گۋاڭدۇڭ ولكەسى شانتوۋ قالاسىندا اسكەري ۇشاق قۇلادى

2012.12.05 14:54   كەلۋ قاينارى : حالىق تورابى

　　2012-جىلى 4-جەلتوقسان كۇنى تۇستەن بۇرىن ساعات 9دان 10 مينۋت اينالاسىندا، گۋاڭدۇڭ ولكەسى شانتوۋ قالاسى چىجياۋ قىستاعىندا ءبىر ۇشاق قۇلاپ، تۇرعىن ۇيگە سوعىلىپ ورتەنگەن.گۋاڭدۇڭ ولكەسى شانتوۋ قالالىق ۇكىمەتتىڭ شۇعىل جاعدايلارعا توتەپ بەرۋ كەڭسەسىنىڭ رەسمي ميكروبلوگىندا ىلە-شالا جاريالانعان حابارعا قاراعاندا، ءورت كەتكەندە 4 ادام قامالىپ قالعان، ونىڭ بىرەۋى ءوزى قاشىپ شىققان، 3 ادام جارالانعان، قامالىپ قالعان 4 ادام تۇگەل ەمحاناعا جەتكىزىلگەن.

　　ءتىلشى وقيعا تۋىلعان جەرگە تۇستە بارعاندا، ناق مايداننىڭ قۇرساۋلانعانىن، ءورتتىڭ وشىرىلگەنىن كورگەن. وقيعانى كوزىمەن كورگەندەردىڭ ايتۋىنشا، ۇشاق قۇلايتىن كەزدە ۇشقىش ىتقىعىش ورىندىقپەن ىتقىپ شىعىپ، پاراشوتىن جايعان، ءبىراق اعاشقا اسىلىپ قالىپ، باسقالار قۇتقارعان.

　　سول كۇنى تۇستەن كەيىن شانتوۋ قالالىق ۇكىمەتتىڭ شۇعىل جاعدايلارعا توتەپ بەرۋ كەڭسەسىنىڭ رەسمي ميكروبلوگىندا جاريالاۋىنشا، ورتتە قامالعان 4 ادامنىڭ ىشىندە، 3 ادام جەڭىل جاراقاتتانعان، دەنساۋلىق جاعدايلارى جاقسى، ءبىر ادامنىڭ (ايەل، 26 جاستا) جاراقاتى ءبىرشاما اۋىر، قازىر ەمدەلۋدە.

　　كەلۋ قاينارى: حالىق تورابى