- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگوشا سوتسياليزم جولىمەن اۋىتقىماي العا باسىپ، جاپپاي دوڭگەلەك داۋلەتتى قوعام قۇرۋ جولىندا كۇرەسەيىك(5)
2012.11.22 14:04
1) حالىقتىڭ مەملەكەتتىڭ بيلىگىن حالىق قۇرىلتايى ارقىلى جۇرگىزۋىنە قولداۋ بەرۋ جانە كەپىلدىك ەتۋ. حالىق قۇرىلتايى ءتۇزىمى ‐ حالىقتىڭ قوجا بولۋىنا كەپىلدىك ەتەتىن ءتۇبىرلى ساياسي ءتۇزىم. پارتيانىڭ قۋاتتاماسىن زاڭدىق تارتىپتەن وتكىزۋ ارقىلى مەملەكەتتىڭ ەركىنە اينالدىرۋعا شەبەر بولىپ، حالىق قۇرىلتايى جانە تۇراقتى كوميتەتىنىڭ مەملەكەتتىڭ بيلىك ورگانىندىق رولىن تولىق ساۋلەلەندىرىپ، زاڭ شىعارۋ، باقىلاۋ، شەشىم جاساۋ، مىندەتكە تاعايىنداۋ جانە مىندەتىنەن قالدىرۋ جاقتارىنداعى قىزمەت ۇقىقتارىن زاڭ بويىنشا جۇرگىزۋىن قولداۋ، زاڭ شىعارۋ قىزمەتىن ۇيىمداستىرۋ مەن سايكەستىرۋدى، ۇكىمەت پەن حالىق سوت مەكەمەسى، حالىق پروكۋراتۋراسى جونىندەگى باقىلاۋدى، ۇكىمەتتىڭ جالپىلىق مەجە ەسەبى مەن سوڭعى ەسەبى جونىندەگى تەكسەرۋ-باقىلاۋدى كۇشەيتۋ كەرەك. نەگىزگى ساتىدان كەلگەن حالىق قۇرىلتايى ۋاكىلدەرىنىڭ، وتە-موتە، ءبىرىنشى شەپتەگى جۇمىسشى، ديقان، زيالى ۋاكىلدەرىنىڭ سالىستىرماسىن جوعارىلاتىپ، پارتيا-ۇكىمەت باسشى كادرلارى ۋاكىلدەرىنىڭ سالىستىرماسىن ازايتۋ كەرەك. حالىق قۇرىلتايىندا ۋاكىلدەردىڭ بايلانىس جاساۋ قۇرىلىمدارىن قۇرىپ، ۋاكىلدەردىڭ بۇقارامەن بايلانىس جاساۋ ءتۇزىمىن كەمەلدەندىرۋ كەرەك. مەملەكەتتىڭ بيلىك ورگاندارىنىڭ ۇيىمدىق ءتۇزىمىن اقاۋسىزداندىرىپ، تۇراقتى كوميتەتتەردىڭ، ارناۋلى كوميسسيالاردىڭ ءبىلىم جانە جاس قۇرامىن ساپالىلاندىرىپ، ارناۋلى مۇشەلەردىڭ سالىستىرماسىن جوعارىلاتىپ، ولاردىڭ مىندەتىن زاڭ بويىنشا اتقارۋ قابىلەتىن ارتتىرۋ كەرەك.
