بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

جۇڭگوشا سوتسياليزم جولىمەن اۋىتقىماي العا باسىپ، جاپپاي دوڭگەلەك داۋلەتتى قوعام قۇرۋ جولىندا كۇرەسەيىك(6)

2012.11.22 14:04    

  2) ازاماتتاردىڭ ءمورالدىق ساپاسىن جاپپاي جوعارىلاتۋ. بۇل سوتسياليستىك ءمورال قۇرىلىسىنىڭ نەگىزگى مىندەتى. ەلدى زاڭ ارقىلى باسقارۋ مەن ەلدى ءمورال ارقىلى باسقارۋدى ۇشتاستىرۋعا تاباندى بولىپ، قوعامدىق جالپىلىق ءمورال، كاسىپتىك ءمورال، سەميالىق تاماشا ءمورال، جەكە ادامنىڭ ءمورالى جونىندەگى تاربيەنى كۇشەيتىپ، جۇڭحۋا ۇلتىنىڭ ءداستۇرلى ءمورالىن، ءداۋىردىڭ جاڭا سالتىن اسقاقتاتۋىمىز كەرەك. ازاماتتاردىڭ ءمورال قۇرىلىسى ينجەنەرياسىن ىلگەرىلەتىپ، شىنشىلدىق، ىزگىلىك پەن اسەمدىكتى دارىپتەپ، جالعاندىق، جاماندىق پەن جەكسۇرىندىقتى مىنەپ، جۇرتتى زاڭدىق بورىشىن، قوعامدىق، سەميالىق جاۋاپكەرلىگىن سانالىلىقپەن اتقارۋعا جەتەلەپ، ەڭبەكتى داڭقتى، جاسامپازدىقتى ۇلى دەپ تانيتىن قوعامدىق راي جاراتۋ، ار-نامىستى بىلەتىن، تۋراشىلدىقتى دارىپتەيتىن، ءوزىن ارنايتىن، جاراسىمدىلىقتى جەبەيتىن تاماشا سالت جەتىلدىرۋ كەرەك. ءمورال جاعىنداعى كورنەكتى ماسەلەلەر جونىندەگى ارناۋلى تاربيە مەن جونگە سالۋدى ىشكەرىلەي ورىستەتىپ، ۇكىمەت، ساۋدا ىستەرىندەگى جانە ءادىلياداعى الەۋمەتتىك سەنىمدىلىك پەن قوعامدىق سەنىمدىلىك قۇرىلىسىن كۇشەيتۋ كەرەك. يدەيالىق ساياسي قىزمەتتى كۇشەيتىپ جانە جاقسارتىپ، ادامعا كۇيىنۋ مەن پسيحولوگيالىق يلاندىرۋعا باسا ءمان بەرىپ، ار-نامىستى، وزىنە ءوزى سەنىمدى، اقىلدى دا ۇستامدى، بەلسەندىلىكپەن تالاپتاناتىن قوعامدىق نيەتتى جەتىلدىرۋ كەرەك. بۇقارالىق رۋحاني وركەنيەت قۇرىلىسى قيمىلىن ىشكەرىلەي ورىستەتىپ، ەرىكتى قىزمەت وتەۋدى كەڭىنەن ورىستەتىپ، لي فىڭنان، ءمورال ۇلگىلەرىنەن ۇيرەنۋدىڭ، ۇگىتتەۋدىڭ ۇنەمىلىككە اينالۋىن ىلگەرىلەتۋ كەرەك.

