- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگوشا سوتسياليزم جولىمەن اۋىتقىماي العا باسىپ، جاپپاي دوڭگەلەك داۋلەتتى قوعام قۇرۋ جولىندا كۇرەسەيىك(8)
2012.11.22 14:04
اسكەري قاجەت پەن حالىقتىق قاجەت توعىسقان جۇڭگوشا دامۋ جولىمەن جۇرۋدەن جازباي، ەلدى الۋەتتەندىرۋ مەن ارميانى قۇدىرەتتەندىرۋدىڭ بىرلىگىنە تاباندى بولىپ، اسكەري قاجەت پەن حالىقتىق قاجەتتىڭ توعىسىپ دامۋىنىڭ ستراتەگيالىق پلانىن، ءتۇزىلىس مەحانيزمى قۇرىلىسىن جانە زاڭ-ەرەجەلەر قۇرىلىسىن كۇشەيتۋ كەرەك. وسىزاماندانعان قارۋلى ساقشى كۇشتەرىن قۇرۋدى جەدەلدەتۋ كەرەك. بۇكىل حالىقتىڭ قورعانىس تانىمىن كۇشەيتىپ، قورعانىستىق جۇمىلدىرۋ مەن زاپاس اسكەري كۇشتەر قۇرىلىسى ساپاسىن جوعارىلاتۋ كەرەك. ارميا مەن ۇكىمەتتىڭ، ارميا مەن حالىقتىڭ ىنتىماعىن بەكەمدەۋ جانە دامىتۋ كەرەك.
جۇڭگونىڭ قورعانۋ سيپاتىندىق قورعانىس ساياساتىن جۇرگىزىپ، قورعانىس قۇرىلىسىن كۇشەيتۋدەگى ماقساتى ‐ مەملەكەتتىڭ يەلىك ۇقىعىن، حاۋىپسىزدىگىن، تەرريتوريا تۇتاستىعىن قورعاۋ، مەملەكەتتىڭ بەيبىت دامۋىن قامتاماسىزداندىرۋ. جۇڭگونىڭ ارمياسى باستان-اقىر دۇنيە بەيبىتشىلىگىن قورعاۋداعى بەرىك كۇش بولا بەرەدى، ول بۇرىنعىداي ءار ەلمەن اسكەري ىستەر جاعىندا سەلبەستىكتى كۇشەيتىپ، ءوزارا سەنىمدىلىكتى ارتتىرادى، وڭىرلىك جانە حالىقارالىق حاۋىپسىزدىك ىستەرىنە قاتىسىپ، حالىقارالىق ساياسي جانە حاۋىپسىزدىك سالاسىندا بەلسەندى رول اتقارادى.
10. ”ءبىر ەل، ەكى ءتۇزىم“ امالياتىن بايىتۋ جانە وتاندى بىرلىككە كەلتىرۋ ۇلى ءىسىن ىلگەرىلەتۋ
شياڭگاڭ، اۋمىن وتان قۇشاعىنا ورالعاننان بەرى وتانىمىزدىڭ ىشكى ولكەلەرىمەن ءوز باسىمدىلىقتارى ارقىلى ءبىرىن ءبىرى تولىقتىرىپ، بىرلىكتە دامۋدىڭ سارا جولىنا ءتۇستى، ”ءبىر ەل، ەكى ءتۇزىم“ امالياتى دۇنيە ءجۇزى مويىنداعان تابىستارعا جەتتى. ورتالىق ۇكىمەتتىڭ شياڭگاڭ، اۋمىن جونىندە اتقارىپ وتىرعان ءتۇرلى باعىت-ساياساتتارىنىڭ ءتۇبىرلى ماقساتى ‐ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ، شياڭگاڭنىڭ، اۋمىننىڭ باياندى گۇلدەنۋى مەن ورنىقتىلىعىن ساقتاۋ. ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا جۇرگىزۋ باعىتىن جان-جاقتىلى دۇرىس دايەكتىلەندىرۋ ءۇشىن، ونى، ءسوز جوق، ءبىر جۇڭگو پرينسيپىنە تاباندى بولۋمەن، ەكى ءتۇزىم پارقىنا قۇرمەت ەتۋمەن، ورتالىقتىڭ ۇقىعىن قورعاۋمەن جانە ەرەكشە اكىمشىلىك رايوننىڭ وسكەلەڭ اۆتونوميا جۇرگىزۋ ۇقىعىن قامتاماسىزداندىرۋمەن، ىشكى ولكەلەردىڭ قۇدىرەتتى ارتقى تىرەكتىك رولىن ساۋلەلەندىرۋمەن جانە شياڭگاڭ، اۋمىننىڭ وزىندىك باسەكەلىك قۋاتىن ارتتىرۋمەن ورگانيكالى تۇردە ۇشتاستىرۋ، قانداي كەزدە دە ولاردى ءبىر-بىرىنەن بولە قاراماۋ ءتيىس.
