- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو كوممۋنيستىك پارتياسىنىڭ ۋستاۆى(3)
2012.11.21 15:42
جۇڭگو كوممۋنيستىك پارتياسى بۇكىل ەلدەگى ءار ۇلت حالقىنا باسشىلىق ەتىپ سوتسياليستىك وسىزامانداندىرۋ سىندى ۇلى نىساناعا جەتۋ ءۇشىن، ءسوزسىز، پارتيانىڭ نەگىزگى لۋشيانىن بارىنشا وزەك ەتىپ، پارتيانىڭ بيلىك جۇرگىزۋ قابىلەتى قۇرىلىسىن، العاباسارلىق جانە پاكتىك قۇرىلىسىن كۇشەيتۋى، پارتيا قۇرىلىسىنىڭ تىڭ دا ۇلى ينجەنەرياسىن رەفورما، جاڭالىق جاراتۋ رۋحى ارقىلى جاپپاي ىلگەرىلەتۋى ءتيىس، پارتيانىڭ يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءىرىپ - شىرۋگە قارسى تۇرىپ، پاكتىكتى دارىپتەۋ قۇرىلىسىن، ءتۇزىم قۇرىلىسىن جالپى جۇزدىك ىلگەرىلەتىپ، پارتيا قۇرىلىسنىڭ عىلميلانۋ ورەسىن جاپپاي جوعارىلاتۋى كەرەك. پارتيانى جالپى ءۇشىن قۇرۋعا، بيلىكتى حالىق ءۇشىن جۇرگىزۋگە، پارتيانى پارتيا باسقارۋعا، پارتيانى قاتاڭ باسقارۋعا تاباندى بولىپ، پارتيانىڭ تاڭداۋلى ءداستۇرى مەن ستيلىن ساۋلەلەندىرۋ، پارتيانىڭ باسشىلىق ەتۋ ورەسى مەن بيلىك جۇرگىزۋ ورەسىن ۇزدىكسىز جوعارىلاتۋ، ءىرىپ - شىرۋگە قارسى تۇرىپ، ساپاسىنىڭ وزگەرۋىنەن ساقتانۋ جانە حاۋىپ - قاتەرگە توتەپ بەرۋ قۋاتىن ارتتىرۋ، پارتيانىڭ تاپتىق نەگىزىن ۇزدىكسىز نىعايتۋ جانە پارتيانىڭ بۇقارالىق نەگىزىن كەڭەيتۋ، پارتيانىڭ جاسامپازدىق، ۇيىسقىشتىق، جاۋىنگەرلىك قۋاتىن ۇزدىكسىز ارتتىرۋ، پارتيانى ۇيرەنىمپاز، قىزمەت وتەيتىن، جاڭاشىل بيلىك باسىنداعى ماركستىك پارتيا ەتىپ قۇرىپ، پارتيانى باستان - اياق ءداۋىردىڭ الدىڭعى لەگىندە ءجۇرىپ، بۇكىل ەل حالقىنا باسشىلىق ەتىپ، جۇڭگوشا سوتسياليزم جولىمەن ۇزدىكسىز العا باساتىن بەرىك ۇيتقىعا اينالدىرۋ كەرەك. پارتيا قۇرىلىسىندا، ءسوزسىز، تومەندەگى ءتورت نەگىزگى تالاپتى باتىل جۇزەگە اسىرۋ ءتيىس:
ءبىرىنشى، پارتيانىڭ نەگىزگى لۋشيانىنا تاباندى بولۋ. بۇكىل پارتيا دىڭ شياۋپيڭ نازارياسى مەن ”ۇشكە ۋاكىلدىك ەتۋ“ ماڭىزدى يدەياسى، عىلمي دامۋ كوزقاراسى جانە پارتيانىڭ نەگىزگى لۋشيانى ارقىلى يدەيانى، قيمىلدى بىرلىككە كەلتىرۋ، سونداي - اق تيتتەي دە اۋىتقىماي، وعان ۇزاق ۋاقىت تاباندى بولۋ كەرەك. ءسوزسىز، رەفورما مەن ەسىك اشۋدى ءتورت نەگىزگى پرينسيپپەن بىرلىككە كەلتىرىپ، پارتيانىڭ نەگىزگى لۋشيانىن جاپپاي تياناقتاندىرىپ، پارتيانىڭ سوتسياليزمنىڭ العاشقى كەزەڭىندەگى نەگىزگى پروگرامماسىن جالپى جۇزدىك اتقارىپ، ”سولشىلدىق“ جانە وڭشىلدىق قاتە نىساي اتاۋلىنىڭ بارىنە قارسى تۇرۋ، وڭشىلدىقتان قىراعى بولۋ، ءبىراق، باستىسى ”سولشىلدىقتان“ ساقتانۋ كەرەك. ءار دارەجەلى باسشىلىق القالارى قۇرىلىسىن كۇشەيتىپ، رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسى بارىسىنداعى ەڭبەگى كورنەكتى، بۇقاراعا سەنىمدى كادرلاردى تاڭداپ ءوسىرىپ جانە ىستەتىپ، سوتسياليزم ىستەرىنىڭ مىڭداعان، ميلليونداعان ءىزباسارلارىن جەتىلدىرىپ جانە تاربيەلەپ، پارتيانىڭ نەگىزگى نازارياسىنىڭ، نەگىزگى لۋشيانىنىڭ، نەگىزگى باعدارلاماسىنىڭ، نەگىزگى تاجىريبەسىنىڭ دايەكتى تياناقتاندىرىلۋىن ۇيىمدىق جاقتان كەپىلدەندىرۋ ەتۋ كەرەك.
ەكىنشى، يدەيانى ازات ەتۋگە تاباندى بولىپ، شىندىقتى ءىس جۇزىنەن ىزدەۋ، داۋىرمەن بىرگە ىلگەرىلەۋ، شىنشىل بولۋعا، ناقتى ءىس ىستەۋگە تاباندى بولۋ. پارتيانىڭ يدەيالىق لۋشيانى ــــ بارلىق ىستە ءىس جۇزىندىكتى شىعار ءتۇيىن ەتىپ، نازاريانى امالياتپەن ۇشتاستىرۋ، شىندىقتى ءىس جۇزىنەن ىزدەۋ، اقيقاتتى اماليات بارىسىندا سىننان وتكىزۋ جانە دامىتۋ، بۇكىل پارتيا وسى يدەيالىق لۋشيانعا تاباندى بولىپ، بەلسەندىلىكپەن ىزدەنىپ، باتىلدىقپەن سىناق ەتىپ، ءورىس اشىپ، جاڭالىق جاراتىپ، قىزمەتتى جاسامپازدىقپەن ورىستەتۋ، جاڭا جاعدايلاردى ۇزدىكسىز زەرتتەپ، تىڭ تاجىريبەلەردى قورتىندىلاپ، تىڭ ماسەلەلەردى شەشىپ، ماركسيزمدى اماليات بارىسىندا بايىتۋ جانە دامىتۋ، ماركسيزمنىڭ جۇڭگوشالانۋىن جەبەۋ كەرەك.
