بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى

جۇڭگوشا سوتسياليزم جولىمەن اۋىتقىماي العا باسىپ، جاپپاي دوڭگەلەك داۋلەتتى قوعام قۇرۋ جولىندا كۇرەسەيىك(7)

2012.11.22 14:04    

  5) حالىقتىڭ دەنساۋلىق ورەسىن جوعارىلاتۋ. دەنساۋلىق ‐ ادامنىڭ جان-جاقتى دامۋىن جەبەۋدىڭ تابيعي تالابى. حالىقتىڭ دەنساۋلىعى ءۇشىن قىزمەت وتەۋ باعىتىنان جازباي، اۋرۋدىڭ الدىن الۋدى نەگىز، اۋىل-قىستاقتى ءتۇيىن ەتۋگە، جۇڭگوشا ەمدەۋ مەن باتىسشا ەمدەۋگە تەڭ ءمان بەرۋگە تاباندى بولىپ، نەگىزگى تۇرمىستى قامتاماسىزداندىرىپ، نەگىزگى ساتىنى نىعايتۋ، مەحانيزم ورناتۋ تالابى بويىنشا، ەمدەلۋدى قامتاماسىزداندىرۋ، ەمدەلۋگە قىزمەت وتەۋ، الەۋمەتتىك دەنساۋلىق ساقتاۋ، ءدارى-دارمەكپەن قامداۋ، باقىلاۋ-باسقارۋ ءتۇزىلىسىنىڭ جان-جاقتى رەفورماسىن ءتۇيىندى تۇردە ىلگەرىلەتىپ، حالىقتىڭ دەنساۋلىعى جونىندەگى ساياساتتاردى كەمەلدەندىرىپ، الەۋمەتتىك دەنساۋلىق ساقتاۋ جانە نەگىزگى ەمدەلۋ جاعىندا بۇقاراعا حاۋىپسىز، ءونىمدى، قولايلى، ارزان قىزمەت وتەۋ كەرەك. جالپى حالىقتىق ەمدەلۋدى قامسىزداندىرۋ جۇيەسىن كەمەلدەندىرىپ، سالماقتى، ەرەكشە اۋىر اۋرۋلاردىڭ ەمدەلۋىن قامتاماسىزداندىرۋ جانە قۇتقارۋ، كومەك بەرۋ مەحانيزمىن ورناتۋ، الەۋمەتتىك دەنساۋلىق ساقتاۋ جاعىندا شۇعىل تۋىلعان وقيعالاردى ءبىرجاقتىلى ەتۋ جانە سالماقتى اۋرۋلاردىڭ الدىن الۋ جانە ونى تىزگىندەۋ مەحانيزمىن كەمەلدەندىرۋ كەرەك. نەگىزگى ءدارى-دارمەك ءتۇزىمىن بەكەمدەۋ كەرەك. اۋىل-قىستاق ءۇش دارەجەلى ەمدەۋ، دەنساۋلىق ساقتاۋعا قىزمەت وتەۋ تورابى مەن قالا الەۋمەتتىك اۋماقتارىنىڭ دەنساۋلىق ساقتاۋعا قىزمەت وتەۋ جۇيەسىن كەمەلدەندىرۋ، ۇكىمەت يەلىگىندەگى شيپاحانا رەفورماسىن ىشكەرىلەتىپ، قوعامنىڭ شيپاحانا اشۋىنا دەم بەرۋ كەرەك. جۇڭگوشا ەمدەۋ جانە دارىگەرلىك پەن ۇلتتىق ەمدەۋ جانە دارىگەرلىك ىستەرىنىڭ دامۋىن سۇيەمەلدەۋ كەرەك. ەمدەۋ، دەنساۋلىق ساقتاۋ قوسىنىنىڭ قىزمەت وتەۋ قۋاتىن جوعارىلاتىپ، شيپاگەرلىك ءمورال، شيپاگەرلىك سالت قۇرىلىسىن كۇشەيتۋ كەرەك. ازىق-تۇلىك، ءدارى-دارمەك حاۋىپسىزدىگىن باقىلاپ-باسقارۋ ءتۇزىلىسى مەحانيزمىنە رەفورما جاساۋ جانە ونى كەمەلدەندىرۋ كەرەك. وتانشىلدىق تازالىق قيمىلىن ورىستەتىپ، حالىقتىڭ ءتان ساۋلىعى مەن جان ساۋلىعىنىڭ اقاۋسىز بولۋىن جەبەۋ كەرەك. مەملەكەتتىڭ جوسپارلى تۋىت سىندى نەگىزگى ساياساتىنا تاباندى بولىپ، ۇرپاق ساپاسىن جوعارىلاتۋ، ساياساتتى بىرتىندەپ كەمەلدەندىرىپ، جان سانىنىڭ ۇزاق ۋاقىت بىركەلكى دامۋىن جەبەۋ كەرەك.

