- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو كوممۋنيستىك پارتياسىنىڭ ۋستاۆى(5)
2012.11.21 15:42
4) پارتيانىڭ جوعارى دارەجەلى ۇيىمدارى تومەن دارەجەلى ۇيىمدار مەن پارتيا مۇشەلەرى بۇقاراسىنىڭ پىكىرلەرىنە ۇنەمى قۇلاق اسىپ، ولار العا قويعان ماسەلەلەردى دەركەزىندە شەشىپ وتىرۋ كەرەك. پارتيانىڭ تومەن دارەجەلى ۇيىمدارى ءارى جوعارى دارەجەلى ۇيىمدارىنان ءوز قىزمەتتەرى جونىندە نۇسقاۋ سۇراۋ جانە ولارعا قىزمەتىنەن ەسەپ بەرىپ وتىرۋ ءارى ءوز مىندەتتەرى كولەمىندەگى ماسەلەلەردى جاۋاپتىلىقپەن دەربەس شەشىپ وتىرۋى كەرەك. جوعارى دارەجەلى ۇيىمدار مەن تومەن دارەجەلى ۇيىمدار ءبىر بىرىمەن حابارلاسىپ، ءبىرىن ءبىرى قولداپ جانە باقىلاپ وتىرۋ كەرەك. پارتيانىڭ ءار دارەجەلى ۇيىمدارى بەلگىلەمە بويىنشا پارتيا ىستەرىن جاريا ەتىپ، پارتيا مۇشەلەرىن پارتيا ىشىندەگى جۇمىستاردان ءتىپتى دە كوبىرەك حاباردار ەتىپ وتىرۋى جانە وعان قاتىناستىرۋى كەرەك.
5) پارتيانىڭ ءار دارەجەلى كوميتەتتەرى كوللەكتيۆ باسشىلىق پەن جەكەلەردىڭ جۇمىستى ءبولىسىپ الىپ جاۋاپتى بولۋىن ۇشتاستىرۋ ءتۇزىمىن اتقارادى. بارلىق كەلەلى ماسەلەلەر جونىندە كوللەكتيۆ باسشىلىق ەتۋ، دەموكراتيالىق ورتالىقتاندىرۋ، ايىرىم اقىلداسۋ، ماجىلىستە قاۋلى شىعارۋ پرينسيپىنە ساي، پارتيا كوميتەتى كوللەكتيۆ تالقىلاۋ ارقىلى قاۋلى شىعارۋ كەرەك؛ كوميتەتتىڭ قۇرامىنداعىلار كوللەكتيۆتىڭ قاۋلىسى مەن جۇمىس ءبولىسى بويىنشا، ءوز مىندەتىن شىنايى اتقارۋ كەرەك.
6) پارتيا ءارقانداي فورماداعى جەكەگە تابىنۋشىلىققا تيىم سالادى. پارتيا باسشىلارىنىڭ ءىس - ارەكەتىنىڭ پارتيا مەن حالىقتىڭ باقىلاۋىندا بولۋىنا كەپىلدىك ەتۋ، سونىمەن قابات پارتيا مەن حالىقتىڭ مۇددەسىنە ۋاكىلدىك ەتەتىن بارلىق باسشىنىڭ بەدەلىن قورعاۋ كەرەك.
11 - تارماق
پارتيانىڭ ءار دارەجەلى قۇرىلتايلارىنىڭ ۋاكىلدەرى مەن كوميتەتتەرىن سايلاۋدا سايلاۋشىلاردىڭ ەركى ايگىلەنۋ كەرەك. سايلاۋدا جاسىرىن داۋىس بەرۋ ءتاسىلى قولدانىلادى. كانديداتتار ەسىمدىگىن پارتيا ۇيىمدارى مەن سايلاۋشىلار تولىق كەڭەسىپ، تالقىلاۋ كەرەك. كانديدات سانى سايلانۋعا ءتيىستى ادام سانىنان كوبىرەك بولاتىن پارىقتى سانىمەن سايلاۋ ءادىسىن تىكەلەي قولدانىپ، رەسمي سايلام وتكىزۋگە بولادى. الدىمەن پارىقتى سانمەن سايلاۋ جولىمەن ازىرلىك سايلام وتكىزۋ ارقىلى كانديدات سايلاپ، ونان سوڭ رەسمي سايلام وتكىزۋگە دە بولادى. سايلاۋشىلار كانديداتتاردىڭ احۋالىن ۇعىسۋعا، كانديداتتاردى اۋىستىرۋدى تالاپ ەتۋگە، كانديداتتاردىڭ قاي - قايسىسىن دا سايلاماۋعا جانە باسقا ادام سايلاۋعا ۇقىقتى. ءارقانداي ۇيىمنىڭ جانە جەكەنىڭ ءارقانداي تاسىلمەن سايلاۋشىلاردى پالەن بىرەۋدى سايلاۋعا نەمەسە سايلاماۋعا زورلاۋىنا بولمايدى. پارتيانىڭ جەرگىلىكتى ءار دارەجەلى قۇرىلتايلارى مەن نەگىزگى ساتى قۇرىلتايلارىنىڭ سايلامىندا پارتيا ۋستاۆىنا قايشى جايتتەر تۋىلسا، پارتيانىڭ ءبىر دارەجە جوعارى كوميتەتى تەكسەرىپ انىقتاعاننان كەيىن، سايلامدى كۇشىنەن قالدىرۋ جانە سايكەستى شارا قولدانۋ جونىندە ۇيعارىم جاساۋ، سونداي - اق ونى تاعى ءبىر دارەجە جوعارى پارتيا كوميتەتىنىڭ تەكسەرىپ - بەكىتۋىنەن وتكىزگەن سوڭ رەسمي جاريالاپ اتقارۋ كەرەك.
