- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگوشا سوتسياليزم جولىمەن اۋىتقىماي العا باسىپ، جاپپاي دوڭگەلەك داۋلەتتى قوعام قۇرۋ جولىندا كۇرەسەيىك(9)
2012.11.22 14:04
12. پارتيا قۇرىلىسىنىڭ عىلميلانۋ ورەسىن جاپپاي جوعارىلاتايىق
پارتيامىز حالىقتى ىنتىماقتاستىرىپ، باستاپ، جاپپاي دوڭگەلەك داۋلەتتى قوعام قۇرۋ، سوتسياليستىك وسىزامانداندىرۋ قۇرىلىسىن ىلگەرىلەتۋ، جۇڭحۋا ۇلتتارىنىڭ ۇلى گۇلدەنۋىن جۇزەگە اسىرۋ سىندى ماڭىزدى مىندەتتى ارقالاپ وتىر. پارتيا قايسار دا قۇدىرەتتى، حالىقپەن ەتەنە، تىنىستاس بولعاندا، مەملەكەت گۇلدەنىپ، ەلدە تىنىشتىق ورنايدى، حالىق الاڭسىز باقىتتى تۇرمىس كەشىرەدى. جاعدايدىڭ دامۋى، ىستەردىڭ ءورىس الۋى، حالىقتىڭ تىلەگى بىزدەن رەفورمالاۋ، جاڭالىق اشۋ رۋحىمەن پارتيا قۇرىلىسىنداعى تىڭ دا ۇلى ينجەنەريانى جاپپاي ىلگەرىلەتىپ، پارتيا قۇرىلىسىنىڭ عىلميلانۋ ورەسىن جالپى بەتتىك جوعارىلاتۋدى تالاپ ەتەدى.
بۇكىل پارتيا مىنانى ەستە بەرىك ساقتاۋى كەرەك: حالىققا تامىر تارتىپ، حالىقتى باقىتقا بولەگەندە عانا پارتيا ءارقاشان جەڭىمپاز بولادى؛ امانشىلىقتا جامانشىلىق بولارىن دا ويلاپ، باتىلدىقپەن ىزدەنگەندە عانا پارتيا ءارقاشان ءداۋىردىڭ الدىڭعى لەگىندە جۇرەدى. پارتيا جاڭا جاعدايدا ءدوپ كەلىپ وتىرعان بيلىك جۇرگىزۋدىڭ، رەفورما جاساپ، ەسىك اشۋدىڭ، بازار شارۋاشىلىعىنىڭ، سىرتقى ورتانىڭ سىنى ۇزاق ۋاقىتتىق، كۇردەلى جانە قاتاڭ بولماق، رۋحاني كەرەناۋلىقتىڭ، قابىلەتتىڭ جەتەرسىزدىگىنىڭ، بۇقارادان الشاقتاۋدىڭ، بويكۇيەزدىكتىڭ، ءىرىپ-ءشىرۋدىڭ حاۋىپ-قاتەرى بۇكىل پارتيانىڭ الدىنداعى كورنەكتى ماسەلەگە اينالدى. پارتيانىڭ باسشىلىق قابىلەتى مەن بيلىك جۇرگىزۋ ورەسىن ۇزدىكسىز جوعارىلاتىپ، ءىرىپ-شىرۋگە قارسى تۇرىپ، ازعىنداۋدان ساقتانۋ جانە حاۋىپ قاتەرگە توتەپ بەرۋ قابىلەتىن جوعارىلاتۋ ‐ پارتيانىڭ بيلىكتى ورنىن بەكەمدەپ، بيلىك جۇرگىزۋ بورىشىن اتقارۋىندا، ءسوز جوق، ويداعىداي شەشۋگە ءتيىستى كەلەلى ماسەلە. بۇكىل پارتيا كوكەيتەستىلىك پەن جاۋاپكەرشىلىكتى كۇشەيتىپ، پارتيانىڭ بيلىك جۇرگىزۋ قۋاتى قۇرىلىسىن، العاباسارلىعى مەن پاكتىك قۇرىلىسىن كۇشەيتۋ سىندى نەگىزگى جەلىنى مىقتى يگەرىپ، يدەيانى ازات ەتۋدەن، رەفورما جاساپ جاڭالىق اشۋدان تايماي، پارتيانى پارتيا باسقارۋعا، پارتيانى قاتاڭ باسقارۋعا تاباندى بولىپ، پارتيانىڭ يدەيالىق، ۇيىمدىق، ستيل قۇرىلىسىن جانە ءىرىپ-شىرۋگە قارسى تۇرىپ، پاكتىكتى دارىپتەۋ قۇرىلىسى مەن ءتۇزىم قۇرىلىسىن جالپى بەتتىك كۇشەيتىپ، ءوزىن كىرشىكسىزدەندىرۋ، كەمەلدەندىرۋ، جاڭالىققا كوشۋ، ورەسىن جوعارىلاتۋ قابىلەتىن ارتتىرىپ، ءوزىن ۇيرەنىمپاز، قىزمەت وتەيتىن جانە جاڭاشىل بيلىك باسىنداعى ماركستىك پارتيا ەتىپ قۇرىپ، پارتيانىڭ باستان-اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىن شىنايى كەپىلدەندىرۋ كەرەك.
