بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

جۇڭگو كوممۋنيستىك پارتياسىنىڭ ۋستاۆى(2)

2012.11.21 15:42    

  جۇڭگو كوممۋنيستىك پارتياسى سوتسياليزم ىستەرىنە باسشىلىق ەتۋ بارىسىندا، ءسوز جوق، ءسوزجوق، شارۋاشىلىق قۇرىلىستى وزەك ەتۋگە تاباندى بولۋ، باسقا قىزمەتتەر وسى وزەككە بويسۇنۋ جانە قىزمەت ەتۋ كەرەك. ورايدى مىقتى يگەرىپ، دامۋدى تەزدەتىپ، مەملەكەتتى عىلىم - تەحنيكامەن، وقۋ - اعارتۋمەن گۇلدەندىرۋ، دارىندىلارمەن كۇشەيتۋ ستراتەگياسى مەن باياندى دامۋ ستراتەگياسىن اتقارىپ، عىلىم - تەحنيكانىڭ ءبىرىنشى وندىرگىش كۇشتىك رولىن تولىق ساۋلەلەندىرىپ، عىلىم - تەحنيكالىق العاباسارلىققا سۇيەنىپ، ەڭبەكشىلەردىڭ ساپاسىن جوعارىلاتىپ، حالىق شارۋاشىلىعىنىڭ ويداعىداي ءارى تەز دامۋىن جەبەۋ كەرەك.

   سوتسياليزم جولىنا، حالىق دەموكراتياسى ديكتاتۋراسىنا، جۇڭگو كوممۋنيستىك پارتياسىنىڭ باسشىلىعىنا، ماركسيزم - لەنينيزم، ماۋ زىدۇڭ يدەياسىنا تاباندى بولۋ سىندى وسى ءتورت نەگىزگى پرينسيپ ءبىزدىڭ ەلدىك نەگىزىمىز. سوتسياليستىك وسىزامانداندىرۋ قۇرىلىسىنىڭ تۇتاس بارىسىندا، ءسوز جوق، وسى ءتورت نەگىزگى پرينسيپكە تاباندى بولىپ، بۋرجۋازيالىق ەركىنسۋگە قارسى تۇرۋ كەرەك.

   رەفورمالاۋعا، ەسىك اشۋعا تاباندى بولۋ ــــ ءبىزدىڭ ەلدى كۇشەيتۋدە جۇرۋگە ءتيىستى جولىمىز. رەفورما جاساپ، ەسىكتى سىرتقا اشقانىمىزدا عانا جۇڭگونى، سوتسياليزمدى، ماركسيزمدى دامىتا الامىز. وندىرگىش كۇشتەردىڭ دامۋىن بۇعاۋلايتىن شارۋاشىلىق تۇزىلىسىنە تۇبىرىنەن رەفورما جاساپ، سوتسياليستىك بازار شارۋاشىلىعى تۇزىلىسىنە تاباندى بولۋ جانە ونى كەمەلدەندىرۋ؛ وسىعان سايكەس، ساياسي تۇزىلىسكە جانە باسقا دا سالالارعا رەفورما جۇرگىزۋ كەرەك. مەملەكەتتىڭ سىرتقا ەسىك اشۋ سىندى نەگىزگى ساياساتىنا تاباندى بولىپ، ادامزات قوعامى جاراتقان بارلىق وركەنيەت تابىستارىن قابىلداۋ جانە اينا ەتۋ كەرەك. رەفورمالاۋ مەن ەسىك اشۋدا باتىلدىقپەن ىزدەنۋ، ەرلىكپەن ءورىس اشۋ، رەفورما شەشىمدەرىنىڭ عىلميلىعىن جوعارىلاتۋ، رەفورما شارالارىنىڭ سايكەستىلىگىن كۇشەيتۋ، اماليات بارىسىندا جاڭا جول سالۋ كەرەك.

