بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى
حالىق تورابى>>مادەنيەت

حالىق ءانى ــ قازىنام

جۇماجان سۇلتانالى ۇلى حابارلايدى

2012.12.10 16:00   كەلۋ قاينارى : حالىق تورابى



  قۇلاقتان كىرىپ بويدى الار،

  اسەم ءان مەن ءتاتتى كۇي.

  كوڭىلگە ءتۇرلى وي سالار،

  ءاندى سۇيسەڭ مەنشە ءسۇي،-دەپ اباي اتامىز ايتقانداي، قايماعى بۇزىلماي سان عاسىرلاردىڭ سىنىنان ءوتىپ، بۇگىنگى كۇنگە جەتىپ وتىرعان ءداستۇرلى حالىق اندەرىمىز بەن ەل اراسىنا كەڭ تارالىپ جۇرگەن اسەم اۋەندەرىمىز قارا دومبىرانىڭ ۇنىمەن باپتالىپ، كونەلەردىڭ كوكىرەگىندە ساقتالىپ، ۇرپاقتان-ۇرپاققا جاتتالىپ، بۇگىنگى كۇنى حالقىمىزدىڭ قوردالى قازىناسىنا اينالىپ وتىرعانى بارشامىزعا ايان. انە سول كونەدەن بىزگە جەتكەن رۋحاني مۇراعاتتارىمىزعا مۇراگەرلىك ەتىپ، قارا دومبىراسىن قانات قىلىپ، حالىق اندەرىن اسپانداتا شىرقاپ جۇرگەن دارىندى ازاماتىمىز، ىلە پەداگوگيكالىق ينيستيتۋتىنىڭ ءان ۇستازى، قازىنالى حالىق اندەرىنىڭ جان كۇيەرلەرىنىڭ ءبىرى، بۇل كۇندە ورتالىق ۇلتتار ۋنيۆەرسيتەتى مۋزيكا ينيستيتۋتىندا ارناۋلى زەرتتەۋ-ۇيرەنۋمەن شۇعىلدانىپ جۇرگەن سەرىك عالىمقان ۇلىنىڭ «حالىق ءانى ــ قازىنام» اتتى ءداستۇرلى ءان كەشى ورتالىق ۇلتتار ۋنيۆەرسيتەتىنىڭ كونسەرت زالىندا ايتا قالسىن تابىستى ءوتتى.

  8-جەلتوقسان كۇنى، استانامىز بىيجيڭدە ورتالىق ۇلتتار ۋنيۆەرسيتەتى مۋزيكا ينيستيتۋتىنىڭ ۇيىمداستىرۋىمەن، ورتالىق ۇلتتار ۋنيۆەرسيتەتى قازاق ءتىلى فاكۋلتەتىنىڭ دەمەۋىمەن وتكەن بۇل شاراعا قازاقستان رەسپۋبليكاسىنىڭ جۇڭگوداعى وكىلەتتى ەلشىسى باستاعان ەلشىلىك قىزمەتكەرلەرى، قازاقستان رەسپۋبليكاسى لەۆ گۋميلەۆ اتىنداعى ەۆرازيا ۋنيۆەرسيتەتى «وتىرار كىتاپحاناسى» عىلمي زەرتتەۋ ورتالىعىنىڭ مەڭگەرۋشىسى، پروفەسسور تۇرسىن جۇرتباي ۇلى، شىنجياڭنان بىيجيڭگە كەلىپ، ورتالىق پارتيا مەكتەبىندە ۇيرەنىپ جاتقان باسشى جولداستار، تيانجين ۋنيۆەرسيتەتىنىڭ 30-رەتكى شينجياڭ كادرلار كۋرسىندا وقىپ جاتقان جولداستار، ورتالىق ۇلتتار باسپاسى، ورتالىق ۇلتتار ۋنيۆەرسيتەتى، ورتالىق حالىق راديو ستانسياسى، جۇڭگو ۇلتتار ءتىل-جازۋ اۋدارما مەكەمەسى قاتارلى ورىنداردىڭ قىزمەتكەرلەرى مەن بىيجيڭدەگى ءارقايسى ۋنيۆەرسيتەتتەردە وقىپ جاتقان ستۋدەنتتەر بولىپ 400 استام ادام قاتىستى.

【1】 【2】 【3】 【4】 【5】 【6】 【7】 【8】 【9】 【10】 
جاۋاپتى رەداكتورى : نۇرعيسا قۇرمانجان ۇلى

 سۋرەت