1) مۇرات جانە سەنىمدى بەكەمدەپ، كوممۋنيستەردىڭ رۋحاني تالپىنىسىنان بۇلجىماۋ. ماركسيزم، سوتسياليزم جانە كوممۋنيزم جونىندەگى سەنىم ‐ كوممۋنيستەردىڭ ساياسي جان جۇيەسى، سونداي-اق كوممۋنيستەردىڭ ءارقانداي سىنعا توتەپ بەرەتىن رۋحاني تىرەگى. يدەيالىق نازاريا قۇرىلىسى سىندى ءتۇيىندى مىقتى يگەرىپ، ماركسيزم-لەنينيزمدى، ماۋ زىدۇڭ يدەياسىن، جۇڭگوشا سوتسياليزمنىڭ نازاريالىق جۇيەسىن ۇيرەنىپ، عىلمي دامۋ كوزقاراسىن ىشكەرىلەي ۇيرەنىپ جانە امالياتتان وتكىزىپ، ۇيرەنىمپاز پارتيا ۇيىمدارىن قۇرۋدى ىلگەرىلەتىپ، پارتيا مۇشەلەرى مەن كادرلاردى ءارقاشان جۇڭگوشا سوتسياليزمنىڭ ورتاق مۇراتى ءۇشىن تالماي كۇرەسۋگە باۋلۋ جانە جەتەلەۋ كەرەك. پارتيالىلىق تاربيە سىندى ءتۇيىندى مىقتى يگەرىپ، پارتيا تاريحىن ۇيرەنىپ، پارتيانىڭ تاريحي ماسەلە تۋرالى ەكى قارارىندا قورىتىندىلاعان تاجىريبە ساباقتاردى جەتە ءتۇسىنۋ، پارتيانىڭ تاڭداۋلى ءداستۇرى مەن ستيلىن ساۋلەلەندىرىپ، پارتيا مۇشەلەرى مەن كادرلاردى دۇنيەگە، بيلىككە، كاسىپكە دۇرىس كوزقاراستى بەرىك ورناتىپ، ساياسي مايدانىن بەكەمدەپ، دۇرىس پەن بۇرىستى ايقىن ايىرۋعا باۋلۋ جانە جەتەلەۋ كەرەك. ءمورال قۇرىلىسى سىندى نەگىزدى مىقتى يگەرىپ، پارتيا مۇشەلەرى مەن كادرلاردى سوتسياليستىك داڭق-نامىس كوزقاراسىن ونەگە بولىپ ورناتىپ، پارتيالىلىقتى دارىپتەپ، ءمورالعا ءمان بەرىپ، ەلگە ونەگە بولىپ، سوتسياليستىك ءمورالدىڭ ۇلگىسى، ادالدىق سالتتىڭ باستاۋشىسى، ادىلدىكتىڭ قورعاۋشىسى بولىپ، ءىس جۇزىندىك ارەكەتىمەن كوممۋنيستەردىڭ اسىل قاسيەتىن ايگىلەۋگە باۋلۋ جانە جەتەلەۋ كەرەك.
