- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگوشا سوتسياليزم جولىمەن اۋىتقىماي العا باسىپ، جاپپاي دوڭگەلەك داۋلەتتى قوعام قۇرۋ جولىندا كۇرەسەيىك(2)
2012.11.22 14:04
وسى ورايدا مەن ج ك پ ورتالىق كوميتەتى اتىنان بۇكىل ەلدەگى ءار ۇلت حالقىنا، دەموكراتيالىق پارتيا-توپتارعا، حالىقتىق ۇيىمدارعا جانە ءار سالا وتانشىل قايراتكەرلەرگە، شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستار مەن تايۋاندىق باۋىرلاستارعا، سونداي-اق قالىڭ مۇھاجىر باۋىرلاستارعا، جۇڭگونىڭ وسىزاماندانۋ قۇرىلىسىنا كوڭىل بولگەن جانە قولداۋ بەرگەن ءارقايسى ەلدەردەگى بارلىق دوستارعا شىن جۇرەكتەن العىس ايتامىن!
10 جىلدىق كۇرەس ساپارىن قورىتىندىلاعاندا، ەڭ ماڭىزدىسى ءبىز ماركسيزم لەنينيزم، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن جەتەكشى ەتۋگە تاباندى بولىپ، اماليات نەگىزىندە نازاريادا جاڭالىق جاراتۋدى باتىلدىقپەن ىلگەرىلەتىپ، جۇڭگوشا سوتسياليزمگە تاباندى بولۋ جانە ونى دامىتۋدى وزەك ەتە وتىرىپ، تىعىز ۇشتاسىپ، ءوزارا توعىساتىن ءبىرقىدىرۋ تىڭ يدەيا، تىڭ كوزقاراس، تىڭ تۇجىرىمداردى العا قويىپ، عىلمي دامۋ كوزقاراسىن قالىپتاستىردىق جانە ونى دايەكتىلەندىردىك. عىلمي دامۋ كوزقاراسى ماركسيزمنىڭ قازىرگى زامانعى جۇڭگونىڭ ءىس جۇزىندىگىمەن جانە ءداۋىردىڭ ەرەكشەلىگىمەن ۇشتاسۋىنىڭ ناتيجەسى، دامۋ جونىندەگى دۇنيەگە ماركستىك كوزقاراس پەن ءادىس نازارياسىنىڭ شوعىرلى بەينەلەنۋى، ول جاڭا جاعدايدا قانداي دامۋدى جۇزەگە اسىرۋ، قالاي دامۋ سىندى كەلەلى ماسەلەلەرگە تىڭ دا عىلمي جاۋاپ بەرىپ، جۇڭگوشا سوتسياليزمنىڭ زاڭدىلىعى جونىندەگى تانىمىمىزدى تىڭ ورەگە كوتەرىپ، ماركسيزمنىڭ قازىرگى زامانعى جۇڭگودا دامۋىنا تىڭ ءورىس اشتى. عىلمي دامۋ كوزقاراسى ‐ جۇڭگوشا سوتسياليزمنىڭ نازاريالىق جۇيەسىندەگى ەڭ جاڭا جەتىستىك، جۇڭگو كوممۋنيستىك پارتياسىنىڭ كوللەكتيۆتىك اقىل پاراساتىنىڭ جاۋھارى، پارتيا مەن مەملەكەتتىڭ بارلىق قىزمەتىنە جەتەكشىلىك ەتەتىن قۇدىرەتتى يدەيالىق قارۋ. عىلمي دامۋ كوزقاراسى ماركسيزم-لەنينيزم، ماۋ زىدۇڭ يدەياسى، دىڭ شياۋپيڭ نازارياسى، ”ۇشكە ۋاكىلدىك ەتۋ“ ماڭىزدى يدەياسىمەن بىرگە پارتيانىڭ ۇزاق ۋاقىت ءسوزسىز تاباندى بولاتىن جەتەكشى يدەياسى بولا بەرەدى.