پارتيانىڭ ءار دارەجەلى قۇرىلتايلارىنىڭ ۋاكىلدەرى جونىنەن مەرزىمدى مىندەت وتەۋ ءتۇزىمى قولدانىلادى.
12 - تارماق
پارتيانىڭ ورتالىق كوميتەتى جانە جەرگىلىكتى ءار دارەجەلى كوميتەتتەرى قاجەت تاپقان كەزدە ۋاكىلدەر ءماجىلىسىن شاقىرىپ، ۋاعىندا شەشۋگە ءتيىستى كەلەلى ماسەلەلەردى تالقىلايدى جانە ول جونىندە شەشىم جاسايدى. ۋاكىلدەر ءماجىلىسى ۋاكىلدەرىنىڭ سانىن جانە ولاردى سايلاۋ ءادىسىن ۋاكىلدەر ءماجىلىسىن شاقىرعان كوميتەت بەلگىلەيدى.
13 - تارماق
پارتيانىڭ جاڭا ۇيىمىن قۇرۋدى نەمەسە بۇرىنعى بار ۇيىمىن كۇشىنەن قالدىرۋدى ءسوزسىز جوعارى دارەجەلى پارتيا ۇيىمى بەلگىلەيدى.
پارتيانىڭ جەرگىلىكتى ءار دارەجەلى قۇرىلتايلارى جانە نەگىزگى ساتى قۇرىلتايلارى جابىق كەزدە جوعارى دارەجەلى پارتيا ۇيىمى قاجەت دەپ قاراسا، تومەن دارەجەلى پارتيا ۇيىمىنىڭ جاۋاپتى ادامىن اۋىستىرۋىنا نەمەسە وعان جاۋاپتى ادام جىبەرۋىنە بولادى.
پارتيانىڭ ورتالىق كوميتەتىنىڭ جانە جەرگىلىكتى ءار دارەجەلى كوميتەتتەرىنىڭ ۋاكىلدىك ورگان قويۋىنا بولادى.
پارتيانىڭ ورتالىق كوميتەتى جانە ولكەلىك، اۆتونوميالى رايوندىق، توتە قاراستى قالالىق كوميتەتتەرى شارلاۋ جۇرگىزۋ ءتۇزىمىن قولدانادى.
14 - تارماق
پارتيانىڭ ءار دارەجەلى باسشى ورگاندارى تومەن دارەجەلى ۇيىمدارعا قاتىستى ماڭىزدى ماسەلەلەر جونىندە شەشىم جاساعان كەزدە، ادەتتەگى جاعدايدا، تومەن دارەجەلى ۇيىمداردىڭ پىكىرىن الۋ كەرەك. تومەن دارەجەلى ۇيىمداردىڭ ءوز قىزمەت ۇقىقتارىن قالىپتى جۇرگىزۋىن قامتاماسىز ەتۋ كەرەك. تومەن دارەجەلى ۇيىمدار شەشۋگە ءتيىستى ماسەلەلەرگە، ەرەكشە جاعداي بولماسا، جوعارى دارەجەلى باسشىلىق ورگان كيلىكپەۋ كەرەك.
15 - تارماق
مەملەكەتتىك سيپات العان كەلەلى ساياساتتىق ماسەلەلەر تۋرالى پارتيا ورتالىق كوميتەتىنىڭ عانا شەشىم جاساۋ ۇقىعى بار، تاراۋلارداعى، جەر - جەردەگى پارتيا ۇيىمدارىنىڭ ورتالىق كوميتەتكە ۇسىنىس بەرۋىنە بولادى، ءبىراق ءوز الدىنا شەشىم جاساۋىنا جانە سىرتقا قاراتا قۋاتتاما جاريالاۋىنا بولمايدى.
پارتيانىڭ تومەن دارەجەلى ۇيىمى جوعارى دارەجەلى ۇيىمىنىڭ شەشىمىن باتىل اتقارۋ قاجەت. تومەن دارەجەلى ۇيىم جوعارى دارەجەلى ۇيىمىنىڭ شەشىمىن ءوز جەرىنىڭ، ءوز تاراۋىنىڭ ءىس جۇزىندىك جاعدايىنا سايكەسپەيدى دەپ ەسەپتەسە، ونى وزگەرتۋدى ءوتىنىش ەتۋىنە بولادى؛ ەگەر جوعارى دارەجەلى ۇيىم سول شەشىمدى اتقارا بەرۋ قاجەت دەپ تاپسا، تومەن دارەجەلى ۇيىم ونى اتقارۋ قاجەت ءارى بوتەن پىكىرىن اشىق جاريالاۋىنا بولمايدى، ءبىراق تاعى ءبىر دارەجە جوعارى ۇيىمعا احۋالدى مالىمدەۋگە ۇقىقتى.
پارتيانىڭ ءار دارەجەلى ۇيىمدارىنىڭ گازەت - جۋرنالدارى جانە باسقا دا ۇگىت قۇرالدارى پارتيانىڭ لۋشيانىن، باعىتىن، ساياساتىن جانە قارارىن ۇگىتتەۋ كەرەك.
