ءۇي بازارىن تىزگىندەۋگە قاتىستى زاپاس ساياساتتار ۋاقىتى كەلگەندە جاريالاناتىن بولادى

2012.11.13 13:53   كەلۋ قاينارى : حالىق تورابى

　　18-قۇرىلتايدىڭ اقپارات ورتالىعى 12-قاراشادا وتكىزگەن تىلشىلەردى قابىلداۋ جينالىسىندا 18-قۇرىلتايدىڭ ۋاكىلى، تۇرعىن ءۇي جانە قالا-اۋىل قۇرىلىسى مينيسترى جياڭ ۋىيشين ەلىمىزدىڭ تۇرعىن ءۇي قامتاماسىزدىعى جاعىنداعى احۋالداردى تانىستىردى جانە تىلشىلەردىڭ سۇراعىنا جاۋاپ بەردى. جياڭ ۋىيشين كەلەر جىلى سالىناتىن قامتاماسىزدىق تۇرعىن ءۇي 5 ميلليوننان كەم بولمايدى دەدى.

　　جياڭ ۋىيشين بىلاي دەپ تانىستىردى: ورتالىق ۇكىمەت 12-بەسجىلدىق مەزگىلىندە قالا-قالاشىقتاردا 36 ميلليون قامتاماسىزدىق تۇرعىن ءۇي سالۋدى جوسپارلاپ وتىر 2011-جىلى ونىڭ 10 ميلليونى سالىنا باستادى، بيىل 7 ميلليونى سالىنا باستادى، كەلەر جىلعى جوسپارداعى سالىناتىن ءۇيدىڭ سانىن اقىلداسۋ ۇستىندەمىز، جالپى مەجەگە نەگىزدەلگەندە، كەلەر جىلى 5 ميلليوننان كەم بولمايدى، 6 ميلليون توڭىرەگىندە بولۋى ابدەن مۇمكىن.

　　قورا-جاي بازارىن تىزگىندەۋ تۋرالى ءسوز بولعاندا، جياڭ ۋىيشين قورا-جاي بازارىن تىزگىندەۋ ساياساتى قازىرشە بوساڭسىمايدى دەدى.

　　ءۇي بازارىن تىزگىندەۋگە ورتالىق ۇكىمەت قاشاندا ساقاداي ساي. ءمالىم ءبىر قالانىڭ ءۇي بازارىن ءوز الدىنا تەڭشەگەن ساياساتىنا قاراتا ورتالىق وعان سايكەستى ساياساتتى دايىنداپ وتىر، الدا-جالدا قاجەت بولسا، جاريالاي سالۋىنا بولادى. ءۇي بازارىنىڭ بەتالىسىنا كەسىم جاساۋدا تەك ءبىر فاكتورعا عانا جابىسىپ الماي، ءسوز جوق، بىتىسكەن ساۋدا مولشەرى مەن باعانى جان-جاقتىلى ەسكەرۋ قاجەت. ساۋدا مولشەرى ارتسا، ساۋدا باعاسى دا جوعارىلايدى، ول جونىندە سايكەستى ساياساتتار شىعارىپ تىزگىندەيتىن بولامىز.

　　(ورتالىق ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى

　　http://paper.people.com.cn/rmrb/html/2012-11/13/nw.D110000renmrb_20121113_1-02.htm?div=-1