ورتالىق ۇكىمەت ءىستى قاتاڭ ءتۇبىرلى زاڭ بويىنشا ىستەپ، ءتۇبىرلى زاڭنىڭ اتقارىلۋىنا قاتىستى تۇزىمدەر مەن مەحانيزمدەردى كەمەلدەندىرەدى، ەرەكشە اكىمشىلىك رايوندار اكىمىنىڭ جانە ۇكىمەتىنىڭ بيلىكتى زاڭ بويىنشا جۇرگىزىپ، شياڭگاڭداعى، اۋمىنداعى ءار سالا قايراتكەرلەردى زەيىن-زەردەلەرىن شوعىرلاندىرىپ ەكونوميكانى دامىتۋعا، حالىق تۇرمىسىن شىن مانىندە ۇتىمدى جاقسارتۋعا، دەموكراتيانى ءتارتىپ بويىنشا بىرتىندەپ ىلگەرىلەتۋگە، كەڭ پەيىل، قامقور بولىپ، قوعامنىڭ جاراسىمدىلىعىن جەبەۋگە جەتەكتەپ، ىشكى ولكەلەردىڭ شياڭگاڭمەن، اۋمىنمەن بولعان ەكونوميكا ساۋدا قارىم قاتىناسىن تەرەڭدەتىپ، ءتۇرلى سالالارداعى اۋىس-كۇيىستەر مەن سەلبەستىكتەردى ىلگەرىلەتەدى، شياڭگاڭدىق، اۋمىندىق باۋىرلاستاردىڭ وتاندى، شياڭگاڭدى، اۋمىندى ءسۇيۋ تۋى استىنداعى ۇلى ىنتىماعىن جەبەپ، سىرتقى كۇشتەردىڭ اۋمىن، شياڭگاڭ ىستەرىنە كيلىگۋىنەن ساقتانۋىن جانە ونى تيۋىن باتىل قولدايدى.
ءبىز شياڭگاڭدىق، اۋمىندىق باۋىرلاستاردىڭ ەرەكشە اكىمشىلىك رايوندى ويداعىداي باسقارۋعا، گۇلدەندىرۋگە اقىل-پاراساتتارى، قابىلەتتەرى ابدەن جەتەتىنىنە، مەملەكەت ىستەرىندە بەلسەندى رولدارىن ساۋلەلەندىرە الاتىندارىنا، ءارى بۇكىل ەلدەگى ءار ۇلت بۇقاراسىمەن بىرلىكتە جۇڭگولىق بولۋداي داڭق، ابىرويدان يگىلىكتەنەتىنىنە كامىل سەنەمىز.
تايۋان ماسەلەسىن شەشىپ، وتاننىڭ تولىق بىرلىككە كەلۋىن جۇزەگە اسىرۋ ‐ بوگەۋ بەرمەس تاريحي بارىس. بەيبىت جولمەن بىرلىككە كەلۋ تايۋاندىق باۋىرلاستاردى قامتىعان جۇڭحۋا ۇلتىنىڭ ءتۇبىرلى مۇددەسىنە ابدەن ۇيلەسەدى. بەيبىت جولمەن بىرلىككە كەلۋدى جۇزەگە اسىرۋدا ەڭ الدىمەن ەكى جاعالاۋدىڭ قارىم-قاتىناسىنىڭ بەيبىت دامۋىنا كەپىلدىك ەتۋ كەرەك. ”بەيبىت جولمەن بىرلىككە كەلۋ، ءبىر ەل، ەكى ءتۇزىم“ باعىتىنا ءسوزسىز تاباندى بولۋ، ەكى جاعالاۋدىڭ قاتىناسىن دامىتۋعا، وتاننىڭ بەيبىت جولمەن بىرلىككە كەلۋىنىڭ اياق الىسىن ىلگەرىلەتۋ جونىندەگى 8 تارماقتى قۋاتتاماعا تاباندى بولۋ، ەكى جاعالاۋدىڭ قاتىناسىن بەيبىت جولمەن دامىتۋ سىندى ماڭىزدى يدەيانى جان-جاقتىلى دايەكتىلەندىرىپ، ەكى جاعالاۋدىڭ قاتىناسىن بەيبىت جولمەن دامىتۋدىڭ ساياسي، ەكونوميكالىق، مادەنيەتتىك جانە قوعامدىق نەگىزىنبەكەمدەپ جانە تەرەڭدەتىپ، وتاندى بەيبىت جولمەن بىرلىككە كەلتىرۋگە تولىق شارت-جاعداي ازىرلەۋ كەرەك.