16 - تارماق
پارتيا ۇيىمى ماسەلەلەردى تالقىلاپ بەلگىلەگەندە، ازشىلىق كوپشىلىككە بويسۇنۋ پرينسيپىن اتقارۋ كەرەك. كەلەلى ماسەلەلەر جونىندە قاۋلى شىعارعاندا، داۋىسقا سالۋ كەرەك. ازشىلىقتىڭ باسقاشا پىكىرىن مۇقيات ەسكەرۋ كەرەك. ەگەر كەلەلى ماسەلە ۇستىندە تالاسقان ەكى جاقتىڭ ادام سانى قارايلاس بولسا، كوپشىلىكتىڭ پىكىرى بويىنشا اتقارۋعا تۋرا كەلەتىن قىسىلتاياڭ جاعدايدى ەسەپكە الماعاندا، قارار شىعارۋدى كەشەۋىلدەتە تۇرىپ، ىلگەرىلەي تەكسەرىپ - زەرتتەپ، پىكىر اۋىستىرىپ، كەلەسى جولى قايتا داۋىسقا سالۋ كەرەك؛ ەرەكشە جاعدايدا، تالاستىڭ ءمان - جايىن جوعارى دارەجەلى ۇيىمعا مالىمدەپ، تورەلىك ايتۋدى ءوتىنىش ەتۋىنە بولادى.
پارتيا مۇشەسى پارتيا ۇيىمى اتىنان ماڭىزدى قۋاتتاما جاريالاردا، پارتيا ۇيىمىنىڭ قاۋلىسى كولەمىنەن شىعىپ كەتۋگە تۋرا كەلسە، ءوزى تۇرعان پارتيا ۇيىمىنىڭ تالقىلاپ، قاۋلى الۋىنا ۇسىنۋ نەمەسە جوعارى دارەجەلى پارتيا ۇيىمىنان نۇسقاۋ سۇراۋ كەرەك. قىزمەت ورنى مەيلى جوعارى، مەيلى تومەن بولسىن، پارتيانىڭ ءارقانداي مۇشەسىنىڭ كەلەلى ماسەلەلەر جونىندە ءوز الدىنا شەشىم جاساۋىنا بولمايدى؛ ەگەر شۇعىل جاعداي بولىپ، ءوز الدىنا شەشىم جاساۋعا تۋرا كەلسە، سوڭىنان پارتيا ۇيىمىنا دەرەۋ مالىمدەۋ كەرەك. ءارقانداي باسشىنىڭ باسا بيلەۋشىلىك ىستەۋىنە جانە ءوزىن ۇيىمىنان جوعارى قويۋىنا جول بەرىلمەيدى.
17 - تارماق
پارتيانىڭ ورتالىق، جەرگىلىكتى جانە نەگىزگى ساتى ۇيىمدارى پارتيانىڭ قۇرىلىسىنا ءمان بەرۋ، پارتيانىڭ ۇگىت قىزمەتىن، ءتالىم - تاربيە قىزمەتىن، ۇيىمداستىرۋ قىزمەتىن، ءتارتىپ تەكسەرۋ قىزمەتىن، بۇقارالىق قىزمەتىن، بىرلىكساپ قىزمەتىن، ت.ت. دى ۇنەمى تالقىلاپ جانە تەكسەرىپ وتىرۋ، پارتيانىڭ ءىشى - سىرتىنداعى يدەيالىق - ساياسي جاعدايلاردى زەرتتەۋگە نازار اۋدارۋ كەرەك.
ءۇشىنشى تاراۋ
پارتيانىڭ ورتالىق ۇيىمدارى
18 - تارماق
پارتيانىڭ مەملەكەتتىك قۇرىلتايى 5 جىلدا ءبىر رەت وتكىزىلەدى، ونى ورتالىق كوميتەت شاقىرادى. ورتالىق كوميتەت قاجەت دەپ تاپسا نەمەسە ولكە دارەجەلى ۇيىمداردىڭ ۇشتەن بىرىنەن استامى تالاپ ەتسە، مەملەكەتتىك قۇرىلتايدى مەرزىمنەن بۇرىن وتكىزۋگە بولادى؛ ەرەكشە احۋال بولماسا، مەرزىمىنەن كەشىكتىرىلمەيدى.
مەملەكەتتىك قۇرىلتايدىڭ ۋاكىل سانى مەن ولاردى سايلاۋ ءادىسىن ورتالىق كوميتەت بەلگىلەيدى.
19 - تارماق
پارتيانىڭ مەملەكەتتىك قۇرىلتايىنىڭ قىزمەت ۇقىقتارى مىناۋ:
1) ورتالىق كوميتەتتىڭ بايانداماسىن تىڭداۋ جانە قاراۋ؛
2) ورتالىق ءتارتىپ تەكسەرۋ كوميتەتىنىڭ بايانداماسىن تىڭداۋ جانە قاراۋ؛
3) پارتياداعى كەلەلى ماسەلەلەردى تالقىلاۋ جانە ول جونىندە قاۋلى الۋ؛
4) پارتيا ۋستاۆىنا وزگەرىستەر ەنگىزۋ؛
5) ورتالىق كوميتەتتى سايلاۋ؛
6) ورتالىق ءتارتىپ تەكسەرۋ كوميتەتىن سايلاۋ؛
20 - تارماق
پارتيانىڭ مەملەكەتتىك ۋاكىلدەر ءماجىلىسىنىڭ قىزمەت ۇقىعى مىناۋ: كەلەلى ماسەلەلەردى تالقىلاۋ جانە ول جونىندە قاۋلى الۋ؛ ورتالىق كوميتەتتىڭ، ورتالىق ءتارتىپ تەكسەرۋ كوميتەتىنىڭ ءىشىنارا مۇشەلەرىن رەتكە سالۋ جانە تولىقتىرىپ سايلاۋ. ورتالىق كوميتەتتىڭ رەتكە سالىنعان جانە تولىقتىرىپ سايلانعان مۇشەلەرى مەن كانديدات مۇشەلەرىنىڭ سانى پارتيانىڭ مەملەكەتتىك قۇرىلتايى سايلاعان ورتالىق كوميتەت مۇشەلەرى مەن كانديدات مۇشەلەرىنىڭ جەكە - جەكە جالپى سانىنىڭ بەستەن بىرىنەن اسپاۋى ءتيىس.