2) ادامدى نەگىز ەتىپ، بيلىكتى حالىق ءۇشىن جۇرگىزۋگە تاباندى بولىپ، پارتيانىڭ حالىق بۇقاراسىمەن ەتەنە بايلانىسىن قاي-قاشان دا ساقتاۋ. حالىق ءۇشىن قىزمەت ەتۋ ‐ پارتيانىڭ تۇپكى ماقساتى، ادامدى نەگىز ەتىپ، بيلىكتى حالىق ءۇشىن جۇرگىزۋ ‐ پارتيانىڭ بارلىق بيلىك جۇرگىزۋ قيمىلىن سىننان وتكىزەتىن ەڭ جوعارى ولشەم. قاي-قاشان دا حالىقتىڭ مۇددەسىن ءبىرىنشى ورىنعا قويىپ، حالىقپەن ءارقاشان جۇرەكتەس، تىنىستاس، تاعدىرلاس بولىپ، باستان-اياق حالىققا سۇيەنە وتىرىپ تاريحتىڭ العا باسۋىن جەبەۋ كەرەك. پارتيانىڭ العاباسارلىعى مەن پاكتىگىن وزەك ەتىپ، بۇكىل پارتيادا حالىق ءۇشىن تىڭعىلىقتى ىستەر ىستەۋ، پاك بولۋدى نەگىزگى مازمۇن ەتكەن پارتيانىڭ بۇقارالىق لۋشيان تاربيەسىن امالياتتا ايگىلەۋ قيمىلىن ىشكەرىلەي ورىستەتىپ، حالىق بۇقاراسىنىڭ اڭىسى كۇشتى بولعان كورنەكتى ماسەلەلەردى كۇش سالا شەشىپ، جاڭا جاعدايداعى بۇقارالىق قىزمەتتى ويداعىداي ىستەۋ قۋاتىن جوعارىلاتۋ كەرەك. پارتيالى كادرلاردىڭ بۇقارامەن توتە بايلانىس جاساۋ ءتۇزىمىن كەمەلدەندىرۋ كەرەك. ساياسات جونىندە حالىقتان پىكىر الىپ، حالىقتىڭ قاجەتىن ءبىلىپ، حالىقتان اقىل-كەڭەس الۋعا تاباندى بولىپ، حالىقتىڭ ۇلى امالياتىنان اقىل-پاراسات قابىلداپ، كۇش-قۋات جيۋ كەرەك. ناقتى ءىس ىستەۋ ارقىلى حالىقتى اۋقاتتاندىرىپ، ەلدى كوركەيتۋگە تاباندى بولىپ، باتىلدىقپەن ءورىس اشىپ، مىندەتتى باتىلدىقپەن ارقالاپ، حالىق رازى بولاتىن يگى، ناقتى ىستەردى كوبىرەك ىستەۋ كەرەك. قاجىرلىلىقپەن كۇرەس جاساۋدان، ۇقىپتى-ۇنەمشىل بولۋدان جازباي، جيىن اشىپ، قۇجات تاراتۋ جاعىنداعى ستيلدى جاقسارتۋعا بەل بايلاپ، توعىشارلىق، بويكۇيەزدىك، ىسىراپشىلدىق سياقتى ناشار ادەتتەردى كۇش سالا وڭاپ، فورماشىلدىق پەن تورەشىلدىكتى باتىل جويىپ، پارتيانىڭ تاڭداۋلى ستيلى ارقىلى كوممۋنيستەر مەن حالىق تىلەگىن ۇيىستىرىپ، ساياسي ستيل مەن حالىقتىق سالت-سانانى جەتەكتەۋ كەرەك. جۇمىسشىلار ۇيىمى، كوممۋنيستىك جاستار وداعى، ايەلدەر بىرلەستىگى قاتارلى حالىقتىق ۇيىمداردىڭ كوپىرلىك-دانەكەرلىك رولدارىن تولىق ساۋلەلەندىرۋىن قولداپ، بۇقارانىڭ ءۇنىن اناعۇرلىم ويداعىداي جەتكىزىپ، بۇقارانىڭ زاڭدى ۇقىق-مۇددەسىن قورعاۋ كەرەك.
