- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگوشا سوتسياليزم جولىمەن اۋىتقىماي العا باسىپ، جاپپاي دوڭگەلەك داۋلەتتى قوعام قۇرۋ جولىندا كۇرەسەيىك(10)
2012.11.22 14:04
7) ءىرىپ-شىرۋگە اۋىتقىماستان باتىل قارسى تۇرىپ، كوممۋنيستەردىڭ كىرشىكسىزدىگى مەن پاكتىگى سىندى ساياسي قاسيەتىن ماڭگى ساقتاۋ. ءىرىپ-شىرۋگە قارسى تۇرىپ، ساياسيدا كىرشىكسىزدەنۋ ‐ پارتيامىزدىڭ تاباندى بولىپ كەلە جاتقان ايقىن ساياسي تۇرعىسى، حالىق بارىنشا نازار اۋدارىپ وتىرعان كەلەلى ساياسي ماسەلە. بۇل ماسەلە ويداعىداي شەشىلمەسە، ونىڭ كەسىرىنەن پارتيا زالالدانۋى، ءتىپتى پارتيا مەن مەملەكەت قۇرىپ جوعالۋى مۇمكىن. ءىرىپ-شىرۋگە قارسى تۇرىپ، پاكتىكتى دارىپتەۋدى قاشان دا بوساڭسىتپاۋ ءتيىس، ءىرىپ-شىرۋدەن اۋلاق بولىپ، ازعىنداۋدان ساقتانۋدى توقتاتپاي ەسكەرتىپ وتىرۋ كەرەك. ءىرىپ-شىرۋگە قارسى تۇرىپ، پاكتىكتى دارىپتەۋدىڭ جۇڭگوشا جولىنان اۋىتقىماي، ۇستىنەن دە، تۇبىرىنەن دە وڭاۋ، جان-جاقتىلى جونگە سالۋ، سازايىن تارتقىزۋ مەن الدىن الۋدى تەڭ قولدانۋ، الدىن الۋعا باسا ءمان بەرۋ باعىتىنا تاباندى بولىپ، ءىرىپ-ءشىرۋدى جازالاۋ، وڭاۋ جانە ودان ساقتانۋ جۇيەسى قۇرىلىسىن جالپى بەتتىك ىلگەرىلەتىپ، كادرلاردىڭ كىرشىكسىز، ۇكىمەتتىڭ پاك، ساياسيدىڭ تۇنىق بولۋىنا قول جەتكىزۋ كەرەك. ءىرىپ-شىرۋگە قارسى تۇرىپ، پاكتىكتى دارىپتەۋ تاربيەسى مەن ۇكىمەت ىسىندە پاك بولۋ سىندى مادەنيەت قۇرىلىسىن كۇشەيتۋ كەرەك. ءار دارەجەلى باسشى كادرلاردان، وتە-موتە جوعارى دارەجەلى كادرلاردان، ءسوزسىز، ۇكىمەت ىسىندە پاك بولۋ ەرەجەسىنە سانالىلىقپەن بويسۇنىپ، باسشى كادرلار ءىرى ىستەردى مالىمدەۋ ءتۇزىمىن قاتاڭ اتقارىپ، وزىنە قاتاڭ تالاپ قويۋ، سونداي-اق جاقىندارى مەن قاسىنداعى قىزمەتكەرلەرىنە تاربيەنى، تەجەمدى كۇشەيتۋ كەرەك، ۇقىق جاعىنان ەرەكشەلەنۋگە استە جول بەرمەۋ ءتيىس. ۇقىقتىڭ ىستەتىلۋىن قاتاڭ جۇيەگە ءتۇسىرىپ، ءار دارەجەلى باسشى كادرلاردىڭ، وتە-موتە نەگىزگى باسشى كادرلاردىڭ، ۇقىق ىستەتۋىنە باقىلاۋدى كۇشەيتۋ كەرەك. ءتۇيىندى