  3) حالىقتىڭ رۋحاني مادەنيەتتىك تۇرمىسىن بايىتۋ. حالىقتى اقاۋسىز، باي مازمۇندى رۋحاني مادەنيەتتىك تۇرمىسقا كەنەلتۋ ‐ جاپپاي دوڭگەلەك داۋلەتتى قوعام قۇرۋدىڭ ماڭىزدى مازمۇنى. حالىقتى وزەك ەتكەن جاسامپازدىق باعىتىنا تاباندى بولىپ، مادەنيەت ونىمدەرى ساپاسىن جوعارىلاتىپ، حالىققا اناعۇرلىم مول مادەنيەتتىك ازىق ازىرلەۋ كەرەك. نەگىزگى ساتىعا بەت الۋعا، بۇقاراعا قىزمەت وتەۋگە تاباندى بولىپ، حالىقتى ءتۇيىندى مادەنيەتتەن يگىلىكتەندىرۋ ينجەنەرياسىن جەدەل ىلگەرىلەتىپ، اۋىل-قىستاقتار مەن دامىماعان رايونداردىڭ مادەنيەت قۇرىلىسىنا كومەكتەسۋ تەبىنىن كۇشەيتىپ، الەۋمەتتىك مادەنيەتكە قىزمەت وتەۋ قۇرىلعىلارىنىڭ قوعامعا تەگىن اشىلۋىن جالعاستى ىلگەرىلەتۋ كەرەك. تاڭداۋلى ءداستۇرلى مادەنيەتكە مۇراگەرلىك ەتۋ جۇيەسىن قۇرىپ، جۇڭحۋانىڭ تاڭداۋلى ءداستۇرلى مادەنيەتىن اسقاقتاتۋ كەرەك. مەملەكەتتىڭ ورتاق ءتىل-جازۋىن جالپىلاستىرۋ جانە جۇيەگە ءتۇسىرۋ كەرەك. از ۇلتتاردىڭ مادەنيەت ىستەرىن دامىتۋ-گۇلدەندىرۋ كەرەك. بۇقارالىق مادەنيەت قيمىلدارىن ورىستەتىپ، بۇقارانى مادەنيەت قۇرىلىسى بارىسىندا ءوزىن ايگىلەۋگە، ءوزىن تاربيەلەۋگە، وزىنە قىزمەت وتەۋگە جەتەلەۋ كەرەك. تۇتاس حالىق كىتاپ وقۋ قيمىلىن ورىستەتۋ كەرەك. ينتەرنەت مازمۇنى قۇرىلىسىن كۇشەيتىپ ءارى جاقسارتىپ، توردا نەگىزگى اۋەندى شىرقاۋ كەرەك. ينتەرنەتتىك قوعامدى باسقارۋدى كۇشەيتىپ، توردىڭ جۇيەلى، ءتارتىپتى اينالىمىن ىلگەرىلەتۋ كەرەك. ”سارى الاپاتتاردى، زاڭسىز باسىلىمداردى الاستاۋ“ قيمىلىن ەتەك الدىرىپ، پاسىق قۇبىلىستاردى تەجەۋ كەرەك. عىلمي بىلىمدەردى جالپىلاستىرىپ، عىلمي رۋحتى ساۋلەلەندىرىپ، جالپى حالىقتىڭ عىلمي ساپاسىن جوعارىلاتۋ كەرەك. جالپى حالىقتىق دەنە شىنىقتىرۋ قيمىلىن كەڭىنەن ورىستەتىپ، بۇقارالىق دەنە تاربيە مەن جارىستىق دەنە تاربيەنىڭ جاپپاي دامۋىن جەبەۋ كەرەك.