21 - تارماق
پارتيا ورتالىق كوميتەتىنىڭ ءار كەزەگىنىڭ مىندەت وتەۋ مەرزىمى 5 جىل بولادى. مەملەكەتتىك قۇرىلتاي مەرزىمىنەن بۇرىن نەمەسە كەشىكتىرىلىپ وتكىزىلسە، ونىڭ مىندەت وتەۋ مەرزىمى سايكەستى تۇردە وزگەرەدى. ورتالىق كوميتەتتىڭ مۇشەلەرى مەن كانديدات مۇشەلەرىنىڭ پارتيالىق ستاجى 5 جىلدان جوعارى بولۋ كەرەك. ورتالىق كوميتەتتىڭ مۇشەلەرى مەن كانديدات مۇشەلەرىنىڭ سانىن مەملەكەتتىك قۇرىلتاي بەلگىلەيدى. ورتالىق كوميتەت مۇشەلەرىنىڭ ورنى بوس قالسا، بوس ورىن يە بولعان داۋىس سانىنا قاراي ورتالىق كوميتەتتىڭ كانديدات مۇشەلەرىمەن تولىقتىرىلادى.
ورتالىق كوميتەتتىڭ جالپى ءماجىلىسىن ورتالىق كوميتەتتىڭ ساياسي بيۋروسى شاقىرادى، ول جىلىنا كەمىندە ءبىر رەت وتكىزىلەدى. ورتالىق كوميتەتتىڭ ساياسي بيۋروسى ورتالىق كوميتەتتىڭ جالپى ماجىلىسىنە قىزمەتىنەن ەسەپ بەرەدى، ونىڭ باقىلاۋىن قابىلدايدى.
مەملەكەتتىك قۇرىلتاي جابىق كەزدە ورتالىق كوميتەت مەملەكەتتىك قۇرىلتايدىڭ قارارلارىن اتقارادى، پارتيانىڭ بارلىق قىزمەتىنە باسشىلىق ەتەدى، سىرتقا قاراتا جۇڭگو كوممۋنيستىك پارتياسىنا ۋاكىلدىك ەتەدى.
22 - تارماق
پارتيا ورتالىق كوميتەتىنىڭ ساياسي بيۋروسىن، ورتالىق كوميتەت ساياسي بيۋروسىنىڭ تۇراقتى كوميتەتىن جانە ورتالىق كوميتەتتىڭ باس شۋجيىن ورتالىق كوميتەتتىڭ جالپى ءماجىلىسى سايلايدى. ورتالىق كوميتەتتىڭ باس شۋجيى ورتالىق كوميتەت ساياسي بيۋروسى تۇراقتى كوميتەتىنىڭ مۇشەلەرى اراسىنان سايلانۋ ءتيىس.
ورتالىق كوميتەتتىڭ ساياسي بيۋروسى جانە ونىڭ تۇراقتى كوميتەتى ورتالىق كوميتەتتىڭ جالپى ءماجىلىسى جابىق كەزدە ورتالىق كوميتەتتىڭ قىزمەت ۇقىقتارىن جۇرگىزەدى.
ورتالىق كوميتەتتىڭ شۋجيچۋى ــــ ورتالىق كوميتەت ساياسي بيۋروسىنىڭ جانە ونىڭ تۇراقتى كوميتەتىنىڭ ءىس باسقارۋ ورگانى؛ ونىڭ قۇرامىنداعىلاردى ورتالىق كوميتەت ساياسي بيۋروسىنىڭ تۇراقتى كوميتەتى كورسەتىپ، ورتالىق كوميتەتتىڭ جالپى ءماجىلىسى قابىلدايدى.
ورتالىق كوميتەتتىڭ باس شۋجيى ورتالىق كوميتەت ساياسي بيۋروسىنىڭ ءماجىلىسىن جانە ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن شاقىرۋعا جاۋاپتى بولادى ءارى ورتالىق كوميتەت شۋجيچۋىنىڭ قىزمەتىن باسقارادى.
پارتيانىڭ ورتالىق اسكەري ىستەر كوميتەتىنىڭ قۇرامىنداعىلاردى ورتالىق كوميتەت بەلگىلەيدى.
ءار كەزەكتى ورتالىق كوميتەت سايلاپ شىققان ورتالىق كوميتەت باسشى ورگاندارى مەن ورتالىق كوميتەت باسشىلارى پارتيانىڭ ۇنەمىلىك قىزمەتتەرىن، كەلەسى كەزەكتى ورتالىق كوميتەتتىڭ جاڭا باسشى ورگاندارى مەن باسشىلارىن سايلاپ شىققانعا دەيىن باسقارا بەرەدى.