سالالار مەن شەشۋشى بۋىندار رەفورماسىن ىشكەرىلەتىپ، ءىرىپ-شىرۋگە قارسى زاڭ-تۇزىمدەردى اقاۋسىزداندىرىپ، ۇكىمەت جۇمىسىندا پاك بولۋداعى حاۋىپ-قاتەرلەردەن ساقتانۋ جانە ونى تىزگىندەۋ، مۇددە قاقتىعىستارىنىڭ الدىن الۋ، ءىرىپ-شىرۋدەن ءتىپتى دە عىلمي جولمەن ساقتانۋ جانە ونى جونگە سالۋ كەرەك. ءىرىپ-شىرۋگە قارسى تۇرۋ جاعىنداعى حالىقارالىق سەلبەستىكتى كۇشەيتۋ ءتيىس. پارتيا ستيلى پاكتىك قۇرىلىسى جاۋاپكەرشىلىك تۇزىمىن قاتاڭ اتقارۋ كەرەك. ءتارتىپ تەكسەرۋ، باقىلاۋ جۇيەسىن اقاۋسىزداندىرىپ، ۋاكىلدىك قۇرىلىمداردى ءبىرتۇتاس باسقارۋدى كەمەلدەندىرىپ، شارلاۋ ءتۇزىمىنىڭ باقىلاۋ رولىن ونان ارى ويداعىداي ساۋلەلەندىرۋ كەرەك. ءىرىپ-ءشىرۋدىڭ سازايىن تارتقىزۋدىڭ كۇشتى تەبىنىن باستان-اياق ساقتاپ، ءىرى، ماڭىزدى دەلولاردى باتىل تەكسەرىپ ءبىرجاقتىلى ەتىپ، بۇقارانىڭ اينالاسىندا تۋىلىپ وتىرعان ءىرىپ-ءشىرۋ ماسەلەلەرىن كۇش سالا شەشۋ كەرەك. پارتيا ءتارتىبى مەن مەملەكەت زاڭىن بۇزادى ەكەن، مەيلى ول كىمگە سايسىن، ورنى قانشالىق جوعارى بولسىن، ونىڭ سازايىن تارتقىزۋ كەرەك.
8) پارتيانىڭ ءتارتىبىن قاتايتىپ، پارتيانىڭ شوعىرلى بىرلىگىن سانالىلىقپەن ساقتاۋ. پارتيانىڭ شوعىرلى بىرلىگى ‐ پارتيانىڭ كۇشى، ەكونوميكالىق، قوعامدىق دامۋدى، ۇلتتار ىنتىماعى مەن العاباسارلىعىن، ەلدىڭ باياندى تىنىشتىعىن جۇزەگە اسىرۋدىڭ ءتۇبىرلى كەپىلى. پارتيا ءدوپ كەلىپ وتىرعان جاعداي قانشالىق كۇردەلى، ارقالاپ وتىرعان مىندەتى قانشالىق اۋىر دا جاپالى بولعان سايىن پارتيانىڭ ءتارتىپ قۇرىلىسىن سونشالىق كۇشەيتۋ، پارتيانىڭ شوعىرلى بىرلىگىن سونشالىق قورعاۋ ءتيىس. ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار، وتە-موتە، نەگىزگى باسشى كادرلار پارتيا ۋستاۆىنا ءسوزسىز سانالىلىقپەن بويسۇنىپ، پارتيا ۇيىمىنىڭ پرينسيپى جانە پارتيانىڭ ىشكى ساياسي تۇرمىسىنىڭ ەرەجەسى بويىنشا ىستەۋى ءتيىس، ءارقانداي ادامنىڭ پارتيا ۇيىمىنىڭ جەلكەسىنە ءمىنىپ الۋىنا بولمايدى. ورتالىقتىڭ بەدەلىن باتىل قورعاپ، يدەيا جانە ساياسي قيمىل