- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2-كەزەكتى «قاۋاشاق» اتىنداعى بالالار ءان جارىسىنىڭ سيلىق تاراتۋ ساۋىق كەشى سالتاناتپەن وتكىزىلدى
2012.12.04 15:14 كەلۋ قاينارى : ءتاڭىرتاۋ تورابى
ءتاڭىرتاۋ تورابىنىڭ حابارى. 28 - قاراشا تۇستەن كەيىن، ورتالىق حالىق راديو ستانسياسى مەن شينجياڭ حالىق راديو ستانسياسى بىرلەسىپ وتكىزگەن 2- كەزەكتى «قاۋاشاق» اتىنداعى بالالار ءان جارىسىنىڭ سيلىق تاراتۋ ساۋىق كەشى شينجياڭ حالىق راديو ستانسياسىنىڭ عالامتوردا تىكە تاراتۋ ستۋدياسىندا دابىرالى ءوتتى. ساۋىق كەش شينجياڭ حالىق راديو ستانسياسىنىڭ قازاق ءتىلى راديوسىندا جانە شينجياڭ حابار تورابىندا 90 مينۋت ۋاقىتپەن تىكە تاراتىلدى. بالاپان انشىلەرىمىز بالدىرعاندار ءانىن ءوز ناقىشىنا كەلتىرە ورىنداپ، نەعۇرلىم قازاقي يىرىم تانىتىپ، بالداي ءتاتتى ءتىلى، اسەم انىمەن ساحنانى دۋمانعا بولەدى، وزدەرىنىڭ بولاشاقتاعى انشىلىك ونەر جولدارىنان ۇلكەن ءۇمىت، تاماشا ارىن بايقاتتى.
ۇرپاق ـــ ۇلتتىڭ بولاشاعى، ەلدىڭ ەرتەڭى. بۇل كەزەكتى بالدىرعانداردىڭ ءان جارىسىنا باۋىر ەتى بالاسى دەپ بايەك بولعان اتا - انالار، بالاپان انشىلەر مەن باپكەر باعىباندار، سونداي - اق، بالالاردىڭ اندەرىنە تىڭ مۋزىكا جازعان كومپوزيتورلار بەلسەنە اتسالىستى.
مىنە، بۇگىن قارا ءۇزىپ شىققان بالاپان انشىلەرىمىزدىڭ توپ الدىنداعى ونەرىن كورىپ، جەتكەن تابىسىنا ءماز بولعان كورەرمەندەرىمىزدىڭ قۋانىشىندا شەك جوق... بۇل كورىنسكە ولادىڭ كۇلكى ۇيىرىلگەن جۇزدەرى مەن كوپكە دەيىن باسا الماي شاتىرلاتا سوققان شاپالاق ءۇنى كۋا.
بۇگىنگى سيلىق تاراتۋ ساۋىق كەشىندە، وسى رەتكى جارىستا ەرەكشە دارەجەلى، ءبىرىنشى دارەجەلى، ەكىنشى دارەجەلى، ءۇشىنشى دارەجەلى سيلىقتاردى العان بالالار ونەر كورسەتتى. وسى رەتكى جارىسقا كەلىپ تۇسكەن بالالار اندەرىن شينجياڭ حالىق راديو ستانسياسى، شينجياڭ كوركەمونەر ينستيتۋتى، شينجياڭ مۋزىكانتتار قوعامى سياقتى ورىنداردان ۇيىمداسقان ارناۋلى باعالاۋشىلار قايتا- قايتا باعالاۋ ارقىلى سارالاپ شىققان.
شينجياڭ حالىق راديو ستانسياسىنىڭ ورىنباسار باستىعى ەمەن اڭداماس ۇلى وسى رەتكى جارىسقا بىلايشا توقتالدى:«شينجياڭ حالىق راديو ستانسياسى < قاۋاشاق> اتىنداعى بالالار ءان جارىسىن وتكىزۋدى بيىل جىل باسىنان جوسپارعا ەنگىزىپ، مامىر ايىنان باستاپ جارىستى ۇيىمداستىرۋعا بەلسەنە اتتانىسقا كەلگەنبىز. سودان بەرى جارىسقا 180 ءان قاتىناسىپ، 106 ءان تاڭدالىپ، راديونىڭ التىن قورىنا ەنگىزىلدى. الداعى ۋاقىتتا بۇل اندەر ەفيردە جاريالانباقشى».
ورتالىق حالىق راديو ستانسياسى قازاق ءبولىمىنىڭ مەڭگەرۋشىسى قاناتبەك جۇماباي ۇلى اسا تەبىرەنگەن سەزىممەن: «جەتكىنشەكتەردى ونەرگە جەتەلەگەن، ۇرپاقتاردىڭ رۋحاني ءومىرىن بايتۋعا ازدا بولسا سەپتىگىن تيگىزەتىن، وسى رەتكى جارىس ساپالى، سالتاناتتى، دابىرالى ءوتتى. ورتالىق حالىق راديو ستانسياسى بۇل قيمىلعا بەلسەنە ات سالىسىپ، از دا بولسا كۇش شىعارىپ، ۇرپاق ءۇشىن ىستەلگەن، يگى ىسكە ءوز ۇلەسىمىزدى ۇلەستىرىپ جاتقان جايىمىز بار. بۇدان كەيىن مۇنداي قيمىلعا كوپتەپ اتسالىسامىز» ،- دەگەن اق نيەتىن ءبىلدىردى.
وسى رەتكى ءان جارىسىنىڭ كومبەسىنەن كورىنىپ، 1 - دارەجەلى سيلىقتى ەنشىلەگەن «كوگارشىن» ءانىنىڭ اۆتورى قۇلجا اۋدانى 3 - ورتا مەكتەبىنەن ەلدوس تاستان ۇلى ءوزىنىڭ بالاپان شاكىرتى بالنار باقىت قىزىنىڭ (قۇلجا اۋدانى 2 - باستاۋىش مەكتەپ 4 - كلاس وقۋشىسى) ءساتتى ورىنداپ شىققانىنا، بايگەدەن كەلگەنىنە ىشتەي تەبىرەنستى سەزىمىن جاسىرا الماي، بىلاي دەپ اعىنان اقتارىلدى: اتالعانءاننىڭ ءسوزىن قىزىر سولتان ۇلى جازعانىن، ال ءوزى بۇل ءاننىڭ مۋزىكاسىن 30 جىلدىڭ الدىندا جازعانىن، بۇل ءاننىڭ ءساتتى شىعۋىنىڭ سىرى ـــ بالالاردىڭ كىشكەنتاي عۇمىرىن بەينەلەيتىندىكتەن، تەكسى ويناقى، ادەمى بولعاندىقتان مۋزىكانى جازۋ، جاتتاۋ دا ورىنداۋشى شاكىرتىمە قيىن كەلمەدى. بالا تىلىمەن قىسقا ۋاقىت ىشىندە تىلدەسىپ قابىسىپ كەتتى. ال وسى ءاننىڭ تەكسىندەگى «و، و، و » مەن «ايحاي، ايحاي، ا-حا-حا» دەلىنگەن جەرى وسى اندە ەرەكشە كوركەمدىك رول اتقارعان. بۇل العاشقى تەكس نۇسقاسىندا جوق، كەيىن ءبىز مەلوديانى جانداندىرۋ ماقساتىندا، قاجەتكە قاراي قوستىق، تانيجەدە وتە تابىستى بولدى».(ءتىلشى: انار راقىم قىزى)
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