2) سوتسياليستىك كەڭەسۋ ۇلگىسىندەگى دەموكراتيا ءتۇزىمىن اقاۋسىزداندىرۋ. سوتسياليستىك كەڭەسۋ ۇلگىسىندەگى دەموكراتيا ‐ ەلىمىزدىڭ حالىق دەموكراتياسىنىڭ ماڭىزدى فورماسى. كەڭەسۋ ۇلگىسىندەگى دەموكراتيا ءتۇزىمى مەن قىزمەت مەحانيزمىن كەمەلدەندىرىپ، كەڭەسۋ ۇلگىسىندەگى دەموكراتيانى كەڭ كولەمدى، كوپ ساتىلى، تۇزىمگە اينالدىرىپ دامىتۋدى ىلگەرىلەتۋ كەرەك. مەملەكەتتىڭ بيلىك ورگاندارى، ساياسي كەڭەس ۇيىمدارى، پارتيا-توپتار مەن ۇيىمدار قاتارلىلار ارقىلى ەكونوميكالىق، قوعامدىق كەلەلى ماسەلەلەر مەن حالىق بۇقاراسىنىڭ ءتول مۇددەسىنە ساياتىن ءىس جۇزىندىك ماسەلەلەر جونىندە كەڭىنەن كەڭەسىپ، بۇقارانىڭ پىكىرىن كەڭىنەن تىڭداپ، حالىقتىڭ اقىل-پاراساتىن جان-جاقتىلى شوعىرلاندىرىپ، ورتاق تانىمدى ارتتىرىپ، ونى قۋاتتى كۇش ەتىپ بىرىكتىرۋ كەرەك. جۇڭگو كوممۋنيستىك پارتياسىنىڭ باسشىلىعىنداعى كوپ پارتيالىلىق سەلبەستىك پەن ساياسي كەڭەس تۇزىمىنە تاباندى بولىپ جانە ونى كەمەلدەندىرىپ، حالىق ساياسي كەڭەسىنىڭ كەڭەسۋ جانە دەموكراتيا جۇرگىزۋدەگى ماڭىزدى ارنالىق رولىن تولىق ساۋلەلەندىرۋ، ىنتىماق پەن دەموكراتيا سىندى ەكى ۇلكەن باستى تاقىرىپتى وزەك ەتە وتىرىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسىپ، اقىل كەڭەس بەرۋ ءتۇزىمى قۇرىلىسىن ىلگەرىلەتۋ، قاتىناستاردى اناعۇرلىم ويداعىداي سايكەستىرىپ، كۇشتەردى شوعىرلاندىرا وتىرىپ، اقىل-كەڭەس بەرىپ، جالپى جاعداي ءۇشىن قىزمەت ەتۋ كەرەك. دەموكراتيالىق پارتيا-توپتارمەن ساياسي كەڭەسۋدى كۇشەيتۋ كەرەك. ساياسي كەڭەسۋدى شەشىم جاساۋ تارتىبىنە ەنگىزىپ، شەشىم جاساۋدان ىلگەرى نەمەسە شەشىم جاساۋ بارىسىندا كەڭەسۋگە تاباندى بولىپ، دەموكراتيالىق كەڭەسۋدىڭ ناقتى ونىمدىلىگىن ارتتىرۋ كەرەك. ارناۋلى تاقىرىپتا، تاراۋ، سالا بويىنشا كەڭەسۋدى، ۇسىنىس جوبانىڭ باسقارىلۋى جونىنەن كەڭەسۋدى ىشكەرىلەي جۇرگىزۋ كەرەك. نەگىزگى ساتىلاردىڭ دەموكراتيالىق كەڭەسۋىن بەلسەنە ورىستەتۋ كەرەك.
3) نەگىزگى ساتىلاردىڭ دەموكراتيالىق ءتۇزىمىن كەمەلدەندىرۋ. قالا-اۋىلداردىڭ تۇرعىندار رايوندارىن باسقارۋ، نەگىزگى ساتىلاردىڭ الەۋمەتتىك ىستەرى مەن الەۋمەتتىك يگىلىك ىستەرىندە بۇقارانىڭ وزىندىك باسقارۋىن، وزىندىك قىزمەت وتەۋىن، وزىندىك ءتالىم-تاربيەسىن، وزىندىك باقىلاۋىن جۇرگىزۋ حالىقتىڭ زاڭ بويىنشا توتە دەموكراتيالىق ۇقىق جۇرگىزۋىنىڭ ماڭىزدى ءتاسىلى. نەگىزگى ساتى پارتيا ۇيىمدارىنىڭ باسشىلىعىنداعى بۇقارانىڭ نەگىزگى ساتىداعى ومىرشەڭدىككە باي ءوزىن ءوزى باسقارۋ مەحانيزمىن اقاۋسىزداندىرىپ، تارتىپپەن قاتىناسۋدى ۇلعايتۋدى، ينفورماتسيانى جاريا ۇستاۋدى ىلگەرىلەتۋدى، ءىس قاراۋدا كەڭەسۋدى كۇشەيتۋدى، ۇقىققا باقىلاۋدى كۇشەيتۋدى باستى ءتۇيىن ەتە وتىرىپ، كولەمى