جاقتارىندا پارتيا ورتالىق كوميتەتىمەن وسكەلەڭ بىرلىكتى ساقتاۋ، پارتيانىڭ نازاريالارى مەن لۋشيان، باعىت-ساياساتتارىن باتىل دايەكتىلەندىرىپ، ورتالىقتىڭ بۇيرىق-جارلىقتارىنىڭ كەدەرگىسىز اتقارىلۋىنا كەپىلدىك ەتۋ كەرەك، ”جوعارىنىڭ ساياساتىنا توتەپ بەرەتىن شارا دايىنداۋعا“، بۇيرىقتى اتقارماۋعا، تيىم سالىنسا دا تيىلماۋعا استە جول بەرىلمەيدى. باقىلاۋ-تەكسەرۋدى كۇشەيتىپ، پارتيانىڭ ءتارتىبىن، وتە-موتە، ساياسي ءتارتىبىن قاتايتىپ، تارتىپكە قايشىلىق جاساعان ارەكەتتەردى ءسوزسىز مۇقيات ءبىرجاقتىلى ەتىپ، ءتارتىپ الدىندا بارلىق ادام تەڭ بولۋدى، ءتارتىپ جاعىندا ەرەكشە ۇقىق بولماۋدى، ءتارتىپتى اتقارۋدا ەرەكشەلەنبەۋدى جۇزەگە اسىرىپ، جالپى پارتيادا جوعارى مەن تومەننىڭ ارەكەتى بىركەلكى بولىپ، جىگەرلەنە العا ۇمتىلاتىن قۇدىرەتتى كۇش قالىپتاستىرۋ كەرەك.
جولداستار! جۇڭگوشا سوتسياليزم جولىندا جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سانسىز ارداگەرلەردىڭ، توڭكەرىستىك قۇربانداردىڭ مۇراتى جانە ارمانى. ۇزاق ۋاقىتتىق جاپالى دا ەرەسەن كۇرەستەردە پارتيامىز حالىققا تىعىز سۇيەنىپ، زور قۇرباندىقتار بەرىپ، دۇنيەنى تەبىرەنتكەن ايبىندى داستاندار جاراتىپ، تاياۋ زاماننان بەرگى جۇڭگونىڭ ىشتە دۇربەلەڭ بولىپ، سىرتتان شاپقىنشىلىق جايلاپ وتىرعان، كەدەي دە دارمەنسىز ايانىشتى تاعدىرىن داۋسىز اياقتاتىپ، جۇڭحۋا ۇلتىنىڭ ۇزدىكسىز دامىپ، كۇشەيىپ، ۇلى گۇلدەنۋگە بەتالۋ سىندى تاريحي ساپارىن باتىل باستاپ، بەس مىڭ جىلدان استام وركەنيەت تاريحىنا يە جۇڭحۋا ۇلتىنىڭ دۇنيە ۇلتتارى قاتارىنان شىت جاڭا بەينەمەن ورىن الۋىنا مۇمكىندىك جاراتتى. وسى تىڭ ساپارىمىزدا ءبىزدىڭ جاۋاپكەرلىگىمىز كۇشەيىپ، مىندەتىمىز اۋىرلاي تۇسەدى، بۇعان سەنىمىمىزدى ءتىپتى دە بەكەمدەپ، ءتىپتى دە بارىنشا قۇلشىنىپ، وسىزامانداندىرۋ قۇرىلىسىن ىلگەرىلەتۋ، وتاننىڭ بىرلىككە كەلۋىن جۇزەگە اسىرۋ، دۇنيە بەيبىتشىلىگىن قورعاۋ جانە بىرگە دامۋدى جەبەۋ سىندى ءۇش تاريحي كەلەلى مىندەتىمىزدى جالعاستى جۇزەگە اسىرۋىمىز كەرەك.