ءبىز باستان-اياق ءبىر جۇڭگو پرينسيبىنە تاباندى بولامىز. ۇلى قۇرلىق پەن تايۋان ءالى بىرلىككە كەلمەگەنىمەن، ءبىراق ۇلى قۇرلىق تا، تايۋان دا ءبىر جۇڭگوعا ءتان ەكەندىگى جونىندەگى شىندىق ەشقاشان وزگەرگەن ەمەس، مەملەكەتتىڭ تەرريتورياسى مەن يەلىك ۇقىعى ەشقاشان ءبولىنىپ كورگەن ەمەس، ءارى بولۋگە استە جول بەرىلمەيدى. بۇعازدىڭ ەكى جاعالاۋىنداعىلار ”تايۋان دەربەستىگى“ سىندى بولشەكتەۋ ارەكەتتەرىنە بىرگە باتىل قارسى تۇرىپ، 1992-جىلعى ”تانىم بىرلىگى“ سىندى ورتاق مايداندا تاباندى بولىپ، ءبىر جۇڭگو جۇلگەسىن قورعاۋ سىندى ورتاق تانىمدى كۇشەيتىپ، وسى نەگىزدە پارىقتاردى قويا تۇرىپ، ۇقساستىققا جەتۋ كەرەك. ءبىز تايۋانداعى ”تايۋان دەربەستىگى“ سىندى بولشەكتەۋ ارەكەتتەرىن قۋاتتامايتىن، ءبىر جۇڭگو پرينسيبىن مويىندايتىن ءارقانداي ساياسي پارتيامەن اۋىس-كۇيىس جاساۋعا، پىكىرلەسۋگە، سەلبەستىك ورناتۋعا دايىنبىز.
ءبىز ەكى جاعالاۋدىڭ اۋىس-كۇيىسىن، سەلبەستىگىن جالعاستى ىلگەرىلەتەمىز. ەكونوميكالىق سەلبەستىكتى تەرەڭدەتىپ، مۇددە بىرلىگىن كۇشەيتەمىز. مادەنيەت جاعىندا اۋىس-كۇيىس جاساۋ سالالارىن كەڭەيتىپ، ۇلتتىق مۇراتتاستىقتى ارتتىرامىز. حالىقتىق بارىس-كەلىستى جيىلەتىپ، باۋىرلاستىق سۇيىسپەنشىلىكتى قويۋلاستىرامىز. تەڭ تۇرعىدا كەڭەسۋدى جەبەپ، ءتۇزىم قۇرىلىسىن كۇشەيتەمىز. ءبىز ەكى جاعالاۋدىڭ بىرلىكتە قۇلشىنىپ، ەل ءالى بىرلىككە كەلمەي تۇرعان ەرەكشە جاعدايدا، ەكى جاعالاۋدىڭ ساياسي قارىم-قاتىناسى جونىندە تالقى وتكىزىپ، ۇيلەسىمدى ورنالاستىرۋلار جاساۋىن؛ ەكى جاعالاۋدىڭ اسكەري ىستەر حاۋىپسىزدىگى جاعىندا ءوزارا سەنىمدىلىك مەحانيزمىن ورناتۋ جونىندە كەڭەس وتكىزىپ، تايۋان بۇعازىنىڭ جاعدايىن ورنىقتىرۋىن؛ ەكى جاعالاۋدىڭ بەيبىت كەلىسىمىن جاساسىپ، ەكى جاعالاۋدىڭ قاتىناسىن بەيبىت جولمەن دامىتۋدىڭ جاڭا جاعدايىن جاراتۋىن قالايمىز.