  6) قوعامدىق باسقارۋدى كۇشەيتۋ جانە وندا جاڭالىق جاراتۋ. قوعامدىق باسقارۋدىڭ عىلميلانۋ ورەسىن جوعارىلاتۋ ۇشىن، قوعامدىق باسقارۋدىڭ زاڭدىق، ءتۇزىلىس مەحانيزمدىك، قابىلەت، دارىندىلار قوسىنى جانە ينفورماتسيالانۋ قۇرىلىسىن كۇشەيتۋ كەرەك. ۇكىمەتتىڭ الەۋمەتتىك قىزمەت وتەۋ ءتاسىلىن جاقسارتىپ، نەگىزگى ساتىلاردىڭ قوعامدىق باسقارۋ جانە قىزمەت وتەۋ جۇيەسى قۇرىلىسىن كۇشەيتىپ، قالا-اۋىلدارداعى قاۋىمدىق رايونداردىڭ قىزمەت وتەۋ فۋنكتسياسىن ارتتىرىپ، كاسىپورىنداردىڭ، ءىسورىندارىنىڭ، حالىقتىق ۇيىمداردىڭ قوعامدىق باسقارۋ جانە قىزمەت وتەۋ بارىسىنداعى قىزمەت جاۋاپكەرشىلىگىن كۇشەيتىپ، قوعامدىق ۇيىمداردى اقاۋسىز، جۇيەلى دامۋعا جەتەكتەپ، بۇقارانىڭ قوعامدىق باسقارۋعا قاتىناسۋداعى نەگىزدىك رولىن تولىق ساۋلەلەندىرۋ كەرەك. جىلجىمالى حالىق پەن ەرەكشە ادامدار شوعىرىنا باعىتتالعان باسقارۋ مەن قىزمەت وتەۋدى جاقسارتۋ جانە وندا جاڭالىق جاراتۋ كەرەك. حالىقتىڭ ىشكى قايشىلىقتارىن دۇرىس ءبىرجاقتىلى ەتىپ، پارتيا مەن ۇكىمەتتىڭ جەتەكشىلىگىندەگى بۇقارانىڭ ۇقىق-مۇددەسىن قورعاۋ مەحانيزمىن ورناتىپ جانە اقاۋسىزداندىرىپ، ارىز حاتتار مەن ارىزدانۋشىلار ءتۇزىمىن، حالىقتىق، اكىمشىلىك، ءادىليالىق جاراستىرۋدى ۇشتاستىرۋ قىزمەت جۇيەسىن كەمەلدەندىرىپ، بۇقارانىڭ ارىز-شاعىم تالاپتارىن ءبىلدىرۋ، مۇددەسىن سايكەستىرۋ، ۇقىق-مۇددەسىن قامتاماسىزداندىرۋ جولدارىن بوگەلىسسىز ەتۋ جانە ارناعا ءتۇسىرۋ كەرەك. كەلەلى شەشىم جاساۋدا ونىڭ قوعامنىڭ ورنىقتىلىعىنا ساياتىن حاۋىپ-قاتەرىن مولشەرلەۋ مەحانيزمىن ورناتۋ جانە اقاۋسىزداندىرۋ كەرەك. الەۋمەتتىك حاۋىپسىزدىك جۇيەسىن جانە كاسىپورىنداردىڭ ءوندىرىس حاۋىپسىزدىگى نەگىزدىك قۇرىلىسىن كۇشەيتىپ، اۋىر، ەرەكشە، ءىرى حاۋىپسىزدىك شىرعالاڭدارىنىڭ تۋىلۋىنىڭ الدىن الۋ كەرەك. پارتيانىڭ ساياسي-زاڭ قىزمەتىنە باسشىلىعىن كۇشەيتىپ جانە جاقسارتىپ، ساياسي-زاڭ قوسىنى قۇرىلىسىن كۇشەيتىپ، جۇڭگوشا سوتسياليزم ءىسىن قۇرۋشىلار مەن قورعاۋشىلارعا ءتان مىندەت-بورىشىن شىن مانىندە ارقالاۋى كەرەك. تىنىشتىق قۇرىلىسىن تەرەڭدەتىپ، قوعام اماندىعى جاعىنداعى الدىن الۋ، تىزگىندەۋدىڭ جان-جاقتىلى جۇيەسىن كەمەلدەندىرۋ، ءادىليالىق نەگىزگى قامتاماسىزدىقتى كۇشەيتىپ، زاڭعا قايشى قىلمىستىق ارەكەتتەردەن زاڭ بويىنشا ساقتانىپ جانە ونى جازالاپ، حالىقتىڭ ءومىرى مەن مال-مۇلكىنىڭ اماندىعىن قامتاماسىزداندىرۋ كەرەك. مەملەكەت حاۋىپسىزدىگى ستراتەگياسى مەن قىزمەت مەحانيزمىن كەمەلدەندىرىپ، جاۋ كۇشتەردىڭ بولشەكتەۋشىلىك، جالبىزبالاپ كىرۋ، اۋدارۋ ارەكەتتەرىنەن اسا قىراعى بولىپ جانە باتىل ساقتانىپ، مەملەكەتتىڭ حاۋىپسىزدىگىنە شىنايى كەپىلدىك ەتۋ كەرەك.

  جالپى پارتيا مەن بۇكىل ەل حالقى ارەكەتكە كەلسە بولعانى-اق، قوعامنىڭ جاراسىمدىلىعى جونىنەن بارلىق ادام جاۋاپكەرشىلىك ارقالايتىن، جاراسىمدى قوعامنان بارلىق ادام تەڭ يگىلىكتەنەتىن جالىندى جاعدايدى، ءسوز جوق، جاراتا الامىز.

  8. ەكولوگيالىق وركەنيەت قۇرىلىسىن زور كۇشپەن ىلگەرىلەتۋ

  ەكولوگيالىق وركەنيەت جاراتۋ ‐ حالىقتىڭ باقىتتى تۇرمىسى مەن ۇلت كەلەشەگىنە ساياتىن بولاشاقتىق ۇلى جوسپار. بايلىق قاينارى تەجەمىنىڭ كۇشەيۋى، ورتانىڭ اۋىر لاستانۋى، ەكولوگيالىق جۇيەنىڭ ازۋى سىندى اۋىر جاعدايدا، تابيعاتقا قۇرمەت ەتۋ، ۇيلەسۋ، تابيعاتتى قورعاۋ سىندى ەكولوگيالىق وركەنيەت تانىمىن ءسوزسىز ورناتىپ، ەكولوگيالىق وركەنيەت قۇرىلىسىن كورنەكتى ورىنعا قويىپ، ونى ەكونوميكالىق، ساياسي، مادەنيەت، قوعامدىق قۇرىلىستىڭ ءارقايسى جاقتارى مەن تۇتاس بارىسىنا توعىستىرىپ، جۇڭگونى كوركەم ەتىپ قۇرۋعا قۇلشىنىپ، جۇڭحۋا ۇلتىنىڭ ماڭگىلىك دامۋىن جۇزەگە اسىرۋ كەرەك.

