- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو كوممۋنيستىك پارتياسىنىڭ ۋستاۆى(6)
2012.11.21 15:42
التىنشى تاراۋ
پارتيانىڭ كادرلارى
33 - تارماق
پارتيانىڭ كادرلارى ــــ پارتيا ءىسىنىڭ تىرەگى، حالىقتىڭ قىزمەتكەرى. پارتيا كادرلاردى ءمورالىنا دا، قابىلەتىنە دە قاراۋ، ءمورالدى بولۋدى باستى ورىنعا قويۋ پرينسيپى بويىنشا تاڭداپ وسىرەدى، توڭىرەكتىڭ ءتورت بۇرىشىنان بولۋعا، قابىلەتتىلەردى قىزمەتكە قويۋعا تاباندى بولىپ، جاقىندارىن عانا قىزمەتكە قويۋعا قارسى تۇرادى، كادر قوسىنىن توڭكەرىسشىل، جاس، ءبىلىمدى، مامان ەتۋگە كۇش سالادى.
پارتيا كادرلاردى تاربيەلەۋگە، كۋرستان وتكىزۋگە، تاڭداپ وسىرۋگە جانە سىناۋ - باقىلاۋعا، وتە - موتە تاڭداۋلى جاس كادرلاردى جەتىلدىرۋگە، تاڭداپ وسىرۋگە ءمان بەرەدى، كادر ءتۇزىمى رەفورماسىن بەلسەنە ىلگەرىلەتەدى.
پارتيا ايەل كادرلار مەن از ۇلت كادرلارىن تاربيەلەۋگە، تاڭداپ وسىرۋگە ءمان بەرەدى.
34 - تارماق
پارتيانىڭ ءار دارەجەلى باسشى كادرلارى پارتيا مۇشەسىنىڭ وسى ۋستاۆتىڭ 3 - تارماعىندا بەلگىلەنگەن بورىشتارىن ونەگەلىكپەن وتەۋگە ءتيىس، سونداي - اق مىناداي نەگىزگى شارتتاردى ازىرلەۋى كەرەك:
1) مىندەتىن وتەۋگە قاجەتتى ماركسيزم - لەنينيزمدىك، ماۋ زىدۇڭ يدەياسىندىق، دىڭ شياۋپيڭ نازارياسىندىق ءبىلىمى بولۋ، ”ۇشكە ۋاكىلدىك ەتۋ“ ماڭىزدى يدەياسىن مۇقيات امالياتتان وتكىزۋ، عىلمي دامۋ كوزقاراسىن باستاماشىلدىقپەن دايەكتى تياناقتاندىرۋ، ءىس جۇزىندىك ماسەلەلەرگە ماركستىك مايداندى، كوزقاراستى، ءادىستى كۇش سالا قولدانۋ ارقىلى تالداۋ جاساۋ جانە ونى شەشۋ، ۇيرەنۋدى، ساياسيدى، تۋراشىلدىقتى دارىپتەپ، ءتۇرلى ۋاقيعالاردىڭ سىنىنا توتەپ بەرۋ.
2) كوممۋنيستىك ۇلى مۇرات جانە جۇڭگوشا سوتسياليزم جونىندە بەرىك سەنىم بولۋ، پارتيانىڭ نەگىزگى لۋشيانىن جانە ءتۇرلى باعىت - ساياساتتارىن باتىل اتقارۋ، رەفورماعا، ەسىك اشۋعا بەل بۋۋ، وسىزامانداندىرۋ ىسىنە ءوزىن ارناۋ، سوتسياليستىك قۇرىلىستا قاجىرلىلىقپەن يگىلىك جاراتۋ، ساياسي ناتيجە جاراتۋ جونىندە دۇرىس كوزقاراس ورناتىپ، امالياتتىڭ، حالىقتىڭ، تاريحتىڭ سىنىنان وتەتىن ناقتىلى ناتيجە جاراتۋ.
3) يدەيانى ازات ەتىپ، شىندىقتى ءىس جۇزىنەن ىزدەۋگە تاباندى بولۋ، داۋىرمەن بىرگە ىلگەرىلەپ، ءورىس اشىپ، جاڭالىق جاراتۋ، مۇقيات تەكسەرىپ - زەرتتەۋ جۇرگىزىپ، پارتيانىڭ باعىت - ساياساتتارىن ءوز رايوندارىنىڭ، ءوز تاراۋلارىنىڭ ءىس جۇزىندىگىمەن ۇشتاستىرىپ، قىزمەتتى اسا ونىمدىلىكپەن ءورىس الدىرۋ، شىن سويلەۋ، ناقتىلى ءىس ىستەۋ، ناقتىلى ونىممەن ساناسۋ، فورماشىلدىققا قارسى تۇرۋ.