ءبىز ەكى جاعالاۋداعى باۋىرلاستاردىڭ ىنتىماقتاسا وتىرىپ كۇرەس جۇرگىزۋىن بار كۇشپەن جەبەيمىز. ەكى جاعالاۋداعى باۋىرلاستار تەگى ءبىر جۇڭحۋا ۇلتى، قانداس، تاعدىرلاس ورتاق تۇلعا، سوندىقتان ءبىر-بىرىنە قامقورلىق جاساۋلارى، ءبىر-بىرىنە سەنۋلەرى، ەكى جاعالاۋدىڭ قاتىناسىن بىرلىكتە ىلگەرىلەتۋلەرى، دامۋ جەتىستىكتەرىنەن ورتاق يگىلىكتەنۋلەرى ءتيىس. ەكى جاعالاۋداعى باۋىرلاستارعا بىردەي قۇت-بەرەكە اكەلەتىن ءتيىمدى ىستەردىڭ بارلىعىن، مۇمكىندىگىنشە ويداعىداي ىستەۋگە قۇلشىنامىز. تايۋاندىق باۋىرلاستاردىڭ ۇقىق-مۇددەسىن شىن مانىندە قورعاپ، تايۋاندىق باۋىرلاستارمەن ىنتىماقتاسا وتىرىپ، جۇڭحۋا ۇلتىمىزدىڭ ورتاق مەكەنىن تىزە قوسا وتىرىپ، ويداعىداي قورعاۋىمىز، ويداعىداي گۇلدەندىرۋىمىز كەرەك.
ءبىز ”تايۋان دەربەستىگى“ بولشەكتەۋشى كۇشتەرىنە باتىل قارسى تۇرامىز. جۇڭگو حالقى ءارقانداي ادامنىڭ ءارقانداي جەلەۋمەن، ءارقانداي تاسىلمەن تايۋاندى جۇڭگودان ءبولىپ اكەتۋىنە استە جول بەرمەيدى. ەكى جاعالاۋداعى باۋىرلاستاردىڭ ورتاق مۇددەسىنە زيان جەتكىزەتىن ”تايۋان دەربەستىگى“ سىندى مۇنداي بولشەكتەۋشى ارەكەتتەر، ءسوز جوق، تۇبىندە جەڭىلىسكە ۇشىرايدى.
بۇكىل جۇڭحۋا پەرزەنتتەرى قول ۇستاسىپ، بىرلىكتە كۇش سالۋى ارقاسىندا، جۇڭحۋا ۇلتىنىڭ ۇلى گۇلدەنۋى، وتاننىڭ تولىق بىرلىككە كەلۋى، ءسوز جوق، جۇزەگە اسادى.
11. ادامزاتتىڭ بەيبىت دامۋى سىندى ۇلى ءىستى جالعاستى ىلگەرىلەتۋ
قازىرگى دۇنيەدە تەرەڭ دە كۇردەلى وزگەرىستەر تۋىلۋدا، بەيبىتشىلىك پەن دامۋ ءالى دە ءداۋىردىڭ نەگىزگى تاقىرىبى بولا بەرەدى. دۇنيەنىڭ كوپ ۇيەكتەنۋى، ەكونوميكانىڭ جەرشارىلانۋى ىشكەرىلەي دامىپ، مادەنيەتتىڭ الۋان تۇرلىلىگى، قوعامنىڭ ينفورماتسيالانۋى ۇزدىكسىز ىلگەرىلەپ، عىلىم-تەحنيكا توڭكەرىسىندە تىڭ قامال الىنىپ، جەرشارىندىق سەلبەستىك ءتۇرلى دەڭگەيدە، جان-جاقتىلى ورىستەتىلىپ، گۇلدەنىپ كەلە جاتقان بازار ەلدەر مەن دامۋ ۇستىندەگى ەلدەردىڭ جالپى تۇلعالىق قۋاتى ارتىپ، حالىقارالىق كۇشتەردىڭ سالىستىرماسى دۇنيەنىڭ بەيبىتشىلىگىن قورعاۋعا ءتيىمدى باعدارعا قاراي دامىپ، حالىقارالىق جاعدايدىڭ جالپى تۇلعالىق جاقتاعى ورنىقتىلىعىن ساقتاۋعا ءتىپتى دە ءتيىمدى شارت-جاعداي ازىرلەنىپ وتىر.