  جۇڭگو كوممۋنيستىك پارتياسى حالىققا باسشىلىق ەتىپ، سوتسياليستىك بازار شارۋاشىلىعىن دامىتادى. جالپىلىق مەنشىكتەگى شارۋاشىلىقتى تيتتەي دە اۋىتقىماي بەكەمدەيدى جانە دامىتادى، جالپىلىق مەنشىككە جاتپايتىن شارۋاشىلىقتاردىڭ دامۋىنا تيتتەي دە اۋىتقىماستان دەم بەرەدى، ونى قولدايدى، جەتەكتەيدى. بازاردىڭ بايلىقتى ىڭعايلاۋداعى نەگىزدىك رولىن ساۋلەلەندىرىپ، كەمەلدەنگەن ماكرولىق تىزگىندەۋ جۇيەسىن قۇرادى. قالانىڭ، اۋىلدىڭ، وڭىرلەردىڭ دامۋىن، ەكونوميكا مەن قوعامنىڭ دامۋىن، ادام مەن تابيعاتتىڭ جاراسىمدى دامۋىن، ىشكى دامۋ مەن سىرتقا ەسىك اشۋدى ءبىرتۇتاس جوسپارلاپ، شارۋاشىلىق قۇرىلىمىن رەتكە سالىپ، ەكونوميكانىڭ دامۋ تاسىلىندە بۇرىلىس جاسايدى. ونەركاسىپتەنۋدى، ينفورماتسيالانۋدى، قالا - قالاشىقتانۋدى، اۋىل شارۋاشىلىعىن وسىزامانداندىرۋدى قاتار دامىتادى، سوتسياليستىك جاڭاشا اۋىل - قىستاق قۇرىپ، ونەركاسىپتەنۋدىڭ جاڭاشا جولىمەن ءجۇرىپ، جاڭاشىل ەل قۇرادى.

  جۇڭگو كوممۋنيستىك پارتياسى حالىققا باسشىلىق ەتىپ، سوتسياليستىك دەموكراتيالى ساياسيدى دامىتادى. پارتيا باسشىلىعى، حالىق قوجا بولۋ، ەلدى زاڭمەن باسقارۋدى ورگانيكالى تۇردە ۇشتاستىرۋعا تاباندى بولىپ، جۇڭگوشا سوتسياليستىك ساياسي دامۋ جولىمەن ءجۇرىپ، سوتسياليستىك دەموكراتيانى كەڭەيتىپ، سوتسياليستىك زاڭ - ءتۇزىمدى كەمەلدەندىرىپ، زاڭمەن باسقارىلاتىن سوتسياليستىك ەل قۇرادى، حالىق دەموكراتياسى ديكتاتۋراسىن بەكەمدەپ، سوتسياليستىك ساياسي وركەنيەتتى گۇلدەندىرەدى. حالىق قۇرىلتايى تۇزىمىنە، جۇڭگو كوممۋنيستىك پارتياسى باسشىلىق ەتكەن كوپ پارتيالىق ىستەستىك پەن ساياسي كەڭەس تۇزىمىنە، ۇلتتىق تەرريتوريالىق اۆتونوميا تۇزىمىنە، سونداي - اق نەگىزگى ساتىداعى بۇقارالىق اۆتونوميا تۇزىمىنە تاباندى بولادى جانە ونى كەمەلدەندىرەدى. ءتىپتى دە كەڭ كولەمدى، اناعۇرلىم كەمەلدەنگەن، ءتىپتى دە اقاۋسىز حالىق دەموكراتياسىن دامىتادى، حالىقتىڭ مەملەكەت ىستەرى مەن الەۋمەتتىك ىستەردى، ەكونوميكا جانە مادەنيەت ىستەرىن باسقارۋ ۇقىعىن شىنايى قامتاماسىزداندىرادى. ادامدىق ۇقىققا قۇرمەن ەتەدى جانە ونى قامتاماسىزداندىرادى. جۇرت سوزىنە كەڭ جول اشىپ، دەموكراتيالىق سايلاۋ، دەموكراتيالىق شەشىم جاساۋ، دەموكراتيالىق باسقارۋ، دەموكراتيالىق باقىلاۋ ءتۇزىمى مەن ءتارتىبىن ورناتادى جانە كەمەلدەندىرەدى. جۇڭگوشا سوتسياليستىك زاڭ جۇيەسىن كەمەلدەندىرىپ، زاڭ اتقارۋ قىزمەتىن كۇشەيتىپ، مەملەكەتتىڭ سان - سالالى قىزمەتتەرىن بىرتىندەپ زاڭدىق ءتۇزىم ارناسىنا تۇسىرەدى.

