ قىزمەت تەكسەرگەن كەزىندەگى ساتتەردى كۇنى كەشەگىدەي ەستەرىندە ساقتاپ كەلەدى.
بىرەۋى گۋاڭدۇڭنان كەلىپ، شيزاڭعا ورنىققان ستۋدەنت قىستاق كادرى حۋاڭ حايفىن، ول: «باس شۋجي بۇل اراعا ادام قاجەت، سەن بۇل جاقتا جاقسى ىستە دەپ تاپسىردى. شيزاڭ ءبىزدىڭ كۇش شىعارۋىمىزدى قاجەت ەتەدى، ءبىز شيزاڭعا تامىر تارتۋدى قالايمىز» دەدى.
بىرەۋى قىستاق پارتيا ياچەيكاسىنىڭ شۋجيى بيانبا ەدى. بالا كەزىنەن قىستاقتا ەسەيىپ - ەرجەتكەن بيانبا كەزىندە شەشەسىنىڭ جالاڭ اياق باتپاق كەشىپ جۇرەتىنىن ءالى ۇمىتقان جوق، ول: «گارا قىستاعى قازىر قالالىقتار قىزىعاتىن تاماشا تۇرمىسقا كەنەلدى، بۇل ناتيجەگە قول جەتكىزۋدە ءبىر نيەتپەن ىنتىماقتاستىق» دەدى.
باس شۋجي شي جينپيڭ 1998 - جىلى جانە 2011 - جىلى گارا قىستاعىنان الىس ەمەس باجي قىستاعىن 2 رەت كوزدەن كەشىرگەن، بۇل بيانبايعا تەرەڭ اسەر قالدىرعان. ول: «باس شۋجي ءبىزدى ەسىنەن شىعارماپتى! ەكىنشى رەت كەلگەندە، اۋىلداستاردىڭ تۇرمىسىنىڭ جاقسارعانىن كورىپ الاڭسىز بولدى، سونىمەن بىرگە، بىزگە اۋقاتتانۋ جولىن كورسەتىپ بەردى» دەدى.
1998 - جىلى سول كەزدەگى فۋجيان ولكەلىك پارتكوم شۋجيىنىڭ ورىنباسارى شي جينپيڭ جولداس شيزاڭعا كومەككە كەلگەن كادرلاردى قابىلداپ – جونەلتۋ بايلانىسىمەن شيزاڭعا كەلدى. ونىڭ ءسوزى شيزاڭداعى كادر - جۇرتشىلىقتىڭ كوڭىلىن ونان ارى جىلىتتى، ول: «لينجى رايونىنىڭ ءىسى − ولكەمىزدىڭ ءىسى»، «ۇزدىك كادرلاردىڭ اراسىنان ۇزدىكتەرىن تاڭداپ جىبەرۋ كەرەك» دەگەن بولاتىن.
پارتيا ورتالىق كوميتەتى شيزاڭنىڭ قامىن ويلاۋدا، بۇكىل جۇڭگو شيزاڭنىڭ قامىن ويلاۋدا.
1994 - جىلى شيزاڭعا باعىتتامالى كومەكتەسۋدىڭ شىمىلدىعى اشىلدى، سودان باستاپ چاڭجياڭنىڭ وڭتۇستىگى مەن سولتۇستىگىنەن كەلگەن شيزاڭعا كومەكتەسۋشى كادرلار قارلى ۇستىرتكە قادام باستى. قازىر شيزاڭعا كومەككە كەلگەن كادرلار مەن دارىندىلاردان 5 مىڭنان استام ادام بار. 2021 - جىلى بۇكىل ەل بويىنشا شيزاڭعا باعىتتامالى كومەكتەسۋ بويىنشا 807 نىسان اتقارىلىپ، 40 ميلليارد 200 ميلليون يۋان قارجى قوسىلىپ، وقۋ - اعارتۋ، ەمدەۋ سىندى «ۇجىم ۇلگىسىندەگى» شيزاڭعا كومەكتەسۋ ىشكەرىلەي ىلگەرىلەتىلدى.
