- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تۇرسىن جۇرتباي ۇلى: ابايدىڭ ويى بۇكىل ادامزاتقا ورتاق(4)
2012.12.24 14:03 كەلۋ قاينارى : حالىق تورابى
ءتىلشى: قازاقتىڭ اباي سىناپ-مىنەگەن مىنەزدەرى بۇگىنگى تاڭدا بۇكىلدەي وزگەردى دەپ ويلايسىز با؟
تۇرسىن جۇرتباي ۇلى: ءيا، بۇل ۇلكەن ماسەلە، بۇل قازاقتىڭ جانىن تۇسىنگەن ابايدىڭ جان دەرتى جانە ابايدى تۇسىنگەن ءاربىر قازاقتىڭ جان دەرتى. سونىمەن قاتار، ابايدىڭ ولەڭدەرى مەن عاقلياسى سول جان دەرتىنىڭ داۋاسى. ءبىز ابايعا قاراپ ويىمىزدى، كوزقاراسىمىزدى، ءومىر ءسۇرۋ اۋانىن باعدارلايمىز. ءبىراق، ول ابايشا ءومىر ءسۇرۋ، ابايدىڭ ايتقانى زاڭ، سونى بۇلتارتپاي ىستەۋ دەگەندىك ەمەس. قازاقستاندا ءيسى قازاق جۇرتى ابايدى وزىنە رۋحاني نىسانا تۇتادى، سوعان ويىن دا، بويىن دا تاربيەلەپ، ۇلگى الادى. ال، ابايدىڭ ايتىپ وتىرعان سىندارى قازاقتىڭ قانىنا، جانىنا، ساناسىنا ءسىڭىپ كەتكەن، تەرەڭدەگى تۇيسىكپەن، مىنەزبەن، ءومىر ءسۇرۋ قۇبىلىىسمەن ءسىڭىپ كەتكەن قاسيەتتەر، ءبىز اباي ايتقان سوزدەردى ءتامسىل ەتە وتىرىپ، وزىمىزگە سىن كوزقاراسپەن قاراپ، ويىمىزدى ەكشەۋگە ءتيىسپىز.
تانىمادىق، جارىمادىق، جاقسىعا ءبىر ىرگەلى،
قولىنا الىپ، پالە سالىپ، اڭدىعانى ءوز ەلى،-دەيدى. وسى ءسوزدىڭ وزىنەن بۇكىل جاس ءوسپىرىم، ورتا بۋىن، ەرەسەك بۋىن، بيلىك باسىنداعىلار ۇلگى الۋى كەرەك. نەمەسە قاپەرىندە ۇستاۋى كەرەك. ءبلىمدى، عىلىمدى، بيلىكتى ءوز ەلىڭدى ءوزىڭ اڭدىپ، سونى جازالاۋ ءۇشىن يگەرمەۋ كەرەك، قايتا سوعان قىزمەت ەتۋىڭ كەرەك، «توردەن ۇرگەن ءيت قۇساپ» تۇرماۋ كەرەك. مەنىڭ ويىمشا بۇل ماڭگىلىك شارۋا، جالعىز قازاق قانا ەمەس، ابايدىڭ ويى بۇكىل ادامزاتقا ورتاق. ول كەمشىلىكتەر جالعىز قازاقتا ەمەس، قىرعىزدا دا، وزبەكتە دە، ۇيعۇردا دا، اعىلشىندا دا، ورىستا دا، امەريكادا دا، جۇڭگودا دا بار ادامنىڭ بويىنداعى كەمشىلىك، سوعان قاراپ وي تۇزەپ ويعا قالۋ كەرەك. وكىنىشكە وراي بۇكىل ادامزات ونداي مىنەزدەن قازىر تولىق ارىلىپ كەتكەن جوق، مىنا سەندەردىڭ سوڭعى قۇرىلتايلارىڭدا كورسەتىلگەن سەگىز تارماقتىڭ ىشىندە قوعامدا ورىن العان كەمشىلىكتەرمەن كۇرەسۋدىڭ جولى كورسەتىلگەن، ەگەر ول قوعامدا ورىن الىپ وتىرماسا، ونى جويۋ، ونىمەن كۇرەسۋ تۋرالى قاۋلى قابىلدانباس ەدى. بۇل ءيىسى ادامعا ورتاق مىنەزدەر. ۇلى اقىندار، ۇلى ادامدار، دانالاردىڭ وي تاراۋلارى سوعان جەتەلەيدى. مىسالى، «كۇڭزىنىڭ، مڭىزىنىڭ بيلىك تۋرالى، ءومىر ءسۇرۋ تۋرالى ويلارى مەن قاعيدالارى تولىق ورىندالىپ ءبىتتى مە، سونى ورىنداپ ءجۇر مە» دەپ تە قارسى سۇراق قويۋىما بولادى، ءبىراق سول ويلاردى قورتىپ، قاپەرىنە الىپ، ءوزىنىڭ بويىنداعى مىنەزى مەن كوزقاراسىن، ىقىلاسىن، ساناسىن تۇزەۋگە تىرىسادى، بۇل رەتتە دانالار قاشاندا تاعدىرلاس.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