مەن ارناسىن كەڭەيتىپ، مازمۇنى مەن فورماسىن بايىتىپ، حالىقتىڭ ءتىپتى دە مول، ءتىپتى دە شىن مانىندەگى دەموكراتيالىق ۇقىقتان يگىلىكتەنۋىن قامتاماسىزداندىرۋ كەرەك. جۇمىسشى تابىنا شىن ىقلاسپەن سۇيەنىپ، كاسىپورىندار مەن ءىس ورىندارىنىڭ جۇمىسشى-قىزمەتكەرلەر قۇرىلتايىن نەگىزگى فورما ەتكەن دەموكراتيالىق باسقارۋ ءتۇزىمىن اقاۋسىزداندىرىپ، جۇمىسشى-قىزمەتكەرلەردىڭ باسقارۋ مەن باقىلاۋعا قاتىناسۋ سىندى دەموكراتيالىق ۇقىعىن قامتاماسىزداندىرۋ كەرەك. نەگىزگى ساتىداعى ءتۇرلى ۇيىمداردىڭ سايكەستىرۋ رولىن ساۋلەلەندىرىپ، ۇكىمەتتىڭ باسقارۋى مەن نەگىزگى ساتى دەموكراتياسىن ورگانيكالى ۇشتاستىرۋدى جۇزەگە اسىرۋ كەرەك.
4) ەلدى زاڭمەن باسقارۋدى جاپپاي ىلگەرىلەتۋ. زاڭمەن باسقارۋ ەلدى باسقارىپ، اكىمشىلىك جۇرگىزۋدىڭ نەگىزگى ءتاسىلى. عىلمي جولمەن زاڭ شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، بۇكىل حالىقتىڭ زاڭعا بويسۇنۋىن ىلگەرىلەتىپ، زاڭ الدىندا بارلىق ادامنىڭ تەرەزەسى تەڭ بولۋعا تاباندى بولىپ، زاڭعا ءسوزسىز بويسۇنۋعا، زاڭدى ءسوزسىز قاتاڭ اتقارۋعا، زاڭعا قايشىلىق جاساعانداردى ءسوزسىز قۋزاستىرۋعا كەپىلدىك ەتۋ كەرەك. جۇڭگوشا سوتسياليزم زاڭ جۇيەسىن كەمەلدەندىرىپ، ءتۇيىندى سالالارعا قاتىستى زاڭ شىعارۋدى كۇشەيتىپ، حالىقتىڭ زاڭ شىعارۋعا تارتىپپەن قاتىناسۋ جولدارىن كەڭەيتۋ كەرەك. اكىمشىلىكتى زاڭ بويىنشا جۇرگىزۋدى ىلگەرىلەتىپ، زاڭدى قاتاڭ، جۇيەلى، ءادىل، وركەنيەتتى اتقارۋ كەرەك. ءادىليا ءتۇزىلىسى رەفورماسىن ونان ارى ىشكەرىلەتىپ، جۇڭگوشا سوتسياليستىك ءادىليا تۇزىمىنە تاباندى بولىپ جانە ونى كەمەلدەندىرىپ، سوت ورگاندارىنىڭ، پروكۋراتۋرا ورگاندارىنىڭ سوت جۇرگىزۋ ۇقىعىن، پروكۋراتۋرالىق ۇقىعىن زاڭ بويىنشا دەربەس، ءادىل جۇرگىزۋىنە شىنايى كەپىلدىك ەتۋ كەرەك. زاڭ-ءتۇزىم جونىندەگى ۇگىت تاربيەنى ىشكەرىلەي ورىستەتىپ، سوتسياليستىك زاڭمەن باسقارۋ رۋحىن ساۋلەلەندىرىپ، سوتسياليستىك زاڭمەن باسقارۋ يدەياسىن ورناتىپ، جالپى قوعامنىڭ زاڭ ۇيرەنۋ، زاڭعا قۇرمەت ەتۋ، زاڭعا بويسۇنۋ، زاڭ قولدانۋ جونىندەگى تانىمىن ارتتىرۋ كەرەك. باسشى كادرلاردىڭ زاڭمەن باسقارۋ جونىندەگى وي مەن تاسىلدەردى قولدانا وتىرىپ، رەفورمانى تەرەڭدەتۋ، دامۋدى جەبەۋ، قايشىلىقتاردى شەشۋ، ورنىقتىلىقتى قورعاۋ جاعىنداعى قابىلەتىن جوعارىلاتۋ كەرەك. نەگىزگى زاڭ مەن زاڭداردى پارتيا حالىققا باسشىلىق ەتە وتىرىپ جاساعان، پارتيا ءسوزسىز نەگىزگى زاڭدار مەن زاڭدار كولەمىندە ارەكەت جاساۋى كەرەك. ءارقانداي ۇيىم مەن جەكەنىڭ نەگىزگى زاڭ مەن زاڭداردىڭ كولەمىنەن اتتاعان ەرەكشە ۇقىققا يە بولۋىنا بولمايدى، ءسوزدى زاڭعا بالاۋىنا، ۇقىعىمەن زاڭدى تۇنشىقتىرۋىنا، بەتكە قاراپ زاڭدى بۇزۋىنا استە جول بەرىلمەيدى.