ءۇشىنشى، بۇكىل ىنتا - پەيىلمەن حالىق ءۇشىن ىستەۋگە تاباندى بولۋ. پارتيانىڭ جۇمىسشى تابى مەن ەڭ كوپ ساندى حالىق بۇقاراسىنىڭ مۇددەسىنەن وزگە وزىندىك ەرەكشە مۇددەسى بولمايدى. پارتيا ءارقانداي كەزدە بۇقارانىڭ مۇددەسىن ءبىرىنشى ورىنعا قويادى، بۇقارامەن راحاتتا دا، ميحىناتتا دا بىرگە بولادى، بۇقارامەن ەڭ ەتەنە بايلانىستا بولادى، ۇقىقتى حالىق ءۇشىن جۇرگىزۋگە، حالىقتى كوكەيدە ساقتاۋعا، حالىققا پايدا جەتكىزۋگە تاباندى بولادى، پارتيا مۇشەلەرىنىڭ قاي - قايسىسىنىڭ دا بۇقارادان قول ۇزۋىنە، بۇقارادان جوعارى تۇرۋىنا جول بەرىلمەيدى. پارتيا ءوز قىزمەتىندە بۇقارالىق لۋشيانمەن ءجۇرىپ، بارلىق ىستە بۇقارانى كوزدە ۇستاپ، بۇقاراعا سۇيەنىپ، بۇقارادان الىپ، بۇقاراعا قايتارىپ، پارتيانىڭ دۇرىس قۋاتتاماسىن بۇقارانىڭ سانالى قيمىلىنا اينالدىرادى. پارتيامىزدىڭ ەڭ زور ساياسي باسىمدىلىعى ـــــ بۇقارامەن قويۋ بايلانىس جاساۋ، پارتيا بيلىك جۇرگىزگەننەن كەيىنگى ەڭ زور حاۋىپ ــــ بۇقارادان قول ءۇزۋ. پارتيا ستيلى ماسەلەسى، پارتيانىڭ حالىق بۇقاراسىمەن بايلانىس جاساۋ ماسەلەسى ــــ پارتيامىزدىڭ ءومىر ءسۇرۋى مەن جويىلۋىنا ساياتىن ماسەلە. پارتيا ۋاقىتشا وڭاۋ مەن تۇبىرىنەن وڭاۋدى، جان - جاقتىلى جونگە سالۋدى، جازالاۋ مەن الدىن الۋدى قاتار جۇرگىزۋ، الدىن الۋعا باسا ءمان بەرۋ باعىتىنا تاباندى بولىپ، ءىرىپ - ءشىرۋدى جازالاۋ، ءىرىپ - ءشىرۋدىڭ الدىن الۋ جۇيەسىن ورناتىپ جانە كەمەلدەندىرىپ، ءىرىپ - شىرۋگە قاجىماي - تالماي قارسى تۇرىپ، پارتيا ستيلى قۇرىلىسى مەن پاكتىك قۇرىلىسىن كۇشەيتەدى.
ءتورتىنشى، دەموكراتيالىق ورتالىقتاندىرۋ تۇزىمىنە تاباندى بولۋ. دەموكراتيالىق ورتالىقتاندىرۋ دەگەنىمىز دەموكراتيا نەگىزىندەگى ورتالىقتاندىرۋ مەن ورتالىقتاندىرۋ جەتەكشىلىگىندەگى دەموكراتيانىڭ ءوزارا ۇشتاسۋى. ول ءارى پارتيانىڭ ءتۇبىرلى ۇيىمدىق پرينسيپى ءارى بۇقارالىق لۋشياننىڭ پارتيا تۇرمىسىندا قولدانىلۋى. پارتيا ىشىندە دەموكراتيانى تولىق ساۋلەلەندىرۋ، پارتيا مۇشەلەرىنىڭ نەگىزگى تۇلعالىق ورنىنا قۇرمەت ەتۋ، پارتيا مۇشەلەرىنىڭ دەموكراتيالىق ۇقىعىن قامتاماسىزداندىرۋ، ءار دارەجەلى پارتيا ۇيىمدارىنىڭ جانە قالىڭ پارتيا مۇشەلەرىنىڭ بەلسەندىلىگىن، جاسامپازدىعىن ساۋلەلەندىرۋ كەرەك. ورتالىقتاندىرۋدى دۇرىس جۇرگىزىپ، بۇكىل پارتيانىڭ بەرەكە - بىرلىگى مەن قيمىل بىرلىگىنە، پارتيا قاۋلىلارىنىڭ تەز، ۇتىمدى تۇردە دايەكتى اتقارىلۋىنا كەپىلدىك ەتۋ ءتيىس. ۇيىمشىلدىق پەن تارتىپشەڭدىگتى كۇشەيتۋ قاجەت، پارتيا ءتارتىبى الدىندا بارلىق مۇشەلەردىڭ تەرەزەسى تەڭ. پارتيانىڭ باسشىلىق ورگانى مەن پارتيالى باسشى كادرلارى، وتە - موتە، نەگىزگى باسشى كادرلارى جونىنەن باقىلاۋدى كۇشەيتىپ، پارتيانىڭ ىشكى باقىلاۋ ءتۇزىمىن ۇزدىكسىز كەمەلدەندىرۋ كەرەك. پارتيا ءوزىنىڭ ساياسي ومىرىندە سىن جانە ءوز - وزىنە سىندى دۇرىس ورىستەتىپ، پرينسيپتىك ماسەلەدە يدەيالىق كۇرەس جۇرگىزىپ، اقيقاتتا بەرىك تۇرىپ، قاتەلىكتەردى تۇزەتىپ وتىرادى. ورتالىقتاندىرۋى دا بار، دەموكراتياسى دا بار، ءتارتىبى دە بار، بوستاندىعى دا بار، ەرىك بىرلىگى دە بار، جەكە ادامداردىڭ كوڭىل قوشتىعى دا بار جاندى دا جالىندى ساياسي جاعدايدى قۇلشىنا جارىققا شىعارادى.