3) پارتيا ىشىندەگى دەموكراتيانى بەلسەنە دامىتىپ، پارتيانىڭ جاسامپازدىق جاراتۋداعى ومىرشەڭدىگىن ارتتىرۋ. پارتيا ىشىندەگى دەموكراتيا ‐ پارتيانىڭ جانى. دەموكراتيالىق ورتالىقتاندىرۋ تۇزىمىندە تاباندى بولىپ، پارتيا ىشىندەگى دەموكراتيالىق ءتۇزىم جۇيەسىن اقاۋسىزداندىرىپ، حالىقتىق دەموكراتياعا پارتيا ىشىندەگى دەموكراتيا ارقىلى باستاماشىلدىق ەتۋ كەرەك. كوممۋنيستەردىڭ نەگىزگى تۇلعالىق ورنىن قامتاماسىزداندىرۋ، پارتيا مۇشەلەرىنىڭ دەموكراتيالىق ۇقىعىن قامتاماسىزداندىرۋ ءتۇزىمىن اقاۋسىزداندىرىپ، سىن جانە ءوز وزىنە سىندى ورىستەتىپ، پارتيا ىشىندە دەموكراتيالى، تەرەزەسى تەڭ جولداستىق قاتىناس، دەموكراتيالىق تالقى ورىستەتەتىن ساياسي راي، دەموكراتيالىق باقىلاۋ جۇرگىزەتىن تۇزىمدىك ورتا قالىپتاستىرىپ، پارتيا مۇشەلەرىنىڭ حاباردار بولۋ، ارالاسۋ، سايلاۋ، باقىلاۋ ۇقىعىن تياناقتاندىرۋ كەرەك. پارتيا قۇرىلتايى ءتۇزىمىن كەمەلدەندىرىپ، جۇمىسشى، ديقان ۋاكىلدەرىنىڭ سالىستىرماسىن ارتتىرىپ، پارتيا قۇرىلتايى ۋاكىلدەرىنىڭ مىندەت مەرزىمى ءتۇزىمىن تياناقتاندىرۋ جانە كەمەلدەندىرۋ، اۋىل-قالاشىق پارتيا قۇرىلتايىنىڭ جىلدىق ءماجىلىس ءتۇزىمىن سىناق رەتىندە اتقارىپ، اۋدان (قالا، رايون) پارتيا قۇرىلتايىنىڭ تۇراقتى مىندەت ءتۇزىمىن تۇيىندە سىناق ەتۋدى تەرەڭدەتۋ، پارتيا قۇرىلتايى ۋاكىلدەرىنىڭ ۇسىنىس جوبا بەرۋ ءتۇزىمىن اتقارۋ كەرەك. پارتيا ىشىندەگى سايلاۋ ءتۇزىمىن كەمەلدەندىرىپ، پارىقتى سانمەن ەسىمدىك كورسەتۋدى، پارىقتى سانمەن سايلاۋدى جۇيەگە ءتۇسىرىپ، سايلاۋشىلاردىڭ ەركىن تولىق بەينەلەيتىن ءتارتىپ جانە ورتا قالىپتاستىرۋ كەرەك. جالپى ءماجىلىستىڭ شەشىم جاساۋ جانە باقىلاۋ رولىن كۇشەيتىپ، تۇراقتى كوميتەت ءماجىلىسىنىڭ ءىس قاراۋ ەرەجەسى مەن شەشىم جاساۋ ءتارتىبىن، جەرگىلىكتى پارتيا كوميتەتىنىڭ كەلەلى ماسەلەلەردى كەڭەسىپ شەشۋ جانە ماڭىزدى كادرلاردى قىزمەتكە تاعايىنداۋدى داۋىسپەن شەشۋ ءتۇزىمىن كەمەلدەندىرۋ كەرەك. پارتيا ىشىندە نەگىزگى ساتىداعى دەموكراتيانى كەڭەيتىپ، پارتيا مۇشەلەرىنىڭ نەگىزگى ساتى پارتيا ۇيىمىنىڭ باسشىلىق القاسىن مەرزىم بويىنشا باعالاۋى سياقتى تۇزىمدەردى كەمەلدەندىرىپ، پارتيا مۇشەلەرىنىڭ نەگىزگى ساتى پارتيا كوميتەتىنىڭ ماجىلىسىنە سىرتتاي قاتىناسۋى، پارتيا قۇرىلتايى ۋاكىلدەرىنىڭ دارەجەلەس پارتيا كوميتەتىنىڭ قاتىستى ماجىلىستەرىنە كەڭەسشى رەتىندە قاتىناسۋى سىندى تاسىلدەردى قولدانىپ، پارتيا ىشكى تۇرمىسىنىڭ پرينسيپتىلىگى مەن جاريالىلىعىن ارتتىرۋ كەرەك.