23 - تارماق
جۇڭگو حالىق ازاتتىق ارمياسىنداعى پارتيا ۇيىمدارى ورتالىق كوميتەتتىڭ نۇسقاۋى بويىنشا قىزمەت ىستەيدى. ورتالىق اسكەري ىستەر كوميتەتىنىڭ ساياسي قىزمەت ورگانى ــــ جۇڭگو حالىق ازاتتىق ارمياسىنىڭ باس ساياسي ءبولىمى، ول ارمياداعى پارتيالىق قىزمەت پەن ساياسي قىزمەتتى باسقارۋعا جاۋاپتى بولادى. ارمياداعى پارتيانىڭ ۇيىمدىق ءتۇزىلىسى مەن ورگاندارىن ورتالىق اسكەري ىستەر كوميتەتى بەلگىلەيدى.
ءتورتىنشى تاراۋ
پارتيانىڭ جەرگىلىكتى ۇيىمدارى
24 - تارماق
پارتيانىڭ ولكەلىك، اۆتونوميالى رايوندىق، توتە قاراستى قالالىق، رايوندارعا بولىنگەن قالالىق جانە اۆتونوميالى وبلىستىق، اۋداندىق (حوشۇندىق)، اۆتونوميالى اۋداندىق، رايوندارعا بولىنبەگەن قالالىق جانە قالالارعا قاراستى رايوندىق قۇرىلتايلارى 5 جىلدا ءبىر رەت وتكىزىلەدى.
پارتيانىڭ جەرگىلىكتى ءار دارەجەلى قۇرىلتايلارىن سول دارەجەلى پارتيا كوميتەتتەرى شاقىرادى. ەرەكشە احۋالدا، ءبىر دارەجە جوعارى كوميتەتتىڭ بەكىتۋى ارقىلى مەرزىمىنەن بۇرىن نەمەسە كەشىكتىرىپ وتكىزۋگە بولادى.
پارتيانىڭ جەرگىلىكتى ءار دارەجەلى قۇرىلتايلارىنىڭ ۋاكىل سانىن جانە ولاردى سايلاۋ ءادىسىن سول دارەجەلى پارتيا كوميتەتتەرى بەلگىلەيدى جانە پارتيانىڭ ءبىر دارەجە جوعارى كوميتەتىنە بەكىتتىرەدى.
25 - تارماق
پارتيانىڭ جەرگىلىكتى ءار دارەجەلى قۇرىلتايلارىنىڭ قىزمەت ۇقىقتارى مىناۋ:
1) وزىمەن دارەجەلەس كوميتەتتىڭ بايانداماسىن تىڭداۋ جانە قاراۋ؛
2) وزىمەن دارەجەلەس ءتارتىپ تەكسەرۋ كوميتەتىنىڭ بايانداماسىن تىڭداۋ جانە قاراۋ؛
3) ءوز رايونى كولەمىندەگى كەلەلى ماسەلەلەردى تالقىلاۋ جانە ول تۋرالى قارار شىعارۋ؛
4) پارتيانىڭ وزىمەن دارەجەلەس كوميتەتىن، وزىمەن دارەجەلەس ءتارتىپ تەكسەرۋ كوميتەتىن سايلاۋ.
26 - تارماق
پارتيانىڭ ولكەلىك، اۆتونوميالى رايوندىق، توتە قاراستى قالالىق، رايوندارعا بولىنگەن قالالىق جانە اۆتونوميالى وبلىستىق كوميتەتتەرىنىڭ ءار كەزەگىنىڭ مىندەت وتەۋ مەرزىمى 5 جىل بولادى، بۇل كوميتەتتەردىڭ مۇشەلەرى مەن كانديدات مۇشەلەرىنىڭ پارتيالىق ستاجى 5 جىلدان جوعارى بولۋ كەرەك. پارتيانىڭ اۋداندىق (حوشۇن) ، اۆتونوميالى اۋداندىق، رايوندارعا بولىنبەگەن قالالىق جانە قالالارعا قاراستى رايوندىق كوميتەتتەرىنىڭ ءار كەزەگىنىڭ مىندەت وتەۋ مەرزىمى 5 جىل بولادى. بۇل كوميتەتتەردىڭ مۇشەلەرى مەن كانديدات مۇشەلەرىنىڭ پارتيالىق ستاجى 3 جىلدان جوعارى بولۋ كەرەك.
پارتيانىڭ جەرگىلىكتى ءار دارەجەلى قۇرىلتايلارى مەرزىمىنەن بۇرىن نەمەسە كەشىكتىرىلىپ وتكىزىلسە، ول سايلاعان كوميتەتتىڭ مىندەت وتەۋ مەرزىمى سوعان سايكەس وزگەرەدى.
پارتيانىڭ جەرگىلىكتى ءار دارەجەلى كوميتەتتەرىنىڭ مۇشەلەرى مەن كانديدات مۇشەلەرىنىڭ سانىن وزىنەن ءبىر دارەجە جوعارى كوميتەتتەر جەكە - جەكە بەلگىلەيدى. پارتيانىڭ جەرگىلىكتى ءار دارەجەلى كوميتەت مۇشەلەرىنىڭ ورنى بوس قالسا، يە بولعان داۋىس سانىنا قاراي كاندايدات مۇشەلەرىمەن تولىقتىرىلادى.