4) كۇشتى توڭكەرىستىك ىسكەرلىگى جانە ساياسي جاۋاپكەرشىلىگى، امالياتتىق تاجىريبەسى بولۋ، باسشىلىق قىزمەتىن وتەي الاتىن ۇيىمداستىرۋ قابىلەتى، مادەنيەت ورەسى جانە كاسىپتىك ءبىلىمى بولۋ.
5) حالىق بەرگەن ۇقىقتى دۇرىس جۇرگىزۋ، پرينسيپكە تاباندى بولىپ، ءىستى زاڭ بويىنشا ىستەۋ، تۋراشىل دا پاك بولۋ، حالىق ءۇشىن ۇكىمەت ءىسىن قۇلشىنا ىستەۋ، ءوزى ونەگە كورسەتۋ، قاجىرلى دا قاراپايىم بولۋ، بۇقارامەن قويۋ بايلانىس جاساۋ، پارتيانىڭ بۇقارالىق لۋشيانىنا تاباندى بولۋ، پارتيا مەن بۇقارانىڭ سىنىن جانە باقىلاۋىن سانالى تۇردە قابىلداۋ، ءمورال جاقتان جەتىلۋدى كۇشەيتىپ، پارتيالىلىقتى دارىپتەپ، مىنەز - قۇلىققا ءمان بەرىپ، ۇلگى بولىپ، قادىرىن ساقتاۋ، ءوزىن باعامداۋ، ءوزىن ساقتاندىرۋ، ءوزىن جەبەۋ، تورەشىلدىككە، قىزمەت ۇقىعىنان الباتى پايدالانىپ، باس پايداشىلدىققا سالىناتىن تەرىس ستيلدەرگە قارسى تۇرۋ.
6) پارتيانىڭ دەموكراتيالىق ورتالىقتاندىرۋ تۇزىمىنە تاباندى بولۋ جانە ونى قورعاۋ، دەموكراتيالىق ستيل، جالپى كولەمدىك كوزقاراس بولۋ، جولداستارمەن، جۇيەدەن وزىنە باسقاشا پىكىردەگى جولداستارمەن ىنتىماقتاسىپ، بىرگە قىزمەت ىستەي ءبىلۋ.
35 - تارماق
پارتيالى كادرلار پارتيا سىرتىنداعى كادرلارمەن ىستەس بولا ءبىلۋ، ولاردى قۇرمەتتەۋ، ولاردىڭ ارتىقشىلىقتارىن كىشىپەيىلدىكپەن ۇيرەنۋ كەرەك.
پارتيانىڭ ءار دارەجەلى ۇيىمدارى ناعىز ءبىلىم، قابىلەتى بار پارتيا سىرتىنداعى كادرلاردى بايقاي ءبىلۋ جانە ولاردى باسشىلىق قىزمەتىنە كورسەتە ءبىلۋ، سونداي - اق ولاردا قىزمەت ۇقىعى بولۋىن قامتاماسىز ەتىپ، ولاردىڭ رولىن تولىق ساۋلەلەندىرۋ كەرەك.
36 - تارماق
پارتيانىڭ ءار دارەجەلى باسشى كادرلارىنىڭ، مەيلى دەموكراتيالىق جولمەن سايلانعاندارى بولسىن نەمەسە باسشىلىق مەكەمە جاعىنان تاعايىندالعاندارى بولسىن، بارلىعى دا ول مىندەتكە ومىرلىك قويىلعاندار ەمەس، ولاردى مىندەتىنەن اۋىستىرۋعا نەمەسە الىپ تاستاۋعا بولادى.
ۇزدىكسىز قىزمەت ىستەۋگە جاسى، دەنساۋلىعى جار بەرمەگەن كادرلار مەملەكەتتىڭ بەلگىلەمەسىنە ساي زەينەتكە، دەمالىسقا شىعۋى كەرەك.