  جۇڭگو كوممۋنيستىك پارتياسى حالىققا باسشىلىق ەتىپ، سوتسياليستىك وزىق مادەنيەتتى دامىتادى. سوتسياليستىك رۋحاني وركەنيەتتى گۇلدەندىرىپ، ەلدى زاڭمەن باسقارۋ مەن مورالمەن باسقارۋدى ۇشتاستىرىپ، تۇتاس ۇلتتىڭ يدەيالىق، ءمورالدىق ساپاسى مەن عىلىم - مادەنيەتتىك ساپاسىن جوعارىلاتىپ، رەفورمالاۋعا، ەسىك اشۋعا جانە سوتسياليستىك وسىزامانداندىرۋ قۇرىلىسىنا قۇدىرەتتى يدەيالىق كەپىلدىك، رۋحاني قوزعاۋشى كۇش جانە اقىل - پاراساتتىق قولداۋ بەرىپ، مادەنيەتتە قۋاتتى سوتسياليستىك ەل قۇرادى. سوتسياليستىك وزەكتى قۇن جۇيەسى قۇرىلىسىن كۇشەيتىپ، ماركستىك جەتەكشى يدەياعا تاباندى بولىپ، جۇڭگوشا سوتسياليستىك ورتاق مۇرات ورناتىپ، وتانشىلدىقتى وزەك ەتكەن ۇلتتىق رۋح پەن رەفورمالاۋ، جاڭالىق جاراتۋدى وزەك ەتكەن ءداۋىر رۋحىن ساۋلەلەندىرەدى، سوتسياليستىك داڭق - نامىس كوزقاراسىن دارىپتەپ، ۇلتتىق ار - نامىستى، سەنىمدى جانە قۇلشىنىستى كۇشەيتىپ، كاپيتاليستىك جانە فەودالدىق شىرىك يدەيانىڭ ازدىرۋىن تەجەپ، قوعامداعى ءتۇرلى جيىركەنىشتى قۇبىلىستاردى الاستاپ، ەلىمىز حالقىنىڭ مۇراتتى، ءمورالدى، مادەنيەتتى، ءتارتىپتى بولۋىنا كۇش سالادى. پارتيا مۇشەلەرىنە كوممۋنيستىك ۇلى مۇرات تاربيەسىن جۇرگىزەدى. وقۋ - اعارتۋ، عىلىم، مادەنيەت ىستەرىن كۇش سالا دامىتىپ، ۇلتتىق وزىق ءداستۇرلى مادەنيەتتى ساۋلەلەندىرىپ، سوتسياليستىك مادەنيەتتى گۇلدەندىرەدى جانە دامىتادى.

  جۇڭگو كوممۋنيستىك پارتياسى حالىققا باسشىلىق ەتىپ، سوتسياليستىك جاراسىمدى قوعام قۇرادى. دەموكراتيالى بولۋ، زاڭمەن باسقارۋ، ءادىل، ادىلەتتى، ادال، تاتۋ، ومىرشەڭدىككە تولى، تىنىش، ءتارتىپتى، ادام مەن تابيعات جاراسىمدى بولۋ سىندى جالپى تالاپ جانە بىرگە گۇلدەنىپ، ورتاق يگىلىكتەنۋ پرينسيپى بويىنشا، حالىق تۇرمىسىن جاقسارتۋدى قامتاماسىزداندىرۋدى ءتۇيىن ەتىپ، حالىق ەڭ كوڭىل ءبولىپ وتىرعان، ەڭ توتە، ەڭ رەال مۇددە ماسەلەلەرىن ويداعىداي شەشىپ، جالپى حالىقتى دامۋدىڭ جەتىستىكتەرىنەن اناعۇرلىم كوپتەپ، اناعۇرلىم ادىلدىكپەن يگىلىكتەندىرىپ، جالپى حالىق اركىم قابىلەتىنە قاراي ىستەپ، اركىم ءوز نەسىبەسىن الاتىن ءارى تاتۋ - ءتاتتى تۇراتىن جاعداي جاراتۋ كەرەك. قوعامدىق باسقارۋدى كۇشەيتۋ جانە وندا جاڭالىق جاراتۋ كەرەك. جاۋ مەن ءبىزدىڭ ارامىزداعى قايشىلىق پەن حالىق ىشىندەگى قايشىلىق سىندى سيپاتى تۇرلىشە قايشىلىقتاردى قاتاڭ پارىقتاۋ جانە دۇرىس شەشۋ كەرەك. قوعام اماندىعىن جان - جاقتىلى جونگە سالۋدى كۇشەيتىپ، مەملەكەتتىڭ اماندىعى مەن مۇددەسىنە، قوعامنىڭ ورنىقتىلىعى مەن ەكونوميكانىڭ دامۋىنا زالال جەتكىزەتىن قىلمىستىق ارەكەتتەر مەن قىلمىستىلارعا زاڭ بويىنشا قاتاڭ سوققى بەرىپ، قوعامنىڭ باياندى ورنىقتىلىعىن ساقتاۋ كەرەك.