5) اكىمشىلىك ءتۇزىلىس رەفورماسىن ىشكەرىلەتۋ. اكىمشىلىك ءتۇزىلىس رەفورماسى قوندىرمانىڭ بازيسكە ۇيلەسۋىن ىلگەرىلەتۋدىڭ قاجەتتى تالابى. جۇڭگوشا سوتسياليستىك اكىمشىلىك ءتۇزىلىسىن ورناتۋ سىندى نىسانا بويىنشا، اكىمشىلىك پەن كاسىپورىندى، اكىمشىلىك پەن كاپيتالدى، ۇكىمەت پەن ءىس ورىندارىن، ۇكىمەت پەن قوعامدىق ۇيىمداردى ءبولۋدى ىشكەرىلەي ىلگەرىلەتىپ، فۋنكتسياسى عىلمي، قۇرىلىمى ساپالى، پاك، ءىس ءونىمى جوعارى، حالىق ريزا بولعان قىزمەت وتەۋشى ۇكىمەت قۇرۋ كەرەك. اكىمشىلىك تەكسەرىپ بەكىتۋ ءتۇزىمى رەفورماسىن تەرەڭدەتىپ، ۇكىمەت ورىندارىن ىقشامداپ، ۇقىقتى تومەنگە ءتۇسىرۋدى جالعاستى جۇرگىزىپ، ۇكىمەت فۋنكتسياسىندا دامۋ ءۇشىن تاماشا ورتا جاراتۋ، الەۋمەتتىك ساپالى قىزمەت وتەۋ، قوعامدىق ادىلدىك پەن ادىلەتتىكتى قورعاۋ جاعىنا قاراي بۇرىلىس جاساۋدى ىلگەرىلەتۋ كەرەك. ۇلكەن تاراۋلار ءتۇزىمى رەفورماسىن ورنىقتى قاداممەن ىلگەرىلەتىپ، تاراۋلاردىڭ مىندەت جۇيەسىن اقاۋسىزداندىرۋ كەرەك. اكىمشىلىك بۋىندار مەن اكىمشىلىك رايوندار قۇرۋدى ساپالىلاندىرۋ كەرەك، شارت-جاعدايى كەلەتىن جەرگىلىكتى ورىنداردا ولكە اۋداندى (قالانى) توتە باسقارۋ رەفورماسى جونىندە ىزدەنىس جاساۋىنا بولادى، اۋىل قالاشىق اكىمشىلىك ءتۇزىلىسى رەفورماسىن تەرەڭدەتۋ كەرەك. اكىمشىلىك باسقارۋ تاسىلىندە جاڭالىق جاراتىپ، ۇكىمەتتىڭ الەۋمەتتىك سەنىمدىلىگى مەن اتقارۋ قۋاتىن جوعارىلاتىپ، ەڭبەك ناتيجەسى مەن ونىمدىلىگى جونىندەگى باسقارۋدى ەتەك الدىرۋ كەرەك. قۇرىلىمدار شتاتىن قاتاڭ تىزگىندەپ، باسشىلاردىڭ سانىن ازايتۋ. اكىمشىلىكتىڭ وزىندىك قۇنىن تومەندەتۋ، ءىس ورىندارىن تۇرگە ايىرۋ رەفورماسىن ىلگەرىلەتۋ كەرەك. ءتۇزىلىس رەفورماسىن سايكەستىرۋ مەحانيزمىن كەمەلدەندىرىپ، كەلەلى رەفورمالاردى ءبىرتۇتاس پلانداۋ جانە سايكەستىرۋ كەرەك.