پارتيانىڭ جەرگىلىكتى ءار دارەجەلى كوميتەتتەرىنىڭ جالپى ءماجىلىسى جىلىنا، كەمىندە 2 رەت شاقىرىلادى.
پارتيانىڭ جەرگىلىكتى ءار دارەجەلى كوميتەتتەرى قۇرىلتاي جابىق كەزدە جوعارى دارەجەلى پارتيا ۇيىمدارىنىڭ نۇسقاۋلارىن جانە وزىمەن دارەجەلەس پارتيا قۇرىلتايلارىنىڭ قارارلارىن اتقارادى، ءوز جەرىنىڭ قىزمەتىنە باسشىلىق ەتەدى، مەرزىم بويىنشا جوعارى دارەجەلى پارتيا كوميتەتىنە قىزمەتىنەن ەسەپ بەرىپ وتىرادى.
27 - تارماق
پارتيانىڭ جەرگىلىكتى ءار دارەجەلى كوميتەتتەرىنىڭ جالپى ءماجىلىسى تۇراقتى كوميتەتتى، شۋجي مەن شۋجيدىڭ ورىنباسارلارىن سايلايدى جانە پارتيانىڭ جوعارى دارەجەلى كوميتەتتەرىنە جولداپ بەكىتتىرەدى، پارتيانىڭ جەرگىلىكتى ءار دارەجەلى كوميتەتتەرىنىڭ تۇراقتى كوميتەتتەرى كوميتەتتىڭ جالپى ءماجىلىسى جابىق كەزدە كوميتەتتىڭ قىزمەت ۇقىقتارىن جۇرگىزەدى؛ ۇنەمىلىك قىزمەتتەردى كەلەسى كەزەكتى قۇرىلتاي اشىلعان مەزگىلدە، جاڭا تۇراقتى كوميتەت سايلانعانعا دەيىن باسقارا بەرەدى.
پارتيانىڭ جەرگىلىكتى ءار دارەجەلى كوميتەتتەرىنىڭ تۇراقتى كوميتەتى مەرزىم بويىنشا كوميتەتتىڭ جالپى ماجىلىسىنە قىزمەتتەن ەسەپ بەرەدى، ونىڭ باقىلاۋىن قابىلدايدى.
28 - تارماق
پارتيانىڭ ايماقتىق كوميتەتتەرى جانە ايماقتىق كوميتەتتەرىمەن قارايلاس ۇيىمدارى ــــ پارتيانىڭ ولكەلىك، اۆتونوميالى رايوندىق كوميتەتتەرىنىڭ بىرنەشە اۋدان، اۆتونوميالى اۋدان، قالا كولەمىندە قۇرعان ۋاكىلدىك ورگانى. ول ولكەلىك، اۆتونوميالى رايوندىق كوميتەتتەر بەرگەن ۇقىققا ساي، ءوز ايماعىنىڭ قىزمەتىنە باسشىلىق ەتەدى.
بەسىنشى تاراۋ
پارتيانىڭ نەگىزگى ساتى ۇيىمدارى
29 - تارماق
كاسىپورىن، اۋىل - قىستاق، مەكەمە، مەكتەپ، عىلىم اكادەميالارى مەن زەرتتەۋ ورىندارى، ءمالى، تۇرعىندار رايونى، قوعامدىق ۇيىمدار، حالىق ازاتتىق ارمياسىنىڭ لياندۇيلارى جانە باسقا نەگىزگى ساتى ورىندار، ۇشتەن ارتىق رەسمي پارتيا مۇشەسى بولسا، پارتيانىڭ نەگىزگى ساتى ۇيىمدارىن قۇرۋعا ءتيىس.
پارتيانىڭ نەگىزگى ۇيىمدارى قىزمەتتىڭ قاجەتىنە جانە پارتيا مۇشەلەرىنىڭ سانىنا قاراي، جوعارى دارەجەلى پارتيا ۇيىمىنىڭ بەكىتۋى ارقىلى پارتيانىڭ نەگىزگى ساتى كوميتەتىن، باس جىبۋ القاسىن، جىبۋ القاسىن جەكە - جەكە قۇرادى. نەگىزگى ساتى كوميتەتىن پارتيا مۇشەلەرى جينالىسى نەمەسە قۇرىلتاي سايلايدى، باس جىبۋ القاسى مەن جىبۋ القاسىن پارتيا مۇشەلەرى جينالىسى سايلايدى، مۇشەلىككە كانديدات كورسەتكەندە، پارتيا مۇشەلەرى مەن بۇقارادان كەڭىنەن پىكىر الۋ كەرەك.
30 - تارماق
پارتيانىڭ نەگىزگى ساتى كوميتەتىنىڭ ءار كەزەگىنىڭ مىندەت وتەۋ مەرزىمى 3 ــــ 5 جىل بولادى، باس جىبۋ القاسى مەن جىبۋ القاسىنىڭ ءار كەزەگىنىڭ مىندەت وتەۋ مەرزىمى 2 ــــ 3 جىل بولادى. نەگىزگى ساتى كوميتەتتىڭ، باس جىبۋ القاسىنىڭ، جىبۋ القاسىنىڭ شۋجيى، شۋجيدىڭ ورىنباسارلارى سايلانىپ شىققان سوڭ ونى جوعارى دارەجەلى پارتيا ۇيىمىنا جولداپ بەكىتتىرۋ كەرەك.