  بايلىقتى ۇنەمدەۋ مەن ورتانى قورعاۋ سىندى نەگىزگى ەل ساياساتىنا، ۇنەمشىل بولۋ مەن قورعاۋدى ماڭداي الدى ورىنعا قويىپ، تابيعاتتى قالپىنا كەلتىرۋدى نەگىز ەتۋ باعىتىنا تاباندى بولىپ، زالالسىز، اينالمالى، تومەن كومىرتەكتى دامۋدى كۇش سالا ىلگەرىلەتىپ، بايلىقتى ۇنەمدەۋ مەن ورتانى قورعاۋدىڭ اۋماقتىق جۇيەسىن قالىپتاستىرىپ، شارۋاشىلىق قۇرىلىمى، ءوندىرىس، تۇرمىس ءتاسىلى جاقتارىندا، ەكولوگيالىق ورتانىڭ ناشارلاسۋ جاعدايىن تۋ باسىنان وڭاپ، حالىققا تاماشا ءوندىرىس-تۇرمىس ورتاسىن جاراتىپ، بۇكىل جەر شارى ەكولوگياسىنىڭ حاۋىپسىزدىگى ءۇشىن ۇلەس قوسۋ كەرەك.

  1) مەملەكەت تەرريتورياسىنىڭ مۇمكىندىكتەرىن اشۋ جۇيەسىن ساپالىلاندىرۋ. مەملەكەت تەرريتورياسى ‐ ەكولوگيالىق وركەنيەت قۇرىلىسى مۇمكىندىگىنىڭ دانەكەرى، سوندىقتان مەملەكەت تەرريتورياسىنىڭ ءبىر سۇيەم جەرىن دە ايالاۋ كەرەك. حالىق سانىنىڭ، بايلىقتىڭ، ورتانىڭ ءوزارا تەپە-تەڭدىگىن، ەكونوميكالىق، قوعامدىق، ەكولوگيالىق ونىمدىلىكتىڭ بىرلىگىن ساقتاۋ پرينسيپى بويىنشا، اشۋ تەبىنىن تىزگىندەپ، مۇمكىندىك قۇرىلىمىن رەتكە سالىپ، وندىرىستىك ورتانىڭ شوعىرلى، بارىنشا ءونىمدى، تۇرمىستىق ورتانىڭ تىرشىلىككە ىڭعايلى، ۇيلەسىمدى، ەكولوگيالىق ورتا تابيعاتى كوركەم بولۋىن جەبەپ، تابيعاتتىڭ قالپىنا كەلۋىنە ءتىپتى مول مۇمكىندىك، اۋىل شارۋاشىلىعىنا ءتىپتى دە مول قۇنارلى ەگىستىك جەر، كەيىنگى ۇرپاقتارعا اسپانى ءمولدىر، جەرى جاسىل، سۋى ءشاربات كورىكتى مەكەن قالدىرۋ كەرەك. نەگىزگى تۇلعالىق فۋنكتسيالىق ءوڭىر ستراتەگياسىن اتقارۋدى جەدەلدەتىپ، رايونداردىڭ نەگىزگى تۇلعالىق فۋنكتسيالىق ورنىن قاتاڭ ايقىنداۋ نەگىزىندە دامۋىن ىلگەرىلەتۋ، قالالانۋدىڭ عىلمي دا ۇيلەسىمدى جۇيەسىن، اۋىل شارۋاشىلىعىن دامىتۋ جۇيەسىن، حاۋىپسىز ەكولوگيا جۇيەسىن ورناتۋ كەرەك. تەڭىز-مۇحيت بايلىعىن اشۋ قۋاتىن جوعارىلاتىپ، تەڭىز-مۇحيت شارۋاشىلىعىن دامىتىپ، تەڭىز-مۇحيت ەكولوگيالىق ورتاسىن قورعاپ، مەملەكەتتىڭ تەڭىز-مۇحيت جونىندەگى ۇقىق-مۇددەسىن باتىل قورعاپ، تەڭىز-مۇحيت جاعىندا قۋاتتى ەل قۇرۋ كەرەك.