بولاشاقتى بەتكە الساق، عىلمي دامۋ كوزقاراسىن ىشكەرىلەي دايەكتى تياناقتاندىرۋ جۇڭگوشا سوتسياليزمگە تاباندى بولۋ جانە ونى دامىتۋ جونىنەن كەلەلى رەال جانە تەرەڭ تاريحي ءمان الادى، عىلمي دامۋ كوزقاراسىن، ءسوز جوق، ەلىمىزدىڭ وسىزامانداندىرۋ قۇرىلىسىنىڭ جالپى بارىسىندا دايەكتى اتقارىپ، پارتيا قۇرىلىسىنىڭ ءتۇرلى جاقتارىندا ايگىلەۋ كەرەك. بۇكىل پارتيا، ءسوز جوق، اناعۇرلىم سانالىلىقپەن ەكونوميكالىق، قوعامدىق دامۋدى جەبەۋدى عىلمي دامۋ كوزقاراسىن ىشكەرىلەي دايەكتى تياناقتاندىرۋداعى ەڭ ماڭىزدى مىندەت ەتىپ، ەكونوميكالىق قۇرىلىس سىندى وسى ءتۇيىندى بەرىك مەڭگەرىپ، قۇرىلىستى بار زەيىنمەن، دامۋدى بار ىنتا-پەيىلىمەن جۇرگىزۋگە تاباندى بولىپ، دامۋدىڭ زاڭدىلىعىن كۇش سالا مەڭگەرىپ، دامۋ كوزقاراسىندا جاڭالىق جاراتىپ، دامۋداعى قيىن ماسەلەلەردى شەشىپ، ەلدى عىلىم-تەحنيكامەن، وقۋ-اعارتۋمەن گۇلدەندىرۋ، دارىندىلارعا سۇيەنىپ قۇدىرەتتەندىرۋ، باياندى دامۋ ستراتەگياسىن ىشكەرىلەي اتقارىپ، عىلمي دامۋ تالابىنا ۇيلەسەتىن دامۋ ءادىسى مەن ءتۇزىلىس مەحانيزمىن ورناتۋدى جەدەلدەتىپ، قوعامدىق وندىرگىش كۇشتەردى ۇزدىكسىز ازات ەتۋ جانە دامىتۋ، عىلمي، جاراسىمدى، بەيبىت دامۋدى جالعاستى جۇزەگە اسىرىپ، جۇڭگوشا سوتسياليزمگە تاباندى بولۋ جانە ونى دامىتۋ جولىندا بەرىك نەگىز قالاۋى كەرەك. ادامدى نەگىز ەتۋدى، ءسوز جوق، ءتىپتى دە سانالىلىقپەن عىلمي دامۋ كوزقاراسىن ىشكەرىلەي دايەكتى تياناقتاندىرۋدىڭ وزەكتى تۇرعىسى ەتىپ، قالىڭ حالىق بۇقاراسىنىڭ ءتۇبىرلى مۇددەسىن ويداعىداي جۇزەگە اسىرۋ، قورعاۋ، دامۋدى باستان اياق پارتيا مەن مەملەكەتتىڭ بارلىق قىزمەتىنىڭ شىعار ءتۇيىنى مەن تياناعى ەتۋ، حالىقتىڭ جاسامپازدىق رۋحىنا قۇرمەت ەتۋ، حالىقتىڭ ءتۇرلى ۇقىق مۇددەسىن قامتاماسىزداندىرىپ، حالىقتى دامۋدىڭ تابىستارىنان ورتاق يگىلىكتەندىرۋ، ادامنىڭ جان-جاقتىلى دامۋىن جەبەۋ جاعىندا ۇزدىكسىز تىڭ تابىستارعا قول جەتكىزۋ كەرەك. اناعۇرلىم سانالىلىقپەن جاپپاي سايكەستىرۋ مەن باياندىلىقتى عىلمي دامۋ كوزقاراسىن ىشكەرىلەي دايەكتى تياناقتاندىرۋدىڭ نەگىزگى تالابى ەتىپ، ەكونوميكالىق، ساياسي، مادەنيەت، قوعامدىق، ەكولوگيالىق وركەنيەت قۇرىلىسى سىندى بەس قۇرىلىس ءبىر تۇلعالانعان جالپى تۇلعالىق ورنالاستىرۋدى جان-جاقتىلى تياناقتاندىرىپ، وسىزامانداندىرۋ قۇرىلىسىندا ءتۇرلى جاقتاردىڭ سايكەسۋىن، وندىرىستىك قاتىناس پەن وندىرگىش كۇشتىڭ، قوندىرما مەن بازيستىڭ سايكەسۋىن جەبەپ، ءوندىرىسى دامىعان، تۇرمىسى اۋقاتتى، ەكولوگياسى تاماشا وركەنيەتتى دامۋ جولىن اشا ءتۇسۋ كەرەك. اناعۇرلىم سانالىلىقپەن ءبىرتۇتاس جوسپارلاپ، بارىنە تەڭ ءمان بەرۋدى عىلمي دامۋ كوزقاراسىن ىشكەرىلەي دايەكتى تياناقتاندىرۋدىڭ ءتۇبىرلى ءادىسى ەتىپ، بارلىعىندا ناقتى جاعدايدى شىعار ءتۇيىن ەتۋگە تاباندى بولىپ، جۇڭگوشا سوتسياليزم ىستەرىندەگى ماڭىزدى قاتىناستاردى دۇرىس تانىپ جانە لايىقتى شەشىپ، رەفورما، دامۋ، ورنىقتىلىق، ىشكى ىستەر، ديپلوماتيا، قورعانىس، پارتيانى، مەملەكەتتى، ارميانى باسقارۋ سىندى ءتۇرلى جاقتاعى قىزمەتتەردى، قالا-اۋىلداردىڭ دامۋىن، وڭىرلىك دامۋدى، ەكونوميكالىق، قوعامدىق دامۋدى، ادامزات پەن تابيعاتتىڭ جاراسىمدى دامۋىن، ەل ىشىندەگى دامۋ مەن سىرتقا ەسىك اشۋدى، ءارقايسى جاقتاردىڭ مۇددە قاتىناسىن ءبىرتۇتاس جوسپارلاپ، ءتۇرلى جاقتاردىڭ بەلسەندىلىگىن تولىق جۇمىلدىرىپ، جالپى حالىق اركىم ءوز قابىلەتىن ايگىلەپ، اركىم ءوز ورنىن تاباتىن بەرەكەلى جاعداي جاراتۋعا كۇش سالۋ كەرەك.
يدەيانى ازات ەتۋ، شىندىقتى ءىس جۇزىنەن ىزدەۋ، داۋىرمەن بىرگە العا باسۋ، شىندىققا جۇگىنىپ، ناقتى ىستەر ىستەۋ ‐ عىلمي دامۋ كوزقاراسىنىڭ ەڭ ايقىن رۋحاني ءمانى. امالياتتىق دامۋدا، اقيقاتتى تانۋدا، نازاريادا جاڭالىق جاراتۋدا شەك بولمايدى. بۇكىل پارتيا ءسوزسىز باتىلدىقپەن امالياتتان وتكىزۋگە، جاڭالاۋعا، جاڭالىق جاراتۋعا باتىل بولىپ، ءداۋىر دامۋىنىڭ تالابىن مەڭگەرىپ، حالىقتىڭ ورتاق تىلەگىنە سايكەسىپ، جۇڭگوشا سوتسياليزمنىڭ زاڭدىلىعىن قاجىماي زەرتتەپ جانە يگەرىپ، پارتيانىڭ جالىندى ومىرشەڭدىگىن، ەلدىڭ دامۋىنىڭ قوزعاۋشى كۇشىن ماڭگى ساقتاپ، پارتيا مەن حالىقتىڭ جاسامپازدىق امالياتى بارىسىندا جۇڭگوشا سوتسياليزمنىڭ ءتىپتى دە كەڭ دامۋ بولاشاعىن جاراتۋعا كۇش سالۋى كەرەك.
2. جۇڭگوشا سوتسياليزمنىڭ تىڭ جەڭىسىنە قول جەتكىزۋ
تاياۋ زاماننان بەرگى جۇڭگونىڭ قۇلاشىن كەڭ جايعان ايبىندى تاريحىن ەسكە الىپ، جۇڭحۋا ۇلتىنىڭ ۇمىتكە تولى بولاشاعىنا كوز جىبەرسەك، مىناداي داۋسىز قورىتىندى شىعارامىز: جاپپاي دوڭگەلەك داۋلەتتى قوعام قۇرىپ، سوتسياليستىك وسىزامانداندىرۋدى جەدەل ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن جۇڭگوشا سوتسياليزم جولىمەن جۇرۋدەن اۋىتقىماۋىمىز كەرەك.