31 - تارماق
پارتيانىڭ نەگىزگى ساتى ۇيىمدارى ــــ پارتيانىڭ قوعامدىق نەگىزگى ساتى ۇيىمدارىنداعى جاۋىنگەرلىك قامالى، پارتيانىڭ بارلىق قىزمەتىنىڭ جانە جاۋىنگەرلىك كۇشىنىڭ نەگىزى. ولاردىڭ نەگىزگى مىندەتى مىناۋ:
1) پارتيانىڭ لۋشيانىن، باعىتىن، ساياساتىن ۇگىتتەۋ جانە اتقارۋ، پارتيا ورتالىق كوميتەتىنىڭ، جوعارى دارەجەلى ۇيىمىنىڭ جانە ءوز ۇيىمىنىڭ قارارلارىن ۇگىتتەۋ جانە اتقارۋ، پارتيا مۇشەلەرىنىڭ ۇزدىك ونەگەلىك رولىن تولىق ساۋلەلەندىرۋ، بەلسەندىلىكپەن العاباسار نەگىزگى ساتى پارتيا ۇيىمدارىن جاراتىپ، ۇزدىك پارتيا مۇشەسى بولۋعا قۇلشىنۋ، پارتيانىڭ ءىشى - سىرتىنداعى كادرلار مەن بۇقارانى ىنتىماقتاستىرىپ، ۇيىمداستىرىپ، ءوز ورنىنا جۇكتەلگەن مىندەتتى كۇش سالا ورىنداۋ.
2) پارتيا مۇشەلەرىن ماركسيزم - لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن جانە عىلمي دامۋ كوزقاراسىن مۇقيات ۇيرەنۋگە، عىلمي دامۋ كوزقاراسىن پارتيانىڭ لۋشيانىن، باعىتىن، ساياساتىن جانە قارارىن، پارتيا تۋرالى نەگىزگى بىلىمدەردى، عىلىمدى، مادەنيەتتى، زاڭدىق جانە كاسىپتىك بىلىمدەردى ۇيرەنۋگە ۇيىمداستىرۋ.
3) پارتيا مۇشەلەرىنە تاربيە جۇرگىزۋ، ولاردى باسقارۋ، باقىلاۋ جانە ولارعا قىزمەت ەتۋ، پارتيا مۇشەلەرىنىڭ ساپاسىن جوعارىلاتۋ، پارتيالىلىعىن كۇشەيتۋ، پارتيانىڭ ۇيىمدىق تۇرمىسىن قاتايتۋ، سىن جانە ءوز - وزىنە سىندى ورىستەتۋ، پارتيا ءتارتىبىن قورعاۋ جانە اتقارۋ، پارتيا مۇشەلەرىنىڭ ءوز بورىشتارىن شىن مانىندە وتەۋىن باقىلاۋ، پارتيا مۇشەلەرىنىڭ ۇقىعىنا قول سۇعىلماۋىن قامتاماسىز ەتۋ. جىلجىمالى پارتيا مۇشەلەرىن باسقارۋدى كۇشەيتۋ جانە جاقسارتۋ.
4) بۇقارامەن قويۋ بايلانىستا بولۋ، بۇقارانىڭ پارتيا مۇشەلەرى، پارتيا قىزمەتى جونىندەگى سىنىن جانە پىكىرلەرىن ۇنەمى ۇعىپ وتىرۋ، بۇقارانىڭ ورىندى ۇقىعى مەن مۇددەسىن قورعاۋ، بۇقارانىڭ يدەيالىق ساياسي قىزمەتىن ويداعىداي ىستەۋ.
5) پارتيا مۇشەلەرى مەن بۇقارانىڭ بەلسەندىلىگىن، جاسامپازدىعىن تولىق ساۋلەلەندىرۋ، ولاردىڭ اراسىنداعى تاڭداۋلى دارىندىلاردى كورە ءبىلۋ، جەتىلدىرۋ جانە كورسەتۋ، ولاردىڭ رەفورمالاۋ، ەسىك اشۋ جانە سوتسياليستىك وسىزامانداندىرۋ قۇرىلىسى بارىسىندا ءوز اقىل - پاراساتىن ارناۋىنا دەم بەرۋ جانە ونى قولداۋ.
6) پارتياعا كىرۋدى تالاپ ەتكەن بەلسەندىلەردى تاربيەلەۋ جانە جەتىلدىرۋ، پارتياعا مۇشە قابىلداۋداعى ۇنەمىلىك قىزمەتتى ويداعىداي ىستەۋ، ءوندىرىستىڭ جانە قىزمەتتىڭ ءبىرىنشى شەبىندەگىلەردەن جانە جاستار اراسىنان پارتياعا مۇشە قابىلداۋعا ءمان بەرۋ.
7) پارتيالى كادرلار مەن باسقا قىزمەتكەرلەردىڭ قاي - قايسىسىنىڭ دا مەملەكەت زاڭىنا، اكىمشىلىك تارتىپكە قاتاڭ بويسۇنۋىن، مەملەكەتتىڭ قازىنا - ەكونوميكالىق زاڭ - ەرەجەلەرىنە جانە كادرلار تۇزىمىنە قاتاڭ بويسۇنۋىن، مەملەكەتتىڭ، كوللەكتيۆتىڭ جانە بۇقارانىڭ مۇددەسىنە قول سۇقپاۋىن باقىلاۋ.