  2) بايلىق ۇنەمدەۋدى جاپپاي جەبەۋ. بايلىق ۇنەمدەۋ ‐ ەكولوگيالىق ورتانى قورعاۋداعى ءتۇبىرلى ساياسات. بايلىقتى ۇنەمدى، ۇتىمدى پايدالانىپ، بايلىقتان پايدالانۋ تاسىلىندە تۇبەگەيلى بۇرىلىس جاساۋدى ىلگەرىلەتىپ، بايلىقتى ۇنەمدەۋدىڭ تۇتاس بارىسىن باسقارۋدى كۇشەيتىپ، ەنەرگيانىڭ، سۋدىڭ، جەردىڭ تىم سارىپ بولۋىن زور دارەجەدە تومەندەتىپ، پايدالانىلۋ ونىمدىلىگى مەن تيىمدىلىگىن جوعارىلاتۋ كەرەك. ەنەرگيا ءوندىرىسى مەن تۇتىنۋ توڭكەرىسىن ىلگەرىلەتىپ، ەنەرگيا تۇتىنىمىنىڭ جالپى مولشەرىن تىزگىندەپ، ەنەرگيانى ۇنەمدەپ، ەنەرگيانىڭ سارىپ بولۋىن ازايتۋدى كۇشەيتۋ، ەنەرگيا ۇنەمدەلەتىن تومەن كومىرتەكتى شاراۋشىلىقتى جانە جاڭا ەنەرگيانى، تۋىندامالى ەنەرگيانى دامىتۋعا قولداۋ بەرىپ، مەملەكەتتىڭ ەنەرگيا حاۋىپسىزدىگىنە شىنايى كەپىلدىك ەتۋ كەرەك. سۋ قاينارىن قورعاۋدى جانە سۋدان پايدالانۋدىڭ جالپى مولشەرىن باسقارۋدى كۇشەيتىپ، سۋدان قايتالاپ پايدالانۋدى ىلگەرىلەتىپ، سۋ ۇنەمدەيتىن قوعام قۇرۋ كەرەك. ەگىستىك جەردى قورعاۋ شەگىنە قاتاڭ بويسۇنىپ، جەردىڭ ىستەتىلۋىن باسقارۋ ءتۇزىمىن قاتاڭداستىرۋ كەرەك. كەن بايلىعىن بارلاۋدى، قورعاۋدى، ۇيلەسىمدى اشۋدى كۇشەيتۋ كەرەك. اينالمالى شارۋاشىلىقتى دامىتىپ، ءوندىرىس، اينالىم، تۇتىنۋ بارىسىنداعى بايلىق جۇمسالىمىن ازايتۋدى، ودان قايتالاپ پايدالانۋدى، ونى بايلىققا اينالدىرۋدى جەدەلدەتۋ كەرەك.

  3) تابيعي ەكولوگيالىق جۇيە مەن ورتانى قورعاۋ تەبىنىن ارتتىرۋ. تاماشا ەكولوگيالىق ورتا ‐ ادامزات پەن قوعامنىڭ ءۇرتىس دامۋىنىڭ ءتۇبىرلى نەگىزى. ەكولوگيانى قالپىنا كەلتىرۋدىڭ ءىرى ينجەنەريالارىن ىسكە قوسىپ، ەكولوگيالىق ونىمدەردى ءوندىرۋ قۋاتىن ارتتىرىپ، شولەيتتەنۋدى، تاستاقتانۋدى، توپىراقتىڭ شايىلۋىن جان-جاقتىلى تىزگىندەۋدى ىلگەرىلەتىپ، ورماننىڭ، كولدەردىڭ، سازداۋىتتاردىڭ اۋماعىن كەڭەيتىپ، ءتىرى ورگانيزمدەردىڭ كوپ تۇرلىلىگىن قورعاۋ كەرەك. سۋ يگىلىگى قۇرىلىسىن تەزدەتىپ، قالا-اۋىلداردىڭ تاسقىننان ساقتانۋ، قۋاڭشىلىققا توتەپ بەرۋ، تاسقىن سۋىن ىعىستىرۋ قۋاتىن ارتتىرۋ كەرەك. اپاتتان ساقتانۋ جانە اپات زيانىن جەڭىلدەتۋ جۇيەسى قۇرىلىسىن كۇشەيتىپ، كليماتتىق، گەولوگيالىق اپاتتار مەن جەر سىلكىنىسى اپاتىنان ساقتانۋ قۋاتىن جوعارىلاتۋ كەرەك. الدىن الۋدى نەگىز ەتىپ، جان-جاقتىلى تىزگىندەۋگە تاباندى بولىپ، بۇقارانىڭ دەنساۋلىعىنا زيان جەتكىزەتىن، ورتاعا قاتىستى كورنەكتى ماسەلەلەردى شەشۋدى ءتۇيىن ەتە وتىرىپ، سۋ، اتموسفەرا، توپىراق قاتارلىلاردىڭ لاستانۋىنان ساقتانۋدى جانە ونى تىزگىندەۋدى كۇشەيتۋ كەرەك. ورتاق ءارى پارىقتى جاۋاپكەرشىلىك ارقالاۋ پرينسيپىنە، ادىلدىك پرينسيپىنە، اركىم شاماسىنا قاراي ىستەۋ پرينسيپىنە تاباندى بولىپ، حالىقارالىق قوعاممەن بىرلىكتە جەر شارى كليماتىنىڭ وزگەرىسىنە بەلسەنە توتەپ بەرۋ كەرەك.