جەتىنشى تاراۋ
پارتيا ءتارتىبى
37 - تارماق
پارتيا ءتارتىبى ــــ پارتيانىڭ ءار دارەجەلى ۇيىمدارى مەن بارلىق پارتيا مۇشەلەرى بويسۇنۋعا ءتيىستى قيمىل ەرەجەسى، پارتيانىڭ ىنتىماعىن، بىرلىگىن قورعاۋدىڭ، پارتيانىڭ مىندەتتەرىن ورىنداۋدىڭ كەپىلى. پارتيا ۇيىمدارى پارتيا ءتارتىبىن قاتاڭ اتقارۋى جانە قورعاۋى، كوممۋنيستەر پارتيا ءتارتىبىنىڭ تەجەمىن سانالى تۇردە قابىلداۋى ءتيىس.
38 - تارماق
پارتيا ۇيىمدارى پارتيا تارتىبىنە قايشىلىق جاساعان پارتيا مۇشەلەرىنە وتكەندەگىدەن ساباق الىپ، كەيىنگىگە عيبىرات ەتۋ، اۋرۋدى ەمدەپ، ادامدى قۇتقارۋ رۋحى بويىنشا، قاتەلىگىنىڭ سيپاتىنا جانە سالماعىنا قاراي، سىن ايتىپ، تاربيە بەرۋ، ءتىپتى ءتارتىپ جازاسىن قولدانۋ كەرەك.
قىلمىستىق ىستەر زاڭىنا اۋىر قايشىلىق جاساعان پارتيا مۇشەلەرىن پارتيادان شىعارۋ كەرەك.
پارتيا ىشىندە پارتيا مۇشەلەرىنە پارتيا ۋستاۆىنا جانە مەملەكەت زاڭىنا قايشى كەلەتىن تاسىلدەرمەن مامىلە جاساۋعا قاتاڭ تيىم سالىنادى. سوققى بەرىپ، ءوش الۋعا جانە جالا جاۋىپ، زيانكەستىك ىستەۋگە قاتاڭ تيىم سالىنادى. وسى بەلگىلەمەلەرگە قايشىلىق جاساعان ۇيىم نەمەسە جەكە پارتيا ءتارتىبى مەن مەملەكەت زاڭى بويىنشا قۋزاستىرىلۋ كەرەك.
39 - تارماق
پارتيانىڭ ءتارتىپ جازاسى مىناداي بەس ءتۇرلى: قاتاڭ ەسكەرتۋ بەرۋ، پارتيا ىشىندەگى مىندەتىنەن الۋ، پارتيادا قالدىرىپ بايقاپ كورۋ، پارتيادان شىعارۋ.
پارتيا مۇشەسىن پارتيادا قالدىرىپ بايقاپ كورۋ ۋاقىتى ەڭ ۇزاعاندا 2 جىلدان اسپاۋ كەرەك. پارتيادا قالدىرىپ بايقاپ كورۋ كەزىندە پارتيا مۇشەسىنىڭ داۋىس بەرۋ، سايلاۋ جانە سايلانۋ ۇقىعى بولمايدى. پارتيا مۇشەسى پارتيادا قالدىرىپ بايقاپ كورۋدەن ءوتىپ، قاتەلىگىن شىنايى تۇزەتسە، پارتيا مۇشەسىندىك ۇقىعىن قالپىنا كەلتىرۋ كەرەك؛ قاتەلىگىندە قاسارسىپ وزگەرتپەگەندەرىن پارتيادان شىعارۋ كەرەك.
پارتيادان شىعارۋ ــــ پارتيا ىشىندەگى ەڭ اۋىر جازا، ءار دارەجەلى پارتيا ۇيىمدارى پارتيا مۇشەسىن پارتيادان شىعارۋ جونىندە قاۋلى العان نەمەسە ونى بەكىتكەن كەزدە، قاتىستى ماتەريالدار مەن پىكىرلەردى جان - جاقتىلى زەرتتەپ كورۋ، توتەنشە بايىپتى پوزيتسيا ۇستاۋ كەرەك.