جول پارتيانىڭ جان جۇيەسىنە، ەلدىڭ بولاشاعىنا، ۇلتتىڭ تاعدىرىنا، حالىقتىڭ باقىتىنا سايادى. جۇڭگو سىندى ەكونوميكاسى، مادەنيەتى ەرەكشە كەنجە قالعان ەلدە ۇلتتى كوركەيتۋدىڭ جولىن تابۋ توتەنشە جاپالى مىندەت. 90 نەشە جىلدان بەرى، پارتيامىز حالىققا تىعىز سۇيەنىپ، ماركسيزمنىڭ نەگىزگى قاعيدالارىن جۇڭگونىڭ ءىس جۇزىندىگىمەن، ءداۋىردىڭ ەرەكشەلىگىمەن ۇشتاستىرىپ، تاۋەلسىز، دەربەس بولىپ، ءوز جولىمەن ءجۇرىپ، مىڭ ءبىر ماشاقاتتاردى باستان كەشىرىپ، ءتۇرلى بوداۋلاردى بەرۋ ارقىلى توڭكەرىس پەن قۇرىلىستىڭ، رەفورمانىڭ ۇلى جەڭىسىنە قول جەتكىزىپ، جۇڭگوشا سوتسياليزمدى جارىققا شىعارىپ جانە دامىتىپ، جۇڭگو حالقى مەن جۇڭحۋا ۇلتىنىڭ بولاشاعى مەن تاعدىرىن تۇبەگەيلى وزگەرتتى.
ماۋ زىدۇڭ جولداستى ۇيتقى ەتكەن پارتيانىڭ ءبىرىنشى بۋىن ورتالىق باسشىلىق كوللەكتيۆى بۇكىل پارتياعا، بۇكىل ەلدەگى ءار ۇلت حالقىنا باسشىلىق ەتىپ، جاڭا دەموكراتيالىق توڭكەرىستى ورىنداپ، سوتسياليستىك وزگەرىس جۇرگىزىپ، سوتسياليزمنىڭ نەگىزگى ءتۇزىمىن بەرىك ورناتىپ، جۇڭگو تاريحىنداعى ەڭ تەرەڭ، ەڭ ۇلى قوعامدىق بۇرىلىستى ءساتتى ورىنداپ، وسىزامانعى جۇڭگونىڭ بارلىق دامۋى مەن العا باسۋىنا ءتۇبىرلى ساياسي العى شارت ازىرلەپ، قۇرىلىمدىق نەگىز قالادى. ىزدەنۋ بارىسىندا اۋىر بۇراڭدىقتاردى باستان كەشىرگەنىمەن، پارتيامىزدىڭ سوتسياليستىك قۇرىلىس بارىسىندا قول جەتكىزگەن جاسامپازدىق نازاريالىق تابىستارى مەن اسا زور جەتىستىكتەرى جاڭا تاريحي داۋىردەگى جۇڭگوشا سوتسياليزمدى جارىققا شىعارۋعا قۇندى تاجىريبە، نازاريالىق ازىرلىك، ماتەريالدىق نەگىز ۇسىندى.
دىڭ شياۋپيڭ جولداستى ۇيتقى ەتكەن پارتيانىڭ ەكىنشى بۋىن ورتالىق باسشىلىق كوللەكتيۆى بۇكىل پارتياعا، بۇكىل ەلدەگى ءار ۇلت حالقىنا باسشىلىق ەتىپ، ەلىمىزدىڭ سوتسياليستىك قۇرىلىسىنىڭ ۇنامدى-ۇنامسىز جاقتارىنداعى تاجىريبەلەردى ەگجەي-تەگجەيلى قورىتىندىلاپ، دۇنيە جۇزىندەگى سوتسياليزمنىڭ تاريحي تاجىريبەلەرىنەن عيبىرات الىپ، پارتيا مەن مەملەكەت قىزمەتىنىڭ وزەگىن ەكونوميكالىق قۇرىلىسقا اۋدارىپ، رەفورما جۇرگىزىپ، ەسىك اشۋ سىندى تاريحي شەشىم جاساپ، سوتسياليزمنىڭ ءمانىن ىشكەرىلەي ۇعىندىرىپ، سوتسياليزمنىڭ العاشقى ساتىسىنداعى نەگىزگى لۋشيانىن ايقىنداپ، ءوز جولىمەن ءجۇرىپ، جۇڭگوشا سوتسياليزم قۇرۋدى ايقىن العا قويىپ، جۇڭگوشا سوتسياليزم قۇرۋداعى ءبىرسىپىرا نەگىزگى ماسەلەگە عىلمي جاۋاپ بەرىپ، جۇڭگوشا سوتسياليزمدى ءساتتى جارىققا شىعاردى.