  4) ەكولوگيالىق وركەنيەت ءتۇزىمى قۇرىلىسىن كۇشەيتۋ. ەكولوگيالىق ورتانى قورعاۋدا، ءسوز جوق، تۇزىمگە سۇيەنۋ كەرەك. بايلىقتىڭ سارىپ بولۋىن، ورتانىڭ ءبۇلىنۋىن، ەكولوگيالىق تيىمدىلىكتى شارۋاشىلىق پەن قوعامدىق دامۋدى باعالاۋ جۇيەسىنە ەنگىزىپ، ەكولوگيالىق وركەنيەتتىڭ تالابىن ايگىلەيتىن نىسانا جۇيەسىن، باعالاۋ ءادىسىن، سيلاۋ-جازالاۋ مەحانيزمىن ورناتۋ كەرەك. تەرريتوريا مۇمكىندىكتەرىن اشۋ جونىندەگى قورعاۋ ءتۇزىمىن ورناتىپ، ەگىستىك جەردى قورعاۋ، سۋ بايلىعىن باسقارۋ، ورتانى قورعاۋدىڭ ەڭ قاتاڭ ءتۇزىمىن كەمەلدەندىرۋ كەرەك. بايلىق قاينارىندىق ونىمدەر باعاسى مەن باجى-اقى رەفورماسىن ىشكەرىلەتىپ، بازار ۇسىنىلىمى مەن سۇرانىمىن جانە بايلىقتىڭ تاپشىلىق دارەجەسىن بەينەلەيتىن، ەكولوگيالىق قۇن مەن ۇرپاق ارالىق تولەم بەرۋدى ايگىلەيتىن بايلىقتى اقىلى پايدالانۋ ءتۇزىمىن جانە ەكولوگيالىق تولەم بەرۋ ءتۇزىمىن ورناتۋ كەرەك. ۇنەمدەلگەن ەنەرگيا، كومىرتەگىن شىعارۋ ۇقىعى، لاس شىعارۋ ۇقىعى، سۋ ۇقىعى ساۋداسىن تۇيىندە سىناق ەتۋدى بەلسەنە ورىستەتۋ كەرەك. ورتانى باقىلاۋ-باسقارۋدى كۇشەيتىپ، ەكولوگيالىق ورتانى قورعاۋ جاۋاپكەرشىلىگىن قۋزاۋستىرۋ ءتۇزىمى مەن ورتانىڭ بۇلىنۋىنە تولەم بەرۋ ءتۇزىمىن اقاۋسىزداندىرۋ كەرەك. ەكولوگيالىق وركەنيەت جونىندەگى ۇگىت-تاربيەنى كۇشەيتىپ، بۇكىل حالىقتىڭ ۇنەمشىلدىك، ورتانى قورعاۋ، ەكولوگيا جونىندەگى ساناسىن كۇشەيتىپ، ۇيلەسىمدى تۇتىنۋ سىندى قوعامدىق سالت قالىپتاستىرىپ، ەكولوگيالىق ورتانى ايالايتىن تاماشا سالت جاراتۋ كەرەك.

  ءبىز تابيعاتتى، ءسوزسىز، اسا سانالىلىقپەن ايالاپ، ەكولوگيانى اسا بەلسەندىلىكپەن قورعاپ، سوتسياليستىك ەكولوگيالىق وركەنيەتتىڭ جاڭا داۋىرىنە قادام تاستاۋعا قۇلشىنۋىمىز كەرەك.