40 - تارماق
پارتيا مۇشەلەرىنە بەرىلەتىن ءتارتىپ جازاسىن جىبۋ جينالىسىنىڭ تالقىلاپ بەلگىلەۋىنەن وتكىزىپ، پارتيانىڭ نەگىزگى ساتى كوميتەتىنە بەكىتتىرۋ كەرەك؛ ساياتىن ماسەلەلەر ءبىرشاما ماڭىزدى نەمەسە كۇردەلى بولعاندا نەمەسە پارتيا مۇشەلەرىنە پارتيادان شىعارۋ جازاسىن بەرگەندە، ءارقايسىنىڭ ءوز احۋالىنا قاراي پارتيانىڭ اۋدان نەمەسە اۋداننان جوعارى دارەجەلى ءتارتىپ تەكسەرۋ كوميتەتىنىڭ تەكسەرىپ بەكىتۋىنە جولداۋ كەرەك. ەرەكشە جاعدايدا، پارتيانىڭ اۋدان جانە اۋداننان جوعارى دارەجەلى كوميتەتتەرى مەن ءتارتىپ تەكسەرۋ كوميتەتتەرىندە پارتيا مۇشەلەرىنە ءتارتىپ جازاسىن بەرۋدى تىكەلەي بەلگىلەۋ ۇقىعى بولادى.
پارتيانىڭ ورتالىق كوميتەتىنىڭ جانە جەرگىلىكتى ءار دارەجەلى كوميتەتتەرىنىڭ مۇشەلەرىنە، كانديدات مۇشەلەرىنە پارتيا ىشىندەگى مىندەتىنەن الىپ تاستاۋ، پارتيادا قالدىرىپ بايقاپ كورۋ نەمەسە پارتيادان شىعارۋ جازاسىن بەرۋدى سول ادام تۇرعان كوميتەتتىڭ جالپى ماجىلىسىندە ۇشتەن ەكىدەن ارتىق داۋىسپەن ۇيعارۋ كەرەك. ەرەكشە جاعدايدا، الدىمەن ورتالىق كوميتەت ساياسي بيۋروسى مەن جەرگىلىكتى ءار دارەجەلى كوميتەتتەردىڭ تۇراقتى كوميتەتتەرىنىڭ ءبىرجاقتىلى ەتۋدى قاۋلى ەتۋىنە بولادى، سوڭىنان كوميتەتتىڭ جالپى ءماجىلىسى اشىلعان كەزدە مويىندالادى. جەرگىلىكتى ءار دارەجەلى كوميتەتتەردىڭ مۇشەلەرى مەن كانديدات مۇشەلەرىنە جوعارىداعىداي شارا قولدانۋدى جوعارى دارەجەلى پارتيا كوميتەتىنىڭ بەكىتۋىنەن وتكىزۋ كەرەك.
ورتالىق كوميتەتتىڭ قىلمىستىق ىستەر زاڭىنا اۋىر دارەجەدە قايشىلىق جاساعان مۇشەسىن، كانديدات مۇشەسىن پارتيادان شىعارۋدى ورتالىق كوميتەتتىڭ ساياسي بيۋروسى ۇيعارادى؛ جەرگىلىكتى ءار دارەجەلى كوميتەتتەردىڭ قىلمىستىق ىستەر زاڭىنا اۋىر دارەجەدە قايشىلىق جاساعان مۇشەسىن، كانديدات مۇشەسىن پارتيادان شىعارۋدى سول دارەجەلى كوميتەتتەردىڭ تۇراقتى كوميتەتتەرى ۇيعارادى.
41 - تارماق
پارتيا ۇيىمدارى پارتيا مۇشەلەرىنە جازا بەرۋدى ۇيعارعاندا، شىندىقتى ءىس جۇزىنەن ىزدەپ، فاكتتەردى انىقتاۋ كەرەك. شارا كورۋ ۇيعارىمىنا نەگىز ەتىلگەن فاكتتەر مەن ماتەريالداردى جانە شارا كورۋ ۇيعارىمىن سول ادامنىڭ وزىنە كورسەتىپ، سول ادامنىڭ ءمان - جايدى ءتۇسىندىرۋىن جانە ءوزىن اقتاۋىن تىڭداۋ كەرەك. ەگەر ءوزى شارا كورۋ ۇيعارىمىنا مويىنسال بولماسا، ارىزدانۋىنا بولادى، قاتىستى پارتيا ۇيىمدارى مۇنى جاۋاپكەرشىلىكپەن ءبىرجاقتىلى ەتۋ نەمەسە ءتيىستى ورىنعا تەزىرەك جولداۋ ءتيىس، باسىپ قويۋىنا بولمايدى. قاتە پىكىرىندە قاسارىسقاندىعى جانە ورىنسىز تالاپ قويعاندىعى انىق بولعاندارعا، سىن ايتىپ، تاربيە بەرۋ كەرەك.