سونىمەن بىرگە، دۇنيە ءالى دە تىنىش ەمەس. حالىقارالىق فينانس داعدارىسىنىڭ ىزعارى كەتە قويعان جوق، دۇنيە ءجۇزى ەكونوميكاسىنىڭ ارتۋىنداعى ورنىقسىز، تۇراقسىز فاكتورلار كوبەيۋدە، جەرشارىندىق دامۋدىڭ تەپە-تەڭدىگىنىڭ بۇزىلۋى ۋشىعىپ، زورەكەرلىك، وكتەمدىك ساياسي مەن جاڭا كيلىگۋشىلدىك باس كوتەرۋدە، ءىشىنارالىق قاقتىعىستار تولاسسىز تۋىلىپ، استىق، ەنەرگيا بايلىعى، توراپ حاۋىپسىزدىگى قاتارلى جەرشارىندىق ماسەلەلەر ءتىپتى دە كورنەكتىلەنىپ كەلەدى.
ادامزاتتىڭ ءبىر عانا جەر شارى بار، ءار ەل حالقى ورتاق ءبىر دۇنيەدە جاساپ وتىر. تاريح بىزگە مىنانى اڭعارتادى: كۇشتىلەر السىزدەردى باسىنۋ ادامزاتتىڭ ورتاق ءومىر ءسۇرۋ جولى ەمەس، سوعىسقۇمارلىقپەن تاماشا دۇنيە جاراتۋعا بولمايدى. سوعىسپاي، بەيبىت تۇرۋ، كەدەيلەسپەي، دامىپ كوركەيۋ، قاقتىعىسپاي سەلبەستىك جاساۋ، دۇنيەنى باياندى بەيبىتشىلىك ورناعان، بىرگە گۇلدەنىپ-كوركەيگەن جاراسىمدى ەتىپ قۇرۋ ‐ ءار ەل حالقىنىڭ ورتاق ارمانى.
حالىقارالىق قاتىناستا تەڭدىك، ءوزارا سەنىمدىلىك، كەڭ بولۋ، ءوزارا عيبىرات الۋ، سەلبەسىپ ورتاق يگىلىكتەنۋ رۋحىن ساۋلەلەندىرىپ، حالىقارلىق تەڭدىك پەن ادىلدىكتى بىرلىكتە قورعاۋدى قۋاتتايمىز. تەڭدىك، ءوزارا سەنىمدىلىكتە، بىرلەسكەن مەملەكەتتەر ۇيىمى ەرەجەسىنىڭ نەگىزگى ماقساتى مەن پرينسيبىنە بويسۇنىپ، ەلدەردى ءىرى-ۇساق، كۇشتى-ءالسىز، باي-كەدەي دەپ بولمەي، بارلىعىنىڭ تەرەزەسىنىڭ تەڭ بولۋىنا تاباندى بولىپ، حالىقارالىق قاتىناستىڭ دەموكراتيالانۋىن جەبەپ، يەلىك ۇقىققا قۇرمەت ەتىپ، حاۋىپسىزدىكتەن ورتاق يگىلىكتەنىپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋ كەرەك. كەڭ بولۋ، ءوزارا عيبىرات الۋدا، دۇنيە ءجۇزىنىڭ وركەنيەتى مەن دامۋ جولدارىنىڭ الۋان تۇرلىلىگىنە، ءار ەل حالقىنىڭ قوعامدىق ءتۇزىمى مەن دامۋ جولىن دەربەس تاڭداۋ ۇقىعىنا قۇرمەت ەتىپ جانە ونى قورعاپ، ءوزارا عيبىرات الىپ، باسقالاردىڭ ارتىقشىلىعىن قابىلداپ، ادامزات وركەنيەتىنىڭ العا باسۋىن جەبەۋ كەرەك. سەلبەسىپ، ورتاق يگىلىكتەنۋدە، ادامزاتتىڭ تاعدىرلاستىق ساناسىن دارىپتەپ، ءوز ەلىمىزدىڭ مۇددەسىنە قۇلشىنعاندا، وزگە ەلدەردىڭ دە ورىندى مۇددەسىن ەسكەرۋىمىز، ءوزىمىزدى دامىتۋعا قۇلشىنعاندا، وزگە ەلدەردىڭ دە ورتاق دامۋىن جەبەپ، جەر شارىندا دامۋدىڭ اناعۇرلىم تەڭ، بىركەلكى، جاڭاشا سەرىكتەستىك قاتىناسىن ورناتىپ، قيىندىقتى بىرگە جەڭىپ، ۇقىق پەن جاۋاپكەرشىلىكتى بىرگە ارقالاپ، ادامزاتتىڭ ورتاق مۇددەسىن بەكەمدەۋىمىز كەرەك.