  4) مادەنيەتتىڭ جالپى تۇلعالىق قۋاتى مەن باسەكەلىك قۋاتىن نىعايتۋ. مادەنيەتتىڭ جالپى تۇلعالىق قۋاتى مەن باسەكەلىك قۋاتى ‐ مەملەكەتتىڭ قۇدىرەتتەنۋىنىڭ، ۇلتتىڭ گۇلدەنۋىنىڭ ماڭىزدى بەلگىسى. قوعامدىق تيىمدىلىكتى باستى ورىنعا قويۋعا، قوعامدىق ونىمدىلىك پەن ەكونوميكالىق ونىمدىلىكتى سايكەستىرۋگە تاباندى بولىپ، مادەنيەت ىستەرىنىڭ جاپپاي گۇلدەنۋىن، مادەنيەت شارۋاشىلىعىنىڭ تەز دامۋىن ىلگەرىلەتۋ كەرەك. فيلوسوفيا، قوعامدىق عىلىمدار، اقپارات، باسپاءسوز، راديو، كينو-تەلەۆيزيا، ادەبيەت-كوركەمونەر ىستەرىن دامىتۋ كەرەك. كەلەلى الەۋمەتتىك مادەنيەت ينجەنەريالارى مەن مادەنيەت نىسانى قۇرىلىسىن كۇشەيتىپ، الەۋمەتتىك مادەنيەتتىك قىزمەت وتەۋ جۇيەسىن كەمەلدەندىرىپ، قىزمەت وتەۋ ونىمدىلىگىن جوعارىلاتۋ كەرەك. مادەنيەت پەن عىلىم-تەحنيكانىڭ توعىسۋىن جەبەپ، جاڭاشا مادەنيەت فورماسىن دامىتىپ، مادەنيەت شارۋاشىلىعىنىڭ كولەمدەنۋ، شوعىرلانۋ، ارنايىلانۋ ورەسىن جوعارىلاتۋ كەرەك. وسىزامانعى تاراتۋ جۇيەسىن قۇرىپ جانە دامىتىپ، تاراتۋ قۋاتىن جوعارىلاتۋ كەرەك. مەملەكەت مەنشىگىندەگى الەۋمەتتىك يگىلىك سيپاتىندىق مادەنيەت ورىندارىنىڭ ومىرشەڭدىگىن نىعايتىپ، تيجاراتتىق مادەنيەت ورىندارىن زاڭدىق تۇلعا باسقارۋ قۇرىلىمىن كەمەلدەندىرىپ، مادەنيەت بازارىن گۇلدەندىرۋ كەرەك. مادەنيەت سالاسىن سىرتقا اشىق ۇستاۋ كولەمىن كەڭەيتىپ، شەتەلدىڭ تاڭداۋلى مادەنيەت جەتىستىكتەرىن بەلسەنە قابىلداۋ جانە ونى اينا ەتۋ كەرەك. جوعارى ساپالى مادەنيەت دارىندىلارىنىڭ توپ-توبىمەن جارىققا شىعۋىنا، اقاۋسىز جەتىلۋىنە تاماشا ورتا جاراتىپ، ايگىلى ۇستازداردىڭ، ۇلت مادەنيەتىنە ۋاكىلدىك ەتەتىن قايراتكەرلەردىڭ ءبىر توبىن جەتىلدىرۋ، كورنەكتى ۇلەس قوسقان مادەنيەت قىزمەتكەرلەرىن ماراپاتتاۋ كەرەك.

  ءبىز ءسوزسىز سوتسياليستىك وزىق مادەنيەتتىڭ العا باسۋ باعىتىنا تاباندى بولىپ، وسكەلەڭ مادەنيەتتىك سانالىلىق پەن سەنىمدىلىك ورناتىپ، مادەنيەتتە قۋاتتى سوتسياليستىك ەل بولۋ ۇلى نىساناسىنا ارشىندى قادام تاستاۋىمىز كەرەك.

  7. حالىق تۇرمىسىن جاقسارتۋ جانە باسقارۋدا جاڭالىق جاراتۋ بارىسىندا قوعامدىق قۇرىلىستى كۇشەيتۋ

  قوعامدىق قۇرىلىستى كۇشەيتۋ قوعامنىڭ جاراسىمدىلىعى مەن ورنىقتىلىعىنىڭ ماڭىزدى كەپىلى. ءسوز جوق، نەگىزگى الەۋمەتتىك قىزمەت وتەۋ جۇيەسىن قالىڭ حالىق بۇقاراسىنىڭ ءتۇبىرلى مۇددەسىن قورعاۋ تۇرعىسىنان جەدەل اقاۋسىزداندىرىپ، قوعامدىق باسقارۋدى كۇشەيتىپ ءارى وندا جاڭالىق جاراتىپ، سوتسياليستىك جاراسىمدى قوعام قۇرۋدى ىلگەرىلەتۋ كەرەك.

  قوعامدىق قۇرىلىستى كۇشەيتۋدە، ءسوز جوق، حالىق تۇرمىسىن قامتاماسىزداندىرۋدى جانە جاقسارتۋدى ءتۇيىن ەتۋ كەرەك. حالىقتىڭ ماتەريالدىق، مادەنيەتتىك تۇرمىس ورەسىن جوعارىلاتۋ رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسىنىڭ ءتۇبىرلى ماقساتى. حالىقتىڭ تۇرمىسىنا كوبىرەك تيىمدىلىك جەتكىزىپ، حالىقتىڭ مۇڭ-مۇقتاجىن كوبىرەك ەسكەرىپ، حالىق بۇقاراسى ەڭ كوڭىل بولەتىن، ەڭ توتە، ەڭ رەال مۇددە ماسەلەلەرىن ويداعىداي شەشۋ، ءبىلىم الۋ، ەڭبەكاقى، ەمدەلۋ، قارتتاردى كۇتىمگە الۋ، تۇرعىن ءۇي قامتاماسىزدىعى جاعىندا تىڭ ىلگەرىلەۋشىلىككە ۇزدىكسىز قول جەتكىزىپ، حالىق بۇقاراسىنىڭ تۇرمىسىن اناعۇرلىم جاقسارتۋعا كۇش سالۋ كەرەك.