42 - تارماق
پارتيا ۇيىمدارى ەگەر پارتيا ءتارتىبىن قورعاۋ جاعىندا مىندەتىن وتەمەسە، ونى قۋزاستىرۋ كەرەك.
پارتيا تارتىبىنە اۋىر قايشىلىق جاساعان، ءارى ءوزى تۇزەتىپ كەتە المايتىن پارتيا ۇيىمدارىن ءبىر دارەجە جوعارى پارتيا كوميتەتى تەكسەرىپ انىعىنا جەتكەننەن كەيىن، قاتەلىگىنىڭ اۋىرلىق دارەجەسىنە قاراي وتىرىپ، قايتا قۇرۋ نەمەسە تاراتۋ جونىندە قاۋلى الۋ، سونداي - اق ونى تاعى ءبىر دارەجە جوعارى پارتيا كوميتەتىنىڭ تەكسەرىپ - بەكىتۋىنەن وتكىزىپ، رەسمي جاريالاپ اتقارۋ كەرەك.
سەگىزىنشى تاراۋ
پارتيانىڭ ءتارتىپ تەكسەرۋ ورگاندارى
43 - تارماق
پارتيانىڭ ورتالىق ءتارتىپ تەكسەرۋ كوميتەتى پارتيا ورتالىق كوميتەتىنىڭ باسشىلىعىندا قىزمەت ىستەيدى. پارتيانىڭ جەرگىلىكتى ءار دارەجەلى ءتارتىپ تەكسەرۋ كوميتەتتەرى مەن نەگىزگى ساتى ءتارتىپ تەكسەرۋ كوميتەتتەرى وزىمەن دارەجەلەس پارتيا كوميتەتتەرىنىڭ جانە جوعارى دارەجەلى ءتارتىپ تەكسەرۋ كوميتەتتەرىنىڭ قوس قابات باسشىلىعىندا قىزمەت ىستەيدى.
پارتيانىڭ ءار دارەجەلى ءتارتىپ تەكسەرۋ كوميتەتتەرىنىڭ ءار كەزەگىنىڭ مىندەت وتەۋ مەرزىمى وزىمەن دارەجەلەس پارتيا كوميتەتتەرىنىكىمەن ۇقساس بولادى.
پارتيانىڭ ورتالىق ءتارتىپ تەكسەرۋ كوميتەتىنىڭ جالپى ءماجىلىسى ءوزىنىڭ تۇراقتى كوميتەتىن، شۋجيىن، شۋجيدىڭ ورىنباسارلارىن سايلايدى جانە ونى پارتيانىڭ ورتالىق كوميتەتىنە بەكىتتىرەدى، پارتيانىڭ جەرگىلىكتى ءار دارەجەلى ءتارتىپ تەكسەرۋ كوميتەتىنىڭ جالپى ءماجىلىسى ءوزىنىڭ تۇراقتى كوميتەتىن، شۋجيىن، شۋجيدىڭ ورىنباسارلارىن سايلايدى جانە ونى وزىمەن دارەجەلەس پارتيا كوميتەتىنىڭ قابىلداۋىنان وتكىزىپ، جوعارى دارەجەلى پارتيا كوميتەتىنىڭ بەكىتۋىنە جولدايدى. پارتيانىڭ نەگىزگى ساتى كوميتەتى ءتارتىپ تەكسەرۋ كوميتەتىن قۇرا ما، الدە ءتارتىپ تەكسەرۋشى قويا ما، ونى ءبىر دارەجە جوعارى پارتيا ۇيىمى ناقتى جاعدايعا قاراي بەلگىلەيدى. پارتيانىڭ باس جىبۋ القاسى مەن جىبۋ القاسى ءتارتىپ تەكسەرۋشى قويادى.
پارتيانىڭ ورتالىق ءتارتىپ تەكسەرۋ كوميتەتىنىڭ قىزمەت قاجەتىنە ساي، ورتالىق دارەجەلى پارتيا، مەملەكەت ورگاندارىندا پارتيانىڭ ءتارتىپ تەكسەرۋ گرۋپپاسىن نەمەسە ءتارتىپ تەكسەرۋشى قويۋىنا بولادى. ءتارتىپ تەكسەرۋ گرۋپپاسى باستىعىنىڭ نەمەسە ءتارتىپ تەكسەرۋشىنىڭ پارتيانىڭ سول ورگاندارداعى باسشى ۇيىمدارىنىڭ قاتىستى جيىندارىنا كەڭەسشى رەتىندە قاتىناسۋىنا بولادى. پارتيانىڭ سول ورگاندارداعى باسشى ۇيىمدارى ولاردىڭ قىزمەتىن قولداۋ كەرەك.
