قابا اۋدانىندا 90 مىڭ باس (تۇياق) مال وتارعا كوشىرىلدى

2012.12.05 13:23   كەلۋ قاينارى : حالىق تورابى

　　عالىم ىرىسقان ۇلى حابارلايدى. قابا اۋدانى 90 مىڭ باس (تۇياق) مالدى ءۇرتىس بەس كۇن بويى كوشىرىپ، نوقاي بورانى وتىنەن امان وتكىزىپ، 2-جەلتوقساندا قىستاۋعا شىعىنسىز جەتكىزدى.

　　جونساۋىر، قانجىعا، كوكسۇن تاۋلارى قابا اۋدانىنىڭ نەگىزگى قىسقى وتارى بولىپ، ءار جىلى 100 مىڭعا تارتا مال وتارلاتىلادى. الايدا قانجىعا وتارىنا جانە جونساۋىر وتارىنا باراتىن كوش جولى بويىندا نوقاي بورانى ءوتى بار بولىپ، بوران شىقسا مال مەن جانعا اۋىر قاتەر توندىرەدى. قابا اۋداندىق پارتكوم مەن ۇكىمەت مالدىڭ كوشى-قون قىزمەتىنە باسا ءمان بەرىپ، ءارجىلى كوشى-قوننىڭ دايىندىق قىزمەت جيىنى مەن اتتانىسقا كەلتىرۋ جيىنىن اشىپ، كوشى-قونعا باسشىلىق ەتۋ گرۋپپاسىن قۇراتىن-دى.

　　بيىلعى كوشى-قوندا قابا اۋدانى اۋا رايى تاراۋلارىنىڭ بولجامىنا نەگىزدەلىپ، 28-قاراشادان 2-جەلتوقسانعا دەيىنگى بەس كۇن ۋاقىتتى كوشى-قوننىڭ ەڭ قولايلى مەزگىلى دەپ بەلگىلەپ، 28-قاراشا جەرگلىكتى ۋاقىت ساعات نولدەن باستاپ مالدى كوشىردى. اۋدان اكىمى ايدىن تولەۋقان ۇلى پارتيالى كادرلار مەن قاتىستى تاراۋلاردىڭ كاسىپتىك ماماندارىنان 60تان استام قىزمەتكەردى باستاپ مالشىلارمەن كوشى-قوندا بىرگە بولدى. تولىق دايىندىق كورىلىپ، ۇتىمدى ءادىس-شارالار قولدانعاندىقتان، كوشى-قوننىڭ بارىسى ءساتتى بولىپ، 90 مىڭ باس (تۇياق) مال قىسقى وتارعا ەش شىعىنسىز اپارىلدى. سۋرەتتە: مالشىلار نوقاي بورانى وتىنەن وتۋدە.

　　كەلۋ قاينارى: حالىق تورابى