  قوعامدىق قۇرىلىستى كۇشەيتۋدە قوعامدىق ءتۇزىلىس رەفورماسىن ءسوزسىز جەدەل ىلگەرىلەتۋ كەرەك. جۇڭگوشا سوتسياليستىك قوعامدىق باسقارۋ جۇيەسىن قۇرۋ نەگىزىندە، پارتكوم باسشىلىق ەتىپ، ۇكىمەت جاۋاپتى بولاتىن، قوعام سايكەسىپ، بۇقارا اتسالىساتىن، زاڭمەن باسقارۋ قامتاماسىزداندىرىلعان قوعامدىق باسقارۋ ءتۇزىلىسىن، ۇكىمەت جەتەكشى بولىپ، قالا-اۋىلدى قامتىعان، باياندى نەگىزگى الەۋمەتتىك قىزمەت وتەۋ جۇيەسىن، ۇكىمەت پەن قوعامدىق ۇيىمدار بولىنگەن، ۇقىق-جاۋاپكەرشىلىگى ايقىن، ءوزىن ءوزى زاڭ بويىنشا باسقاراتىن وسىزامانعى قوعامدىق ۇيىم ءتۇزىلىسىن، تۋ باسىنان وڭاۋ، يكەمدى باسقارۋ، شۇعىل جاعدايعا توتەپ بەرىپ، ءبىرجاقتىلى ەتۋ ءوزارا ۇشتاستىرىلعان قوعامدىق باسقارۋ مەحانيزمىن جەدەل قالىپتاستىرۋ كەرەك.