  جۇڭگو كوممۋنيستىك پارتياسى حالىققا باسشىلىق ەتىپ، سوتسياليستىك ەكولوگيالىق وركەنيەت قۇرادى. تابيعاتقا قۇرمەت ەتۋ، ۇيلەسۋ، تابيعاتتى قورعاۋ سىندى ەكولوگيالىق وركەنيەت كوزقاراسىن، ەلىمىزدىڭ بايلىق قاينارىن ۇنەمدەۋ جانە ورتانى قورعاۋ سىندى نەگىزگى ساياساتىنا، ۇنەمدەۋدى، قورعاۋدى الدىڭعى ورىنعا قويۋ، تابيعي قالپىنا كەلتىرۋدى نەگىز ەتۋ باعىتىنا، ءوندىرىستى دامىتىپ، تۇرمىستى مولشىلىققا كەنەلتىپ، ەكولوگيانى كوركەيتۋ سىندى وركەنيەتتى دامۋ جولىنا تاباندى بولادى. بايلىق ۇنەمدەلەتىن، جاراسىمدى ورتالى قوعام قۇرۋعا كۇش سالىپ، بايلىق ۇنەمدەۋ جانە ورتانى قورعاۋدىڭ مۇمكىندىك جۇيەسىن، شارۋاشىلىق قۇرىلىمىن، ءوندىرىس ءتاسىلىن، تۇرمىس ءتاسىلىن قالىپتاستىرىپ، حالىققا تاماشا تۇرمىستىق، وندىرىستىك ورتا جاراتىپ، جۇڭحۋا ۇلتىنىڭ ماڭگىلىك دامۋىن جۇزەگە اسىرادى. جۇڭگو كوممۋنيستىك پارتياسى حالىق ازاتتىق ارمياسى مەن باسقا دا حالىقتىق قارۋلى كۇشتەرگە بولعان باسشىلىعىن باتىل جالعاستىرىپ، حالىق ازاتتىق ارمياسى قۇرىلىسىن كۇشەيتىپ، حالىق ازاتتىق ارمياسىنىڭ ءوزىنىڭ جاڭا عاسىردىڭ جاڭا كەزەڭىندەگى تاريحي بورىشىن وتەۋىن شىنايى كەپىلدەندىرىپ، حالىق ازاتتىق ارمياسىنىڭ قورعانىستى نىعايتۋ، وتاندى قورعاۋ جانە سوتسياليستىك وسىزامانداندىرۋ قۇرىلىسىنا قاتىناسۋ بارىسىنداعى رولىن تولىق ساۋلەلەندىرەدى. جۇڭگو كوممۋنيستىك پارتياسى ۇلتتاردىڭ تەڭدىك، ىنتىماقتىلىق، قايىرىمدىلىق، جاراسىمدى سوتسياليستىك قارىم - قاتىناسىن قورعايدى جانە دامىتادى، از ۇلت كادرلارىن بەلسەنە جەتىلدىرەدى جانە تاڭداپ وسىرەدى، از ۇلتتار مەن ۇلتتىق رايونداردىڭ شارۋاشىلىعىن، مادەنيەتىن جانە الەۋمەتتىك ىستەرىن دامىتۋىنا كومەكتەسىپ، ۇلتتاردىڭ ىنتىماقتاسا وتىرىپ بىرلىكتە كۇرەس جاساپ، بىرلىكتە گۇلدەنىپ - دامۋىن جۇزەگە اسىرادى. پارتيانىڭ ءدىن قىزمەتى جونىندەگى نەگىزگى باعىتىن جان - جاقتىلى دايەكتىلەندىرىپ، دىنگە سەنەتىن بۇقارامەن ىنتىماقتاسىپ، ولاردى شارۋاشىلىق پەن قوعامنىڭ دامۋىنا ۇلەس قوسۋعا جەتەكتەيدى.