جياڭ زىمين جولداستى ۇيتقى ەتكەن پارتيانىڭ ءۇشىنشى بۋىن ورتالىق باسشىلىق كوللەكتيۆى بۇكىل پارتياعا، بۇكىل ەلدەگى ءار ۇلت حالقىنا باسشىلىق ەتىپ، پارتيانىڭ نەگىزگى نازارياسىندا، نەگىزگى لۋشيانىندا تاباندى بولا وتىرىپ، ىشكى-سىرتقى جاعداي اسا كۇردەلى بولىپ، دۇنيە جۇزىندە سوتسياليزم اۋىر بۇراڭدىلىققا جولىققان قاتاڭ سىنداردا جۇڭگوشا سوتسياليزمدى باتىل قورعادى، تىڭ امالياتقا نەگىزدەلە وتىرىپ، پارتيانىڭ نەگىزگى مۇراتىن، نەگىزگى تاجىريبەلەرىن، سوتسياليستىك بازار شارۋاشىلىعى ءتۇزىلىسى رەفورماسىنىڭ نىساناسى مەن نەگىزگى جۇلگەسىن، سوتسياليزمنىڭ العاشقى ساتىسىنداعى نەگىزگى شارۋاشىلىق ءتۇزىمى مەن ءبولىس ءتۇزىمىن ورناتىپ، جالپى بەتتىك رەفورمالاۋ مەن ەسىك اشۋدا جاڭا جاعداي جاراتىپ، پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتىپ، جۇڭگوشا سوتسياليزمدى 21-عاسىرعا ءساتتى باستادى.
جاڭا عاسىردىڭ جاڭا ساتىسىندا، پارتيا ورتالىق كوميتەتى ماڭىزدى ستراتەگيالىق وراي مەزگىلىن قولدان بەرمەي، جاپپاي دوڭگەلەك داۋلەتتى قوعام قۇرۋ ساپارىندا امالياتتا، نازاريادا، تۇزىمدە جاڭالىق جاراتۋدى ىلگەرىلەتىپ، ادامدى نەگىز ەتىپ، باياندى دامۋدى جاپپاي سايكەستىرۋگە تاباندى بولۋدى باسا دارىپتەپ، سوتسياليستىك جاراسىمدى قوعام قۇرىپ، ەكولوگيالىق وركەنيەت قۇرىلىسىن جەدەلدەتىپ، جۇڭگوشا سوتسياليزمنىڭ جالپى تۇلعالىق ورنالاستىرۋىن قالىپتاستىرۋدى ورتاعا قويدى، حالىق تۇرمىسىن قامتاماسىزداندىرۋ مەن جاقسارتۋعا كۇش سالىپ، قوعامدىق تەڭدىك پەن ادىلدىكتى جەبەپ، دۇنيەدە جاراسىمدىلىق ورناتۋدى، پارتيانىڭ بيلىك جۇرگىزۋ قۋاتى قۇرىلىسى مەن العاباسارلىق قۇرىلىسىن ىلگەرىلەتىپ، جۇڭگوشا سوتسياليزمگە تاباندى بولۋ جانە ونى دامىتۋدى تىڭ تاريحي بەلەستەن ءساتتى ورىندادى.
رەفورما جاساپ، ەسىك اشقان 30 نەشە جىلدان بەرگى تالماي ىزدەنۋ بارىسىندا، ءبىز جۇڭگوشا سوتسياليزمنىڭ ۇلى تۋىن بيىك ۇستاۋدان اۋىتقىماي، تۇيىق، قاتىپ-سەمگەن كونە جولمەن دە، مۇلدە بوتەن تەرىس جولمەن دە جۇرمەدىك. جۇڭگوشا سوتسياليزم جولى، جۇڭگوشا سوتسياليزمنىڭ نازاريالىق جۇيەسى، جۇڭگوشا سوتسياليستىك ءتۇزىم پارتيا مەن حالىقتىڭ 90 نەشە جىل قاجىرلىلىقپەن كۇرەس جۇرگىزۋ ارقىلى جارىققا شىعارعان، جيناقتاعان نەگىزگى تابىسى، ونى ايرىقشا قاستەرلەۋ، وعان قاي-قاشان دا تاباندى بولۋ جانە ونى ۇزدىكسىز دامىتۋ كەرەك.