  1) حالىق ريزا بولاتىن وقۋ-اعارتۋدى ويداعىداي جۇرگىزۋگە كۇش سالۋ. وقۋ-اعارتۋ ۇلتتى گۇلدەندىرۋدىڭ جانە قوعامنىڭ العا باسۋىنىڭ نەگىزى. وقۋ-اعارتۋدى الدىمەن دامىتۋعا تاباندى بولىپ، پارتيانىڭ وقۋ-اعارتۋ باعىتىن جاپپاي دايەكتىلەندىرۋ، وقۋ-اعارتۋدى سوتسياليستىك وسىزامانداندىرۋ قۇرىلىسىنا، حالىققا قىزمەت ەتتىرۋگە تاباندى بولىپ، ادامدى ءمورالدى بولۋعا تاربيەلەۋدى وقۋ-اعارتۋدىڭ ءتۇبىرلى مىندەتى ەتىپ، سوتسياليزمنىڭ احىلاق، اقىل-وي، دەنە تاربيە، مىنەز جاعىنان جان-جاقتى جەتىلگەن قۇرۋشىلارى مەن ءىزباسارلارىن باۋلۋ كەرەك. ساپالىق وقۋ-اعارتۋدى جاپپاي جۇرگىزىپ، وقۋ-اعارتۋ سالاسىنداعى جان-جاقتى رەفورمانى ىشكەرىلەتىپ، وقۋ-اعارتۋ ساپاسىن كۇش سالا جوعارىلاتىپ، قوعامدىق جاۋاپكەرشىلىك سەزىمىن، وقۋشىلاردىڭ جاڭالىق جاراتۋ رۋحىن، امالياتتا ايگىلەۋ قابىلەتىن جەتىلدىرۋ كەرەك. وقۋ جاسىنا دەيىنگى ءبىلىم بەرۋدى ويداعىداي جۇرگىزىپ، توعىز جىلدىق مىندەتتى اعارتۋدى تەڭگەرىلمەلى دامىتىپ، تولىق ورتا ساتىسىنداعى ءبىلىم بەرۋدى نەگىزىنەن جالپىلاستىرۋ، وسىزامانعى كاسىپتىك ءبىلىم بەرۋدى جەدەل دامىتۋ، جوعارى دارەجەلى ءبىلىم بەرۋدىڭ ماندىك دامۋىن ىلگەرىلەتۋ، جالعاستى ءبىلىم الۋدى بەلسەنە دامىتىپ، ومىرلىك ءبىلىم الۋ جۇيەسىن كەمەلدەندىرىپ، ۇيرەنىمپاز قوعام قۇرۋ كەرەك. وقۋ-اعارتۋدا ادىلدىكتى زور كۇشپەن جەبەپ، وقۋ-اعارتۋ بايلىعىن ۇيلەسىمدى ىڭعايلاپ، ونى ءتۇيىندى تۇردە اۋىل-قىستاققا، شەكارا، شالعاي رايوندارعا، كەدەي، ۇلتتىق رايوندارعا بەيىمدەۋ، ەرەكشە ءبىلىم بەرۋگە قولداۋ كورسەتۋ، سەمياسىندا قيىنشىلىعى بار وقۋشىلارعا قارجىلاي كومەك بەرۋ ورەسىن جوعارىلاتۋ، ديقان جۇمىسكەر پەرزەنتتەرىنىڭ ءبىلىم بەرۋدەن تەڭ يگىلىكتەنۋىن بەلسەنە جەبەپ، بالالاردى تۇگەل قوعامعا جارامدى ەتىپ جەتىلدىرۋ كەرەك. قوعامدىق كۇشتەردى وقۋ-اعارتۋمەن شۇعىلدانۋعا جەتەلەۋ جانە شابىتتاندىرۋ كەرەك. وقىتۋشىلار قوسىنى قۇرىلىسىن كۇشەيتىپ، وقىتۋشىلاردىڭ ءمورالدىق ورەسى مەن كاسىپتىك قابىلەتىن جوعارىلاتىپ، ولاردىڭ ءبىلىم بەرىپ، ادام تاربيەلەۋدى داڭق جانە جاۋاپكەرلىك دەپ سانايتىن سەزىمىن كۇشەيتۋ كەرەك.

  2) جۇمىستانۋدىڭ اناعۇرلىم ساپالىلانۋىن ىلگەرىلەتۋ. جۇمىستانۋ حالىقتىڭ تىرشىلىك نەگىزى. ەڭبەكشىلەر ءوزى جۇمىستانۋ، جۇمىستانۋدى بازار ارقىلى رەتتەۋ، ۇكىمەت جۇمىستانۋعا جەبەۋ جانە كاسىپ جاراتۋعا دەم بەرۋ باعىتىن دايەكتىلەندىرىپ، جۇمىستانۋدى الدىمەن جۇزەگە اسىرۋ ستراتەگياسى مەن اناعۇرلىم بەلسەندى جۇمىستانۋ ساياساتىن اتقارۋ كەرەك. ەڭبەكشىلەردى جۇمىستانۋ كوزقاراسىندا بۇرىلىس جاساۋعا جەتەلەپ، ءتۇرلى ارنا، ءتۇرلى فورمالارمەن جۇمىستانۋعا دەم بەرىپ، كاسىپ جاراتۋ ارقىلى جۇمىستانۋدى جەبەپ، جوعارى مەكتەپ بىتىرگەن وقۋشىلاردى ءتۇيىن ەتكەن جاستاردىڭ جۇمىستانۋى قىزمەتى مەن اۋىل-قىستاق ەڭبەككۇشىن باسقا سالاعا كوشىرۋدى، قالا، قالاشىقتاعى قيىنشىلىعى بارلاردى، اسكەردەن بوساعانداردى جۇمىستاندىرۋ قىزمەتىن ويداعىداي ىستەۋ كەرەك. كاسىپتىك تەحنيكا قابىلەتىن كۋرستان وتكىزۋدى كۇشەيتىپ، ەڭبەكشىلەردىڭ جۇمىستانۋ، كاسىپ جاراتۋ قابىلەتىن جوعارىلاتىپ، جۇمىستانۋدىڭ تۇراقتىلىعىن ارتتىرۋ كەرەك. ادام كۇشى بايلىعى بازارىن اقاۋسىزداندىرىپ، جۇمىستانۋعا قىزمەت وتەۋ جۇيەسىن كەمەلدەندىرىپ، جۇمىسسىزدىقتى قامسىزداندىرۋدىڭ جۇمىستانۋدى جەبەۋدەگى رولىن كۇشەيتۋ كەرەك. ەڭبەك ولشەمى جۇيەسى مەن ەڭبەك قاتىناسىن سايكەستىرۋ مەحانيزمىن اقاۋسىزداندىرىپ، ەڭبەك قامتاماسىزدىعىن باقىلاۋ جانە داۋ-شارلاردى جاراستىرۋعا تورەلىك ايتۋدى كۇشەيتىپ، جاراسىمدى ەڭبەك قاتىناسىن ورناتۋ كەرەك.