4) كادر ءتۇزىمى رەفورماسىن ىشكەرىلەتىپ، جوعارى ساپالى بيلىك جۇرگىزۋ تايانىش قوسىنىن قۇرۋ. جۇڭگوشا سوتسياليزمگە تاباندى بولۋ جانە ونى دامىتۋدىڭ تەتىگى ‐ ساياسي مايدانى بەرىك، قابىلەتتى، ستيلى تاماشا، تالاپتى دا جىگەرلى بيلىك جۇرگىزۋ تايانىش قوسىنىن قۇرۋ. كادرلاردى پارتيا باسقارۋ تۇزىمىنە، قابىلەتتىلەردى توڭىرەكتىڭ ءتورت بۇرىشىنان تاڭداۋعا، ءمورالدى دا قابىلەتتى بولۋ، ءمورالدى باستى ورىنعا قويۋعا، ناقتى ناتيجەگە كوڭىل ءبولىپ، بۇقارا تاراپىنان تانىلۋعا تاباندى بولۋ، كادر ءتۇزىمى رەفورماسىن ىشكەرىلەتىپ، ءار سالادا تاڭداۋلى كادرلاردىڭ توپ-توبىمەن جارىققا شىعىپ، اركىمنىڭ ءوز ونەرىن تولىق ايگىلەۋىنە مۇمكىندىك جاراتۋ كەرەك. دەموكراتيالى، جاريا، باسەكەلى بولۋ، تاڭداۋلىلارىن تاڭداۋ باعىتىن جاپپاي دۇرىس دايەكتىلەندىرىپ، كادرلار قىزمەتىندە دەموكراتيانى كەڭەيتىپ، دەموكراتيانىڭ ساپاسىن جوعارىلاتۋ، كادرلاردى باسەكە ارقىلى تاڭداۋ ءتاسىلىن كەمەلدەندىرىپ، كادرلاردى تاڭداۋ مەن ىستەتۋدىڭ الەۋمەتتىك سەنىمدىلىگىن ارتتىرىپ، شىنشىل، مومىنداردى زيان شەكتىرمەۋ، ورايشىل جاعىمپازداردىڭ وراي تابۋىنا جول بەرمەۋ كەرەك. كادرلاردى باعالاۋ، سىناۋ مەحانيزمىن كەمەلدەندىرىپ، باسشى كادرلاردى قىزمەت ناتيجەسى جونىندە دۇرىس كوزقاراس ورناتۋعا جەتەلەۋ كەرەك. كادرلاردى باسقارۋ ءتۇزىلىسىن اقاۋسىزداندىرىپ، كادرلاردى باقىلاۋ-باسقارۋدى قاتايتىپ، پارتيا-ۇكىمەت ورىندارىنىڭ ءبىرىنشى باسشىلارىن، ماڭىزدى مىندەتتەگى كادرلاردى جەتىلدىرۋ، تاڭداۋ-ءوسىرۋ قىزمەتىن كۇشەيتىپ، ۇكىمەت قىزمەتكەرى ءتۇزىمىن كەمەلدەندىرۋ قاجەت. باسشىلىق القاسىن تاعايىنداۋ مەن كادرلار قوسىنىنىڭ قۇرىلىمىن ساپالىلاندىرىپ، كادرلاردى نەگىزگى ساتى جۇمىس ورىندارىنان تاڭداۋ، جەتىلدىرۋگە ايرىقشا نازار اۋدارۋ، قوعامداعى تاڭداۋلى دارىندىلاردىڭ پارتيا-ۇكىمەت كادرلار قوسىنىنا ەنۋ ارناسىن كەڭەيتۋ كەرەك. مەملەكەت مەنشىگىندەگى كاسىپورىندار مەن ءىسورىندارىنىڭ كادر ءتۇزىمى رەفورماسىن ىلگەرىلەتۋ كەرەك. كادرلاردى جەتىلدىرۋدى كۇشەيتىپ جانە ونى كەمەلدەندىرىپ، كادرلاردىڭ ساپاسى مەن قابىلەتىن جوعارىلاتۋ كەرەك. تاڭداۋلى جاس كادرلاردى جەتىلدىرۋ، تاڭداۋ تەبىنىن كۇشەيتىپ، ايەل كادرلار مەن از ۇلت كادرلارىن جەتىلدىرۋ-تاڭداۋعا نازار اۋدارۋ، جاس كادرلاردى نەگىزگى ساتىلار مەن جاپالى رايوندارعا بارىپ، شىڭدالىپ جەتىلۋگە شابىتتاندىرۋ كەرەك. زەينەتكە، دەمالىسقا شىققان كادرلار قىزمەتىن جالپى بەتتىك ويداعىداي ىستەۋ كەرەك.