6) ۇقىق جۇرگىزۋدى تەجەۋ جانە باقىلاۋ جۇيەسىن اقاۋسىزداندىرۋ. ۇقىقتى، ءىستى، ادامدى ءتۇزىم ارقىلى باسقارۋعا تاباندى بولىپ، حالىقتىڭ جاعدايدان حاباردار بولۋ ۇقىعىن، ارالاسۋ ۇقىعىن، ويىن ءبىلدىرۋ ۇقىعىن، باقىلاۋ ۇقىعىن قامتاماسىزداندىرۋ ‐ ۇقىقتى دۇرىس جۇرگىزۋدىڭ ماڭىزدى كەپىلى. شەشىم جاساۋ، اتقارۋ، باقىلاۋ ۇقىقتارىنىڭ ءبىرىن ءبىرى تەجەۋىنە ءارى سايكەسۋىنە، مەملەكەت ورگاندارىنىڭ ۇقىقتى زاڭدا بەلگىلەنگەن ۇقىق كولەمى مەن ءتارتىبى بويىنشا جۇرگىزۋىنە شىنايى كەپىلدىك ەتۋ كەرەك. شەشىمدى عىلمي، دەموكراتيالى جولمەن، زاڭ بويىنشا جاساۋعا تاباندى بولىپ، شەشىم جاساۋ مەحانيزمىن جانە ءتارتىبىن اقاۋسىزداندىرىپ، اقىل-وي قورىنىڭ رولىن ساۋلەلەندىرۋ، شەشىم جونىنەن جاۋاپكەرلىكتى قۋزاستىرۋ جانە قاتەلىكتى تۇزەتۋ ءتۇزىمىن ورناتۋ كەرەك. بۇقارانىڭ ءتول مۇددەسىنە ساياتىن شەشىمنىڭ بارىندە بۇقارادان تولىق پىكىر الۋ، بۇقارانىڭ مۇددەسىنە زيان جەتكىزەتىن ىستەردىڭ ءبارىن باتىل تەجەۋ جانە تۇزەتۋ كەرەك. ۇقىقتى جاريا جۇرگىزۋدى، جۇيەگە ءتۇسىرۋدى ىلگەرىلەتىپ، پارتيا، ۇكىمەت، ءادىليا ىستەرىن جانە ءارقايسى سالانىڭ ءىس جۇرگىزۋىن جاريا ۇستاۋ ءتۇزىمىن كەمەلدەندىرۋ، سۇراۋ سۇراۋ، جاۋاپكەرشىلىگىن تەكتەۋ، ەكونوميكالىق جاۋاپكەرشىلىگىنە قازىنالىق تەكسەرۋ جۇرگىزۋ، كىناسىن تانىپ، مىندەتىنەن بوساۋ، مىندەتىنەن الىپ تاستاۋ، مىندەتىنەن قالدىرۋ قاتارلى تۇزىمدەردى اقاۋسىزداندىرۋ كەرەك. پارتيانىڭ ىشكى باقىلاۋىن، دەموكراتيالىق، زاڭدىق، الەۋمەتتىك باقىلاۋدى كۇشەيتىپ، ۇقىق جۇرگىزۋدى حالىقتىڭ باقىلاۋىنا الىپ، ۇقىقتى جاريا جۇرگىزۋ كەرەك.