  3) تۇرعىنداردىڭ كىرىسىن ءتۇرلى جولدارمەن ارتتىرۋ. دامۋ جەتىستىكتەرىنەن حالىقتىڭ ورتاق يگىلىكتەنۋىن جۇزەگە اسىرۋ ءۇشىن ءسوزسىز كىرىس ءبولىسى ءتۇزىمى رەفورماسىن ىشكەرىلەتىپ، تۇرعىنداردىڭ كىرىسىنىڭ ارتۋىن ەكونوميكانىڭ دامۋىمەن، ەڭبەكاقىسىنىڭ ارتۋىن ەڭبەك ونىمدىلىگىنىڭ جوعارىلاۋىمەن سايكەستىرۋدى كۇش سالا جۇزەگە اسىرىپ، تۇرعىندار كىرىسىنىڭ حالىقتىق كىرىس بولىسىندەگى ارا سالماعىن، ەڭبەكاقىنىڭ العاشقى كىرىس بولىسىندەگى ارا سالماعىن جوعارىلاتۋ كەرەك. العاشقى ءبولىس پەن قايتا ءبولىستىڭ بارىندە ونىمدىلىك پەن ادىلدىككە تەڭ ءمان بەرۋ، قايتا بولىستە ادىلدىككە اناعۇرلىم ءمان بەرۋ كەرەك. ەڭبەك، كاپيتال، تەحنيكا، باسقارۋ فاكتورلارى قوسقان ۇلەسىنە قاراي بولىسكە قاتىناساتىن العاشقى ءبولىس مەحانيزمىن كەمەلدەندىرىپ، باجى، قوعامدىق قامتاماسىزداندىرۋ، اۋدارىپ تولەۋدى باستى ءتاسىل ەتكەن قايتا ءبولىستى تەڭشەۋ مەحانيزمىن جەدەل اقاۋسىزداندىرۋ كەرەك. كاسىپورىندار مەن ورگانداردىڭ، ءىسورىندارىنىڭ ەڭبەكاقى ءتۇزىمى رەفورماسىن ىشكەرىلەتىپ، كاسىپورىن ەڭبەكاقىسىن كوللەكتيۆ كەڭەسىپ بەلگىلەۋ ءتۇزىمىن اتقارىپ، ەڭبەك تابىسىن قورعاۋ كەرەك. تۇرعىنداردىڭ مال-مۇلىكتىك كىرىسىن ءتۇرلى ارنالارمەن ارتتىرۋ كەرەك. كىرىس ءبولىسى ءتارتىبىن جۇيەگە ءتۇسىرىپ، زاڭدى كىرىستى قورعاپ، تومەن كىرىستىلەردىڭ كىرىسىن ارتتىرىپ، شەكتەن ارتىق كىرىستى تەڭشەۋ، زاڭسىز كىرىسكە تيىم سالۋ كەرەك.

