يزرايلدىڭ قۇرلىقتىق قوسىندارى گازا ءوڭىرىنىڭ شەكاراسىندا ساقاداي سايلانۋدا

2012.11.20 13:53  

　　19-قازان، يزرايلدىڭ وڭتۇستىگى مەن گازا ءوڭىرىنىڭ شەكارالاسقان جەرىندە يزرايلدىڭ مەملەكەت قورعانىسى ارمياسى قۇرلىق اسكەرلەر قوسىنىنىڭ اسكەرلەرى ۇيلەسۋ جاتتىعۋىن جاساۋدا. سول كۇنى يزرايلدىڭ مەملەكەت قورعانىسى ارمياسىنىڭ قۇرلىقتىق قوسىنى گازا ءوڭىرىنىڭ شەكاراسىندا جالعاستى ساقاداي سايلاندى. شينحۋا اگەنتتىگى

　　پالەستين-يزرايل قاقتىعىسى 19-قاراشا كۇنى 6 كۇنگە اياق باستى. وق شىعارۋدى توقتاتۋ جونىندەگى حابارلار اۋىق-اۋىق ايتىلىپ جاتسا دا، ەكى جاقتىڭ اۋە شابۋىلى مەن راكەتالىق وق شابۋىلى تولاستاماستان، قايتا ۇدەي تۇسۋدە. بۇل رەتكى قاقتىعىستىڭ ۇلعايۋى 6-رەتكى ورتا شىعىس سوعىسىنا ۇلاسىپ كەتە مە دەگەن كۇدىك قازىر اتالعان ءوڭىر مەن حالىقارالىق قوعامنىڭ نازارىن اۋدارىپ وتىر. يزرايل مەملەكەت قورعانىسى ارمياسى گازاعا قۇرلىقتىق شابۋىل جاساي ما؟

　　ءىشىنارا ساراپشىلاردىڭ ايتۋىنشا، يزرايلدىڭ جۋىرداعى كۇندەردەن بەرى گازانى اۋەدەن بومبىلاۋى مەن شەكارا وڭىردە اسكەر توپتاۋى ەڭ سوڭىندا ءوزىن جەڭىلىسكە ۇشىراتاتىن ساياسي ويىن دەپ قاراۋدا.

　　يزرايل ارمياسى «ارەكەت كولەمىن كەڭەيتپەكشى»

　　يزرايل ارمياسىنىڭ 19-قاراشا تاڭ سارىدە جاريالاۋىنشا، 18-قاراشا كەشتەن 19-قاراشا تاڭەرتەڭگە دەيىن، يزرايل اۋە ارمياسىنىڭ ۇشاقتارى گازا وڭىرىندەگى 80 نىسانانى بومبىلاعان، مۇندا پالەستين ءىسلام قارسىلىق قوزعالىسى ۇيىمىنىڭ اسكەري قۇرىلعىلارى مەن ساقشى مەكەمەسى قامتىلىپ، سوققى بەرۋ نىساناسى 1350گە جەتكەن. وسى مەزگىلدە حاماس قارۋلى ەلەمەنتتەرى گازادان يزرايلعا ءبىر تال راكەتا وعىن اتقان، الايدا ءولىم-ءجىتىم، جارالانۋ نەمەسە مال-مۇلىك زيانى تۋىلماعان.

　　يزرايل ارمياسى ءالى قۇرلىقتىق شابۋىل جاساۋ بەكىمىنە كەلمەگەنىن بىلدىرگەنىمەن، گازاداعى جۇرتشىلىققا يزرايل ارمياسىنىڭ «كەلەسى قادامداعى ارەكەتتى جۇزەگە اسىراتىندىعىن» 18-قاراشادان بەرى جالعاستى ەكى كۇن قۇلاقتاندىرعان.

　　كەلۋ قاينارى: حالىق تورابى