- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو كوممۋنيستىك پارتياسىنىڭ ۋستاۆى(4)
2012.11.21 15:42
3) پارتيا مەن حالىقتىڭ مۇددەسىن بارىنەن جوعارى قويۋ، جەكە مۇددەنى پارتيا مەن حالىقتىڭ مۇددەسىنە بويسۇندىرۋ، جاپادا الدا، راحاتتا ارتتا بولىپ، كوپتىڭ قامىن ويلاپ، كوپ ۇلەس قوسۋ.
4) پارتيا تارتىبىنە سانالى بويسۇنۋ، مەملەكەتتىڭ زاڭدارىنا، زاڭدىق ەرەجەلەرىنە ونەگەلىكپەن بويسۇنۋ، پارتيا مەن مەملەكەتتىڭ قۇپيالىعىن قاتاڭ ساقتاۋ، پارتيانىڭ قاۋلىلارىن اتقارۋ، ۇيىمدىق بولىسكە باعىنۋ، پارتيانىڭ مىندەتتەرىن بەلسەنە ورىنداۋ.
5) پارتيانىڭ ىنتىماعى مەن بىرلىگىن قورعاۋ، پارتياعا قالتىقسىز ادال بولۋ، ءسوزى مەن ءىسى بىردەي بولۋ، توپشىلدىق ۇيىم جانە شاعىن توپتىق ارەكەت اتاۋلىنىڭ بارلىعىنا باتىل قارسى تۇرۋ، كورىنىستە قولداپ، كومەسكىدە قارسى تۇراتىن ەكى جۇزدىلىككە جانە قاسكۇنەمدىك ايلا - شارعى اتاۋلىنىڭ بارلىعىنا قارسى تۇرۋ.
6) سىن جانە ءوز - وزىنە سىندى شىنايى ورىستەتۋ، قىزمەتتەگى كەمشىلىك پەن قاتەلىكتى اشۋعا جانە تۇزەتۋگە، كەرەناۋلىق، ءىرىپ - ءشىرۋ قۇبىلىستارىمەن كۇرەسۋگە باتىل بولۋ.
7) بۇقارامەن قويۋ بايلانىستا بولۋ، بۇقاراعا پارتيا قۋاتتاماسىن ۇگىتتەۋ، ءبىر ىسكە تاپ بولعاندا بۇقارامەن اقىلداسۋ، بۇقارانىڭ پىكىرى مەن تالابىن دەركەزىندە پارتياعا اڭىس ەتۋ، بۇقارانىڭ ورىندى مۇددەسىن قورعاۋ.
8) سوتسياليستىك جاڭا سالتتى ساۋلەلەندىرۋ، سوتسياليستىك داڭق - نامىس كوزقاراسىن باستاماشىلدىقپەن امالياتتان وتكىزىپ، كوممۋنيستىك ءمورالدى دارىپتەۋ، مەملەكەتتىڭ جانە حالىقتىڭ مۇددەسىن قورعاۋ ءۇشىن ءارقانداي قيىن - قىستاۋ، حاۋىپتى مينۋتتاردا كوكىرەك كەرىپ العا شىعۋ، ەرلىكپەن كۇرەسۋ، قۇربان بولۋدان قورىقپاۋ.
4 - تارماق
پارتيا مۇشەسىندە مىناداي ۇقىقتار بولادى:
1) پارتيانىڭ قاتىستى ماجىلىستەرىنە قاتىناسۋ، پارتيانىڭ قاتىستى حۇجاتتارىن وقۋ، پارتيانىڭ تاربيەسى مەن باۋلۋىن قابىلداۋ.
2) پارتيا ماجىلىستەرىندە جانە پارتيانىڭ گازەت - جۋرنالدارىندا پارتيا ساياساتى جونىندەگى تالقىلارعا قاتىناسۋ.
3) پارتيا جۇمىستارى جونىندە ۇسىنىس بەرۋ جانە دارىپتەمە ايتۋ.