جۇڭگو بەيبىتشىلىك، دامۋ، سەلبەستىك، تەڭ يگىلىكتەنۋ تۋىن جالعاستى بيىك ۇستاپ، دۇنيە ءجۇزىنىڭ بەيبىتشىلىگىن قورعاپ، بىرگە دامۋدى ىلگەرىلەتۋگە قۇلشىنۋدان اۋىتقىمايدى.
جۇڭگو قاي-قاشان دا بەيبىت دامۋ جولىمەن جۇرۋدەن جازباي، تاۋەلسىز، دەربەس بەيبىت ديپلوماتيالىق ساياساتتى باتىل اتقارادى. مەملەكەتتىڭ يەلىك ۇقىعىن، حاۋىپسىزدىگىن، دامۋداعى مۇددەسىن باتىل قورعاپ، ءارقانداي سىرتقى قىسىمعا استە باس يمەيدى. ءبىز مايدانىمىز بەن ساياساتىمىزدى ءىستىڭ دۇرىس-بۇرىستىعىنا قاراي بەلگىلەپ، اقيقاتتى جاقتاپ، ادىلەتتىلىكتى قۋاتتايمىز. جۇڭگو حالىقارالىق تالاس-تارتىس پەن داۋلى ماسەلەلەردى بەيبىت جولمەن شەشۋدى قۇپتايدى، قيت ەتسە قارۋ جۇمساۋعا نەمەسە زورلىقتى كۇشپەن قۇقاي كورسەتۋگە، وزگە ەلدىڭ زاڭدى وكىمەتىن اۋدارۋعا جانە ءارقانداي فورماداعى لاڭكەستىككە قارسى تۇرادى. جۇڭگو ءتۇرلى فورماداعى زورەكەرلىك پەن وكتەمدىككە قارسى تۇرىپ، زورەكەرلىك پەن ىرگە كەڭەيتۋدەن ماڭگى اۋلاق بولادى. جۇڭگو جۇڭگو حالقىنىڭ مۇددەسىن ءار ەل حالقىنىڭ ورتاق مۇددەسىمەن ۇشتاستىرۋعا تاباندى بولىپ، حالىقارالىق ىستەرگە اناعۇرلىم بەلسەندى بەينەمەن قاتىسىپ، جاۋاپكەرشىل ءىرى ەل رولىن ساۋلەلەندىرىپ، الەمدىك سىندارعا بىرلىكتە توتەپ بەرەدى.
جۇڭگو ءوزارا تيىمدىلىك جەتكىزىپ، تەڭ يگىلىكتەنەتىن ەسىكتى اشىق ۇستاۋ ستراتەگياسىن اتقارۋدان قاي-قاشان دا اۋىتقىماي، سەلبەستىكتى كۇشەيتۋ ارقىلى دۇنيە ءجۇزى ەكونوميكاسىنىڭ ەكپىندى، باياندى، تەڭگەرىلمەلى ارتۋىن جەبەيدى. جۇڭگو تۇستىك پەن تەرىستىكتىڭ دامۋ پارقىن ازايتۋعا كۇش سالىپ، دامۋ ۇستىندەگى ەلدەردىڭ دەربەس دامۋ قۋاتىن ارتتىرۋىن قولدايدى. جۇڭگو نەگىزگى ەكونوميكالىق تۇلعالارمەن ماكرولىق ەكونوميكالىق ساياساتتى سايكەستىرۋدى كۇشەيتىپ، ەكونوميكا-ساۋدا قاقتىعىسىن كەڭەسۋ ارقىلى لايىقتى شەشەدى. جۇڭگو ۇقىق پەن بورىشتىڭ تەڭدىگىن ساقتاۋعا تاباندى بولىپ، دۇنيە ءجۇزى ەكونوميكاسىن وڭاۋعا بەلسەنە قاتىسىپ، ساۋدا مەن قارجىلاندىرۋدىڭ ەركىن، قولايلى بولۋىن جەبەپ، ءتۇرلى فورماداعى قورعانىمپازدىققا قارسى تۇرادى.