  جۇڭگو كوممۋنيستىك پارتياسى بۇكىل ەلدەگى ءار ۇلت جۇمىسشىلارمەن، ديقاندارمەن، زيالىلارمەن، دەموكراتيالىق پارتيا - توپتارمەن، پارتيا - توپتاردا جوق قايراتكەرلەرمەن، ءار ۇلت وتانشىل كۇشتەرمەن بەرەكە - بىرلىكتە بولا وتىرىپ، بارلىق سوتسياليزمشىل ەڭبەكشىلەردەن، سوتسياليزم ىستەرىن قۇرۋشىلاردان، سوتسياليزمدى، وتاننىڭ بىرلىگىن جاقتايتىن وتانشىلداردان قۇرالعان ەڭ كەڭ كولەمدى وتانشىلدىق بىرلىكساپتى ونان ارى دامىتادى جانە ۇلعايتادى. شياڭگاڭ ەرەكشە اكىمشىلىك رايونىنداعى باۋىرلاستاردى، اۋمىن ەرەكشە اكىمشىلىك رايونىنداعى باۋىرلاستاردى، تايۋاندىق باۋىرلاستاردى جانە شەتەلدەگى مۇھاجىر باۋىرلاستاردى قامتىعان بۇكىل ەل حالقىنىڭ ىنتىماعىن ۇزدىكسىز كۇشەيتەدى. ”ءبىر ەل، ەكى ءتۇزىم“ باعىتى بويىنشا، شياڭگاڭنىڭ، اۋمىننىڭ ۇزاق ۋاقىتتىق گۇلدەنىپ - كوركەيۋى مەن ورنىقتىلىعىن جەبەپ، وتاندى بىرلىككە كەلتىرۋ ۇلى ءىسىن ورىندايدى.

  جۇڭگو كوممۋنيستىك پارتياسى تاۋەلسىز، دەربەس، بەيبىت ديپلوماتيالىق ساياساتقا، بەيبىت، دامۋ جولىنا، ءوزارا تيىمدىلىك جەتكىزىپ، ورتاق يگىلىكتەنۋ سىندى سىرتقا ەسىك اشۋ ستراتەگياسىنا تاباندى بولىپ، ىشكى جانە حالىقارالىق جالپى جاعدايعا ءبىرتۇتاس ءمان بەرىپ، شەتەلدەرمەن بولعان بايلانىستى بەلسەنە دامىتىپ، ەلىمىزدىڭ رەفورماسى مەن ەسىك اشۋىنا جانە وسىزامانداندىرۋ قۇرىلىسىنا ءتيىمدى حالىقارالىق ورتا جاراتۋعا كۇش سالادى. حالىقارالىق ىستەردە ەلىمىزدىڭ تاۋەلسىزدىگى مەن يەلىك ۇقىعىن قورعايدى، زورەكەرلىككە جانە وكتەمدىك ساياسيعا قارسى تۇرىپ، دۇنيە ءجۇزى بەيبىتشىلىگىن قورعاپ، ادامزاتتىڭ العاباسارلىعىن ىلگەرىلەتىپ، باياندى بەيبىتشىلىك ورناعان، بىرلىكتە گۇلدەنگەن جاراسىمدى دۇنيەنى جارىققا شىعارۋدى كۇش سالا جەبەيدى. ءبىر - ءبىرىنىڭ يەلىك ۇقىعى مەن تەرريتوريا تۇتاستىعىنا قۇرمەت ەتۋ، ءبىر - بىرىنە سۇعاناقتىق جاساماۋ، ءبىر - ءبىرىنىڭ ىشكى ىسىنە كيلىكپەۋ، تەڭدىك، ءوزارا تيىمدىلىك جەتكىزۋ، بەيبىت قاتار تۇرۋ بەس پرينسيپى نەگىزىندە ەلىمىزدىڭ دۇنيە ءجۇزى ەلدەرىمەن بولعان قاتىناسىن دامىتادى. ەلىمىزدىڭ كورشى ەلدەرمەن بولعان تاتۋ كورشىلىك جانە دوستىق قاتىناسىن ۇزدىكسىز دامىتادى، دامۋ ۇستىندەگى ەلدەرمەن بولعان ىنتىماعىن جانە سەلبەستىگىن كۇشەيتەدى. تاۋەلسىز، دەربەس، بۇكىلدەي تەڭ بولۋ، ءوزارا قۇرمەت ەتۋ، ءبىر - ءبىرىنىڭ ىشكى ىسىنە كيلىكپەۋ پرينسيپى بويىنشا، پارتيامىزدىڭ ءار ەل كوممۋنيستىك پارتيالارىمەن جانە باسقا دا ساياسي پارتيالارمەن قارىم - قاتىناسىن دامىتادى.

جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.