4) پارتيا ماجىلىستەرىندە دالەلدى تۇردە پارتيانىڭ ءارقانداي ۇيىمىن جانە ءارقانداي مۇشەسىن سىنداۋ، پارتياعا جاۋاپتى بولا وتىرىپ، پارتيانىڭ ءارقانداي ۇيىمىنىڭ جانە مۇشەسىنىڭ زاڭعا قايشىلىق ىستەپ، ءتارتىپتى بۇزعان ىستەرىن اشكەرەلەۋ، مالىمدەۋ، زاڭعا قايشىلىق ىستەپ، ءتارتىپتى بۇزعان پارتيا مۇشەلەرىنە شارا قولدانۋدى، قىزمەت ۇددەسىنەن شىعا الماعان كادرلاردى قىزمەتىنەن الۋدى نەمەسە اۋىستىرۋدى تالاپ ەتۋ.
5) داۋىس بەرۋ، سايلاۋ ۇقىعىن جۇرگىزەدى جانە سايلانۋ ۇقىعى بولادى.
6) پارتيا ۇيىمى پارتيا مۇشەسىنە پارتيانىڭ ءتارتىپ شاراسىن قولدانۋ نەمەسە پارتيا مۇشەسىن باعالاۋ جونىندە تالقىلاپ قارار شىعاراتىن كەزدە، سول پارتيا مۇشەسى تالقىعا قاتىناسۋعا جانە ءوزىن اقتاۋعا ۇقىقتى، باسقا پارتيا مۇشەسىنىڭ وعان كۋا بولۋىنا جانە ونى اقتاۋىنا بولادى.
7) پارتيا قارارلارى مەن ساياساتتارىنا باسقاشا پىكىرى بولسا، ونى باتىل اتقارۋ العى شارتىمەن، ءوز پىكىرىندە قالاتىندىعىن بىلدىرۋىنە، سونداي - اق ءوز پىكىرىن پارتيانىڭ جوعارى دارەجەلى ۇيىمىنا، ورتالىق كوميتەتكە دەيىن ايتۋىنا بولادى.
8) پارتيانىڭ جوعارى دارەجەلى ۇيىمىنان ورتالىق كوميتەتىنە دەيىن تالاپ قويۋ، ارىز بەرۋ جانە شاعىم ايتۋ، سونداي - اق قاتىستى ۇيىمنان جاۋاپكەرشىلىكپەن جاۋاپ بەرۋدى تالاپ ەتۋ.
پارتيانىڭ قاي دارەجەلى ۇيىمىنان ورتالىق كوميتەتىنە دەيىن پارتيا مۇشەلەرىن جوعارىدا ايتىلعان ۇقىقتارىنان ماحرۇم ەتۋگە ۇقىعى جوق.
5 - تارماق
پارتياعا مۇشەنى پارتيا جىبۋى ارقىلى، جەكە - جەكە قابىلداۋ پرينسيپىنە تاباندى بولۋ كەرەك.
پارتياعا كىرۋگە ءوتىنىش بەرگەن ادام پارتياعا كىرۋ ەرىكتىلىك كەستەسىن تولتىرۋ، ونى پارتيانىڭ ەكى رەسمي مۇشەسى تانىستىرۋ، جىبۋ جينالىسىنان جانە جوعارى دارەجەلى پارتيا ۇيىمىنىڭ بەكىتۋىنەن، سونداي - اق كانديداتتىق مەرزىمدەگى سىننان وتكىزۋ كەرەك. ول سوندا عانا پارتيانىڭ رەسمي مۇشەسى بولادى.
تانىستىرۋشىلار ءوتىنىش بەرگەن ادامنىڭ يدەياسىن، قۇلقىن، كەشىرمەسىن جانە قىزمەتتەگى بەينەسىن شىن مانىندە ءبىلۋ، وعان پارتيا پروگرامماسى مەن پارتيا ۋستاۆىن ءتۇسىندىرۋ، پارتيا مۇشەسىنىڭ شارتىن، بورىشىن جانە ۇقىعىن ۇعىندىرۋ، سونداي - اق بۇل احۋالداردى پارتيا ۇيىمىنا جاۋاپتىلىقپەن مالىمدەۋ كەرەك.