8) پارتيا مۇشەلەرى مەن بۇقارانى ناشار پيعىلداردى سانالى تۇردە تەجەۋگە، ءتۇرلى زاڭعا قايشى قىلمىستىق ارەكەتتەرمەن باتىل كۇرەس جۇرگىزۋگە تاربيەلەۋ.
32 - تارماق
پارتيانىڭ مالىدەگى، اۋىلداعى، قالاشىقتاعى نەگىزگى ساتى كوميتەتتەرى مەن قىستاقتارداعى، تۇرعىندار رايوندارىنداعى ۇيىمدارى ءوز رايوندارىنىڭ قىزمەتىنە باسشىلىق ەتەدى. اكىمشىلىك ۇيىمداردىڭ، شارۋاشىلىق ۇيىمدارىنىڭ جانە ءوزىن - ءوزى باسقاراتىن بۇقارالىق ۇيىمدارىنىڭ قىزمەت ۇقىقتارىن تولىق جۇرگىزۋىن قولدايدى جانە قامتاماسىز ەتەدى.
پارتيانىڭ مەملەكەت مەنشىگىندەگى كاسىپورىندار مەن كوللەكتيۆتىك كاسىپورىندارداعى نەگىزگى ساتى ۇيىمدارى ساياسي ۇيتقىلىق رولىن ساۋلەلەندىرىپ، كاسىپورىندارداعى ءوندىرىستى باسقارۋدى وزەك ەتە وتىرىپ قىزمەت ورىستەتەدى. پارتيانىڭ جانە مەملەكەتتىڭ باعىت - ساياساتتارىنىڭ سول كاسىپورىنداردا دايەكتى اتقارىلۋىنا كەپىلدىك جانە باقىلاۋشىلىق ەتەدى؛ جارناگەرلەر كەڭەسىنىڭ، جورالار كەڭەسىنىڭ، باقىلاۋشىلار كەڭەسىنىڭ جانە مەڭگەرۋشىنىڭ) زاۆود باستىعىنىڭ (زاڭ بويىنشا قىزمەت ۇقىقتارىن جۇرگىزۋىن قولدايدى؛ بۇكىل ىنتا - پەيىلىمەن جۇمىسشى - قىزمەتشىلەر جۇرتشىلىعىنا سۇيەنىپ، جۇمىسشى - قىزمەتشىلەر قۇرىلتايىنىڭ قىزمەتتى ورىستەتۋىن قولدايدى؛ كاسىپورىندارداعى كەلەلى ماسەلەلەرگە شەشىم جاساۋعا قاتىناسادى؛ پارتيا ۇيىمىنىڭ وزىندىك قۇرىلىسىن كۇشەيتىپ، يدەيالىق - ساياسي قىزمەتكە، رۋحاني وركەنيەت قۇرىلىسىنا جانە جۇمىسشى ۇيىمى، كوممۋنيستىك جاستار وداعى قاتارلى بۇقارالىق ۇيىمدارعا باسشىلىق ەتەدى.
پارتيانىڭ جالپىلىق مەنشىككە جاتپايتىن شارۋاشىلىق ۇيىمدارىنداعى نەگىزگى ساتى ۇيىمدارى پارتيانىڭ باعىت - ساياساتتارىن دايەكتىلەندىرىپ، كاسىپورىنداردى مەملەكەتتىڭ زاڭدارىنا، زاڭدىق ەرەجەلەرىنە بويسۇنۋعا جەتەكتەپ جانە ونى باقىلاپ، جۇمىسشى ۇيىمى، كوممۋنيستىك جاستار وداعى سەكىلدى بۇقارالىق ۇيىمدارعا باسشىلىق ەتىپ، جۇمىسشى - قىزمەتشىلەر بۇقاراسىن ىنتىماقتاستىرۋى، ۇيىستىرۋى، ءارقايسى جاقتىڭ زاڭدى ۇقىق - مۇددەسىن قورعاپ، كاسىپورىنداردىڭ اقاۋسىز دامۋىن جەبەۋى كەرەك.
اكىمشىلىك باسشى جاۋاپتى بولۋ ءتۇزىمى اتقارىلعان ءىسورىندارىنداعى پارتيانىڭ نەگىزگى ساتى ۇيىمدارى ساياسي ۇيتقىلىق رولىن ساۋلەلەندىرەدى. پارتيا كوميتەتى باسشىلىعىندا اكىمشىلىك باسشى جاۋاپتى بولۋ ءتۇزىمىن جۇرگىزگەن ءىسورىندارىنداعى پارتيانىڭ نەگىزگى ساتى ۇيىمدارى كەلەلى ماسەلەلەردى تالقىلايدى جانە ول تۋرالى شەشىم جاسايدى، سونىمەن بىرگە اكىمشىلىك باسشىلاردىڭ ءوز قىزمەت ۇقىعىن تولىق جۇرگىزۋىنە كەپىلدىك ەتەدى.
پارتيانىڭ ءار دارەجەلى پارتيا جانە مەملەكەت ورگاندارىنداعى نەگىزگى ساتى ۇيىمدارى اكىمشىلىك جاۋاپتىلاردىڭ ءوز مىندەتتەرىن ورىنداۋىنا، قىزمەتتەرىن جاقسارتۋىنا كومەكتەسەدى، اكىمشىلىك جاۋاپتىلاردى قامتىعان ءاربىر پارتيا مۇشەلەرىنە باقىلاۋشىلىق جۇرگىزەدى، ءوز ورنىنىڭ كاسىپتىك قىزمەتتەرىنە باسشىلىق ەتپەيدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