پارتيا باسشىلىعى دەگەنىمىز، باستىسى، ساياسي، يدەيالىق جانە ۇيىمدىق باسشىلىق. پارتيا رەفورمالاۋ مەن ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ تالابىنا ۇيلەسە وتىرىپ، بيلىكتى عىلمي، دەموكراتيالى، زاڭ بويىنشا جۇرگىزۋگە تاباندى بولىپ، پارتيانىڭ باسشىلىعىن كۇشەيتۋ جانە جاقسارتۋ كەرەك. پارتيا جالپى جاعدايدى مەڭگەرۋ، ءارقايسى جاقتاردى سايكەستىرۋ پرينسيپى بويىنشا، ءار دارەجەلى، ءتۇرلى ۇيىمداردا باسشىلىق ۇيتقىلىق رولىن ساۋلەلەندىرۋى ءتيىس. پارتيا شارۋاشىلىق قۇرىلىسىنا زەيىنىن شوعىرلاندىرا وتىرىپ باسشىلىق ەتىپ، ءارقايسى جاقتارداعى كۇشتەردى ۇيىمداستىرىپ جانە سايكەستىرىپ، ءبىر جاعادان باس، ءبىر جەڭنەن قول شىعارىپ، قىزمەتتى شارۋاشىلىق قۇرىلىسىن وزەك ەتە وتىرىپ، ورىستەتىپ، شارۋاشىلىق پەن قوعامنىڭ جاپپاي دامۋىن جەبەۋ قاجەت. پارتيا دەموكراتيالىق، عىلمي جولمەن شەشىم جاساۋدى جولعا قويىپ، دۇرىس لۋشيان، باعىت، ساياسات بەلگىلەپ جانە اتقارىپ، پارتيانىڭ ۇيىمدىق قىزمەتى مەن ۇگىت - تاربيە قىزمەتىن ويداعداي ىستەپ، جالپى پارتيا مۇشەلەرىنىڭ ۇزدىك، ونەگەلىك رولىن ساۋلەلەندىرۋ قاجەت. پارتيا نەگىزگى زاڭ مەن زاڭدار كولەمىندە ءىس جۇرگىزۋگە ءتيىس. پارتيا مەملەكەتتىڭ زاڭ شىعارۋ، ءادىليا، اكىمشىلىك ورگاندارىنىڭ، شارۋاشىلىق، مادەنيەت ۇيىمدارىنىڭ جانە حالىقتىق ۇيىمداردىڭ جۇمىستى بەلسەندى، ىرىقتى تۇردە، دەربەس جاۋاپتى بولىپ، سايكەسىپ ىستەۋلەرىن قامتاماسىز ەتۋ قاجەت. پارتيا جۇمىسشى ۇيىمى، كوممۋنيستىك جاستار وداعى، ايەلدەر بىرلەستىگى سياقتى بۇقارالىق ۇيىمدارعا بولعان باسشىلىعىن كۇشەيتىپ، ولاردىڭ رولىن تولىق ساۋلەلەندىرۋ قاجەت. پارتيا، ءسوزسىز، جاعدايدىڭ دامۋىنا جانە احۋالدىڭ وزگەرۋىنە ۇيلەسىپ، باسشىلىق ءتۇزىلىسىن كەمەلدەندىرۋ، باسشىلىق فورماسىن جاقسارتۋ، بيلىك جۇرگىزۋ قابىلەتىن كۇشەيتۋ ءتيىس. كوممۋنيستەر پارتيا سىرتىنداعى بۇقارامەن تىعىز سەلبەستىك ورناتىپ، جۇڭگوشا سوتسياليزم قۇرۋ جولىندا بىرلىكتە كۇرەسۋلەرى كەرەك.