پارتيانىڭ جىبۋ القاسى پارتياعا كىرۋگە ءوتىنىش بەرگەن ادام جونىندە پارتيانىڭ ءىشى - سىرتىنداعى قاتىستى بۇقارادان پىكىر الۋعا نازار اۋدارىپ، قاتاڭ تەكسەرىپ، تولىمدى دەپ قاراعان سوڭ بارىپ جىبۋ جينالىسىنىڭ تالقىسىنا ۇسىنۋ كەرەك.
جوعارى دارەجەلى پارتيا ۇيىمى ءوتىنىش بەرگەن ادامنىڭ پارتياعا كىرۋىن بەكىتۋدەن بۇرىن ادام جىبەرىپ ونىمەن اڭگىمە وتكىزىپ، ونىڭ احۋالىن ىلگەرىلەي ۇعىسۋ، سونداي - اق ونىڭ پارتيا جونىندەگى تانىمىن وسىرۋىنە كومەكتەسۋ كەرەك.
ەرەكشە جاعدايدا پارتيانىڭ ورتالىق، ولكەلىك، اۆتونوميالى رايوندىق، توتە قاراستى قالالىق كوميتەتتەرىنىڭ پارتياعا تىكەلەي مۇشە قابىلداۋىنا بولادى.
6 - تارماق
پارتيانىڭ كانديدات مۇشەسى پارتيا تۋى الدىندا پارتياعا كىرۋ سەرتىن بەرۋ كەرەك، سەرت مىناداي: مەن ءوز ەركىممەن جۇڭگو كوممۋنيستىك پارتياسىنا كىرەمىن، پارتيانىڭ پروگرامماسىن جاقتايمىن، پارتيانىڭ ۋستاۆىنا بويسۇنامىن، پارتيا مۇشەسىنىڭ بورىشىن وتەيمىن، پارتيانىڭ قاۋلىلارىن اتقارامىن، پارتيانىڭ تارتىبىنە قاتاڭ بويسۇنامىن، پارتيانىڭ قۇپيالىعىن ساقتايمىن، پارتياعا ادال بولامىن، جۇمىستى بەلسەندىلىكپەن ىستەيمىن، كوممۋنيزم ءۇشىن اقتىق دەمىمە دەيىن كۇرەسەمىن، پارتيا مەن حالىققا بارىمدى قۇربان ەتۋگە قاي - قاشان دا دايىنمىن، پارتياعا ەشقاشان دا وپاسىزدىق ىستەمەيمىن.
7 - تارماق
پارتيانىڭ كانديدات مۇشەسىنىڭ كانديداتتىق مەرزىمى ءبىر جىل بولادى. پارتيا ۇيىمى پارتيانىڭ كاندايدات مۇشەسىن مۇقيات تاربيەلەۋ جانە سىناۋ كەرەك.
پارتيانىڭ كانديدات مۇشەسىنىڭ بورىشى پارتيانىڭ رەسمي مۇشەسىنىكىمەن بىردەي بولادى. داۋىس بەرۋ، سايلاۋ جانە سايلانۋ ۇقىعى بولمايتىندىعىن ەسەپكە الماعاندا، پارتيانىڭ كانديدات مۇشەسىنىڭ ۇقىعى دا پارتيانىڭ رەسمي مۇشەسىنىكىمەن بىردەي بولادى.