7) ەڭ كەڭ كولەمدى وتانشىلدىق بىرلىكساپتى نىعايتۋ جانە دامىتۋ. وتانشىلدىق بىرلىكساپ ءار جاقتىڭ كۇشىن شوعىرلاندىرىپ، ساياسي پارتيالاردىڭ، ۇلتتاردىڭ، دىندەردىڭ، جىكتەردىڭ، ەل ءىشى-سىرتىنداعى باۋىرلاستاردىڭ قاتىناسىنىڭ جاراسىمدىلىعىن جەبەپ، جۇڭگوشا سوتسياليزمنىڭ تىڭ جەڭىستەرىنە قول جەتكىزۋدىڭ ماڭىزدى اسىلى. وتانشىلدىق، سوتسياليزم تۋىن بيىك ۇستاپ، وتانشىلدىقتىڭ يدەيالىق ساياسي نەگىزىن بەكەمدەپ، ءبىرىڭعايلىلىق پەن الۋان تۇرلىلىكتىڭ قاتىناسىن دۇرىس ءبىرجايلى ەتۋ كەرەك. ۇزاق ۋاقىت قاتار ءومىر ءسۇرۋ، ءوزارا باقىلاۋ، ءبىر-بىرىنە ادال بولۋ، داڭققا دا نامىسقا دا ورتاق بولۋ باعىتىنا تاباندى بولىپ، دەموكراتيالىق پارتيا توپتارمەن، پارتيا توپتا جوق قايراتكەرلەرمەن ىنتىماقتاسا وتىرىپ سەلبەسۋ، يدەيا جاقتا ءبىر نيەت پەن ءبىر تىلەكتە، ماقساتتا تىنىستاس، باعدارلاس، ارەكەتتە نيەتتەس، قاتارلاس بولۋدى جەبەپ، پارتيا سىرتىنداعى ۋاكىل قايراتكەرلەر قوسىنى قۇرىلىسىن كۇشەيتىپ، پارتيا سىرتىنداعى تاڭداۋلى قايراتكەرلەردى ءتىپتى دە كوپتەپ ءار دارەجەلى مەملەكەت ورگاندارىندا باسشىلىق مىندەتىن وتەۋگە تاڭداپ ءوسىرۋ جانە كورسەتۋ كەرەك. پارتيانىڭ ۇلتتىق ساياساتىن جان-جاقتىلى دۇرىس، دايەكتى تياناقتاندىرىپ، ۇلتتىق تەرريتوريالىق اۆتونوميا تۇزىمىنە تاباندى بولىپ جانە ونى كەمەلدەندىرىپ، ۇلتتار ىنتىماقتاسا وتىرىپ كۇرەس جۇرگىزىپ، بىرلىكتە گۇلدەنىپ-كوركەيۋ سىندى باس تاقىرىپتى مىقتى مەڭگەرىپ، ۇلتتار ىنتىماعى مەن العاباسارلىعى جونىندەگى تاربيەنى ىشكەرىلەي ورىستەتۋ، ۇلتتىق رايونداردىڭ دامۋىن تەزدەتىپ، از ۇلتتاردىڭ زاڭدى ۇقىق-مۇددەسىن قامتاماسىزداندىرىپ، تەرەزەسى تەڭ، ىنتىماقتى، قايىرىمدى، جاراسىمدى سوتسياليستىك ۇلتتار قاتىناسىن بەكەمدەپ جانە دامىتىپ، ۇلتتاردىڭ تاتۋ-ءتاتتى بولىپ، قيىنشىلىقتاردى تىزە قوسا وتىرىپ جەڭىپ، جاراسىمدى دامۋىن ىلگەرىلەتۋ كەرەك. پارتيانىڭ ءدىن قىزمەتى جونىندەگى نەگىزگى باعىتىن جان-جاقتىلى دايەكتىلەندىرىپ، ءدىن سالاسىنداعى قايراتكەرلەر مەن دىنگە سەنەتىن بۇقارانىڭ ەكونوميكالىق، قوعامدىق دامۋدى ىلگەرىلەتۋ بارىسىنداعى بەلسەندى رولىن ساۋلەلەندىرۋ كەرەك. تىڭ جارىققا شىققان قوعامدىق جىك قايراتكەرلەرىن جۇڭگوشا سوتسياليزم ىستەرى ءۇشىن اناعۇرلىم مول ۇلەستەر قوسۋعا شابىتتاندىرۋ جانە جەتەلەۋ كەرەك. پارتيانىڭ مۇھاجىرلار ءىسى ساياساتىن تياناقتاندىرىپ، شەتەلدەردەگى مۇھاجىر باۋىرلاستاردىڭ، وتانعا ورالعان مۇھاجىرلاردىڭ جانە ولاردىڭ تۋىس-تۋعاندارىنىڭ وتاننىڭ وسىزاماندانۋ قۇرىلىسى مەن بەيبىت جولمەن بىرلىككە كەلۋ ۇلى ىسىنە كوڭىل بولۋىنە جانە اتسالىسۋىنا قولداۋ بەرۋ كەرەك. جۇڭگوشا سوتسياليستىك ساياسي دامۋ جولى ‐ ميلليارد حالىقتى بىرلىكتە كۇرەس جاساۋعا ىنتىماقتاستىراتىن دۇرىس جول. ءبىز ءسوزسىز وسى جولدان اۋىتقىماي العا باسىپ، ەلىمىزدىڭ سوتسياليستىك دەموكراتيالىق ساياسيىنىڭ اناعۇرلىم جالىندى ومىرشەڭدىگىن ايگىلەۋىمىز كەرەك.