حالىقتىڭ سەنىمى مەن تاپسىرماسىن ارقالاپ، جاڭا تاريحي جاعدايلار مەن سىندارعا ءدوپ كەلىپ وتىرعاندا، بۇكىل پارتيا ساقتىق ساناسىن كۇشەيتىپ، كىشىپەيىل، بايسالدى بولىپ، ۇشقالاقتىقتان ساقتانىپ، باستان-اياق سەرگەك بولۋى كەرەك؛ جاڭالىق جاراتۋ ساناسىن ءسوزسىز كۇشەيتىپ، اقيقاتتا تاباندى بولىپ، قاتەلىكتەردى تۇزەتىپ، قاجىماي تالاپتانۋ رۋحىن باستان-اياق ساقتاۋى كەرەك؛ تۇپكى ماقساتتىق سانانى ءسوزسىز كۇشەيتىپ، بۇقاراعا سەنىپ، سۇيەنىپ، حالىقتى باستان-اياق ەڭ جوعارى ورىنعا قويۋ كەرەك؛ بورىشتىق سانانى ءسوزسىز كۇشەيتىپ، شىنشىل بولىپ، ناقتىلى ىستەردى ىستەپ، قاجىرلىلىقپەن كۇرەس جۇرگىزىپ، كوممۋنيستەردىڭ ساياسي قاسيەتىن باستان-اياق ساقتاۋ كەرەك.
جۇڭگوشا سوتسياليزم ىستەرى ‐ بولاشاققا باعىتتالعان ءىس، ول ءۇشىن تالاي ۇرپاق، ارىندى جاستار جالعاستى كۇرەس جاساۋى قاجەت. بۇكىل پارتيا جاستارعا كوڭىل ءبولۋى، جاستارعا قامقورلىق جاساۋى، جاستاردى ايالاۋى، جاستاردىڭ اۋانىنا قۇلاق سالۋى، جاستاردى جەتىلۋگە جىگەرلەندىرۋى، جاستاردىڭ كاسىپ جاراتۋىنا قولداۋ بەرۋى كەرەك. قالىڭ جاستار پارتيانىڭ ۇندەۋىنە بەلسەنە ءۇن قوسىپ، دۇنيەگە، ومىرگە، قۇنعا دۇرىس كوزقاراس ورناتۋى، ۇلى وتانىمىزدى، ۇلى حالقىمىزدى، ۇلى جۇڭحۋا ۇلتىن قىزۋ ءسۇيىپ، جۇڭگوشا سوتسياليزم ۇلى ىستەرىنە اتسالىسۋ بارىسىندا جاستىق كوكتەمىن جايناتا بەرۋلەرى كەرەك.
جۇڭگوشا سوتسياليزم ۇلى ىستەرى جالپى جۇڭحۋا ۇلاندارىنىڭ ءبىر نيەتپەن جۇمىلىپ، ىنتىماقتاسا كۇرەس جۇرگىزۋىن قاجەت ەتەدى. ىنتىماق دەگەنىمىز جالپى جاعداي، كۇش. بۇكىل پارتياداعى جولداستار ىنتىماقتى بەرىك پارتيالىلىقپەن كەپىلدەندىرىپ، ورتاق ىسپەن جەبەپ، جالپى پارتيانىڭ ىنتىماعى مەن بىرلىگىن سانالىلىقپەن قورعاپ، ءار ۇلت حالقىنىڭ ۇلى ىنتىماعىن بەكەمدەپ، ەل ىشىندەگى، شەتەلدەردەگى جۇڭحۋا ۇلاندارىنىڭ ۇلى ىنتىماعىن كۇشەيتىپ، جۇڭگو حالقىنىڭ دۇنيە جۇزىندەگى ءارقايسى ەل حالىقتارىمەن ىنتىماعىن جەبەۋ كەرەك.
ءبارىمىز جۇڭگوشا سوتسياليزم ۇلى تۋىن بيىك ۇستاپ، پارتيا ورتالىق كوميتەتىن وزەك ەتىپ، تىعىز ىنتىماقتاسىپ، جاپپاي دوڭگەلەك داۋلەتتى قوعام قۇرۋ جولىندا كۇرەس جۇرگىزىپ، جۇڭگوشا سوتسياليزمنىڭ تىڭ جەڭىستەرىنە ۇزدىكسىز قول جەتكىزىپ، جۇڭگو حالقى مەن جۇڭحۋا ۇلتىنا ءتىپتى دە باقىتتى كوركەم بولاشاق جاراتايىق!
(ورتالىق ۇلتتار اۋدارما مەكەمەسى اۋدارعان)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