  4) قالا-اۋىل قوعامدىق قامتاماسىزداندىرۋ جۇيەسى قۇرىلىسىن ءبىرتۇتاس جوسپارلاۋ جانە ىلگەرىلەتۋ. قوعامدىق قامتاماسىزداندىرۋ حالىق تۇرمىسىن قامتاماسىزداندىراتىن، قوعامدىق ءبولىستى رەتتەيتىن نەگىزگى تۇزىمدەردىڭ ءبىرى. تولىق قامتۋ، نەگىزدى ساقتاۋ، كوپ ساتىلى، باياندى بولۋ باعىتىنا تاباندى بولىپ، ادىلدىكتى ارتتىرۋدى، جىلجىمالىلىققا ۇيلەسۋدى، باياندىلىقتى قامتاماسىزداندىرۋدى ءتۇيىن ەتىپ، قالا-اۋىل تۇرعىندارىن قامتىعان قوعامدىق قامتاماسىزداندىرۋ جۇيەسىن جاپپاي قۇرۋ كەرەك. كاسىپورىنداردىڭ، ورگانداردىڭ، ءىسورىندارىنىڭ قوعامدىق قامسىزداندىرۋ تۇزىمىنە رەفورما جاساپ جانە ونى كەمەلدەندىرىپ، قالا، اۋىل تۇرعىندارى قارتتارىنىڭ نەگىزدىك كۇتىمىن قامسىزداندىرۋ مەن نەگىزگى ەمدەلۋىن قامسىزداندىرۋ ءتۇزىمىن رەتتەپ، قارتتاردىڭ نەگىزدىك كۇتىمىن قامسىزداندىرۋدىڭ جەكەلەر ەسەبىن بىرتىندەپ ناقتىلاندىرىپ، قارتتاردىڭ نەگىزدىك كۇتىم اقىسىن بۇكىل ەل بويىنشا ءبىرتۇتاس پلانداۋدى جۇزەگە اسىرۋ، ءتۇرلى ادام تەڭ ەسكەرىلگەن قوعامدىق قامتاماسىزداندىرۋ مامىلەسىن بەلگىلەۋ مەحانيزمى مەن قالىپتى رەتكە سالۋ مەحانيزمىن ورناتۋ كەرەك. قوعامدىق قامتاماسىزداندىرۋ قورىن توپتاۋ ارناسىن كەڭەيتىپ، قوعامدىق قامسىزداندىرۋ قورى قارجىسى اينالىمى ءتۇزىمىن ورناتىپ، قوردىڭ حاۋىپسىزدىگى مەن قۇنىن ساقتاۋعا جانە ارتتىرۋعا كەپىلدىك ەتۋ كەرەك. قوعامدىق كومەك بەرۋ، قۇتقارۋ جۇيەسىن كەمەلدەندىرىپ، قوعامدىق يگىلىك ءتۇزىمىن اقاۋسىزداندىرىپ، قايىرـ ساحابات ىستەرىن دامىتۋدى قولداپ، ەسىركەپ ورنالاستىرۋ قىزمەتىن ويداعىداي ىستەۋ كەرەك. بازاردىڭ ىڭعايلاۋى مەن ۇكىمەتتىڭ قامتاماسىزداندىرۋى ءوزارا ۇشتاسقان تۇرعىن ءۇي ءتۇزىمىن ورناتىپ، قامتاماسىزدىق تۇرعىن ءۇي قۇرىلىسى مەن ونى باسقارۋدى كۇشەيتىپ، قيىنشىلىعى بار سەميالاردىڭ نەگىزگى قاجەتىن قاناعاتتاندىرۋ كەرەك. مەملەكەتتىڭ ەر-ايەلگە تەڭ مامىلە جاساۋ سىندى نەگىزگى ساياساتىنا تاباندى بولىپ، ايەلدەر مەن بالالاردىڭ زاڭدى ۇقىق-مۇددەسىن قامتاماسىزداندىرۋ كەرەك. جان سانىندا قارتتاردىڭ كوبەيۋىنە بەلسەنە توتەپ بەرىپ، قارتتارعا قىزمەت وتەۋ ىستەرى مەن شارۋاشىلىعىن كۇش سالا دامىتۋ كەرەك. مۇگەدەكتەردى قوعامدىق قامتاماسىزداندىرۋ مەن مۇگەدەكتەرگە قىزمەت وتەۋ جۇيەسىن كەمەلدەندىرىپ، مۇگەدەكتەردىڭ ۇقىق-مۇددەسىن شىنايى قامتاماسىزداندىرۋ كەرەك. قوعامدىق قامتاماسىزداندىرۋدى وتەۋدى باسقارۋ ءتۇزىلىسىن كەمەلدەندىرىپ، حالىققا ءتىپتى دە قولايلى قىزمەت وتەۋ جۇيەسىن ورناتۋ كەرەك.

جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.