- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تۇرسىن جۇرتباي ۇلى: ابايدىڭ ويى بۇكىل ادامزاتقا ورتاق(5)
2012.12.24 14:03 كەلۋ قاينارى : حالىق تورابى
ءتىلشى: عالامدىق وزگەرىستەردىڭ عالامات شابىسىنا شارشاماي ىلەسىپ كەلە جاتقان قازاق دەگەن حالىق وزىنە ابايداي الىبىنىڭ تۇرعىسىنان كوز جىبەرىپ وتىر ما؟
تۇرسىن جۇرتباي ۇلى: جالپى جاڭا دا ايتتىم. دانالاردىڭ ويى ول ادامزاتتىڭ اقىل ويى مەن ەرتەڭگى تاعدىرىنىڭ كەلەشەككە تارتىلعان تامىرى، ول ءبىر جەلى ەمەس، ادامنىڭ ساناسىنداعى تۇيسىك تالشىقتارى قانشا بولسا، قانشاما ادام بولسا، ونىڭ جولى دا سونشاما. سوندىقتان دا، ادام كۇردەلى. ەكىنشى، دانالاردىڭ ويى قاۋلى-قارار، تۇزىلگەن باعدارلاما، جاسالعان جوبا ەمەس. دانالاردىڭ ويى ادامنىڭ جان تۇيسىگىن، اقىلىن، جۇرەگىن تەبىرەندىرۋ ءۇشىن، وي سالدىرۋ ءۇشىن ايتىلادى. ەگەر وقىعان جۇرتتى تەبىرەنتسە، ولارعا وي سالسا، ولاردىڭ وزىنە-ءوزى سىن كوزبەن قاراۋىنا، سونداي-اق ودان قورتىندى شىعارۋىنا جول اشسا، بۇل كوركەم شىعارمانىڭ ماقساتىنىڭ دا، دانالاردىڭ ويىنىڭ دا جۇزەگە اسقانى، كوركەم شىعارمانىڭ مىندەتى وسى. سوندىقتان دا، قاي قوعامدا بولسىن دانانىڭ ويى وسى ءۇشىن كەرەك، ۇيتكەنى قوعام ءبىر قالىپتى دامىمايدى. شىركىن اي دەيسىڭ، ءار ادامنىڭ، ءار ۇلتتىڭ، دۇنيە جۇزىندەگى بارشا مەملەكەتتىڭ، بۇكىل ادامزاتتىڭ ماقساتى الەۋمەتتىك تەڭدىكتە، ادىلەتتى جولمەن تەڭ ءومىر سۇرۋدە بولسا-عوي، الايدا، بۇل يدەيالىق قوعام، قيالداعى عاجايىپ دۇنيە. ءبىراق سول قوعامعا ادامزات ۇمتىلىپ كەلەدى، اباي دا ءوزىنىڭ ولەڭدەرى ارقىلى، سول ءوزى ولەڭ جازعان ءتىلدىڭ يەسى بولىپ تابىلاتىن قازاق حالقىن دا جاقسىلىققا، ەرتەڭگى جارقىن ومىرگە، الەۋمەتتىك تەڭدىككە جەتەلەپ كەلەدى. ەندى ونىڭ سوڭىنان ەرۋدىڭ مۇمكىندىگى قانداي، بىلايعى جۇرت ىلەسىپ جاتىر ما، ىلەسپەي جاتىر ما، بۇل مۇلدەم باسقا اڭگىمە دەپ ويلايمىن. ۇيتكەنى، قوعامنىڭ دامۋى ءبىر ۇلتتىڭ جەكە باسىنىڭ ەركىنە، ءبىر ادامنىڭ جەكە قالاۋىنا بايلانىستى ەمەس. قازىرگى جاھانداسۋ زامانىندا، بۇكىل ادامزاتتىڭ تامىر-جۇيكەسىمەن استاسىپ جاتقان ۇعىم. ەڭ باستى كەمشىلىك: ءوز رۋحىنان، ءوز تىلىنەن، ءوز دىلىنەن، ءوز دىنىنەن جەرىنىپ جۇرگەن ساياقتار كوبەيىپ بارادى. سول ساياقتاردىڭ قاسىندا جاس ۇرپاقتار قوسا ىلەسىپ بارادى، وسى وكىنىشتى.
«ۇلىپ جۇرتقا قايتقان وي» دەپ اباي ايتقانداي، ولار دا تۇبىندە ۇلىپ بارىپ، سوزىلىپ بارىپ، ءوزىنىڭ جۇرتىنا قايتادى. ءبىراق ول كەشەگى قازاق، بۇگىنگى قازاق، ابايدىڭ ارمانىنداعى قازاق ەمەس، وزگەشە ۇرپاق، وزگەشە تۇقىم، وزگەشە ورەدەگى قازاق. ول قانداي دەڭگەيدە، قانداي رۋحپەن، قانداي كوزقاراسپەن، قانداي دىلمەن، قانداي تىلمەن، قانداي ماقساتپەن ءوزىنىڭ جۇرتىنا قايىرىلىپ ورالادى، ول ۇلكەن الاڭداتارلىق ماسەلە. ابايدىڭ:
تانىمادىق، جارىمادىق جاقسىعا ءبىر ىرگەلى
قولىنا الىپ، پالە سالىپ، اڭدىعانى ءوز ەلى،-دەگەنىندەي، ءوز ەلىن اڭديتىن ۇرپاق بولا ما، جوق «سەندەرگە بەردىم باتامدى» دەگەنىندەي، جاڭاشىل جاس ۇرپاق بولا ما، بۇل بۇگىنگى قازاق قوعامىنىڭ ۇلكەن الاڭعا تولى ويى دەپ ەسەپتەيمىن.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