5) دارىندىلاردى پارتيا باسقارۋ پرينسيبىندە تاباندى بولىپ، ءار سالاداعى تاڭداۋلى دارىندىلاردى پارتيا مەن مەملەكەت ىستەرىنە شوعىرلاندىرۋ. دارىندىلاردى قابىلداۋ ارناسىن كەڭەيتىپ، دارىندىلاردى كەڭىنەن قابىلداۋ ‐ پارتيا مەن حالىق ىستەرىنىڭ دامۋىن كەپىلدەندىرۋدىڭ ءتۇبىرلى شاراسى. ەڭبەككە، بىلىمگە، دارىندىلارعا، جاڭالىق جاراتۋعا قۇرمەت ەتىپ، دارىندىلاردى الدىمەن دامىتۋ ستراتەگياسىن ورناتۋدى جەدەلدەتىپ، كولەمى زور، ورەلى دارىندىلار قوسىنىن جەتىلدىرىپ، ەلىمىزدىڭ دارىندىلارى مول ەلدەن دارىندىلار جاعىندا قۋاتتى ەل بولۋ قادامىن ىلگەرىلەتۋ كەرەك. ءار الۋان دارىندىلار قوسىنى قۇرىلىسىن ءبىرتۇتاس جوسپارلاپ جانە ىلگەرىلەتىپ، كەلەلى دارىندىلار ينجەنەرياسىن اتقارىپ، جاڭالىق جاراتاتىن، شارۋاشىلىق قۇراتىن دارىندىلاردى جەتىلدىرۋ، قولداۋ تەبىنىن كۇشەيتۋ، كاسىپتىك دارىندىلاردى جەتىلدىرۋگە ءمان بەرىپ، دارىندىلاردى عىلمي زەرتتەۋ مەن ءوندىرىستىڭ الدىڭعى شەبىنە بارۋعا جەتەلەۋ كەرەك. ەل ءىشى-سىرتىنداعى دارىندىلار بايلىعىن تولىق اشىپ جانە پايدالانىپ، شەتەلدەن دارىندىلاردى بەلسەندىلىكپەن ەنگىزۋ جانە ولاردان ويداعىداي پايدالانۋ كەرەك. دارىندىلاردى دامىتۋدىڭ ءتۇزىلىس مەحانيزمىن رەفورمالاۋ جانە ساياساتتا جاڭالىق جاراتۋدى جەدەلدەتىپ، مەملەكەتتىڭ داڭق ءتۇزىمىن ورناتىپ، دارىندىلاردىڭ جاسامپازدىق ومىرشەڭدىگىنە دەم بەرەتىن، دارىندىلار ءتۇزىمى جاعىندا حالىقارالىق باسەكەلىك قۋاتقا يە باسىمدىلىق قالىپتاستىرىپ، بارلىق ادام دارىندى بولۋعا تالپىنىپ، بارلىق ادام ءوز دارىنىن تولىق ايگىلەيتىن جالىندى جاعداي جاراتۋ كەرەك.