  9. قورعانىس پەن ارميانىڭ وسىزاماندانۋىن ىلگەرىلەتۋدى جەدەلدەتۋ

  ەلىمىزدىڭ حالىقارالىق ورنىمەن ءوزارا سايكەسەتىن، مەملەكەتتىڭ حاۋىپسىزدىگى مەن دامۋ مۇددەسىنە ءوزارا ۇيلەسەتىن بەرىك قورعانىس جانە قۇدىرەتتى اسكەري قوسىن قۇرۋ ‐ ەلىمىزدىڭ وسىزاماندانۋ قۇرىلىسىنىڭ ستراتەگيالىق مىندەتى. ەلىمىز ءدوپ كەلىپ وتىرعان ءومىر ءسۇرۋ جانە دامۋ حاۋىپسىزدىگى ماسەلەسى، ءداستۇرلى جانە بەي ءداستۇرلى حاۋىپسىزدىك حاۋىپ قاتەرلەر شىرما-شاتۋ بولىپ، قورعانىس پەن ارميانىڭ وسىزاماندانۋ قۇرىلىسىنىڭ بارىنشا دامۋىن قاجەت ەتىپ وتىر. سوندىقتان مەملەكەتتىڭ وزەكتى حاۋىپسىزدىگى قاجەتىن باعدار ەتۋدەن جازباي، ەكونوميكالىق قۇرىلىس پەن قورعانىس قۇرىلىسىن ءبىرتۇتاس پلانداپ، قورعانىس پەن ارميانىڭ وسىزاماندانۋ قۇرىلىسىن ”ءۇش ادىمعا ءبولىپ جۇرگىزۋ “ سىندى ستراتەگيالىق وي بويىنشا، مەحانيكالانۋ، ينفورماتسيالانۋ قۇرىلىسى سىندى تاريحي مىندەتتى ورىنداۋدى جەدەلدەتىپ، 2020-جىلعا بارعاندا مەحانيكالاندىرۋ، ينفورماتسيالاندىرۋ قۇرىلىسىن نەگىزىنەن جۇزەگە اسىرىپ، كەلەلى ىلگەرىلەۋشىلىكتەرگە قول جەتكىزۋگە قۇلشىنۋ كەرەك.

  قورعانىس پەن ارميانىڭ وسىزاماندانۋ قۇرىلىسىندا ماۋ زىدۇڭنىڭ اسكەري ىستەر جونىندەگى يدەياسىن، دىڭ شياۋپيڭنىڭ جاڭا داۋىردەگى ارميا قۇرىلىسى جونىندەگى يدەياسىن، جياڭ زىميننىڭ قورعانىس پەن ارميا قۇرىلىسى جونىندەگى يدەياسىن، پارتيانىڭ جاڭا جاعدايداعى قورعانىس پەن ارميا قۇرىلىسى جونىندەگى يدەياسىن جەتەكشى ەتۋ كەرەك. مەملەكەتتىڭ دامۋ ستراتەگياسى مەن حاۋىپسىزدىگى ستراتەگياسىنىڭ تىڭ تالاپتارىنا ۇيلەسىپ، ارميانىڭ جاڭا عاسىر، جاڭا ساتىداعى تاريحي بورىشىن جالپى بەتتىك ورىنداۋدى كوزدە ۇستاي وتىرىپ، جاڭا مەزگىلدەگى بەلسەندى قورعانۋ سىندى اسكەري ستراتەگيالىق باعىتتى دايەكتىلەندىرىپ، اسكەري ستراتەگيالىق جەتەكشىلىكتى ءداۋىر اعىمىنا ساي كۇشەيتىپ، تەڭىز-مۇحيت، عارىش، توراپ الەمى حاۋىپسىزدىگىنە وسكەلەڭ نازار اۋدارۋ، بەيبىت داۋىردەگى اسكەري كۇشتەردى بەلسەندىلىكپەن جوسپارلى پايدالانۋ، اسكەري سوعىس دايىندىعىن ۇزدىكسىز ۇلعايتىپ جانە تەرەڭدەتىپ، ينفورماتسيالانعان شارت-جاعدايداعى ءىشىنارالىق شايقاستا جەڭىپ شىعۋدى وزەك ەتكەن الۋان ءتۇرلى اسكەري مىندەتتەردى ورىنداۋ قابىلەتىن جوعارىلاتۋ كەرەك.