44 - تارماق
پارتيانىڭ ءار دارەجەلى ءتارتىپ تەكسەرۋ كوميتەتتەرىنىڭ باستى مىندەتتەرى مىنالار: پارتيانىڭ ۋستاۆىن جانە پارتيا ىشىندەگى باسقا دا زاڭ - ەرەجەلەردى قورعاۋ، پارتيانىڭ لۋشيان، باعىت - ساياساتتارىنىڭ جانە قاۋلىلارىنىڭ اتقارىلۋ احۋالىن تەكسەرۋ، پارتيا كوميتەتىنىڭ پارتيا ستيلى قۇرىلىسىن كۇشەيتۋىنە جاردەمدەسۋ، ءىرىپ - شىرۋگە قارسى تۇرۋ قىزمەتىن ۇيىمداستىرۋ، سايكەستىرۋ.
ءار دارەجەلى ءتارتىپ تەكسەرۋ كوميتەتتەرى پارتيا مۇشەلەرىنە تارتىپكە بويسۇنۋ جونىندە ۇنەمى تاربيە جۇرگىزىپ وتىرادى. پارتيا ءتارتىبىن قورعاۋ جونىندە قاۋلى الادى؛ پارتيالى باسشى كادرلاردىڭ بيلىك جۇرگىزۋىن باقىلايدى؛ پارتيا ۇيىمدارى مەن پارتيا مۇشەلەرى پارتيا ۋستاۆىنا جانە باسقا دا پارتيا ىشىندەگى زاڭ - ەرەجەلەرگە قايشىلىق ىستەگەن ءبىرشاما ماڭىزدى نەمەسە كۇردەلى دەلولاردى تەكسەرەدى جانە ءبىر جاقتىلى ەتەدى، وسى دەلولارداعى پارتيا مۇشەلەرىنە بەرىلەتىن شارانى بەلگىلەيدى نەمەسە كۇشىنەن قالدىرادى؛ پارتيا مۇشەلەرىنەن تۇسكەن شاعىمدار مەن ارىزداردى قابىلداپ باسقارادى؛ پارتيا مۇشەلەرىنىڭ ۇقىعىن قامتاماسىزداندىرادى.
ءار دارەجەلى ءتارتىپ تەكسەرۋ كوميتەتتەرى ەرەكشە ماڭىزدى نەمەسە كۇردەلى دەلولاردى ءبىرجاقتىلى ەتۋ بارىسىنداعى ماسەلەلەر مەن ءبىرجاقتىلى ەتۋ ناتيجەسىن وزىمەن دارەجەلەس پارتيا كوميتەتتەرىنە مالىمدەۋ كەرەك. پارتيانىڭ جەرگىلىكتى ءار دارەجەلى ءتارتىپ تەكسەرۋ كوميتەتتەرى مەن نەگىزگى ساتى ءتارتىپ تەكسەرۋ كوميتەتتەرى سونىمەن قاتار جوعارى دارەجەلى ءتارتىپ تەكسەرۋ كوميتەتتەرىنە دە مالىمدەۋ كەرەك.
ءار دارەجەلى ءتارتىپ تەكسەرۋ كوميتەتتەرى وزىمەن دارەجەلەس پارتيا كوميتەتى مۇشەلەرىنىڭ پارتيا تارتىبىنە قايشى كەلەتىن ءىس - ارەكەتتەرىن بايقاعاندا، الدىمەن باستاپقى قادامدا انىقتاۋ جۇرگىزۋىنە بولادى، دەلو تۇرعىزىپ تەكسەرۋگە تۋرا كەلسە، وزىمەن دارەجەلەس پارتيا كوميتەتتەرىنە جولداپ بەكىتتىرۋى، تۇراقتى كوميتەت مۇشەلەرىنە ساياتىندارىن وزىمەن دارەجەلەس پارتيا كوميتەتتەرىنە جولداعاننان كەيىن، وزىنەن ءبىر دارەجە جوعارى ءتارتىپ تەكسەرۋ كوميتەتتەرىنە جولداپ بەكىتتىرۋى ءتيىس.