6. مادەنيەتتە قۋاتتى سوتسياليستىك ەل بولۋدى تىڭعىلىقتى ىلگەرىلەتۋ
مادەنيەت ‐ ۇلتتىڭ قان تامىرى، حالىقتىڭ رۋحاني مەكەنى. جاپپاي دوڭگەلەك داۋلەتتى قوعام قۇرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، ءسوز جوق، سوتسياليستىك مادەنيەتتىڭ قاۋىرت دامىپ، قاباعات گۇلدەنۋىن جەبەپ، سوتسياليستىك مادەنيەت قۇرىلىسىنىڭ تىڭ ورلەۋىن كوتەرىپ، ەلدىڭ مادەنيەتتىك جۇمساق كۇشىن جوعارىلاتىپ، مادەنيەتتىڭ سالت-سانانى جەتەلەۋ، حالىقتى تاربيەلەۋ، قوعامعا قىزمەت وتەۋ، دامۋدى جەبەۋ رولىن ساۋلەلەندىرۋ كەرەك.
مادەنيەتتە قۋاتتى سوتسياليستىك ەل بولۋ ءۇشىن، ءسوز جوق، جۇڭگوشا سوتسياليستىك مادەنيەتتى دامىتۋ جولىمەن ءجۇرىپ، حالىق ءۇشىن، سوتسياليزم ءۇشىن قىزمەت وتەۋ باعىتىنا، بارلىق گۇل شەشەك اتۋ، جالپى جارىسا ءۇن قاتۋ باعىتىنا، ءىس جۇزىندىككە، تۇرمىسقا، بۇقاراعا جاناسۋ پرينسيپىنە تاباندى بولىپ، سوتسياليستىك رۋحاني وركەنيەت پەن ماتەريالدىق وركەنيەتتىڭ جاپپاي دامۋىن جەبەپ، وسىزاماندانۋعا، دۇنيەگە، بولاشاققا بەت العان، ۇلتتىق، عىلمي، بۇقارالىق سوتسياليستىك مادەنيەت قۇرۋ كەرەك.
مادەنيەتتە قۋاتتى سوتسياليستىك ەل بولۋداعى كىلت ـــ جالپى ۇلت مادەنيەتىنىڭ جاسامپازدىق ومىرشەڭدىگىن كۇشەيتۋ. مادەنيەت ءتۇزىلىسى رەفورماسىن ىشكەرىلەتىپ، مادەنيەت وندىرگىش كۇشتەرىن ازات ەتىپ جانە دامىتىپ، عىلىمدا، كوركەمونەردە دەموكراتيانى ساۋلەلەندىرىپ، حالىققا كەڭ مادەنيەتتىك ءورىس جاراتىپ، مادەنيەت جاسامپازدىعىنىڭ بارلىق قاينارىنىڭ تولىق اشىلۋىنا مۇمكىندىك تۋدىرۋ، جالپى ۇلت مادەنيەتىنىڭ جاسامپازدىق ومىرشەڭدىگى ءۇرتىس ساۋلەلەنەتىن، قوعامدىق مادەنيەتتىك تۇرمىس اناعۇرلىم بايىپ تۇرلەنگەن، حالىقتىڭ مادەنيەتتىك نەگىزگى ۇقىق-مۇددەسى اناعۇرلىم قامتاماسىزداندىرىلعان، حالىقتىڭ يدەيالىق، ءمورالدىق ساپاسى مەن عىلمي، مادەنيەتتىك ساپاسى جاپپاي جوعارىلاعان، جۇڭحۋا مادەنيەتىنىڭ حالىقاراداعى ىقپالى ۇزدىكسىز كۇشەيگەن جاڭا جاعداي جاراتۋ كەرەك.