پارتيانىڭ كانديدات مۇشەسىنىڭ كانديداتتىق مەرزىمى تولعاندا، پارتيا جىبۋى ونىڭ رەسمي مۇشە بولا الاتىن - المايتىندىعىن دەركەزىندە تالقىلاۋ كەرەك. پارتيا مۇشەسىنىڭ بورىشىن مۇقيات وتەپ، پارتيا مۇشەسى بولۋ شارتىن تولتىرعاندارىن ءوز ۋاقتىندا پارتيانىڭ رەسمي مۇشەسىنە اينالدىرۋ ءتيىس؛ ۇزدىكسىز سىناۋعا جانە تاربيەلەۋگە تيىستىلەرىنىڭ كانديداتتىق مەرزىمىن ۇزارتۋعا بولادى، ءبىراق ءبىر جىلدان اسىرماۋ كەرەك؛ پارتيا مۇشەسىنىڭ بورىشىن وتەمەگەن، پارتيا مۇشەسى بولۋ شارتىن تولتىرماعاندارىن پارتيانىڭ كانديدات مۇشەلىگىنەن قالدىرۋ كەرەك. پارتيانىڭ كانديدات مۇشەسىن پارتيانىڭ رەسمي مۇشەسىنە اينالدىرۋدى، نە ونىڭ كانديداتتىق مەرزىمىن ۇزارتۋدى، نە ونى پارتيانىڭ كانديدات مۇشەلىگىنەن قالدىرۋدى جىبۋ جينالىسىنىڭ تالقىلاپ ماقۇلداۋىنان جانە جوعارى دارەجەلى پارتيا ۇيىمىنىڭ بەكىتۋىنەن وتكىزۋ قاجەت.
پارتيانىڭ كانديدات مۇشەسىنىڭ كانديداتتىق مەرزىمى جىبۋ جينالىسى ونىڭ پارتيانىڭ كانديدات مۇشەسى بولۋىن ماقۇلداعان كۇننەن باستاپ ەسەپتەلەدى. پارتيا مۇشەسىنىڭ پارتيالىق ستاجى كانديداتتىق مەرزىمى تولىپ، پارتيانىڭ رەسمي مۇشەسى بولعان كۇننەن باستاپ ەسەپتەلەدى.
8 - تارماق
پارتيانىڭ ءاربىر مۇشەسى، قىزمەتىنىڭ جوعارى تومەن بولۋىنا قاراماي، ءسوزسىز، پارتيانىڭ ءبىر جىبۋىندا، ءبىر گرۋپپاسىندا نەمەسە باسقا دا ارناۋلى ۇيىمىندا بولىپ، پارتيانىڭ ۇيىمدىق تۇرمسىنا قاتىناسۋ، پارتيانىڭ ءىشى - سىرتىنداعى بۇقارانىڭ باقىلاۋىن قابىلداۋ كەرەك. پارتيا مۇشەسى بولعان باسشى كادرلار پارتيا كوميتەتىنىڭ، پارتگرۋپپانىڭ دەموكراتيالىق تۇرمىس ماجىلىسىنە دە ءسوزسىز قاتىناسۋى تيىس. پارتيانىڭ ۇيىمدىق تۇرمىسىنا قاتىناسپايتىن، پارتيانىڭ ءىشى - سىرتىنداعى بۇقارانىڭ باقىلاۋىن قابىلدامايتىن ءارقانداي ەرەكشە پارتيا مۇشەسىنىڭ بولۋىنا جول بەرىلمەيدى.
9 - تارماق
پارتيا مۇشەسىندە پارتيادان شىعۋ ەركىندىگى بولادى. پارتيا مۇشەسى پارتيادان شىعۋدى تالاپ ەتكەندە، جىبۋ جينالىسىنىڭ تالقىسىنان وتكىزگەن سوڭ، ونى تىزىمنەن شىعارۋ جانە پارتيانىڭ جوعارى دارەجەلى ۇيىمىنا ەستەلىككە الدىرۋ ءتيىس.