45 - تارماق
جوعارى دارەجەلى ءتارتىپ تەكسەرۋ كوميتەتى تومەن دارەجەلى ءتارتىپ تەكسەرۋ كوميتەتىنىڭ قىزمەتىن تەكسەرۋگە، سونداي - اق تومەن دارەجەلى ءتارتىپ تەكسەرۋ كوميتەتىنىڭ دەلولار جونىندەگى قاۋلىسىن بەكىتۋگە جانە وزگەرتۋگە ۇقىقتى. ەگەر وسى تومەن دارەجەلى ءتارتىپ تەكسەرۋ كوميتەتىنىڭ وزگەرتىلەتىن قاۋلىسىن وزىمەن دارەجەلەس پارتيا كوميتەتى بەكىتكەن بولسا، مۇنداي وزگەرتۋدى وزىنەن ءبىر دارەجە جوعارى پارتيا كوميتەتىنىڭ بەكىتۋىنەن وتكىزۋ كەرەك.
پارتيانىڭ جەرگىلىكتى ءار دارەجەلى ءتارتىپ تەكسەرۋ كوميتەتتەرى مەن نەگىزگى ساتى ءتارتىپ تەكسەرۋ كوميتەتتەرى ەگەر وزىمەن دارەجەلەس پارتيا كوميتەتتەرىنىڭ دەلولاردى ءبىرجاقتىلى ەتۋ جونىندەگى قاۋلىسىنا باسقاشا پىكىردە بولسا، وزىنەن ءبىر دارەجە جوعارى ءتارتىپ تەكسەرۋ كوميتەتىنەن قايتا تەكسەرۋدى ءوتىنىش ەتۋىنە بولادى؛ ەگەر وزىمەن دارەجەلەس پارتيا كوميتەتتەرىنىڭ نەمەسە ونىڭ قۇرامىنداعىلاردىڭ پارتيا تارتىبىنە قايشىلىق جاساعان احۋالىن بايقاعاندا، وزىمەن دارەجەلەس پارتيا كوميتەتتەرى ونى شەشپەسە نەمەسە دۇرىس شەشپەسە، جوعارى دارەجەلى ءتارتىپ تەكسەرۋ كوميتەتتەرىنە ارىز بەرىپ، كومەكتەسىپ ءبىرجاقتىلى ەتۋدى ءوتىنىش ەتۋگە ۇقىقتى.
توعىزىنشى تاراۋ
پارتگرۋپپا
46 - تارماق
ورتالىقتاعى جانە جەرگىلىكتى جەرلەردەگى مەملەكەت ورگاندارىنىڭ، حالىقتىق ۇيىمداردىڭ، شارۋاشىلىق، مادەنيەت ۇيىمدارىنىڭ جانە باسقا دا بەيپارتيالىق ۇيىمداردىڭ باسشىلىق ورگاندارىندا پارتگرۋپپا قۇرۋعا بولادى. پارتگرۋپپا باسشىلىق ۇيتقىلىق رولىن ساۋلەلەندىرەدى. پارتگرۋپپانىڭ مىندەتى ــــ باستىسى پارتيانىڭ لۋشيانىن، باعىت - ساياساتتارىن دايەكتى اتقارۋعا جاۋاپتى بولۋ؛ ءوز ورىندارىنداعى كەلەلى ماسەلەلەردى تالقىلاۋ جانە ول جونىندە قاۋلى الۋ؛ كادرلاردى باسقارۋ قىزمەتىن ويداعىداي ىستەۋ؛ پارتيا سىرتىنداعى كادرلارمەن، بۇقارامەن ىنتىماقتاسا وتىرىپ، پارتيا مەن مەملەكەت تاپسىرعان مىندەتتى ورىنداۋ؛ مەكەمە جانە توتە قاراستى ورىندارداعى پارتيا ۇيىمدارىنىڭ قىزمەتىنە جەتەكشىلىك ەتۋ.
47 - تارماق
پارتگرۋپپانىڭ قۇرامىنداعىلاردى پارتگرۋپپانى قۇرۋدى بەكىتكەن پارتيا ۇيىمى بەلگىلەيدى. پارتگرۋپپادا شۋجي قويىلادى، قاجەت تابىلعاندا، شۇجيدىڭ ورىنباسارىن قويۋعا دا بولادى.
پارتگرۋپپا ءوزىن قۇرۋدى بەكىتكەن پارتيا ۇيىمىنىڭ باسشىلىعىنا بويسۇنۋ ءتيىس.