1) سوتسياليستىك وزەكتى قۇن جۇيەسى قۇرىلىسىن كۇشەيتۋ. سوتسياليستىك وزەكتى قۇن جۇيەسى قۇرىلىسى ‐ ەلدى گۇلدەندىرۋ رۋحى، ول جۇڭگوشا سوتسياليزمنىڭ دامۋ بەتالىسىن بەلگىلەپ وتىر. سوتسياليستىك وزەكتى قۇن جۇيەسىن ۇيرەنۋ تاربيەسىن ىشكەرىلەي ورىستەتىپ، قوعامدىق يدەيالىق اۋقىمدى سوتسياليستىك وزەكتى قۇن جۇيەسى ارقىلى جەتەكتەپ، ورتاق قوعامدىق تانىم قالىپتاستىرۋ كەرەك. ماركسيزمنىڭ جۇڭگوشالانۋىن، زاماندانۋىن، بۇقاراشالانۋىن جەبەپ، بۇكىل پارتيانى جۇڭگوشا سوتسياليزم نازارياسى جۇيەسىمەن قارۋلاندىرىپ، حالىقتى تاربيەلەۋگە تاباندى بولۋ، ماركستىك نازاريانى زەرتتەۋ جانە دامىتۋ ينجەنەرياسىن ىشكەرىلەي جۇرگىزىپ، فيلوسوفيادا، قوعامدىق عىلىمداردا جاڭالىق جاراتۋ جۇيەسىن قۇرىپ، جۇڭگوشا سوتسياليزم نازارياسى جۇيەسىن وقۋلىققا، ساباققا ەنگىزىپ، وي-ساناعا قوندىرۋدى ىلگەرىلەتۋ كەرەك. مۇرات-سەنىم تاربيەسىن كەڭ كولەمدە ورىستەتىپ، قالىڭ حالىق بۇقاراسىن جۇڭگوشا سوتسياليزم ۇلى تۋى استىنا ىنتىماقتاستىرىپ ۇيىستىرۋ كەرەك. ۇلت رۋحى مەن ءداۋىر رۋحىن بارىنشا ساۋلەلەندىرىپ، وتانشىلدىق، كوللەكتيۆشىلدىك، سوتسياليستىك تاربيەنى ىشكەرىلەي ورىستەتۋ، حالىقتىڭ رۋحاني دۇنيەسىن بايىتىپ، رۋحاني كۇش-قۋاتىن نىعايتۋ كەرەك. اۋقاتتى دا قۇدىرەتتى بولۋدى، دەموكراتيانى، وركەنيەتتى، جاراسىمدىلىقتى، ەركىندىكتى، تەڭدىكتى، ادىلدىكتى، زاڭمەن باسقارۋدى، وتانشىلدىقتى، كاسىپتى قاستەرلەۋدى، ادالدىقتى، سەنىمدىلىكتى، تاتۋلىقتى دارىپتەپ، سوتسياليستىك وزەكتى قۇن كوزقاراسىن بەلسەنە جەتىلدىرۋ كەرەك. يدەولوگيا قىزمەتىنىڭ باسشىلىق ۇقىعى مەن جەتەكشىلىك ۇقىعىن بەرىك يگەرىپ، دۇرىس باعىتقا تاباندى بولىپ، جەتەكتەۋ قابىلەتىن كۇشەيتىپ، نەگىزگى اعىم يدەياسىندىق جاماعات پىكىرىن ۇلعايتۋ كەرەك.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