ءبىرىنشى تاراۋ
پارتيا مۇشەسى
1 - تارماق
جۇڭگوداعى جاسى 18 گە تولعان جۇمىسشىلار، شارۋالار، اسكەريلەر، زيالىلار جانە باسقا دا قوعامدىق جىكتەگى وزىق ەلەمەنتتەر پارتيانىڭ پروگرامماسىن جانە ۋستاۆىن مويىنداسا، پارتيا ۇيىمدارىنىڭ بىرىنە قاتىناسۋدى جانە وندا بەلسەنە جۇمىس ىستەۋدى، پارتيا قارارلارىن اتقارۋدى جانە پارتيا جارناسىن ۋاعىندا تاپسىرۋدى قالاسا، جۇڭگو كوممۋنيستىك پارتياسىنا كىرۋدى ءوتىنىش ەتۋىنە بولادى.
2 - تارماق
جۇڭگو كوممۋنيستىك پارتياسىنىڭ مۇشەسى ــــ جۇڭگو جۇمىسشى تابىنىڭ كوممۋنيستىك ساناعا يە ۇزدىك جاۋىنگەرى.
جۇڭگو كوممۋنيستىك پارتياسىنىڭ مۇشەسى بۇكىل ىنتا - پەيىلىمەن حالىق ءۇشىن قىزمەت ەتۋى، وزىندەگىنىڭ بارلىعىن قۇربان ەتۋدەن تايىنباي، كوممۋنيزمدى جۇزەگە اسىرۋ جولىندا اقتىق دەمىنە دەيىن كۇرەسۋى كەرەك.
جۇڭگو كوممۋنيستىك پارتياسىنىڭ مۇشەسى ــــ قاشان دا ەڭبەكشى حالىقتىڭ قاراپايىم ءبىر مۇشەسى. زاڭدا جانە ساياساتتا بەلگىلەنگەن كولەمدەگى جەكە مۇددەسى مەن قىزمەت ۇقىعىنان تىس، بارلىق كوممۋنيستىڭ ءار قانداي جەكە مۇددە مەن ەرەكشە ۇقىقتى كوزدەۋىنە بولمايدى.
3 - تارماق
پارتيا مۇشەسى مىناداي بورىشتارىن ءسوزسىز وتەۋى كەرەك:
1) ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن جانە عىلمي دامۋ كوزقاراسىن مۇقيات ۇيرەنىپ، پارتيانىڭ لۋشيانىن، باعىت، ساياساتتارىن جانە قارارلارىن، پارتيا جونىندەگى نەگىزگى بىلىمدەردى، عىلىم، مادەنيەت، زاڭ جونىندەگى جانە كاسىپتىك بىلىمدەردى ۇيرەنىپ، حالىق ءۇشىن قىزمەت ەتۋ قابىلەتىن قۇلشىنا جوعارىلاتۋ.
2) پارتيانىڭ نەگىزگى لۋشيانى مەن ءتۇرلى باعىت، ساياساتتارىن دايەكتى اتقارۋ، رەفورماعا، ەسىك اشۋعا جانە سوتسياليستىك وسىزامانداندىرۋ قۇرىلىسىنا باستاماشىلدىقپەن قاتىناسۋ، بۇقارانى شارۋاشىلىقتى وركەندەتىپ، قوعامدى العاباستىرۋ جولىنداعى جاپا - ماشاقاتتى كۇرەسكە جۇمىلدىرۋ، وندىرىستە، قىزمەتتە، ۇيرەنۋدە جانە قوعامدىق ومىردە ۇزدىك، ونەگەلىك رول اتقارۋ.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