  قورعانىس پەن ارميا قۇرىلىسىنىڭ عىلمي دامۋىن جەبەۋدى نەگىزگى تاقىرىپ، جاۋىنگەرلىك قۋات قالىپتاستىرۋ ۇلگىسىندە بۇرىلىس جاساۋدى جەدەلدەتۋدى نەگىزگى جەلى ەتۋگە تاباندى بولىپ، ارميانى توڭكەرىسشىلدەندىرۋ، وسىزامانداندىرۋ، جۇيەلىلەندىرۋدى جالپى بەتتىك كۇشەيتۋ كەرەك. پارتيانىڭ ارمياعا بولعان ابسوليۋتتىق باسشىلىعىنا تاباندى بولۋدان تيتتەي دە اۋىتقىماي، بۇكىل ارميانى جۇڭگوشا سوتسياليستىك نازارياسى جۇيەسىمەن قارۋلاندىرۋعا تاباندى بولۋدان تيتتەي دە بوساڭسىماي، وسىزامانعى توڭكەرىسشىل اسكەريلەردىڭ وزەكتى قۇن كوزقاراسىن ۇزدىكسىز جەتىلدىرىپ، وزىق اسكەري ىستەر مادەنيەتىن بار كۇشپەن دامىتىپ، حالىق ارمياسىنىڭ سيپاتى مەن قاسيەتىن، ستيلىن ماڭگى ساقتاۋ كەرەك. ينفورماتسيالاندىرۋدى ارميانى وسىزامانداندىرۋ قۇرىلىسىنىڭ دامۋ بەتالىسى ەتۋدەن اۋىتقىماي، ينفورماتسيالاندىرۋ قۇرىلىسىنىڭ جەدەل دامۋىن ىلگەرىلەتۋ كەرەك. جوعارى، جاڭا تەحنيكالى قارۋ-جاراق قۇرىلىسىن كۇشەيتىپ، وسىزاماندانعان ارتقى شەپ قۇرىلىسىن جالپى بەتتىك جەدەلدەتۋ كەرەك، زور توپتاعى جوعارى ساپالى، جاڭاشا اسكەري دارىندىلاردى جەتىلدىرىپ، ينفورماتسيالانعان جاعدايداعى اسكەري جاتتىعۋدى ىشكەرىلەي ورىستەتىپ، ينفورماتسيالانعان جۇيەمەن سوعىس جۇرگىزۋ قۋاتىن ارتتىرۋ كەرەك. ارميانى زاڭمەن باسقارۋ، ارميانى قاتاڭ باسقارۋ تەبىنىن ارتتىرىپ، ارميانى جۇيەلىلەندىرۋ قۇرىلىسىنىڭ ءتىپتى دە جوعارى دەڭگەيدە دامۋىن جەبەۋ كەرەك.

  دۇنيە جۇزىلىك اسكەري ىستەر توڭكەرىسىنىڭ جەدەل دامۋى سىندى جاڭا اۋقىمقا ىلەسىپ، قورعانىس پەن ارميا جاعىنداعى رەفورمانى بەلسەنە ورنىقتى جۇرگىزىپ، اسكەري ىستەر جاعىنداعى جۇڭگوشا ەرەكشەلىككە يە وزگەرىستەردىڭ ىشكەرىلەي دامۋىن جەبەۋ كەرەك. جاڭالىق جاراتۋ ارقىلى دامۋ سىندى اسكەري ىستەر نازارياسىن جەتەكشى ەتۋگە تاباندى بولىپ، قورعانىستىق عىلىم-تەحنيكا ونەركاسىبىنىڭ دەربەس جاڭالىق جاراتۋ قابىلەتىن كۇش سالا جوعارىلاتىپ، ارميانىڭ ۇيىمدىق فورماتسياسىن وسىزامانداندىرۋدى ىشكەرىلەي ىلگەرىلەتىپ، جۇڭگوشا ەرەكشەلىككە يە وسىزامانعى اسكەري كۇش جۇيەسىن ورناتۋ كەرەك.

جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.