پارتيا مۇشەسىندە توڭكەرىستىك جىگەر بولماسا، پارتيا مۇشەسىنىڭ بورىشىن وتەمەسە، پارتيا مۇشەسىندىك شارتقا لايىقسىز بولسا، پارتيا جىبۋى وعان تاربيە بەرىپ، كەسىكتى ۋاقىت ىشىندە وزگەرتۋىن تالاپ ەتۋ؛ تاربيە بەرىلسە دە بۇرىلىس جاساماسا، ونى ءناسيحاتتاپ پارتيادان شىعارۋ كەرەك. پارتيا مۇشەسىن ءناسيحاتتاپ پارتيادان شىعارۋدى پارتيا جىبۋى جينالىسىنىڭ تالقىلاپ شەشىم جاساۋىنان وتكىزۋ جانە پارتيانىڭ جوعارى دارەجەلى ۇيىمىنا بەكىتتىرۋ كەرەك. ەگەر ناسيحاتپەن پارتيادان شىعارىلاتىن پارتيا مۇشەسى شىقپايمىن دەپ تۇرىپ السا، پارتيا جىبۋى جينالىسىنىڭ تالقىسىنا ۇسىنىپ، ونى تىزىمنەن شىعارۋدى ۇيعارۋ جانە پارتيانىڭ جوعارى دارەجەلى ۇيىمىنا بەكىتتىرۋ كەرەك.
پارتيا مۇشەسى ەگەر ورىندى سەبەبى بولماي، ۇدايى 6 اي پارتيانىڭ ۇيىمدىق تۇرمىسىنا قاتىناسپاسا، نە پارتيا جارناسىن تاپسىرماسا، نە پارتيا بەرگەن جۇمىستى ىستەمەسە، پارتيادان وزدىگىنەن قول ۇزگەن بولىپ ەسەپتەلەدى. جىبۋ جينالىسى مۇنداي پارتيا مۇشەسىن تىزىمنەن شىعارۋدى قاۋلى ەتۋ جانە پارتيانىڭ جوعارى دارەجەلى ۇيىمىنا بەكىتتىرۋ كەرەك.
ەكىنشى تاراۋ
پارتيانىڭ ۇيىمدىق ءتۇزىمى
10 - تارماق
پارتيا ــــ ءوزىنىڭ باعدارلاماسى مەن ۋستاۆىن نەگىزگە الا وتىرىپ، دەموكراتيالىق ورتالىقتاندىرۋ ءتۇزىمى بويىنشا ۇيىمداسقان تۇتاس تۇلعا. پارتيانىڭ دەموكراتيالىق ورتالىقتاندىرۋ ءتۇزىمىنىڭ نەگىزگى پرينسيپتەرى مىناداي:
1) پارتيا مۇشەسى پارتيا ۇيىمىنا، ازشىلىق كوپشىلىككە، تومەن دارەجەلى ۇيىمدار جوعارى دارەجەلى ۇيىمدارعا، بۇكىل پارتياداعى ۇيىمدار جانە بارلىق پارتيا مۇشەلەرى پارتيانىڭ مەملەكەتتىك قۇرىلتايى مەن ورتالىق كوميتەتىنە بويسۇنادى.
2) پارتيانىڭ ءار دارەجەلى باسشى ورگاندارى، وزدەرى قويعان ۋاكىلدىك ورگاندارى مەن بەيپارتيالىق ۇيىمدارداعى پارتگرۋپپالاردى ەسەپكە الماعاندا، سايلاۋ ارقىلى جارىققا شىعادى.
3) پارتيانىڭ ەڭ جوعارى باسشى ورگانى ــــ پارتيانىڭ مەملەكەتتىك قۇرىلتايى جانە ول سايلاعان ورتالىق كوميتەت. پارتيانىڭ جەرگىلىكتى ءار دارەجەلى باسشى ورگاندارى ــــ پارتيانىڭ ءار دارەجەلى قۇرىلتايلارى جانە ولار سايلاعان كوميتەتتەر. پارتيانىڭ ءار دارەجەلى كوميتەتتەرى وزىمەن دارەجەلەس قۇرىلتايلار الدىندا جاۋاپتى بولادى ءارى وعان قىزمەتىنەن ەسەپ بەرەدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