2021 - جىلى شيزاڭدى كوزدەن كەشىرگەن كەزدە، مالىمەت بەرۋ ماجىلىسىندە باس شۋجي شي جينپيڭ شيزاڭداعى كادرلار مەن جۇمىسشى - قىزمەتكەرلەرگە كوڭىل ءبولۋدى، قامقورلىق جاساۋدى دارىپتەدى. مالىمەت بەرۋ ءماجىلىسى اياقتاعاننان كەيىن، باس شۋجي ماجىلىسكە قاتىناسقان شيزاڭنىڭ پارتيا، ۇكىمەت باسشى كادرلارىنا بۇرىلىپ، كوپشىلىكپەن ىقىلاسپەن اڭگىمەلەسىپ، ولاردى «بايىرعى شيزاڭ رۋحىن» ويداعىداي ساۋلەلەندىرۋگە شابىتتاندىردى.
«باس شۋجيدىڭ تاپسىرىعىن ەستە بەرىك ساقتادىق، مويىماس تاباندىلىقپەن العا باسىپ، شيزاڭنىڭ دامۋىنا كۇش - قۋاتىمىزدى ارنايمىز» دەدى جياڭسۋدان شيزاڭعا كومەككە كەلگەن كادر ما حۋا.
جولدىڭ وزگەرىسى − شيزاڭداعى وراسان زور وزگەرىستەردىڭ ىقشام كورىنىسى. شي جينپيڭ جولداس 1998 - جىلى شيزاڭعا بارعان كەزدە، لحاسا گۇڭگا اۋەجايىنان لينجى قالاسى با - ي قالاشىعىنا دەيىن اۆتوكولىكپەن تۇپ - تۋرا ءبىر كۇن جۇرگەن بولاتىن. قازىر سىچۋان - شيزاڭ تەمىر جولى تۇتاس لەنيا بويىنشا جۇمىس باستاپ، لحاسا - لينجى بولەگى سالىنىپ، ىسكە قوسىلىپ، «گۇلدەن» اتتى پويەز زىمىرادى. لحاسادان لينجىعا پويەزبەن بارسا، نەبارى 3 ساعاتتان استام ۋاقىت كەتەدى، جوعارى قارقىندىق تاس جولمەن جۇرسە، 4 ساعاتتان استام ۋاقىت قانا كەتەدى.
بۇگىنگى شيزاڭدا اۋداننىڭ بارلىعىنا اسفالت جول تۇتاستى، اۋىلداردىڭ بارلىعىنا تاس جول قاتىنادى. رىكازى قالاسى جياڭزى اۋدانى سوگاي قىستاعىندا ءار جىلى كۇزدە 10 مىڭ مۋ جەردەگى جالاڭاش ارپا ساپ – سارى بولىپ پىسادى، ءبىراق تار ءارى ويلى - شۇڭقىر اۋىل - قىستاق جولى اۋقاتتانۋ جولىن بوگەپ كەلگەن بولاتىن. شاڭحايدان شيزاڭعا كومەككە كەلگەن قىزمەت اترەتى سوگاي قىستاعىنىڭ قونىستانۋعا قولايلى ورتاسىن دەن قويا قالىپتاستىردى، سوگاي قىستاعى تەز ارادا ساياحاتشىلار ۇناتاتىن، توراپتا تانىمال جەرگە اينالدى.
باس شۋجي شي جينپيڭنىڭ ەكى رەت قىزمەت تەكسەرگەن باجي قىستاعى − شيزاڭنىڭ اۋىل - قىستاعىنداعى وراسان زور وزگەرىستەردىڭ جاندى كورىنىسى. باجي قىستاعى تاسىمال، ساياحات سياقتى كاسىپتەردى كۇش سالا دامىتىپ، بىلتىر جان باسىندىق ساپ كىرىستى 47 مىڭ يۋانعا جەتكىزدى. قىستاق تۇرعىنى گىساڭ ۋاڭجيۋدىڭ ۇيىندە باس شۋجيدىڭ ولارعا امانداسا بارعانداعى سۋرەتى ءىلۋلى تۇر. ول: «بىلتىر وتباسىمىز 380 مىڭ يۋان كىرىس كىرگىزدى، 2 بالامىز داشۋەگە ءتۇستى، وقۋ بىتىرگەننەن كەيىن ولار دا وتان ءۇشىن ۇلەس قوساتىن بولادى» دەدى.
ءبىر نيەتپەن ىنتىماقتاسىپ ۇدەرە العا تارتتى، جاڭا داۋىردەگى شيزاڭنىڭ ەكونوميكالىق، قوعامدىق دامۋى كۇن سايىن جاڭارا بەرمەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