جۇڭگوشا سوتسياليزم جولى دەگەنىمىز جۇڭگو كوممۋنيستىك پارتياسىنىڭ باسشىلىعىندا ەلدىڭ نەگىزگى جاعدايىن تياناق، ەكونوميكالىق قۇرىلىستى وزەك ەتىپ، ءتورت نەگىزگى پرينسيپكە، رەفورما مەن ەسىك اشۋعا تاباندى بولىپ، قوعامدىق وندىرگىش كۇشتەردى ازات ەتىپ جانە دامىتىپ، سوتسياليستىك بازار شارۋاشىلىعىن، سوتسياليستىك دەموكراتيالىق ساياسيدى، سوتسياليستىك وزىق مادەنيەتتى، سوتسياليستىك جاراسىمدى قوعامدى، سوتسياليستىك ەكولوگيالىق وركەنيەتتى كوركەيتىپ، ادامنىڭ جان-جاقتىلى جەتىلۋىن جەبەپ، بۇكىل حالىقتىڭ بىرگە اۋقاتتانۋىن بىرتىندەپ جۇزەگە اسىرىپ، باي، قۇدىرەتتى، دەموكراتيالى، وركەنيەتتى، جاراسىمدى سوتسياليستىك وسىزاماندانعان مەملەكەت قۇرۋ. جۇڭگوشا سوتسياليزمنىڭ نازاريا جۇيەسى دەگەنىمىز دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن قامتىعان عىلمي نازاريا جۇيەسى، ماركسيزم-لەنينيزم، ماۋ زىدۇڭ يدەياسىنا تاباندى بولۋ جانە ونى دامىتۋ. جۇڭگوشا سوتسياليستىك ءتۇزىم دەگەنىمىز حالىق قۇرىلتايى ءتۇزىمىنىڭ ءتۇبىرلى ساياسي ءتۇزىمى، جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمى، ۇلتتىق تەرريتوريالىق اۆتونوميا ءتۇزىمى جانە نەگىزگى ساتىداعى بۇقارانىڭ ءوزىن-ءوزى باسقارۋ ءتۇزىمى سياقتى نەگىزگى ساياسي تۇزىمدەر، جۇڭگوشا سوتسياليستىك زاڭ جۇيەسى، جالپىلىق مەنشىكتى نەگىزگى تۇلعا ەتىپ، الۋان ءتۇرلى مەنشىكتەگى شارۋاشىلىق بىرگە داميتىن نەگىزگى شارۋاشىلىق ءتۇزىم، سونداي-اق وسى تۇزىمدەر نەگىزىندە قۇرىلعان ەكونوميكالىق، ساياسي ءتۇزىلىس، مادەنيەت ءتۇزىلىسى، قوعامدىق ءتۇزىلىس قاتارلى ءتۇرلى ناقتىلى تۇزىمدەر. جۇڭگوشا سوتسياليزم جولى ‐ ونى ىسكە اسىرۋدىڭ امالى، جۇڭگوشا سوتسياليزمنىڭ نازاريالىق جۇيەسى ‐ ارەكەت قىبىلاناماسى، جۇڭگوشا سوتسياليستىك ءتۇزىم ‐ ءتۇبىرلى قامتاماسىزدىق، بۇل ۇشەۋى جۇڭگوشا سوتسياليزمنىڭ ۇلى امالياتى بارىسىندا بىرلىككە كەلگەن، بۇل پارتيامىزدىڭ حالىققا باسشىلىق ەتىپ، سوتسياليزم قۇرۋدىڭ ۇزاق امالياتى بارىسىندا قالىپتاستىرعان ەڭ ايقىن ەرەكشەلىگى.