جۇڭگو بەيبىت قاتار تۇرۋدىڭ بەس پرينسيپى نەگىزىندە ءار ەلمەن دوستىق سەلبەستىكتى جان-جاقتىلى دامىتۋعا تاباندى بولادى. ءبىز دامىعان ەلدەرمەن قاتىناسىمىزدى جاقسارتىپ جانە دامىتىپ، سەلبەستىك جاساۋ ءورىسىن كەڭەيتىپ، الاۋىزدىقتى لايىقتى ءبىرجاقتىلى ەتىپ، باياندى، ورنىقتى، اقاۋسىز داميتىن جاڭاشا ءىرى ەلدىك قاتىناس ورناتۋدى جەبەيمىز. كورشى ەلدەرمەن ەتەنە، تاتۋ-ءتاتتى وتۋگە، سەرىكتەس بولۋعا تاباندى بولىپ، بەرەكە-بىرلىك پەن دوستىقتى بەكەمدەپ، ءبىر-بىرىنە ءتيىمدى سەلبەستىكتى كۇشەيتىپ، وزىندىك دامۋ ارقىلى كورشى ەلدەرگە اناعۇرلىم ويداعىداي پايدا جەتكىزۋگە قۇلشىنامىز. ءبىز دامۋ ۇستىندەگى ەلدەرمەن بەرەكە-بىرلىكپەن سەلبەسۋدى كۇشەيتىپ، دامۋ ۇستىندەگى ەلدەردىڭ ورىندى ۇقىق-مۇددەسىن بىرگە قورعاپ، دامۋ ۇستىندەگى ەلدەردىڭ حالىقارالىق ىستەردەگى ۋاكىلدىك ورنى مەن سويلەۋ ۇقىعىن كەڭەيتۋدى قولداپ، ولاردىڭ ماڭگىلىك سەنىمدى دوسى جانە ادال سەرىگى بولامىز. كوپ جاقتىلى ىستەرگە بەلسەندى قاتىسىپ، بىرلەسكەن مەملەكەتتەر ۇيىمى، 20 ەل توبى، شاڭحاي سەلبەستىك ۇيىمى قاتارلى ۇيىمدار مەن قاۋىرت وركەندەپ كەلە جاتقان تەبىندى ەلدەردىڭ بەلسەندى رولدارىن ساۋلەلەندىرۋىن دەمەپ، حالىقارالىق ءتارتىپ پەن حالىقارالىق جۇيەنىڭ ءادىل، جۇيەلى باعىتقا قاراي دامۋىن جەبەيمىز. الەۋمەتتىك جانە گۋمانيتارلىق ديپلوماتيانى تىڭعىلىقتى ىلگەرىلەتىپ، ەلىمىزدىڭ شەتەلدەگى زاڭدى ۇقىق-مۇددەسىن قورعايمىز. ءار ەلدىڭ ساياسي پارتيالارىمەن جانە ساياسي ۇيىمدارىمەن دوستىق بارىس-كەلىستى ەتەك الدىرىپ، حالىق قۇرىلتايىنىڭ، ساياسي كەڭەستىڭ، جەرگىلىكتى ورىنداردىڭ، حالىقتىق ۇيىمداردىڭ شەتەلدەرمەن اۋىس-كۇيىس جاساۋىن كۇشەيتىپ، ەل ارالىق قاتىناستى دامىتاتىن قوعامدىق نەگىزدى بەكەمدەيمىز.
جۇڭگو حالقى بەيبىتشىلىكتى قىزۋ ءسۇيىپ، دامۋدى اڭسايدى، ءار ەل حالقىمەن بىرلىكتە ادامزاتتىڭ بەيبىتشىلىگى مەن دامۋى سىندى ۇلى ءىس جولىندا قاجىماي-تالماي قۇلشىنۋعا پەيىل.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