48 - تارماق
وزىنە قاراستى ورىندارعا شوعىرلانعان ءبىرتۇتاس باسشىلىق جۇرگىزەتىن مەملەكەتتىك قىزمەت تاراۋلارىندا پارتيا كوميتەتىن قۇرۋعا بولادى، ونى جارىققا شىعارۋ ءادىسىن، ونىڭ ۇقىعىن جانە قىزمەت مىندەتىن ورتالىق كوميتەت ايىرىم بەلگىلەيدى.
ونىنشى تاراۋ
پارتيانىڭ كوممۋنيستىك جاستار وداعىمەن قارىم - قاتىناسى
49 - تارماق
جۇڭگو كوممۋنيستىك جاستار وداعى ــــ جۇڭگو كوممۋنيستىك پارتياسىنىڭ باسشىلىعىنداعى ۇزدىك جاستاردىڭ بۇقارالىق ۇيىمى، قالىڭ جاستاردىڭ اماليات بارىسىندا جۇڭگوشا سوتسياليزمدى جانە كوممۋنيزمدى ۇيرەنەتىن مەكتەبى، پارتيانىڭ قولقاناتى جانە زاپاس قوسىنى. كوممۋنيستىك جاستار وداعىنىڭ ورتالىق كوميتەتى پارتيا ورتالىق كوميتەتىنىڭ باسشىلىعىندا بولادى. كوممۋنيستىك جاستار وداعىنىڭ جەرگىلىكتى ءار دارەجەلى ۇيىمدارى وزىمەن دارەجەلەس پارتيا كوميتەتىنىڭ باسشىلىعىندا، سونىمەن بىرگە كوممۋنيستىك جاستار وداعىنىڭ جوعارى دارەجەلى ۇيىمىنىڭ باسشىلىعىندا بولادى.
50 - تارماق
پارتيانىڭ ءار دارەجەلى كوميتەتتەرى كوممۋنيستىك جاستار وداعىنا بولعان باسشىلىقتى كۇشەيتۋ، وداق كادرلارىن تاڭداپ وسىرۋگە جانە كۋرستان وتكىزۋگە نازار اۋدارۋ كەرەك. پارتيا كوممۋنيستىك جاستار وداعىنىڭ قالىڭ جاستاردىڭ ەرەكشەلىگى مەن قاجەتىنە ساي، جاندى دا جالىندى تۇردە، باي مازمۇندى جاسامپازدىقپەن قىزمەت ىستەۋىن باتىل قولداپ، ونىڭ ەكپىندى قوسىندىق رولىن جانە قالىڭ جاستارمەن بايلانىس جاساۋداعى كوپىرلىك رولىن تولىق ساۋلەلەندىرۋ كەرەك.
وداقتىڭ اۋدان دارەجەلى جانە اۋداننان تومەن دارەجەلى كوميتەتتەرىنىڭ شۋجيلارى، كاسىپورىن، ءىسورىن وداق كوميتەتىنىڭ شۋجيلارى پارتيا مۇشەسى بولسا، وزىمەن دارەجەلەس پارتيا كوميتەتى مەن ونىڭ تۇراقتى كوميتەتىنىڭ ماجىلىسىنە كەڭەسشى رەتىندە قاتىناسۋىنا بولادى.
ون ءبىرىنشى تاراۋ
پارتيا بەلگىسى، پارتيا تۋى
51 - تارماق
جۇڭگو كوممۋنيستىك پارتياسىنىڭ بەلگىسى وراق جانە بالعادان قۇرالعان.
52 - تارماق
جۇڭگو كوممۋنيستىك پارتياسىنىڭ تۋى ــــ التىن سارى ءتۇستى پارتيا بەلگىسى قوندىرىلعان قىزىل تۋ.
53 - تارماق
جۇڭگو كوممۋنيستىك پارتياسىنىڭ بەلگىسى مەن تۋى ــــ جۇڭگو كوممۋنيستىك پارتياسىنىڭ سيموۆلى جانە بەلگىسى، پارتيانىڭ ءار دارەجەلى ۇيىمدارى مەن ءاربىر مۇشەسى پارتيا بەلگىسى مەن پارتيا تۋىنىڭ بەدەلىن قورعاۋى ءتيىس. پارتيانىڭ بەلگىسى مەن تۋىن بەلگىلەمە بويىنشا جاساۋ جانە قولدانۋ كەرەك.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