جۇڭگوشا سوتسياليزم قۇرۋدىڭ جالپى نەگىزى سوتسياليزمنىڭ العاشقى كەزەڭى، جالپى جۇلگەسى بەس ءتۇرلى قۇرىلىستى ءبىر تۇلعالاندىرۋ، باس مىندەتى سوتسياليستىك وسىزامانداندىرۋ مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ. جۇڭگوشا سوتسياليزم ءارى عىلمي سوتسياليزمنىڭ نەگىزگى پرينسيپىندە تاباندى بولىپ، ءارى ءداۋىردىڭ شارت-جاعدايىنا نەگىزدەلىپ، وعان ايقىن جۇڭگوشا ەرەكشەلىك ءسىڭدىرىپ، كوممۋنيستىك پارتيانىڭ بيلىك جۇرگىزۋى، سوتسياليستىك قۇرىلىس، ادامزات قوعامىنىڭ دامۋ زاڭدىلىعى جونىندەگى تانىمدى شىت جاڭا كوزقاراسپەن تەرەڭدەتىپ، جۇڭگو سىندى جان سانى كوپ، نەگىزى ءالسىز شىعىستاعى ءىرى ەلدە قانداي سوتسياليزم قۇرۋ، سوتسياليزمدى قالاي قۇرۋ سىندى ءتۇبىرلى ماسەلەگە نازاريا مەن امالياتتى ۇشتاستىرۋ تۇرعىسىنان جۇيەلى جاۋاپ بەرىپ، ەلىمىزدىڭ تەز دامۋىنا، ەلىمىزدەگى حالىقتىڭ تۇرمىس ورەسىنىڭ تەز جوعارىلاۋىنا مۇمكىندىك جاراتتى. اماليات جۇڭگوشا سوتسياليزمنىڭ قازىرگى زامانعى جۇڭگونىڭ دامۋ، العا باسۋىنىڭ ءتۇبىرلى باعىتى ەكەنىن، جۇڭگونى تەك جۇڭگوشا سوتسياليزم عانا دامىتا الاتىندىعىن تولىق دالەلدەدى.
جۇڭگوشا سوتسياليزمدى دامىتۋ ۇزاق ۋاقىتتىق جاپالى دا تاريحي مىندەت، ول ءۇشىن تىڭ تاريحي ەرەكشەلىكتەرگە يە تالاي ۇلى كۇرەستەر جۇرگىزۋگە دايىندالۋ كەرەك. ءبىز ءسوزسىز، جۇڭگوشا سوتسياليزمنەن اۋىتقىماي جانە ونى داۋىرمەن قاتار دامىتىپ، جۇڭگوشا سوتسياليزمنىڭ امالياتتىق، نازاريالىق، ۇلتتىق، داۋىرلىك ەرەكشەلىگىن ۇزدىكىسز بايىتۋىمىز كەرەك.
جاڭا تاريحي جاعدايدا جۇڭگوشا سوتسياليزمنىڭ تىڭ جەڭىسىنە قول جەتكىزۋ ءۇشىن مىناداي نەگىزگى تالاپتاردى بەرىك يگەرۋ، سونداي-اق ونى بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق سەنىمىنە اينالدىرۋ قاجەت.
— حالىقتىڭ نەگىزگى تۇلعالىق ورنىنا ءسوزسىز تاباندى بولۋ. جۇڭگوشا سوتسياليزم ميلليارد حالىقتىڭ ءوز ءىسى. حالىقتىڭ وزىنە ءوزى قوجا بولۋ رۋحىن ساۋلەلەندىرىپ، ەلدى زاڭمەن باسقارۋ سىندى پارتيانىڭ حالىققا باسشىلىق ەتىپ، ەلدى باسقارۋداعى نەگىزگى باعىتىنان جازباي، حالىقتى مەملەكەت ىستەرى مەن قوعامدىق ىستەردى، شارۋاشىلىق پەن مادەنيەت ىستەرىن زاڭ بويىنشا باسقارۋعا، سوتسياليستىك وسىزامانداندىرۋ قۇرىلىسىنا بەلسەنە قاتىسۋعا بارىنشا جۇمىلدىرىپ جانە ۇيىمداستىرىپ، حالىقتىڭ ۇقىق-مۇددەسىن اناعۇرلىم ويداعىداي قامتاماسىزداندىرىپ، حالىقتىڭ وزىنە ءوزى قوجا بولۋىنا شىنايى كەپىلدىك ەتۋ ءتيىس.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