6) نەگىزگى ساتىداعى پارتيا قۇرىلىسى قىزمەتىندە جاڭالىق جاراتىپ، پارتيانىڭ بيلىك جۇرگىزۋىنىڭ ۇيىمدىق نەگىزىن بەكەمدەۋ. پارتيانىڭ نەگىزگى ساتى ۇيىمدارى ‐ بۇقارانى ىنتىماقتاستىرىپ، باستاپ، پارتيانىڭ نازاريالارى مەن لۋشيان، باعىت-ساياساتتارىن دايەكتىلەندىرۋ جانە پارتيانىڭ مىندەتىن تياناقتاندىرۋداعى جاۋىنگەرلىك قامال. پارتيا قۇرىلىسى قىزمەتى جاۋاپكەرشىلىك ءتۇزىمىن تياناقتاندىرىپ، اۋىل-قىستاقتاعى، قالالارداعى، تۇرعىندار رايوندارىنداعى پارتيا ۇيىمى قۇرىلىسىن كۇشەيتۋ، جالپىلىق مەنشىككە جاتپايتىن شارۋاشىلىق ۇيىمدارىنداعى، قوعامدىق ۇيىمدارداعى پارتيا قۇرىلىسى قىزمەتىنىڭ تەبىنىن ارتتىرىپ، ءار سالاداعى نەگىزگى ساتى پارتيا قۇرىلىسى قىزمەتىن جاپپاي ىلگەرىلەتۋ، پارتيا ۇيىمى مەن پارتيا قىزمەتىنىڭ قامتۋ كولەمىن كەڭەيتىپ، ونىڭ دامۋدى ىلگەرىلەتۋ، بۇقاراعا قىزمەت وتەۋ، جۇرت كوڭىلىنەن شىعۋ، جاراسىمدىلىقتى جەبەۋ رولىن تولىق ساۋلەلەندىرىپ، ءتۇرلى نەگىزگى ساتى ۇيىمدارىنىڭ قۇرىلىسىن پارتيانىڭ نەگىزگى ساتى قۇرىلىسى ارقىلى جەتەكتەۋ كەرەك. پارتيانىڭ نەگىزگى ساتى ۇيىمدارىنىڭ جۇيەسىن اقاۋسىزداندىرىپ، نەگىزگى ساتى پارتيا ۇيىمدارىنداعى كوش باسشىلار قوسىنى قۇرىلىسىن، قالا-اۋىل نەگىزگى ساتى پارتيا قۇرىلىسى بايلىعىن رەتكە سالۋدى كۇشەيتىپ، ورنىقتى قاراجات قامتاماسىزدىعى ءتۇزىمىن ورناتۋ كەرەك. بۇقاراعا قىزمەت وتەۋدى، بۇقارانىڭ قىزمەتىن ىستەۋدى باستى مىندەت ەتىپ، نەگىزگى ساتىداعى پارتيا ۇيىمدارىن قىزمەت وتەيتىن ۇيىم ەتىپ قۇرۋدى كۇشەيتۋ كەرەك. پارتيالىلىقتى كۇشەيتىپ، ساپانى جوعارىلاتۋدى ءتۇيىن ەتىپ، پارتيا مۇشەلەرى قوسىنىن تاربيەلەۋ، باسقارۋدى كۇشەيتىپ جانە جاقسارتۋ، پارتيا مۇشەلەرى جۇمىس ورنىندا تياناقتاپ، ۇزدىك نەگىزگى ساتى پارتيا ۇيىمدارىن جارىققا شىعارىپ، وزات پارتيا مۇشەسى بولۋدىڭ باياندى مەحانيزمىن اقاۋسىزداندىرىپ، قالىڭ پارتيا مۇشەلەرىن ۇزدىك ۇلگىلى رولىن ساۋلەلەندىرۋگە جەبەۋ كەرەك. پارتيانىڭ ىشكى ۇيىمدىق تۇرمىسىن قاتايتىپ، پارتيا مۇشەلەرىنىڭ پارتيالىلىعىنا مەرزىمىندە تالداۋ جاساۋ، دەموكراتيالىق باعالاۋ جۇرگىزۋ قاتارلى تۇزىمدەردى اقاۋسىزداندىرۋ كەرەك. جىلجىمالى پارتيا مۇشەلەرىن تاربيەلەۋ، باسقارۋ، ولارعا قىزمەت وتەۋدى جاقسارتۋ كەرەك. پارتياعا قابىلداناتىنداردىڭ ساپاسىن جوعارىلاتىپ، جاس جۇمىسشىلاردان، ديقانداردان، زيالىلاردان پارتياعا مۇشە قابىلداۋعا باسا ءمان بەرۋ كەرەك. پارتياعا قابىلداۋ، پارتيادان شىعارۋ مەحانيزمىن اقاۋسىزداندىرىپ، پارتيا مۇشەلەرى قوسىنىنىڭ قۇرىلىمىن ساپالىلاندىرۋ كەرەك.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
